ចំណាប់អារម្មណ៍របស់ Manchester United លើ Alphonso Davies បានបង្កឱ្យមានការជជែកដេញដោលក្នុងចំណោមអ្នកគាំទ្ររបស់ក្លិប និងអ្នកនិយមកីឡាបាល់ទាត់ទូទៅ។
ខណៈពេលដែលខ្សែការពារឆ្វេងរបស់ Bayern Munich មានជំនាញ និងល្បឿនដ៏គួរឱ្យចាប់អារម្មណ៍ មានក្តីបារម្ភជាច្រើនដែលធ្វើឱ្យគាត់ក្លាយជាសំណួរដែលមិនដឹងថាតើការចុះកុងត្រាកីឡាកររូបនេះសក្តិសមឬអត់សម្រាប់បិសាចក្រហម។ ខាងក្រោមជាកត្តាមួយចំនួនដែល Man Utd មិនគួរចុះកុងត្រាកីឡាករជម្រើសជាតិកាណាដារូបនេះ៖
ភាពងាយរងគ្រោះក្នុងតំបន់ការពារ
ជំនាញការពាររបស់ Davies មិនសូវខ្លាំងនោះឡើយទោះបីជាគាត់មានល្បឿនលឿន និងពូកែខាងបញ្ជូនបាល់ក៏ដោយ។ គាត់ជាកីឡាករម្នាក់មិនសូវដាក់សម្ពាធគូប្រកួតនោះទេ។ ភាពទន់ខ្សោយនេះអាចជាចំណុចខ្សោយដែលគូប្រជែងឆាប់មើលឃើញ ជាពិសេសនៅក្នុងស្ថានភាពដែលការប្រកួតមានសម្ពាធខ្ពស់។
ការទាមទារប្រាក់ឈ្នួល
ការទាមទារប្រាក់ឈ្នួល 12.6 លានផោនក្នុងមួយឆ្នាំរបស់ Davies អាចជាឧបសគ្គសម្រាប់ Manchester United ។ Davies ចង់បានប្រាក់ឈ្នួល 240,000 ផោនក្នុងមួយសប្តាហ៍សម្រាប់កិច្ចសន្យាថ្មីរបស់គាត់។
ការប្រកួតប្រជែងពី Real Madrid
ចំណាប់អារម្មណ៍ខ្លាំងរបស់ Real Madrid លើ Davies បន្ថែមភាពស្មុគស្មាញមួយទៀតក្នុងការផ្ទេរ។ ការចង់បានរបស់ក្លិបយក្សអេស្ប៉ាញ និងការទំនាក់ទំនងដែលមានស្រាប់ជាមួយកីឡាករកំពូលៗ អាចនឹងបង្កការលំបាកសម្រាប់ Manchester United ក្នុងការទទួលបានហត្ថលេខារបស់គាត់។
ភាពមិនច្បាស់លាស់លើទម្រង់លេង
ស្ទីលលេងរបស់ Davies ដែលគោរពតាមប្រព័ន្ធគ្រប់គ្រងរបស់ Bayern Munich ប្រហែលជាមិនអាចបកប្រែទៅជាយុទ្ធសាស្ត្ររបស់ United បានទេ។ ភាពមិនប្រាកដប្រជានេះបង្កើនការព្រួយបារម្ភអំពីភាពប្រែប្រួលរបស់គាត់ និងផលប៉ះពាល់ដែលអាចកើតមានលើក្រុម។
ការព្រួយបារម្ភអំពីរបួស
ភាពដែល Man Utd អាចចចារបានមកលើ Davies មិនមែនជាបញ្ហាសំខាន់នោះទេ តែអ្វីដែលជាបញ្ហាគឺខ្សែការពារឆ្វេងដែលមានស្រាប់របស់ United គឺ Luke Shaw និង Tyrell Malacia បានជួបបញ្ហារបួស។ ក្លិបអាចនឹងមានការប្រុងប្រយ័ត្នក្នុងការវិនិយោគលើកីឡាករផ្សេងទៀតដែលមានបញ្ហាសុខភាពដែលអាចកើតមាន។
ដោយពិចារណាលើកត្តាទាំងនេះ Manchester United ត្រូវតែថ្លឹងថ្លែងដោយប្រុងប្រយ័ត្ននូវគុណសម្បត្តិ និងគុណវិបត្តិ មុនពេលសម្រេចចិត្តថាតើត្រូវដេញតាម Alphonso Davies ឬក៏បណ្ដោយឱ្យគាត់ទៅលេងនៅក្លិបផ្សេង។
ឈានទៅវគ្គផ្តាច់ព្រ័ត្រ មានន័យថា ក្រុមដែលដឹកនាំដោយគ្រូបង្គោល លោក ឃួន ឡាបូរ៉ាវី ទទួលបានកៅអីស្វ័យប្រវត្តិទៅកាន់ការប្រកួតជើងឯកអាស៊ីឆ្នាំ ២០២៥ ASEAN Women’s Championship ដែលមាន ថៃ ហ្វីលីពីន វៀតណាម និងមីយ៉ាន់ម៉ា រង់ចាំរួចស្រេច។
