បន្ទាប់ពីរៀបការបានជាង 30 ឆ្នាំ លោក Pep Guardiola និងភរិយា Cristina Serra បានសម្រេចចិត្តចែកផ្លូវគ្នាហើយ។

ការសម្រេចចិត្តនេះត្រូវបានធ្វើឡើងនៅក្នុងខែធ្នូឆ្នាំមុន ហើយប្តីប្រពន្ធពីរនាក់នេះបានប្រកាសពីជម្រើសរបស់ពួកគេ ប៉ុន្តែបានស្នើសុំ រក្សាឯកជនភាព។

Pep Guardiola និង Cristina Serra គឺជាគូស្នេហ៍ដែលមានស្ថេរភាពបំផុតនៅក្នុងពិភពបាល់ទាត់។ ពួកគេបានជួបគ្នានៅឆ្នាំ 1994 នៅពេលដែលអតីតតារា Barcelona រូបនេះមានអាយុ 23 ឆ្នាំ ហើយនាងមានអាយុ 20 ឆ្នាំ។ ពួកគេបានធ្លាក់ក្នុងអន្លង់ស្នេហ៍ ប៉ុន្តែទើបតែរៀបការនៅឆ្នាំ 2014 ដោយបានរៀបចំពិធីមួយនៅ Matadepera (Barcelona)។

ពួកគេមានកូនបីនាក់។ Maria Guardiola អាយុ 24 ឆ្នាំដែលមានអ្នកតាមដានជិតមួយលាននាក់នៅលើ Instagram ។ Marius អាយុ 22 ឆ្នាំ បច្ចុប្បន្នរស់នៅក្នុងទីក្រុងឌូបៃ និងបម្រើការជានាយកប្រតិបត្តិនៃក្រុមហ៊ុនចំនួន 3 ដែលក្រុមហ៊ុនមួយមានជំនាញផ្នែកផ្សាយពាណិជ្ជកម្ម និងទីផ្សារ និង Valentina ដែលអាយុ 17 ឆ្នាំផ្តោតលើការសិក្សារបស់នាង។

យោងតាមការចុះផ្សាយរបស់សារព័ត៌មានអង់គ្លេស BBC បានឱ្យដឹងថា ក្លិប Everton បានឈានដល់កិច្ចព្រមព្រៀង ក្នុងការតែងតាំងលោក David Moyes ជាគ្រូបង្វឹកថ្មីរបស់ពួកគេលើកទី ២ ជាមួយនឹងកិច្ចសន្យារយៈពេល ២ ឆ្នាំកន្លះនៅឯកីទ្បដ្ឋាន Goodison Park ។ បុរសសញ្ជាតិស្កុតឡេនវ័យ ៦១ ឆ្នាំរូបនេះត្រូវមកជំនួសលោក Sean Dyche ដែលក្លិបបានបញ្ចប់តួនាទី កាលពីថ្ងៃ០៩ ខែមករា ឆ្នាំ២០២៥ កន្លងទៅ បន្ទាប់ពីលោកដឹកនាំក្រុមធ្លាក់ដល់លេខរៀងទី ១៦ នៅក្នុងក្របខណ្ឌ English Premier League ដែលនៅគម្លាតពីក្រុមនៅក្រៅតំបន់កាត់ចោលតែ ១ពិន្ទុប៉ុណ្ណោះ ក្រោយឆ្លងកាត់ការប្រកួត ១៩ លើករដូវកាលនេះ។

លោក David Moyes ធ្លាប់កាន់តំណែងជាគ្រូបង្វឹករបស់ក្លិប Everton ចន្លោះពីឆ្នាំ ២០០២ ដល់ ២០១៣ មុនពេលផ្លាស់ទៅ Manchester United, Real Sociedad, Sunderland និង West Ham។ គួរបញ្ជាក់ថា លោក David Moyes បានទំនេរពីការងារ ក្រោយចាកចេញ West Ham United ដែលលោកបានដឹកនាំឈ្នះជើងឯកពានលំដាប់ទី៣ អឺរ៉ុប Europa Conference League កាលឆ្នាំ២០២៣៕

ប្រភព៖ BBC

ការប្រកួតប្រជែងតំណែងជើងឯក នៃក្របខណ្ឌលីគកំពូលកម្ពុជា Cambodia Premier League រដូវកាល ២០២៤-២៥ កាន់តែក្ដៅគគុកហើយ បន្ទាប់ពីក្រុមម្ចាស់ផ្ទះ គឺព្រះខ័នរាជស្វាយរៀង ដណ្តើមបាន៣ពិន្ទុពីបឹងកេត កាលពីយប់មិញ។

ជាការពិតណាស់ នៅក្នុងជំនួបសប្តាហ៍ទី១៧ នៃក្របខណ្ឌលីគកំពូលកម្ពុជា Cambodia Premier League កាលពីយប់មិញ ក្រុមម្ចាស់ផ្ទះ គឺព្រះខ័នរាជស្វាយរៀង បានទទួលជ័យជម្នះទៅលើក្រុមបឹងេកត នៅក្នុងដី ដោយបញ្ចប់លទ្ធផល ២-០ ខណៈដែល ២ គ្រាប់របស់ក្រុមការពារតំណែងជើងឯក ដឹកនាំដោយលោកគ្រូបង្វឹក Pep Munoz រកបានដោយខ្សែបម្រើប្រយុទ្ធ មិន រតនៈ នៅនាទី ៣ និងខ្សែប្រយុទ្ធ Cristian Silveira នៅនាទី​ ៩០+៥ ផងដែរ។

ក្រោយពីទទួលបាន ៣ ពិន្ទុយ៉ាងមានសារសំខាន់នេះ ក្រុមព្រះខ័នរាជស្វាយរៀង បានធ្វើឱ្យការប្រជែងតំណែងជើងឯក នៃក្របខណ្ឌលីគកំពូលកម្ពុជា Cambodia Premier League រដូវកាល ២០២៤-២៥ កាន់តែក្ដៅគគុក ពោលគឺនៅគម្លាតគ្នាត្រឹមតែមួយពិន្ទុប៉ុណ្ណោះ ពីក្រុមឈរនៅកំពូលតារាង (ភ្នំពេញក្រោន) បន្ទាប់ពីពួកគេស្មើគ្នា ០-០ ជាមួយនឹងក្រុមណាហ្គាវើលដ៍ ខណៈដែលម្ចាស់ជើងឯក ៨ សម័យកាល គឺភ្នំពេញក្រោន ទើបតែលេងបាន ១៥ ប្រកួតប៉ុណ្ណោះ។ គួរជម្រាបថា ការប្រកួតសប្តាហ៍ទី ១៨ និង ១៩ នៃក្របខណ្ឌលីគកំពូលកម្ពុជា Cambodia Premier League សម្រាប់ក្រុមភ្នំពេញក្រោន ត្រូវលេងនៅក្រៅដីទាំងពីរជើងនៅថ្ងៃទី ១៨ និង ២៦ ខែមករា ឆ្នាំ២០២៥ ដោយត្រូវប៉ះគ្នាជាមួយនឹង LIFE FC និង ព្រះខ័នរាជស្វាយរៀង៕

លោក Freddy Gonzalez ដែលជានាយក និងជាអ្នកចាត់ការទូទៅក្រុមជម្រើសជាតិហ្វីលីពីន បានបញ្ជាក់យ៉ាងច្បាស់ថា លោកនឹងមិននាំចូល ឬជ្រើសរើសកីឡាករចូលសញ្ជាតិ លើកីឡាករណា ដែលគ្មានជាប់សាច់ឈាម ឬជាប់មរតកហ្វីលីពីនឡើយ ខណៈដែលសហព័ន្ធកីឡាបាល់ទាត់ហ្វីលីពីន (PFF) បានសម្តែងការព្រងើយកន្តើយចំពោះការនាំចូល​កីឡាករចូលសញ្ជាតិ។

លោក Gonzalez បាននិយាយ៖ “ខ្ញុំ​នឹង​មិនរើស​យក​កីឡាករ​ណា​ដែល​មិន​មាន​មរតកឈាម​ហ្វីលីពីន​នោះ​ទេ។ នោះមិនមែនជាអ្វីដែលខ្ញុំចង់ធ្វើនោះទេ”។

«ខ្ញុំជឿថាយើងមានកីឡាករហ្វីលីពីនដែលមានទេពកោសល្យគ្រប់គ្រាន់នៅទីនេះ និងក្រៅប្រទេស ដូច្នេះយើងមិនចាំបាច់ទៅផ្លូវនោះ ហើយព្យាយាមធ្វើឱ្យកីឡាករបរទេសដែលមិនពាក់ព័ន្ធជាមួយប្រទេស និងគ្មានឈាមហ្វីលីពីន ដែលមិនមានទំនាក់ទំនងជាមួយហ្វីលីពីននោះទេ”។

តែម្ដងគត់​ដែល​ហ្វីលីពីន​ដាក់​កីឡាករ​ចូលសញ្ជាតិក្នុង​ការ​ប្រកួត​ក្រុមបុរសគឺនាំចូល ខ្សែ​ប្រយុទ្ធ​អេស្ប៉ាញ Bienvenido Marañón ក្នុង​ឆ្នាំ 2021 ដែល​រក​បាន​បួន​គ្រាប់​ក្នុង​ការ​បង្ហាញ​ខ្លួន 15 លើក។

«ខ្ញុំមិនរិះគន់អ្វីដែលពួកគេបានធ្វើជាមួយ Marañón ទេ។ Marañón គឺជាកីឡាករដ៏អស្ចារ្យម្នាក់។ ខ្ញុំប្រាថ្នាថាយើងនឹងមាននរណាម្នាក់ល្អដូចគាត់។ ប៉ុន្តែវាមិនមែនជាអ្វីដែលខ្ញុំចាប់អារម្មណ៍ក្នុងការធ្វើនោះទេ គឺការទទួលបានកីឡាករអេស្ប៉ាញ ឬនរណាម្នាក់ ហើយធ្វើឱ្យពួកគេក្លាយជាជនជាតិហ្វីលីពីន។ យើង​ចង់​ធ្វើ​វា​ជាមួយ​កីឡាករ​ហ្វីលីពីន កីឡាករ​ហ្វីលីពីនដែលជាប់សាច់ជាប់​ឈាម»។

Gonzalez បានធ្វើការកត់សម្គាល់នេះ ចំពេលមានការពង្រឹងសម្រាប់យុទ្ធនាការបន្ទាប់របស់ក្រុមជម្រើសជាតិ ដែលជាការប្រកួតជុំទី 3 នៃការប្រកួតជម្រុះ Asian Cup Confederation Asian Cup ក្នុងខែមីនា។

Gonzalez បាននិយាយថា ស្នូលនៃក្រុមមកពីយុទ្ធនាការ Mitsubishi Electric Cup នឹងត្រូវបានរក្សាទុកសម្រាប់ Asian Cup ប៉ុន្តែកំពុងរង់ចាំការពង្រឹងបន្ថែម។ ក្នុងអំឡុងការប្រកួត Mitsubishi Cup ក្រុមខ្លាំងក្នុងតំបន់ ថៃ ឥណ្ឌូនេស៊ី និងវៀតណាមបានប្រើ​ប្រាស់កីឡាករចូលសញ្ជាតិ។

ជាមួយនឹងការប្រកួតជម្រុះ Asian Cup ក្រោមប្រតិទិនសហព័ន្ធបាល់ទាត់អន្តរជាតិ (FIFA) Gonzalez ក៏បាននិយាយផងដែរថា ខ្សែប្រយុទ្ធរបស់ក្លិប VfL Bochum កីឡាករ Gerritt Holtmann ត្រូវបានគេរំពឹងថានឹងមាន​វត្តមានសម្រាប់ហ្វីលីពីនម្តងទៀត។

«ពួកគេជាច្រើននឹងនៅតែនៅទីនោះ។ ដូចខ្ញុំនិយាយអញ្ចឹង កីឡាករដែលមានមូលដ្ឋាននៅអាស៊ានដែលមិនត្រូវបានដោះលែងដូចជា Kevin Mendoza, Jeff Tabinas, Manny Ott, Jesse Curran ជាដើម នឹងត្រលប់មកវិញ” ។

“Gerritt Holtman នឹងត្រលប់មកវិញ។ ប៉ុន្តែបន្ទាប់មកយើងនឹងមានកីឡាករបន្ថែមដូចជា Randy Schneider, Cole Mrowka, Josef Baccay និងបងប្អូន Markanich Nick និង Anthony ។

ក្នុង​ពូល A នៃ​ការ​ប្រកួត​ជម្រុះ​ដែល​នឹង​ចាប់​ផ្តើម​នៅ​ថ្ងៃ​ទី 26 ខែ​មីនា ហ្វីលីពីន​នឹង​ប៉ះ​ម៉ាល់ឌីវ តាជីគីស្ថាន និង​ទីម័រ​ខាង​កើត។ មានតែក្រុមកំពូលៗក្នុងពូលនីមួយៗប៉ុណ្ណោះដែលនឹងទទួលបានកៅអីមួយក្នុងព្រឹត្តិការណ៍ Asian Cup ឆ្នាំ 2027 ដែលនឹងធ្វើឡើងនៅប្រទេសអារ៉ាប៊ីសាអូឌីត។

ប្រសិនបើហ្វីលីពីនមានលក្ខណៈសម្បត្តិគ្រប់គ្រាន់ នេះនឹងក្លាយជាលើកទីពីររបស់ខ្លួនក្នុងការប្រកួត Asian Cup បន្ទាប់ពីឆ្នាំ 2019 នៅពេលដែល Phil Younghusband, Stephan Shrock និង Neil Etheridge ដែល​ស្ថងិតក្រោម​ការ​ដឹកនាំរបស់​លោក Sven-Goran Eriksson ជាគ្រូបង្វឹក។

Gonzalez ក៏គ្រោងនឹងរៀបចំការប្រកួតមិត្តភាព GoTyme Cup នៅខែកញ្ញា ដើម្បីជួយរក្សាជម្រើសជាតិសម្រាប់យុទ្ធនាការរបស់ខ្លួនក្នុង Asian Cup ផងដែរ។

«ខ្ញុំ​មិន​ទាន់​អាច​បញ្ជាក់​ពី​ក្រុម​ទាំង​ពីរ​នៅ​ឡើយ​ទេ ព្រោះ​យើង​នៅ​តែ​ទទួល​ពួក​គេ។ ប៉ុន្តែ​ខ្ញុំ​អាច​បញ្ជាក់​បាន​ថា ការ​ប្រកួតមាន​មូលដ្ឋាន​ហ្វីលីពីន។ លោក Gonzalez បាននិយាយថា អាហ្រ្វិកខាងត្បូងនឹងក្លាយជាប្រទេសមួយក្នុងចំណោមប្រទេសឹ​ដែល​ចូលរួម​ប្រកួតពាន​មិត្តភាពមួយនេះផងដែរ»។

សម្រាប់ឆ្នាំ ២០២៥ តារាឆ្នើមអាហ្សង់ទីន Lionel Messi កំពុងសម្លឹងទៅរកពានរង្វាន់សក្តានុពលចំនួន ៥  ដែលអាចធ្វីឱ្យរូបគេក្លាយ​ជា​កីឡាករ​ដំបូង​គេ​ដែល​អាច​ឈ្នះ​ពាន​ចំនួន ៥០ ទាំងកម្រិត0ក្លិបនិងអន្តរជាតិ។

កីឡាករដែលកើតនៅក្នុងទីក្រុង Rosario ឥឡូវនេះបានឈ្នះពានរង្វាន់មិនគួរឱ្យជឿចំនួន ៤៥ រួចហើយ ក្នុងអាជីពរបស់រូបគេជាមួយក្លិបផ្សេងៗដូចជាៈ Barcelona, ​​PSG និង Inter Miami រួមជាមួយនឹងពានរង្វាន់របស់គាត់ជាមួយក្រុមជម្រើសជាតិអាហ្សង់ទីន។ ចំនួនសរុបនេះមិនគិតពីរង្វាន់បុគ្គលសំខាន់ៗរបស់គាត់ទេ។ Inter Miami កំពុងរៀបចំមុនយុទ្ធនាការ MLS ថ្មីហើយ ប្រសិនបើគេអាចដណ្តើមយកពានរង្វាន់ទាំងអស់ដែលមានក្នុងឆ្នាំប្រតិទិនប្រកួតឆ្នាំនេះ Messi អាចឈានដល់ពានរង្វាន់៥០ ដ៏អស្ចារ្យ។ ពានរង្វាន់ទាំង ៥ ដែលក្លិប Inter Miami ត្រូវដណ្តីមយកក្នុងរដូវកាល ២០២៥ រួមមាន៖ ពាន MLS, Leagues Cup, FIFA Club World Cup និង Concacaf Champions Cup ។

អាហ្សង់ទីន​នឹង​ត្រូវ​ប្រកួត​ជាមួយ​អេស្ប៉ាញ​ក្នុង​វគ្គ​ផ្តាច់ព្រ័ត្រ ប៉ុន្តែ​ការប្រកួតនេះ​មិន​ទាន់​បានបញ្ជាក់​កាលបរិច្ឆេទ​នៅឡើយទេ ហើយ​វា​អាច​នឹង​មាន​ហានិភ័យ​ដែល​អាច​នឹង​លេង​នៅ​ឆ្នាំ ២០២៦។ ការឈ្នះពានចំនួនប្រាំនៅឆ្នាំ២០២៥ គឺជាការប្រកួតប្រជែងដែលមានមហិច្ឆតាខ្ពស់ និងជាសមិទ្ធិផល របស់គាត់ជាមួយ Inter Miami ដែលគាត់ទើបតែបានឈ្នះពានពីរប៉ុណ្ណោះគឺ Leagues Cup ឆ្នាំ 2023 និង 2024 Supporters’ Shield ។ Inter Miami ចាប់ផ្តើមរដូវកាល MLS របស់ពួកគេក្នុងខែកុម្ភៈ ហើយត្រូវជួបជាមួយក្លឹបយក្សម៉ិកស៊ិក Club America នៅសប្តាហ៍ក្រោយ ជាការប្រកួតមិត្តភាពមុនបើករដូវកាល៕

គិតត្រឹមសប្តាហ៍ទី១៦ ខ្សែប្រយុទ្ធ សៀង ចន្ធា របស់ក្លិបនាគខៀវបឹងកេត បានឈរឈ្មោះជាកីទ្បាករខ្មែររកគ្រាប់បាល់ច្រើនជាងគេនៅក្នុងក្របខណ្ឌ Cambodia Premier League រដូវកាល ២០២៤-២៥។ សៀង ចន្ធា ដែលមានវ័យ ២២ ឆ្នាំខាងលើនេះបានឆ្លងកាត់ប៉ុន្មានប្រកួតខាងលើនេះនៅក្នុងក្របខណ្ឌ Cambodia Premier League រូបគេបានក្លាយជាកីទ្បាករខ្មែរទី ១ ដែលអាចរកគ្រាប់បាល់រហូតដល់ ៨ គ្រាប់ គិតត្រឹមសប្តាហ៍ទី ១៦។

ចន្ធា នៅតែបន្តឈរឈ្មោះក្នុងតារាង Top Scorers កំពូលអ្នកស៊ុតបញ្ចូលទីបានច្រើនជាងគេ ក្នុងចំណាមកីឡាករ ៦ នាក់ផ្សេងទៀត ដែលអាចរកគ្រាប់បាល់ចាប់ពី ៤ គ្រាប់ទ្បើងទៅមកពីក្លិបផ្សេងគ្នាទាំង ១១ ក្នុងលីគកំពូលកម្ពុជារួមមាន៖

សូមបញ្ជាក់ថា ក្រោយពីយកឈ្នះលើក្រុម Life FC ក្នុងលទ្ធផល ១-៤ ក្លិបបឹងកេត ដែលស្ថិតនៅក្រោមការចង្អុលបង្ហាញរបស់គ្រូបង្វឹកលោក Conor Nestor បានឈរនៅលេខរៀងទី ៥ ដោយមាន ២៣ ពិន្ទុក្នុងដៃ កំពុងតែប្រដេញតាមពីក្រោមក្រុមចំណាត់ថ្នាក់លេខ ៤ គឺអង្គរថាយហ្គឺរ តែ ៦ ពិន្ទុប៉ុណ្ណោះ ខណៈដែលនៅថ្ងៃអាទិត្យនេះពួកគេក៏នឹងធ្វើដំណើរទៅកាន់ខេត្តស្វាយរៀងផងដែរ ដើម្បីធ្វើការប្រកួតប្រកួតប្រជែងជាមួយនឹងក្រុមព្រះខ័នរាជស្វាយ សម្រាប់ការប្រកួតសប្តាហ៍ទី ១៧ នៃក្របខណ្ឌលីគកំពូលកម្ពុជា Cambodia Premier League រដូវកាល ២០២៤-២៥៕

ខ្សែប្រយុទ្ធ Neymar Jr បានប្រកាសថាការប្រកួត World Cup ឆ្នាំ ២០២៦ នឹងក្លាយជាការប្រកួតចុងក្រោយរបស់រូបគេ។ ថ្លៃងប្រាប់បណ្តាញសារព័តំមាន CNA កាលពីថ្ងៃទី០៩ ខែមករា ឆ្នាំ២០២៤ កន្លងទៅ កីទ្បាករប្រេស៊ីលវ័យ ៣២ ឆ្នាំរូបនេះបាននិយាយថា ២០២៦ វានឹងក្លាយជាការប្រកួតបាល់ទាត់ពិភពលោកចុងក្រោយរបស់ខ្ញុំ ។ ការស៊ុតបាល់ចុងក្រោយនិងជាឱកាសចុងក្រោយរបស់ខ្ញុំ ហើយខ្ញុំនឹងធ្វើអ្វីគ្រប់យ៉ាងដែលខ្ញុំអាចធ្វើបានដើម្បីប្រទេសប្រេស៊ីល។ Neymar មិនលេងឱ្យប្រេស៊ីលក្នុងរយៈពេលជាងមួយឆ្នាំហើយ។

នៅក្នុងបទសម្ភាសន៍នោះដែលរូបគេក៏មិនបានបដិសេធការជួបជុំជាមួយអតីតមិត្តរួមក្រុម Barcelona  ខ្សែប្រយុទ្ធ Lionel Messi និង Luis Suarez នៅក្លិបបាល់ទាល់ Inter Miami នោះទេ។ Neymar បាន​និយាយ​ក្នុង​ពិធី​ប្រគល់​រង្វាន់​ក្នុង​ទីក្រុង​ឌូបៃ​ថា ច្បាស់​ណាស់ ការ​លេង​ម្ដង​ទៀត​ជាមួយ Messi និង Suarez វានឹង​ជា​រឿង​មិន​គួរ​ឱ្យជឿ។ ប្រេស៊ីលបានជួបការលំបាកក្នុងការប្រកួតជម្រុះ World Cup នៅអាមេរិកខាងត្បូង។ Neymar បច្ចុប្បន្នកំពុងលេងជាមួយក្រុម Al Hilal របស់លីគបាល់ទាតត់អារ៉ាប៊ីសាអ៊ូឌីត Saudi Pro League ប៉ុន្តែបានរងរបួសរយៈពេលយូរនៅក្រៅផ្ទះដោយសារតែរបួសម្តងទៀត។

Neymar បានចាប់ផ្តើមការប្រកួតជម្រុះបួនលើកដំបូងរបស់ប្រេស៊ីល ប៉ុន្តែបានរងរបួសនៅតង់ទីមួយ ខណៈដែលពួកគេបានចាញ់ក្រុមអ៊ុយរូហ្គាយក្នុងខែតុលា ឆ្នាំ២០២៣។ បន្ទាប់ពីការវះកាត់ជង្គង់រូបគេបានសម្រាកមួយឆ្នាំ។ ក្រោយពីឆ្លងកាត់ជម្រុះ១២ប្រកួតក្នុងការប្រកួតសរុប​១៨ កន្លងមក ប្រេស៊ីលស្ថិតនៅលំដាប់ទី ៥ ក្នុងតារាងមាន ១៨ពិន្ទុ (ឈ្នះ៥ ស្មើ៣ និងចាញ់៤)៕

ក្លិបអធិរាជ-ស Real Madrid បានទ្បើងទៅវគ្គផ្តាច់ព្រ័ត្រ នៃពានរង្វាន់លំដាប់ទី៣ របស់ប្រទេសអេស្ប៉ាញ Spanish Super Cup បន្ទាប់ពីយកឈ្នះលើ Mallorca នៅឯកីទ្បដ្ឋានKing Abdullah Sports City របស់ប្រទេសអារ៉ាប៊ីសាអូឌីត កាលពីយប់មិញ។ គ្រាប់បាល់ជ័យជម្នះលើក្រុម Mallorca របស់ Real Madrid រកបានដោយខ្សែបម្រើ Jude Bellingham នៅនាទី ៦៣ ក៏ដូចជាបាល់ Own Goal ដោយខ្លួនឯងរបស់ខ្សែការពារ Martin Valjent នៅនាទី​ ៩០+២ និងខ្សែប្រយុទ្ធ Rodrygo ធ្វើបាននៅនាទី ៩០+៥។

លទ្ធផលបែបនេះធ្វើឱ្យក្រុម Real Madrid ត្រូវប៉ះគ្នាជាមួយនឹងក្លិប FC Barcelona នៅវគ្គផ្តាច់ព្រ័ត្រនៃពានរង្វាន់ Spanish Super Cup បន្ទាប់ក្លិបយក្សអេស្ប៉ាញមួយនេះបានទម្លាក់ក្រុម Athletic Bilbao នៅវគ្គ Semi-Final ក្នុងលទ្ធផល ២-០ កាលពីថ្ងៃទី០៩ ខែមករា ឆ្នាំ២០២៥។  ក្លិប FC Barcelona ធ្លាប់បានគ្រងជើងឯកពានរង្វាន់ Spanish Super Cup ចំនួន១៤សម័យកាល និងបាននាំមុខក្រុមម្ចាស់ជើងឯក UEFA Champions League ១៥ សម័យកាល Real Madrid ដែលបានលើកពានរង្វាន់មួយនេះ ១៣ ដង។

ខ្សែប្រយុទ្ធ Amad Diallo បានចុះកុងត្រាថ្មីជាមួយនឹងក្លិប Manchester United រយៈពេល ៥ ឆ្នាំកន្លះ ពោលគឺកិច្ចសន្យារបស់គេមានសុពភាពរហូតដល់ឆ្នាំ ២០៣០ ឯណោះ។ តាមពិតទៅកិច្ចព្រមព្រៀងពីមុនរបស់កីឡាករវ័យ ២២ ឆ្នាំរូបនេះនឹងត្រូវផុតកំណត់នៅចុងបញ្ចប់នៃរដូវកាលនេះ ទោះបីជាក្លិបមានជម្រើសក្នុងបន្តរយៈពេល ១២ ខែក៏ដោយ ប៉ុន្តែ United បានផ្តល់នូវលក្ខខណ្ឌថ្មីទៅឱ្យកីឡាករអន្តរជាតិកូតឌីវ័រ ដែលរកបាន ៦ គ្រាប់ក្នុងការបង្ហាញខ្លួន ២៧ ដងក្នុងរដូវកាលនេះ។ Amad Diallo បានចូលរួមជាមួយនឹងក្លិប Manchester United ក្នុងឆ្នាំ ២០២១ ផ្ទេរពីក្លិបនៅអ៊ីតាលី​គឺ Atalanta និងរកបាន ៩ គ្រាប់ក្នុងការបង្ហាញខ្លួនចំនួន ៥០ ដងឱ្យក្រុម៕

ប្រភព៖ BBC