អ្នក​គាំទ្រ​សិង្ហបុរី​បាន​សម្ដែង​ការ​ព្រួយ​បារម្ភ ​មុន​ការ​ប្រកួត​ជាមួយ​ម៉ាឡេស៊ី​ក្នុង​ការ​ប្រកួត​ចុង​ក្រោយ​ក្នុង​ពូល A នៃ​ពាន​រង្វាន់ Mitsubishi Electric ASEAN Cup ឆ្នាំ​២០២៤ នៅ​ថ្ងៃ​ទី ២០ ខែ​ធ្នូ។

អ្នក​គាំទ្រ​ម្នាក់​ក្នុង​គេហទំព័រ X មាន​ការ​ព្រួយ​បារម្ភ ​បន្ទាប់​ពី​វីដេអូ​មួយ​បានផ្ទុះ​នៅ​លើ​បណ្ដាញសង្គម ​បង្ហាញ​កីឡាករ​ម្នាក់​គឺ Sergio Aguero ដែល​បាន​និយាយ​ពាក្យ​លើក​ទឹក​ចិត្ត​ដល់​មិត្ត​រួម​ក្រុមជម្រើសជាតិម៉ាឡេស៊ី។

វីដេអូនេះត្រូវបានបង្ហោះដោយសមាគមបាល់ទាត់ម៉ាឡេស៊ី (FAM) អំឡុងពេលប្រកួតជាមួយថៃ ដែលក្រុម Harimau Malaya បានចាញ់ 1-0 ដោយសារគ្រាប់បាល់តែមួយគត់របស់ Patrik Gustavsson នៅតង់ទីពីរ។

We are so cooked https://t.co/vOdiHpdzVG

— ian 🇸🇬 (@lfc1an) December 15, 2024

ក្រុមរបស់លោក Pau Marti Vicente ត្រូវតែឈ្នះជាមួយសិង្ហបុរីជាចាំបាច់ ក្នុងការប្រកួតវគ្គចែកពូលចុងក្រោយ ប្រសិនបើពួកគេចង់ឡើងទៅកាន់វគ្គពាក់កណ្តាលផ្តាច់ព្រ័ត្រ។

ទោះជាយ៉ាងណាក៏ដោយ ការធ្វើដំណើររបស់ម៉ាឡេស៊ីមិនងាយស្រួលនោះទេ ដោយពួកគេសង្ឃឹមថា ថៃនឹងអាចយកឈ្នះកម្ពុជា ដើម្បីទុកផ្លូវឱ្យសិង្ហបុរីមានឱកាស​អ៊ុត​នាពេលចុងក្រោយ។

បុគ្គល​ម្នាក់ជាជនជាតិម៉ាឡេស៊ី​ត្រូវ​បាន​អាជ្ញាធរចាប់​ខ្លួន ​បន្ទាប់​ពី​រង​ការ​ចោទ​ប្រកាន់​ពី​បទ​សម្លាប់​ស្ត្រី​ម្នាក់ ​ដែលសាកសព​ត្រូវ​បាន​គេ​រក​ឃើញ​ថា​​នៅតំបន់ Tabuan Jaya រដ្ឋ Sarawak កាល​ពី​សប្តាហ៍​មុន។

ជនសង្ស័យវ័យ ២៣ឆ្នាំរូបនេះ ត្រូវបានគេជឿថា ត្រូវការលុយដើម្បីទស្សនាការប្រកួត របស់​ក្រុមខ្លាម៉ាឡាយូ ទល់នឹងកម្ពុជា ក្នុងការប្រកួតក្នុងពូល A ពានរង្វាន់ ASEAN Mitsubishi Electric Cup (AMEC) 2024 នៅរាជធានីភ្នំពេញ កាលពីថ្ងៃទី ៨ ខែធ្នូ កន្លងទៅ។ ជនសង្ស័យបានយកគ្រឿងអលង្ការ រួមទាំងខ្សែដៃ និងក្រវិល ដែលជារបស់ជនរងគ្រោះ ទៅបញ្ចាំក្នុងគោលបំណងប្រើប្រាស់ដូចជាធ្វើ​ដំណើ​ទៅកម្ពុជា​និង​ទិញសំបុត្រទស្សនាការ​ប្រកួត។

ក្នុងការ​ប្រកួតនោះ កម្ពុជានិង​ម៉ាឡេស៊ី​បាន​ត្រឹម​ចែកគ្នាម្នាក់មួយពិន្ទុប៉ុណ្ណោះ ​បន្ទាប់​ពី​ស្មើ ២-២ ដោយ​គ្រាប់​បាល់​របស់​ម៉ាឡេស៊ី​រក​បានដោយ​កីឡាករ Stuart Wilkin និង Fergus Tierney ហើយ២ គ្រាប់​របស់កម្ពុជា​រក​បាន​ដោយ​ Abdel Kader និង​ សារ ទី។

“ក្រុមទាំងអស់នៅក្នុងក្រុមរបស់យើងសុទ្ធតែខ្លាំង រួមទាំងកម្ពុជាផងដែរ ដែលបានបន្ថែមកីឡាករចូលសញ្ជាតិមួយចំនួនទៅក្នុងក្រុមរបស់ពួកគេ»។ នេះជាសម្ដី​របស់​គ្រូបង្វឹកជម្រើសជាតិ​សិង្ហបុរី​លោក Tsutomu Ogura និយាយក្នុងសន្និសីទកាសែតមុន​ការ​ប្រកួតយប់នេះ។

លោកបាន​បន្ត​ថា៖ «ខ្ញុំបានមើលការប្រកួតមួយចំនួនរបស់ពួកគេ ហើយដឹងថាវានឹងក្លាយជាការប្រកួតដំបូងដ៏ស្វិតស្វាញ ប៉ុន្តែយើងនឹងប្រឹងប្រែងឱ្យអស់ពីសមត្ថភាពដើម្បីឈ្នះរាល់ការប្រកួត ជាពិសេសប្រសិនបើវានៅក្នុងផ្ទះរបស់​ពួកយើង»។

“ពួកយើងបានរៀបចំសម្រាប់ការប្រកួតនេះក្នុងរយៈពេលប៉ុន្មានខែកន្លងមក ហើយខ្ញុំចង់ឱ្យកីឡាកររបស់ខ្ញុំបង្ហាញសមត្ថភាពរបស់ពួកគេនៅលើទីលាននៅថ្ងៃស្អែក។ វាជារឿងសំខាន់សម្រាប់ពួកយើងក្នុងការលេងស្ទីលបាល់ទាត់ដែលជាប់លាប់ពេញមួយការប្រកួតដោយមិនគិតពីគូប្រកួតខ្លាំងឬខ្សោយ”។

គ្រូបង្វឹកក្រុមបុរសជម្រើសជាតិសិង្ហបុរី លោក Tsutomu Ogura ដឹងថាការទទួលបានជ័យជម្នះក្នុងការប្រកួត​បើកឆាកពូល A របស់ពួកគេ នឹងធ្វើឱ្យមានចំណុចសំខាន់មួយនៅក្នុងយុទ្ធនាការ ASEAN Mitsubishi Electric Cup ឆ្នាំ 2024 របស់ពួកគេ។

ក្រុមរបស់លោកត្រូវជួបប្រកួតជាមួយក្រុមកម្ពុជា នៅពហុកីឡដ្ឋានជាតិ នាថ្ងៃពុធ ទី១១ ខែធ្នូ វេលាម៉ោង ៧យប់ ។ ក្រុមតោកំណាចនឹងតតាំងជាមួយទីម័រខាងកើត, គូប្រជែង ម៉ាឡេស៊ី និងការពារជើងឯកថៃ។

លោក Pau Marti Vicente គ្រូបង្វឹកក្រុមធំរបស់ប្រទេសម៉ាឡេស៊ីបានសារភាពថាលោកមានការរំខានចំពោះវត្តមានរបស់យន្តហោះគ្មានមនុស្សបើក (Drones)អំឡុងពេលហ្វឹកហាត់របស់ក្រុមកាលពីម្សិលមិញ។

Drone នេះ​ត្រូវ​បាន​គេ​ប្រទះ​ឃើញ​ខណៈ​ក្រុមជម្រើសជាតិម៉ាឡេស៊ីកំពុង​ហ្វឹកហាត់​ស្ដាតចាស់ ក្នុង​រាជធានី​ភ្នំពេញ។ ការ​ហ្វឹកហាត់​នេះ ជាផ្នែកមួយនៃការត្រៀមខ្លួនរបស់ម៉ាឡេស៊ីសម្រាប់ការប្រកួតក្នុងពូល A ដំបូងនៃពានរង្វាន់ Mitsubishi Electric ASEAN Cup (PMEA) ឆ្នាំ 2024 ទល់នឹងកម្ពុជា។

នៅពេលដឹងអំពីវត្តមានរបស់យន្តហោះគ្មានមនុស្សបើក បុគ្គលិកគ្រូបង្វឹករបស់ជម្រើសជាតិម៉ាឡេស៊ី ត្រូវធានាថា ដ្រូន​ត្រូវតែ​បាត់​វត្តមានពី​ជុំវិញ​កីឡដ្ឋាន មុនពេលពួកគេអាចបន្តហ្វឹកហាត់​បាន។

ទោះបីជាមានការរំខានដោយឧប្បត្តិហេតុនេះក៏ដោយ Pau Marti ជឿជាក់ថាវាបានធ្វើឱ្យកីឡាករ កាន់តែផ្តោតអារម្មណ៍មុនពេលការប្រកួតដំបូងក្នុងពូល A ។

“ពិតណាស់ យើងមាន​ការរំខានដោយសារយន្តហោះគ្មានមនុស្សបើក មុនពេលហ្វឹហាត់។ យើងគ្រាន់តែត្រូវប្រាកដថា យន្តហោះគ្មានមនុស្សបើកបានចាកចេញពីទីនោះ។ វាអាចជាការចៃដន្យ ឬអត់ ខ្ញុំមិនដឹងទេ»។

គាត់បាននិយាយនៅក្នុងសន្និសីទសារព័ត៌មានមុនការប្រកួតថា៖ «សម្រាប់ខ្ញុំ វាប្រហែលជាមិនមែនមកពីពួកគេទេ។ វាអាចជាអ្វីមួយដោយចៃដន្យ ប៉ុន្តែយើងបន្តការហ្វឹកហាត់របស់យើង ព្រោះអ្វីដែលសំខាន់បំផុតគឺអ្វីដែលយើងធ្វើ និងមិនមែនជាអ្វីដែលគូប្រកួតធ្វើថ្ងៃនេះ»។

ម៉ាឡេស៊ី​សង្ឃឹម​បន្ត​កំណត់ត្រា​ឈ្នះ​របស់​ខ្លួន​ទល់​នឹង​កម្ពុជា​នៅ​ថ្ងៃ​ទី​៨ ខែ​ធ្នូស្អែកនេះ។

គ្រូបង្វឹកវ័យក្មេងវ័យ 44 ឆ្នាំរូបនេះបានដឹកនាំក្រុមខ្លាម៉ាឡេតាំងពីខែសីហាឆ្នាំមុន ហើយនឹងទទួលភារកិច្ចចុងក្រោយរបស់គាត់សម្រាប់យុទ្ធនាការ ASEAN Cup នៅចុងឆ្នាំនេះ។

លោក​បាន​និយាយថា៖ «ខ្ញុំ​សូម​ជម្រាប​ជូន​លោក​អ្នក​ថា Mitsubishi Electric ASEAN Cup ឆ្នាំ​២០២៤ នឹង​ក្លាយ​ជា​ការ​ដឹកនាំ​ចុង​ក្រោយ​របស់​ខ្ញុំ​ក្នុង​នាម​ជា​គ្រូ​បង្វឹក​ក្រុម Harimau Malaya»។

“ការសម្រេចចិត្តនេះត្រូវបានធ្វើឡើង បន្ទាប់ពីការទំនាក់ទំនងជាមួយសមាគមបាល់ទាត់នៃប្រទេសម៉ាឡេស៊ី (FAM) ទាក់ទងនឹងការរៀបចំរចនាសម្ព័ន្ធឡើងវិញនៃការគ្រប់គ្រងក្រុមជម្រើសជាតិ»។

ការ​រៀបចំ​រចនាសម្ព័ន្ធ​ថ្មីនេះ ​នឹង​ធ្វើឱ្យគាត់​និង​ក្រុមគ្រូជំនួយរបស់​លោក​ចេញ​ពី​ក្រុម​ជម្រើស​ជាតិ​នៅ​ចុង​ឆ្នាំ​នេះ។

លោកបានពន្យល់នៅក្នុងសេចក្តីថ្លែងការណ៍មួយថា៖ «ជាផ្នែកមួយនៃការរៀបចំរចនាសម្ព័ន្ធនេះ អ្នកចាត់​ការ និងគ្រូបង្វឹកថ្មីនឹងត្រូវបានតែងតាំងសម្រាប់យុទ្ធនាការជម្រុះ Asian Cup ឆ្នាំ 2027 ដែលចាប់ផ្តើមនៅឆ្នាំក្រោយ” ។

លោកបានបន្ថែមថា៖ “បន្ទាប់ពីនោះ ខ្ញុំ និងបុគ្គលិកគ្រូបង្វឹកនឹងបញ្ចប់សេវាកម្មរបស់យើងជាមួយក្រុម Harimau Malaya នៅចុងបញ្ចប់នៃយុទ្ធនាការ Mitsubishi Electric ASEAN Cup ផង​ដែរ” ។

ក្នុងចំណោមសមិទ្ធផលដ៏ល្អបំផុតរបស់គាត់គឺការជួយ Harimau Malaya ឈ្នះពានរង្វាន់ Merdeka Football Festival ឆ្នាំ 2024 បន្ទាប់ពីយកឈ្នះលីបង់ 1-0 ។

ម៉ាឡេស៊ី​នឹង​ប្រកួតបើកឆាកទល់នឹងកម្ពុជានៅថ្ងៃទី ៨ ខែធ្នូ នៅរាជធានីភ្នំពេញ​ក្នុងពាន​រង្វាន់ Mitsubishi Electric ASEAN Cup ថ្ងៃស្អែកនេះ ។

អ្នកគាំទ្រក្រុមកាំភ្លើងធំ Arsenal ម្នាក់ត្រូវបានបាញ់សម្លាប់យ៉ាងសោកនាដកម្ម ខណៈពេលដែលគាត់កំពុងអបអរការទទួលជ័យជម្នះ 2-0 លើក្រុម Manchester United ក្នុងការប្រកួតក្របខ័ណ្ឌ Premier League កាលពីថ្ងៃទី 4 ខែធ្នូ។

ឧប្បត្តិហេតុនេះបានកើតឡើងនៅក្នុងទីក្រុង Lukaya ប្រទេស Uganda ចម្ងាយប្រហែល 100 គីឡូម៉ែត្រពីទីក្រុង Kampala នៅឯកន្លែងកម្សាន្តមួយ។ BBC រាយការណ៍ថា ភោជនីយដ្ឋានដែលមានហ្វូងអ្នកគាំទ្រដ៏ច្រើនកុះករបានប្រមូលផ្តុំគ្នា។

ការបាញ់ប្រហារបានកើតឡើងនៅចុងបញ្ចប់នៃការប្រកួត នៅពេលដែលភាពតានតឹងបានផ្ទុះឡើងដោយសារសំលេងរំខានដែលធ្វើឡើងដោយអ្នកគាំទ្រ។ អ្នក​កាសែត​ក្នុង​ស្រុក​ម្នាក់​បាន​រាយការណ៍​ថា អ្នក​គ្រប់​គ្រង​ភោជនីយដ្ឋាន​មាន​ការ​ខក​ចិត្ត​នឹង​ការ​អបអរការ​ប្រកួត​នេះ ហើយ​បាន​ណែនាំ​សន្តិសុខ​ឲ្យ​ជួយ​អន្តរាគមន៍។ នៅពេលដែលអ្នកគាំទ្រមិនអើពើនឹងការព្រមានឱ្យស្ងប់ស្ងាត់ អ្នកគ្រប់គ្រងបានចោទប្រកាន់ថាបានបិទភ្លើងនៅក្នុងភោជនីយដ្ឋាន ដែលធ្វើឲ្យស្ថានការណ៍ក្ដៅកាន់តែកើនឡើង។

សាក្សី​បាន​អះអាង​ថា ជា​ការ​ឆ្លើយ​តប ឆ្មាំ​បាន​បើក​ការ​បាញ់​ប្រហារ​ទៅ​លើ​បុរស​វ័យ ៣០ ឆ្នាំ John Ssenyonga ដែល​ត្រូវ​បាន​គេ​ប្រកាស​ថា​ស្លាប់​នៅ​កន្លែង​កើត​ហេតុ។ អ្នកគាំទ្រម្នាក់ទៀតឈ្មោះ Lawrence Mugejera បានរងរបួស ហើយត្រូវបានបញ្ជូនទៅមន្ទីរពេទ្យដើម្បីព្យាបាល។

បច្ចុប្បន្ន ទាំងសន្តិសុខ និងអ្នកគ្រប់គ្រងភោជនីយដ្ឋាន កំពុងរត់គេចខ្លួន ដោយប៉ូលិសកំពុងស្វែងរកយ៉ាងសកម្ម។

ដើម្បីឆ្លើយតបទៅនឹងការព្រួយបារម្ភទាក់ទងនឹងគុណភាពទីលាននៅកីឡដ្ឋាន Gelora Bung Karno អំឡុងពេលការប្រកួតជម្រុះ AFC Asian Qualifiers របស់ឥណ្ឌូនេស៊ីសម្រាប់ការប្រកួត FIFA World Cup 2026™ ជាមួយជប៉ុន និងអារ៉ាប៊ីសាអូឌីត ប្រតិបត្តិករកីឡដ្ឋាន Gelora Bung Karno Complex Management Center (PPKGBK) បានជូនដំណឹងដល់ សមាគមកីឡាបាល់ទាត់ឥណ្ឌូនេស៊ី (PSSI) ដោយតម្រូវឱ្យមានការជួសជុលជាបន្ទាន់ និងចំណាយ​រយៈពេល​យូរ។

កីឡដ្ឋាន Gelora Bung Karno

ដូច្នេះហើយ កីឡដ្ឋាន Gelora Bung Karno នឹងមិនអាចធ្វើ​ជា​កន្លែងសម្រាប់ការប្រកួត ASEAN Mitsubishi Electric Cup™ 2024 នាពេលខាងមុខទេ។

បន្ទាប់ពីការត្រួតពិនិត្យ និងពិគ្រោះយោបល់ជាមួយអាជ្ញាធរមូលដ្ឋាន និង PSSI គណៈកម្មាធិការប្រកួតប្រជែងរបស់ AFF បានអនុម័តកីឡដ្ឋាន Manahan ក្នុងទីក្រុង Surakarta ជាកន្លែងថ្មីសម្រាប់ការប្រកួតក្នុងផ្ទះតាមពូលរបស់ប្រទេសឥណ្ឌូនេស៊ី។

កីឡដ្ឋាន Manahan ដែលបានទទួលជោគជ័យក្នុងការរៀបចំការប្រកួត FIFA U-17 World Cup Indonesia 2023™ Final កាលពីឆ្នាំមុន ផ្តល់នូវកន្លែងលំដាប់ពិភពលោកដែលសាកសមសម្រាប់ការប្រកួតហើយ។

កីឡដ្ឋាន Manahan ក្នុងទីក្រុង Surakarta ជាកន្លែងថ្មីសម្រាប់ការប្រកួតក្នុងផ្ទះតាមពូលរបស់ប្រទេសឥណ្ឌូនេស៊ី

នាយឧត្តមសេនីយ៍ ខៀវ សាម៉េត ប្រធាន AFF មានមតិថា៖ “សុវត្ថិភាព និងសុខុមាលភាពរបស់កីឡាករគឺមានសារៈសំខាន់បំផុតសម្រាប់ AFF និងសមាគមសមាជិករបស់យើង។ បន្ទាប់ពីការពិចារណាយ៉ាងម៉ត់ចត់ និងការពិភាក្សាយ៉ាងទូលំទូលាយជាមួយភាគីពាក់ព័ន្ធទាំងអស់ ការសម្រេចចិត្តផ្លាស់ប្តូរទីតាំងផ្ទះរបស់ប្រទេសឥណ្ឌូនេស៊ីត្រូវបានធ្វើឡើង ដើម្បីធានាបាននូវកន្លែងលេងប្រកបដោយសុវត្ថិភាព និងគុណភាពខ្ពស់សម្រាប់អ្នកចូលរួមទាំងអស់។

“ជាមួយនឹងកំណត់ត្រានៃការធ្វើម្ចាស់ផ្ទះព្រឹត្តិការណ៍អន្តរជាតិដ៏សំខាន់ដូចជា FIFA U-17 World Cup Indonesia 2023™ កីឡដ្ឋាន Manahan គឺជាជម្រើសដ៏ល្អសម្រាប់ការប្រកួត ASEAN Mitsubishi Electric Cup™ 2024″។

ទីកន្លែងសម្រាប់ការប្រកួតវគ្គជម្រុះតាមពូលដ៏មានសក្តានុពលរបស់ប្រទេសឥណ្ឌូនេស៊ីនឹងត្រូវបានកំណត់ និងប្រកាសនៅពេលក្រោយ ប្រសិនបើក្រុមឈានទៅហួសពីវគ្គចែកពូល។

ក្រុមជម្រើសជាតិ​នារីកម្ពុជាឡើងវគ្គផ្ដាច់ព្រ័ត្រពាន​រង្វាន់ AFF Women’s Cup 2024 ហើយ​បន្ទាប់​ពី​យក​ឈ្នះក្រុមជម្រើសជាតិ​នារីទីម័រខាងកើតក្នុង​លទ្ធផល ៣ទល់០។

គ្រាប់​បាល់​របស់​ក្រុមនារីកម្ពុជា​រក​បាន​ដោយខ្សែប្រយុទ្ធភ្នំពេញក្រោននារី​ សឿន វីផា ​ស៊ុត​បាល់ពិន័យប៉េណាល់ទីនៅនាទី៣៦ ក្នុង​វគ្គទីមួយ ខណៈ២គ្រាប់ទៀត​រក​បានដោយ​ខ្សែប្រយុទ្ធ ពឿន គន្ធាម្នាក់ឯងនៅ​តង់ទី២។ លទ្ធផល​នេះបាន​ធ្វើឱ្យក្រុកមជម្រើសជាតិ​នារី​កម្ពុជាដែល​ដឹកនាំ​ដោយ​គ្រូបង្វឹកសញ្ជាតិ​ខ្មែរលោក ឃួន ឡាបូរ៉ាវី​ឡើងទៅវគ្គផ្ដាច់ព្រ័ត្រ​ដោយត្រូវរង់ចាំជួប​ក្រុម​មួយរវាង ជម្រើសជាតិសិង្ហបុរី និង​ជម្រើសជាតិ​នារីឥណ្ឌូណេស៊ី។

Man United រក​មិន​ទាន់​ឃើញជ័យជម្នះនោះ​ទេ​ក្នុង​ការ​ប្រកួត​ដំបូងក្រោម​ការ​ដឹកនាំ​របស់​លោក Ruben Amorim បន្ទាប់​ពី​បញ្ចប់ក្នុងលទ្ធផលស្មើ 1-1 ដោយ Ipswich Town កាលពីយប់ថ្ងៃអាទិត្យ (24 ខែវិច្ឆិកា) ។

បើទោះបីជា Marcus Rashford រកបានគ្រាប់បាល់បើកឆាកនៅនាទីទី 2 ក៏ដោយ ក៏ក្រុមបិសាចក្រហមមិនអាចរកគ្រាប់បាល់បានបន្ថែម​បន្ទាប់ពីនោះ ហើយត្រូវបានក្រុមម្ចាស់ផ្ទះធ្វើ​ឱ្យខកចិត្ត។

ទិដ្ឋភាពគួរឱ្យព្រួយបារម្ភនៃការសម្តែងរបស់​កីឡាករក្នុង​ក្រុម Man United គឺពួកគេ​សរុបរត់បានត្រឹមតែ 102 គីឡូម៉ែត្រប៉ុណ្ណោះសម្រាប់ការប្រកួតទាំងមូល។ នេះជាចំណុច​ខ្សោយ​ក្នុងការ​ប្រកួត។ បន្ថែម​ពី​នេះ​ទៀត ក្រុម Man Utd មិន​សូវ​ដាក់​សម្ពាធខ្លាំង​លើ​គូប្រកួតនោះ​ទេ ដែល​នេះ​ជាមូលហេតុក្រុមម្ចាស់​ផ្ទះ Ipswich ដាក់សម្ពាធ​នៅ​តង់​ទី២។

នោះគឺជាចម្ងាយទាបបំផុតទីពីររបស់​ក្រុមបិសាចក្រហមក្នុងការប្រកួតប្រកួតប្រជែងតែមួយរហូតមកដល់ពេលនេះក្នុងរដូវកាល 2024/25។

វាច្បាស់ណាស់ថាកីឡាករនៅតែមិនស៊ាំនឹងទម្រង់ 3-4-3 ថ្មី ហើយត្រូវការវគ្គហ្វឹកហាត់បន្ថែមទៀតដើម្បីទទួលបានភាពច្បាស់លាស់ត្រឹមត្រូវ។

លទ្ធផលស្មើ 1-1 ទល់នឹង Ipswich Town ក៏ធ្វើឲ្យ Man United ដេញតាមពីក្រោយក្រុមកំពូលតារាង Premier League ចំនួន 6 ពិន្ទុផងដែរ។