ព័ត៌មានកីឡាអន្តរជាតិ

Real Madrid បានក្លាយជាក្លិបបាល់ទាត់ដំបូងគេដែលរកចំណូលបានច្រើនជាង ១ ពាន់លានដុល្លារក្នុងមួយឆ្នាំ។ នេះបើយោងតាមការវិភាគរបស់ក្រុមហ៊ុនអង្កេតហេរញ្ញវត្ថុ Deloitte ដែលមានមូលដ្ឋាននៅប្រទេសអង់គ្លេស។ ប្រភពខាងលើដដែលបានបន្តថា​ក្លិប Real Madrid រកចំណូលបាន២៥៨លានដុល្លារពីការលក់សំបុត្រ ៣២៨លានដុល្លារពីសិទ្ធិផ្សព្វផ្សាយនិង៥០១លានដុល្លារ ពីការផ្សាយពាណិជ្ជកម្មសរុបជាង១ពាន់លានដុល្លារ។ ក្លិបយក្សអេស្ប៉ាញរក្សាតំណែងកំពូលដដែលបើធៀបទៅនឹងឆ្នាំចាស់ជាមួយនឹងប្រាក់ចំណូលជា ១,0៥លានដុល្លារពីរដូវកាល ២០២៣-២៤ ដែលពួកគេបានឈ្នះ La Liga និង Champions League។

ក្លិប ​Manchester City ឈរលំដាប់លេខ​ពីរ​ជា​ថ្មី​ម្ដង​ទៀត​ដោយ​មាន​ប្រាក់​ចំណូលជាង៨៧១លានដុល្លារ។ ពួកគេបានឈ្នះពាន Premier League លើកទីបួនជាប់គ្នាដែលមិនធ្លាប់មានពីមុនមក  ឈ្នះពាន Club World Cup និងពាន European Super Cup កាលពីរដូវកាលមុន។ Paris Saint Germain (៨៣៦លានដុល្លារ), Manchester United (៦៧៧លានដុល្លារ) និង Bayern Munich (៦៧២លានដុល្លារ) បញ្ចប់ចំណាត់ថ្នាក់កំពូលទាំង៥។ Aston Villa ចូល​ក្នុង​ចំណាត់​ថ្នាក់​កំពូល​ទាំង២០បន្ទាប់​ពី​ប្រកួត​នៅ​អឺរ៉ុប​កាល​ពី​រដូវ​កាល​មុន​ជា​លើក​ដំបូង​ចាប់​តាំង​ពី​ឆ្នាំ ២០១១។

តារាងចំណាត់ថ្នាក់ក្លឹបបាល់ដែលរកចំណូលបានសម្រាប់ឆ្នាំ២០២៣-២០២៤

ចំណាត់ថ្នាក់ ក្លិប សំបុត្រប្រកួត សិទ្ធផ្សព្វផ្សាយ ពាណិជ្ជកម្ម សរុបគិតជាយូរ៉ូ ១ Real Madrid 248,000 316,000 482,000 1,046,000 ២ Man City 88,000 343,000 407,000 838,000 ៣ Paris Saint-Germain 170,000 245,000 391,000 806,000 ៤ Man United 152,000 258,000 360,000 771,000 ៥ Bayern Munich 131,000 213,000 421,000 765,000 ៦ Barcelona 103,000 236,000 421,000 760,000 ៧ Arsenal 153,000 305,000 258,000 717,000 ៨ Liverpool 132,000 240,000 343,000 715,000 ៩ Tottenham 123,000 195,000 297,000 615,000 ១០ Chelsea 93,000 190,000 262,000 546,000 ១១ Borussia Dortmund 93,000 206,000 215,000 514,000 ១២ Atletico de Madrid 74,000 218,000 117,000 410,000 ១៣ AC Milan 87,000 161,000 150,000 398,000 ១៤ Internazionale 81,000 198,000 112,000 391,000 15 (17) Newcastle 68,000 215,000 90,000 372,000 ១៦ Juventus 55,000 100,000 201,000 356,000 ១៧ West Ham 52,000 195,000 76,000 322,000 ១៨ Aston Villa 53,000 215,000 43,000 310,000 ១៩ Marseille 68,000 117,000 102,000 287,000 ២០ Lyon 34,000 95,000 135,000 264,000

ព័ត៌មានកីឡាអន្តរជាតិ

(English) បើនិយាយពីចំនួនគ្រាប់បាល់ស៊ុតបញ្ចូលទីច្រីនបំផុតនៅក្របខណ្ឌ UEFA Champions League មិនទាន់មានកីឡាកររូបណាវ៉ាដាច់ខ្សែប្រយុទ្ធ Cristiano Ronaldo នៅឡើយទេ។ តែបើនិយាយពីកីឡាករបាល់ទាត់ដែលមានសមាមាត្រស៊ុតបញ្ចូលទីល្អបំផុតក្នុងប្រវត្តិសាស្ត្រ UCL  Ronaldo ឈរលំដាប់ទី ៤ ទៅវិញទេ។

យោងតាមគេហទំព័រ Givemesport.com ចេញផ្សាយកាលពីថ្ងៃពុធទី២២ ខែមករា ឆ្នាំ២០២៥ បានឱ្យដឹងថា Erling Haaland គឺជាបុរសតែម្នាក់គត់ក្នុងប្រវត្តិសាស្ត្រ UEFA Champions League ដែលមានអត្រាស៊ុតបញ្ចូលទីបានច្រើនជាងការប្រកួត។ Haaland រកបាន៤៧ គ្រាប់ក្នុង៤៦ ប្រកួតនៅក្នុង UCL ។ អត្រាស៊ុតបញ្ចូលទីរបស់គាត់គឺ ១,០២ ក្នុងមួយប្រកួត។ វាមិនមែនជារឿងចៃដន្យទេដែល Man City បានឈ្នះការប្រកួតនេះជាលើកដំបូងក្នុងប្រវត្តិសាស្ត្ររបស់ពួកគេក្នុងរដូវកាលដំបូងរបស់គាត់នៅឯ Etihad ។ ចំណែកឯចំណាត់ថ្នាក់ទី ២ បានទៅលេីខ្សែប្រយុទ្ធ Lewandowski ក្លិបBarcelona ដែលមានអត្រាស៊ុតបញ្ចូលទី ០,៨១នាំមុខ Messi (០,៧៩) ចំណាត់ថ្នាក់លេខ និង Ronaldo ចំណាត់ថ្នាក់ទី៤ ជាមួយនឹងអត្រាស៊ុតបញ្ចូលទី ០,៧៧ ក្នុងមួយប្រកួត៕

 

ព័ត៌មានកីឡាអន្តរជាតិ

ន័រវេសអាចក្លាយជាប្រទេសដំបូងគេនៅអឺរ៉ុបដែលបោះបង់ចោលប្រព័ន្ធជំនួយការអាជ្ញាកណ្តាលវីដេអូ (VAR) បន្ទាប់ពីការបោះឆ្នោតកាលពីថ្ងៃពុធដោយក្លិបបាល់ទាត់កំពូលរបស់ប្រទេស។ ក្លិបចំនួន១៩បានបោះឆ្នោតប្រឆាំងនឹងការបន្តប្រើប្រាស់ VAR ខណៈពេលដែលក្លិបចំនួន១៣ បានបោះឆ្នោតឱ្យរក្សាវា។ នេះបើយោងតាមសេចក្តីថ្លែងការណ៍របស់ Norsk Toppfotball ដែលជាអង្គការដែលតំណាងឱ្យក្លិបបាល់ទាត់ចំនួន៣២នៅក្នុងក្របខ័ណ្ឌកំពូលពីររបស់ប្រទេសន័រវេស។

ការសម្រេចចិត្តចុងក្រោយលើអនាគតរបស់ VAR នឹងធ្វើឡើងដោយសហព័ន្ធបាល់ទាត់ន័រវេសក្នុងខែមីនា។ លោក Cato Haug ប្រធានក្រុមហ៊ុន Norsk Topfotball បាននិយាយថា៖ យើងឃើញថាបច្ចេកវិទ្យាមានសក្តានុពល ប៉ុន្តែតាមរយៈការពិភាក្សានៅថ្ងៃនេះ និងការបោះឆ្នោតជាបន្តបន្ទាប់ យើងឃើញថាក្លិបរបស់យើងភាគច្រើនជឿថាកំណែបច្ចុប្បន្ននៃ VAR មិនដំណើរការល្អគ្រប់គ្រាន់ទេ។

អ្នកគាំទ្រន័រវេសបានរិះគន់ប្រព័ន្ធដោយនិយាយថាវាបំផ្លាញលំហូរពេលវេលានៃការប្រកួត។ ប្រទេសស៊ុយអែតដែលជាអ្នកជិតខាងបានបដិសេធមិនប្រីប្រាស់ប្រព័ន្ធ VAR ចំពេលមានការជំទាស់ស្រដៀងគ្នានេះ។ ទោះជាយ៉ាងណាក្តីនៅប្រទេសអង់គ្លេស ក្លឹបនៅ Premier League បានបោះឆ្នោតដើម្បីរក្សាប្រព័ន្ធនៅដើមឆ្នាំនេះ៕

ប្រភព៖ AP

ព័ត៌មានកីឡាអន្តរជាតិ

ក្លិបមេឃខៀវ Manchester City បានចុះហត្ថលេខានាំយកខ្សែប្រយុទ្ធសញ្ជាតិអេហ្ស៊ីប Omar Marmoush ពី Eintracht Frankfurt ក្នុងតម្លៃ ៧០ លានអឺរ៉ូ (៥៩ លានផោន) ជាមួយនឹងកិច្ចសន្យារយៈពេល ៤ ឆ្នាំ។ រូបគេនឹងលេងឱ្យក្លិបយក្សអង់គ្លេសខាងលើរហូតដល់ខែមិថុនា ឆ្នាំ២០២៩ បូករួមទាំងថ្លៃផ្សេងៗ (add-ons) ៤ លានផោនផងដែរ។

Omar Marmoush រកបាន ១៥ គ្រាប់ក្នុងការបង្ហាញខ្លួនឱ្យក្រុម Eintracht Frankfurt ចំនួន ១៧ ប្រកួតនៅក្នុងការប្រកួតក្របខណ្ឌ Bundesliga របស់ប្រទេសអាល្លឺម៉ង់ នារដូវកាលនេះ។ Marmoush ក៏ជាអ្នកទី ២ នៅក្នុងការប្រកួតក្របខណ្ឌ Bundesliga ដែលទាត់បញ្ចូលទីច្រើនគេ បន្ទាប់ពីប្រធានក្រុមជម្រើសជាតិអង់គ្លេស ខ្សែប្រយុទ្ធ Harry Kane ដែលទាត់បញ្ចូលទី ១៦ គ្រាប់ឱ្យក្រុម Bayern Munich៕

ប្រភព៖ BBC

ព័ត៌មានកីឡាអន្តរជាតិ

(English) យោងតាមគេហទំព័រ msn.com ចេញផ្សាយកាលពីថ្ងៃពុធទី២២ ខែមករា ឆ្នាំ២០២៥ បានឱ្យដឹងថា​សម្រាប់ឆ្នាំ២០២៥ នេះមានអ្នកចាំទីចំនួន ១០ រូបដែលមានតម្លៃខ្លួនខ្ពស់។

អ្នកចាំទីទាំង ១០ រូបនោះរួមមាន៖

១-អ្នកចាំទីហ្ស៊កហ្ស៊ី Giorgi Mamardashvili  របស់ Valencia មានតម្លៃខ្លួនជាង៤១លានដុល្លារឈរលំដាប់កំពូលតារាងក្នុងចំណោមអ្នកចាំទីដទៃទៀត។

២-អ្នកចាំទីសញ្ជាតិពីរព័រទុយហ្គាល់-ស្វ៊ីស Diego Costa  របស់ Porto តម្លៃជាង៤១លានដុល្លារ។

៣-អ្នកចាំទីអេស្ប៉ាញDavid Raya របស់ Arsenal តម្លៃជាង៤១លានដុល្លារ។

៤-អ្នកចាំទីស៊្វីស Gregor បរស់ Dortmundតម្លៃជាង៤១លានដុល្លារ។

៥-អ្នកចាំទីអ៊ីតាលី Gianluigi Donnarunmma របស់ Paris Saint Germain តម្លៃជាង៣៦លានដុល្លារ។

៦-អ្នកចាំទីអ៊ីតាលីGuglielmo Vicario របស់ Tottenham តម្លៃជាង៣៦លានដុល្លារ។

៧-អ្នកចាំទីកាំមេរ៉ូន Andre Onana របស់ Manchester united  តម្លៃជាង៣៦លានដុល្លារ។

៨-អ្នកចាំទីបារាំងMike Maignan របស់ Milan តម្លៃជាង៣៦លានដុល្លារ។

៩-អ្នកចាំទីបារាំង Lucas Chevalier របស់ Lille តម្លៃជាង៣១លានដុល្លារ។

១០-អ្នកចាំទីសញ្ជាតិប្រេស៊ីល-ព័រទុយហ្គាំល់ Ederson របស់ Manchester City តម្លៃជាង៣១លានដុល្លារ៕

ព័ត៌មានកីឡាអាស៊ី

(English) គ្រូជម្រើសជាតិហ្វូតសាលមីយ៉ាន់ លោក ប៊ុនឡេត ចំរើនវង្ស (Bunlert Charoenwong) បានសម្រេចចិត្តបញ្ចប់កិច្ចសន្យាជាមួយនឹងសហព័ន្ធកីទ្បាបាល់ទាត់មីយ៉ាន់ ដោយសារបរាជ័យក្នុងការចរចាក្នុងគម្រោងថ្មី ខណៈដែលកិច្ចសន្យារបស់លោកនឹងអស់សុពលភាពនៅខែមករា ឆ្នាំ២០២៦ ប៉ុន្តែត្រូវបានបញ្ចប់ភ្លាមៗតែម្តង។

លោក ប៊ុនឡេត ចំរើនវង្ស បាននិយាយថា៖ «ឥទ្បូវនេះ! ខ្ញុំបានបញ្ចប់កិច្ចសន្យាជាមួយនឹងសហព័ន្ធកីទ្បាបាល់ទាត់មីយ៉ាន់។ កិច្ចសន្យាចាស់ដែលនឹងផុតកំណត់នៅខែមករា ឆ្នាំ២០២៦។ ការ​ចរចា​កិច្ចព្រមព្រៀង​ថ្មី​ជាមួយ​សមាគម​បាល់ទាត់​មីយ៉ាន់ម៉ា​មិន​បាន​យល់ព្រម​តាម​សំណើ​របស់​យើង​ទេ​។ ដូច្នេះហើយ ពួកយើងក៏បានសម្រេចចិត្តបញ្ចប់កិច្ចសន្យា បន្ទាប់ពីរយៈពេល ៤ ឆ្នាំជាមួយនឹងក្រុម»។  លោកបន្ថែមទៀតថា៖ «ឥឡូវ​នេះ​មាន​ប្រទេស​ថ្មី ២-៣ មក​ជិត​យើង ហើយ​ត្រៀម​ខ្លួន​ជា​ស្រេច​ដើម្បី​អនុវត្ត​តាម​កិច្ច​ព្រមព្រៀង​ដែល​យើង​បាន​ស្នើ។ ខ្ញុំ​សូម​អរគុណ​មី​យ៉ាន់​ម៉ា​សម្រាប់​អ្វី​គ្រប់​យ៉ាង​ក្នុង​រយៈពេល​៤​ឆ្នាំ​កន្លង​មក​នេះ»។

គួរជម្រាបផងដែរថា លោក ប៊ុនឡេត ចំរើនវង្ស គឺជាគ្រូបង្វឹកជនជាតិបរទេសដំបូងរបស់ក្រុមជម្រើសជាតិហ្វូតសាលមីយ៉ាន់ ដែលដឹកនាំក្រុមទ្បើងទៅវគ្គផ្តាច់ព្រ័ត្រពានរង្វាន់ Asian Cup នៅប្រទេសថៃ ហើយត្រូវបានចាត់ទុកថាជាការប្រកួតវគ្គផ្តាច់ព្រ័ត្រលើកទីពីរក្នុងរយៈពេល ៦ ឆ្នាំសម្រាប់ក្រុមជម្រើសជាតិ។ លោក​ក៏​បាន​ដឹកនាំ​ក្រុម​បញ្ចប់​ក្នុង​ចំណាត់​ថ្នាក់​លេខ ៤ ក្នុង​ព្រឹត្តិការណ៍ AFF Futsal Championship ឆ្នាំ ២០២២ នៅប្រទេសថៃ ផងដែរ៕

ប្រភព៖ Ball Thai

 

 

 

ព័ត៌មានកីឡាជាតិ

(English) ក្លិបនាគខៀវបឹងកេត បានបញ្ជាក់ថា៖ ខ្សែប្រយុទ្ធ ចាន់ វឌ្ឍនាកា ទទួលជោគជ័យក្នុងការវះកាត់សសៃពួរជង្គង់ ACL ខាងឆ្វេង និងទ្រនាប់ឆ្អឹងខ្ចីជង្គង់ហើយ ខណៈដែលការវះកាត់ខាងលើនេះធ្វើទ្បើងកាលពីព្រឹកថ្ងៃទី២៣ ខែមករា ឆ្នាំ២០២៥។

បុរសសញ្ជាតិខ្មែរវ័យ ៣២ ឆ្នាំរូបនេះបានរងរបួសខាងលើ អំទ្បុងពេលក្រុមបឹងកេត បានយកឈ្នះលើខេត្តកំពង់ចាម ១-៨ នៅជើងទី ១ វគ្គ ១៦ ក្រុមចុងក្រោយ នៃពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៨ ឆ្នាំ ២០២៤-២៥ កាលពីថ្ងៃទី១៤ ខែមករា ឆ្នាំ២០២៥ កន្លងទៅ។  ហេតុការណ៍ខាងលើនេះកើតទ្បើង បន្ទាប់ពីរូបគេញក់ចុះញក់ទ្បើងជាមួយនឹងកីទ្បាករកំពង់ចាម រហូតដល់ភ្នាត់ដោយខ្លួនឯង និងដេកដួលលើស្មៅតែម្តង។ បញ្ហាខាងលើនេះធ្វើឱ្យ ចាន់ វឌ្ឍនាកា បង្ខំចិត្តផ្លាស់ប្តូរចេញភ្លាមៗតែម្តងនៅទី ៤១ ជំនួសមកវិញដោយកីទ្បាករ អ៊ាវ សុវណ្ណារ៉ា។ ចាន់ វឌ្ឍនាកា ក៏រកបាន ១ គ្រាប់ឱ្យបឹងកេតផងដែរ នៅក្នុងជំនួបខាងលើនេះ។

យ៉ាងណា ក្រោយពីធ្វើការវះកាត់លើរបួសខាងលើ ខ្សែប្រយុទ្ធ ចាន់ វឌ្ឍនាកា បាននិយាយថា៖ «ខ្ញុំមានអារម្មណ៍ថាសោកស្តាយដែលត្រូវមកជួបរឿងនេះម្តងទៀត ប៉ុន្តែ​បាល់ទាត់គឺបែបនេះ ខ្ញុំនឹងព្យាយាមឱ្យបានឆាប់ជាសះស្បើយ ១០០ភាគរយ ដើម្បីអាចចូលទីលានវិញបានលឿន រីករាយថ្ងៃកំណើតរបស់ខ្ញុំនៅថ្ងៃនេះ សូមអោយអ្វីមិនល្អទៅតាមឆ្នាំចាស់ សូមលាភជ័យចូលមកក្នុងឆ្នាំថ្មីនេះផង ខ្ញុំសូមអរគុណដល់ពុកម៉ែបងប្អូនដែលតែងតែបារម្ភ និងជូនពរខ្ញុំ»

គួររំលឹកថា ចាន់ វឌ្ឍនាកា ធ្លាប់រងរបួសដាច់សរសៃពួរជង្គង់ ACL ខាងស្តាំម្តងរួចមកហើយ កាលពីឆ្នាំ ២០២២ អំទ្បុងពេលប្រកួតទល់នឹងក្រុមវិសាខា នៅក្នុងពានរង្វាន់ Prince Beer Pre-Season Cup៕

អត្ថបទ៖ យ៉េ សេរីជប៉ុន

ព័ត៌មានកីឡាអន្តរជាតិ

(English) បន្ទាប់ពីដឹកនាំក្លិបស្តេច-ស Real  Madrid ទទួលបានជ័យជម្នះ ៤-១ លើ Las Palmas កាលពីថ្ងៃអាទិត្យ នៅក្នុងទឹកដីដែលជាជ័យជម្នះលើកទី ១៥០ បានធ្វើឱ្យលោក Carlo Ancelotti ឈានដល់ចំណុចកំពូលមួយទៀត គឺក្លាយជាគ្រូបង្វឹកល្អបំផុតទី ២ ជាប់ក្នុងកំណត់ត្រារបស់ក្លិប។

យោងតាមកំណត់ត្រារបស់ Opta ដែលត្រូវបានគេហទំព័រ Tribuna ដកស្រង់យកមកចុះផ្សាយកាលពីថ្ងៃចន្ទបានបញ្ជាក់ថាលោក Carlo Ancelotti គឺជាគ្រូបង្វឹកទី ២២ ដែលអាចដឹកនាំក្លិបឈ្នះ ១៥០ ប្រកួតនៅក្នុងក្របខណ្ឌលីគកំពូលអេស្ប៉ាញ La Liga ។ ជាមួយគ្នានេះដែរ លោកគឺក៏ជាគ្រូបង្វឹកទី ២ នៅក្នុងប្រវត្តិសាស្ត្ររបស់ Real Madrid ដែលសម្រេចបានជោគជ័យនេះ បន្ទាប់ពីគ្រូបង្វឹកជើងចាស់លោក Miguel Munoz ដែលដឹកនាំឈ្នះ ២៥៧ ប្រកួត។ លោកធ្លាប់ដឹកនាំក្លិបReal Madrid នៅឆ្នាំ ១៩៥៩ ដល់ ១៩៧៤ ផងដែរ។ សរុបមក Carlo Ancelotti បានគ្រប់គ្រងការប្រកួត ក្លិបយក្ស នៅក្នុងក្របខណ្ឌ La Liga បានចំនួន ២១០ ប្រកួតជាមួយនឹងលទ្ធផលស្មើ ៣៤ និង ចាញ់ ២៦ ប៉ុណ្ណោះ៕

ព័ត៌មានកីឡាអន្តរជាតិ

(English) ខ្សែប្រយុទ្ធ Erling Haaland និង Manchester City បានបន្តកិច្ចសហប្រតិបត្តិការរបស់ពួកគេរយៈពេលជិត១០ឆ្នាំបន្ថែមទៀតរហូតដល់រដូវក្តៅឆ្នាំ២០៣៤ ។ គេហទំព័រ Capology បានបង្ហាញលម្អិតពីប្រាក់ចំណូលដែល Haaland នឹងទទួលបានក្រោមកិច្ចសន្យាថ្មីរបស់គេ។ ប្រាក់ខែប្រចាំសប្តាហ៍របស់រូបគេនឹងមានចំនួនជាង ៦៤ ម៉ឺនដុល្លារ ហើយប្រាក់ខែប្រចាំឆ្នាំនឹងឡើងដល់ជាង ៣៣ លានដុល្លារ។ ប្រភពដដែលបានបន្តទៀតថា Haaland ទទួលបានប្រាក់ឈ្នួលជាង ៩ ម៉ឺនដុល្លារក្នុងមួយថ្ងៃ ជាង ៣០០០ ដុល្លារក្នុងមួយម៉ោង ឬនឹងជាង ៦៣ ដុល្លារក្នុងមួយវិនាទី ហើយនោះមិនទាន់អស់នៅឡេីយទេ។

កិច្ចសន្យាថ្មីរួមមានប្រាក់រង្វាន់ប្រចាំសប្តាហ៍រហូតដល់ជាង ៤២ ម៉ឺនដុល្លារ។ នៅចុងបញ្ចប់ នៃកិច្ចព្រមព្រៀងរបស់គេជាមួយក្លិប Manchester City នឹងរកបានយ៉ាងហោចណាស់ជាង ៣៣៥ លានដុល្លារ ហើយក្នុងករណីដ៏ល្អបំផុត(ឈ្នះពាន) អាចរកបានជាង ៥០០ លានដុល្លារ។ មកទល់ពេលនេះ Haaland ស៊ុតបញ្ចូលទីបាន ១១២ គ្រាប់ក្នុង ១២៧ ប្រកួត និងបញ្ជូនបាល់ឱ្យមិត្តរួមក្រុមចំនួន ១៥ ដង ។ ខ្សែប្រយុទ្ធរូបនេះបានឈ្នះពានរង្វាន់ Champions League និង Premier League ពីរដងរួចមកហើយ។ នៅឆ្នាំ២០២៣ រូបគេបានបន្ថែមពានរង្វាន់ FA Cup ៕