ព័ត៌មានកីឡាអន្តរជាតិ
Manchester United កំពុងស្វែងរកលទ្ធភាពក្នុងការចុះហត្ថលេខាលើខ្សែប្រយុទ្ធម្នាក់ក្នុងខែមករា។យោងតាម Fabrizio Romano តាមពិតទៅ ក្លឹបមានគម្រោងវិនិយោគនៅរដូវក្តៅក្រោយឯណោះទេ។
ទោះបីជាយ៉ាងណាក៏ដោយ បន្ទាប់ពីការចាកចេញរបស់ Cristiano Ronaldo បិសាចក្រហមអាចនឹងត្រូវបង្ខំឱ្យធ្វើការពង្រឹងតំបន់ប្រយុទ្ធឱ្យបានឆាប់។ United មានការខ្វះខាតខ្សែប្រយុទ្ធខ្លាំង ដោយមាន Anthony Martial ជាខ្សែប្រយុទ្ធក្នុងប្រអប់តែម្នាក់គត់។ Marcus Rashford អាចលេងនៅទីនោះបានដែរ ប៉ុន្តែលោក Erik ten Hag នឹងសម្លឹងរកការបន្ថែមខ្សែប្រយុទ្ធដល់ក្រុមរបស់គាត់។
បិសាចក្រហមនឹងត្រូវជួបជាមួយ Burnley ក្នុងពានរង្វាន់ Carabao Cup នៅថ្ងៃទី 21 ខែធ្នូ មុនពេលការប្រកួត Premier League ជាមួយ Nottingham Forest ប្រាំមួយថ្ងៃក្រោយមក។
ប្រភព៖ Fabrizio Romano
ព័ត៌មានកីឡាជាតិ
សេណេហ្គាល់បានសម្រេចចិត្តដាក់កីឡាករអ្នកចាំទី Edouard Mendy ឱ្យនៅអង្គុយបម្រុងសិន សម្រាប់ការប្រកួត World Cup ជាលើកទីពីររបស់ពួកគេជាមួយនឹងប្រទេសកាតា នេះបើយោងតាមការចេញផ្សាយរបស់គេហទំព័រព័ត៏មាន សេណេហ្គាល់ Galsenfoot ។
Mendy ត្រូវបានទទួលទោសចំពោះការធ្លាយគ្រាប់បាល់ពីរគ្រាប់ដែលបណ្ដាលឱ្យសេណេហ្គាល់ចាញ់ក្រុមហូឡង់ 2-0 កាលពីថ្ងៃចន្ទ។ គ្រូបង្វឹកសញ្ជាតិសេណេហ្គាល់លោក Aliou Cisse អាចនឹងដាក់ឱ្យអ្នកចាំទី Alfred Gomis របស់ក្លិប Rennes ឬ Seny Dieng របស់ QPR ប្រសិនបើគាត់សម្រេចចិត្តដក Mendy ។
អ្នកចាំទី Chelsea រូបនេះបានធ្លាក់ទម្រង់លេងយ៉ាងធ្ងន់ធ្ងរកាលពីឆ្នាំមុន។ គេមើលឃើញថាគាត់ធ្លាក់ចុះពីការត្រូវបានគេសរសើរថា ជាអ្នកចាំទីដ៏ល្អបំផុតម្នាក់នៅអឺរ៉ុបទៅជាអ្នកចាំទីដែលលែងមានទំនុកចិត្ត។
ប្រភព៖ Galsenfoot
Barcelona បានអនុញ្ញាតឱ្យខ្សែការពារ Ronald Araujo ទៅលេងក្នុងជម្រើសជាតិ អ៊ុយរូហ្គាយសម្រាប់ការប្រកួត World Cup ឆ្នាំ 2022 ទោះបីជាគាត់មានរបួសក៏ដោយ។ សំណើតែមួយគត់របស់ក្លិបមានមូលដ្ឋាននៅ Catalans គឺថាខ្សែការពារកណ្តាលនឹងដាក់មិនលេងរហូតដល់គាត់មានកាយសម្បទាពេញលេញឡើងវិញ។
ទោះជាយ៉ាងណាក៏ដោយ Barca សង្ស័យថា អ៊ុយរូហ្គាយមិនធ្វើតាមសំណើនោះ ហើយកំពុងប្រញាប់ប្រញាល់ឱ្យ Araujo លេងទាំងប្រថុយ។ នៅក្នុងសារពត៌មានចុងក្រោយ គ្រូបង្វឹកក្រុមជម្រើសជាតិបានបង្ហើបថា Araujo អាចលេងក្នុងការប្រកួតបើកឆាកទល់នឹងកូរ៉េខាងត្បូង។
ក្លឹបបានបញ្ជូនពេទ្យកាយសម្បទាចំនួនពីរនាក់ ដើម្បីតាមដានការជាសះស្បើយរបស់ខ្សែការពារ ហើយពួកគេមិនទាន់បានផ្តល់ភ្លើងខៀវនៅឡើយទេ។ លោក Blaugrana ជឿថា អ៊ុយរូហ្គាយ កំពុងធ្វើឱ្យសុខភាពរបស់កីឡាករវ័យ 23 ឆ្នាំប្រឈមនឹងហានិភ័យ ហើយ ‘ពិចារណា’ ផ្ញើពាក្យបណ្តឹងផ្លូវការទៅ FIFA ប្រឆាំងនឹងអ៊ុយរូហ្គាយ ប្រសិនបើ Araujo លេងក្នុងវគ្គចែកពូល។ ជាការកត់សម្គាល់ កិច្ចព្រមព្រៀងដំបូងគឺថា Ronald នឹងត្រលប់មកទីលានវិញតែក្នុងវគ្គចាញ់ធ្លាក់តែប៉ុណ្ណោះ។
ប្រភព៖ Esport3
ព័ត៌មានកីឡាអាស៊ី
Takehiro Tomiyasu បានយកឈ្នះលើការភ័យខ្លាចការរងរបួស ក្នុងជ័យជម្នះដ៏គួរឱ្យភ្ញាក់ផ្អើលរបស់ជប៉ុន 2-1 លើក្រុមជម្រើសជាតិអាល្លឺម៉ង់ក្នុងព្រឹត្តិការណ៍ World Cup ក្នុងប្រទេសកាតាកាលពីយប់មិញ។
ខ្សែការពារក្រុម Arsenal ហាក់ដូចជាមានរបួសនៅប៉ុន្មាននាទីចុងក្រោយនៃការប្រកួត ប៉ុន្តែបានលេងរហូតដល់អាជ្ញាកណ្ដាលផ្លុំកញ្ចែរបញ្ចប់ការប្រកួត។Tomiyasu ត្រូវបានប្ដូរចូលជំនួស Kubo នៅដើមតង់ទីពីរ ស្របពេលអាល្លឺម៉ង់នាំមុខមួយគ្រាប់មុនតាមរយៈការស៊ុតបាល់ប៉េណាល់ទីដោយ Ilkay Gundogan ។ ទោះជាយ៉ាងណាក៏ដោយ Ritsu Doan និង Takuma Asano បានផ្តល់ឱ្យក្រុមមកពីអាស៊ីនូវជ័យជម្នះជាប្រវត្តិសាស្ត្រតាមរយៈការវាយបក។
យោងតាម Opta វាគឺជាលើកដំបូងហើយដែលជប៉ុនឈ្នះការប្រកួត World Cup ក្នុងការប្រកួតទីមួយក្នុងប្រវត្តិសាស្ត្ររបស់ពួកគេ (D2 L7 មុនការប្រកួតថ្ងៃនេះ)។ Tomiyasu បានជួយក្រុមរក្សាសំណាញ់ទីស្អាត់នៅវគ្គទី២រហូតដល់នាទីចុងក្រោយ មុននឹងការផ្លុំកញ្ចែបញ្ចប់ការប្រកួត។ Tomiyasu និងមិត្តរួមក្រុមរបស់គាត់អាចកក់កន្លែងមួយក្នុងវគ្គ 16 ក្រុមចុងក្រោយ បើគាត់អាចយកជ័យជម្នះលើ Costa Rica នៅថ្ងៃអាទិត្យ។
គិតមកដល់ពេលនេះ គេមិនដឹងថាតើ Takehiro Tomiyasu មានរបួសធ្ងន់ធ្ងរឬទេ ក្រោយលេងជាមួយអាល្លឺម៉ង់យប់មិញ។
ប្រភព៖ Tribuna
យោងតាមសារព័ត៌មាន Foot Mercato បានឲ្យដឹងថា Real Madrid ចង់បានកីឡាករ Malo Gusto ពី Lyon ។
តម្លៃខ្លួនរបស់កីឡាករវ័យ 19 ឆ្នាំបានកើនឡើងជាលំដាប់តាំងពីឆ្នាំមុនពី៥០ម៉ឺនអឺរ៉ូឡើងមក ហើយឥឡូវនេះគាត់មានតម្លៃ 15 លានអឺរ៉ូ។ Gusto ត្រូវបានគេវាយតម្លៃសម្រាប់ល្បឿនដ៏លឿនរបស់គាត់ ជាមួយនិងសមត្ថភាពរបស់គាត់ក្នុងការបង្កើតឱកាស ពិសេសការផ្លោងបាល់ពីស្លាបចូលប្រអប់គ្រោះថ្នាក់។ គាត់បានលេង 14 ប្រកួតរួចហើយសម្រាប់ Lyon ក្នុងរដូវកាលនេះ ដោយបញ្ជូនបាល់ឱ្យមិត្តរួមក្រុមមួយលើក។
Real Madrid ប្រហែលជាត្រូវសម្រេចចិត្តយ៉ាងឆាប់រហ័សដើម្បីទទួលបាន Gusto ខណៈដែលក្រុមអង់គ្លេសមួយចំនួនដូចជា Manchester United ក៏ចង់បានផងដែរ។ Gusto អាចជាអ្នកស្នងតំណែង Dani Carvajal ប្រសិនបើគាត់ត្រូវបានគេផ្តល់ឱកាសនៅ Santiago Bernabeu ។
ប្រភព៖ Foot Mercato
Ansu Fati ត្រូវបានគេប្រទះឃើញហ្វឹកហាត់តែម្នាក់ឯង ខណៈក្រុមដែលនៅសល់ម៉ោងសម្រាកមួយថ្ងៃពីការហ្វឹកហាត់។ Fati បានធ្វើការហ្វឹកហាត់លើការស៊ុតតម្រង់ទី និងការបញ្ចប់ទីក្នុងរយៈពេល 30 នាទី ខណៈពេលដែលការហ្វឹកហាត់នេះមិនស្ថិតក្នុងលំហាត់របស់លោក Luis Enrique ដាក់ឱ្យនោះទេ។
ខ្សែប្រយុទ្ធរបស់ Barcelona មានការលើកទឹកចិត្តបន្ថែមក្នុងការធ្វើឱ្យបានល្អបំផុតក្នុងការប្រកួត World Cup លើកដំបូងរបស់គាត់។
Fati រកបានមួយគ្រាប់ក្នុងការបង្ហាញខ្លួនជាលើកដំបូងសម្រាប់អេស្ប៉ាញក្នុងរយៈពេលជាង 2 ឆ្នាំជាមួយនឹងគ្រាប់បាល់ក្នុងជ័យជម្នះ 3-1 របស់ក្រុមគោជល់អេស្ប៉ាញទល់នឹង ជម្រើសជាតិហ្សកដានី ។
ប្រភព៖ Mundo Deportivo
ខ្សែការពារជម្រើសជាតិ U-23 របស់ថៃ Jonathan Khemdee ឥឡូវនេះក្លាយជាកីឡាករគ្មានតម្លៃខ្លួនជាផ្លូវការ បន្ទាប់ពី Odense Boldklub (ក្លឹបដើម) និង Naestved Boldklub (ក្លឹបដែលគាត់ខ្ចីនៅ) បានប្រកាសថាពួកគេបានបញ្ចប់កិច្ចសន្យារបស់គាត់។
Odense Boldklub បានចេញសេចក្តីថ្លែងការណ៍ដែលសរសេរថា៖ “យើងបានយល់ព្រមជាមួយ Jonathan Khemdee ដើម្បីបញ្ចប់កិច្ចសន្យា ដូច្នេះខ្សែការពារវ័យក្មេងឥឡូវនេះ មានសេរីភាពក្នុងការស្វែងរកក្លឹបថ្មី។ យើងសូមជូនពរឱ្យ Jonathan ទទួលបានជោគជ័យសម្រាប់អនាគត ហើយអរគុណគាត់សម្រាប់ការខិតខំប្រឹងប្រែងរបស់គាត់សម្រាប់ក្លឹប»។
លើសពីនេះ Naestved បានចេញសេចក្តីថ្លែងការណ៍ស្រដៀងគ្នានេះ ដោយមិនបានពន្យល់ពីមូលហេតុដែលកិច្ចសន្យារបស់កីឡាករវ័យ 20 ឆ្នាំត្រូវបានបញ្ឈប់។
Jonathan ត្រូវបានខ្ចីជើងទៅ Naestved នៅដើមរដូវកាលពី Odense ។ គាត់បានបញ្ជូនបាល់ឱ្យមិត្តរួមក្រុមស៊ុតបានមួយលើកពីការបង្ហាញខ្លួនចំនួន 14 លើកក្នុងអំឡុងពេលយុទ្ធនាការនេះ។ ទន្ទឹមនឹងនេះ សម្រាប់ក្រុមដំរីចម្បាំងថៃខ្សែការពារគឺជាផ្នែកមួយនៃម្ចាស់មេដាយប្រាក់ SEA Games ឆ្នាំ 2021 របស់ប្រទេសថៃ និងឈុត 2022 AFC U-23 ។
Harry Maguire បានបង្ហាញទម្រង់លេងយ៉ាងល្អសម្រាប់ក្រុមអង់គ្លេសទល់នឹងអ៊ីរ៉ង់ ប៉ុន្តែឥឡូវនេះគាត់អាចនឹងខកខានការប្រកួតវគ្គចែកពូលក្រុម Three Lions ជាមួយសហរដ្ឋអាមេរិក។
អង់គ្លេសបានឈ្នះការប្រកួតដំបូងរបស់ពួកគេនៃការប្រកួតបាល់ទាត់ពិភពលោកឆ្នាំ 2022 យ៉ាងទាក់ទាញជាមួយនឹងជ័យជម្នះ 6-2 ទលល់នឹងអ៊ីរ៉ង់។ ពីរគ្រាប់របស់ Bukayo Saka និងគ្រាប់បាល់ពី Jude Bellingham, Raheem Sterling, Marcus Rashford និង Jack Grealish រកបានជ័យជំនះសម្រាប់ក្រុមរបស់លោក Gareth Southgate ។
Harry Maguire បានបង្ហាញទម្រង់លេងយ៉ាងល្អ នៅក្នុងខ្សែការពារជម្រើសជាតិអង់គ្លេស បើទោះបីជាមានការអំពាវនាវជាច្រើនដងឱ្យ Southgate ដកគាត់ចេញពីជម្រើសដំបូងក៏ដោយ។ ដោយកីឡាកររូបនេះ មិនមានលក្ខណៈពិសេសសម្រាប់ក្រុម Manchester United ក្នុងរដូវកាលនេះ ហើយទោះបីជាគាត់បង្ហាញទម្រង់លេងល្អឱ្យក្រុមតោបីក៏ដោយ ឥឡូវនេះគាត់អាចនឹងខកខានការប្រកួតក្នុងពូលបន្ទាប់របស់អង់គ្លេស។
Maguire បានទទួលរងនូវការប៉ះទង្គិចដែលគួរឱ្យសង្ស័យ ហើយនេះអាចបង្ហាញពីការបញ្ចប់នៃវត្តមានរបស់គាត់នៅក្នុងការប្រកួតជាជាមួយអាមេរិក ដោយសារតែពិធីការប៉ះទង្គិចដ៏តឹងរ៉ឹង។
បន្ទាប់ពីកីឡាករអ៊ីរ៉ង់ Mehdi Taremi ទាញបានមួយគ្រាប់មកវិញ Maguire ត្រូវបានគេឃើញអង្គុយនៅលើវាលស្មៅ។ បុគ្គលិកពេទ្យអង់គ្លេសបានធ្វើការត្រួតពិនិត្យការប៉ះទង្គិចតាមច្បាប់( regulatory concussion checks) លើកីឡាករវ័យ 29 ឆ្នាំ មុនពេល Eric Dier ចូលលេងជំនួសគាត់។
ការចាកចេញរបស់ Maguire ស្រដៀងទៅនឹងស្ថានភាពដែលអ្នកចាំទីអ៊ីរ៉ង់ Alireza Beiranvand បន្ទាប់ពីគាត់ត្រូវបានប្ដូរចេញក្នុងតង់ទី 1 ដោយមានការប៉ះទង្គិចគ្នាជាមួយមិត្តរួមក្រុម ដែលរបួសនេះប្រហែលជាបង្ហាញពីការបញ្ចប់វត្តមានរបស់គាត់នៅក្នុងការប្រកួតក្នុងពូល ដោយសារតែពិធីការប៉ះទង្គិចដ៏តឹងរ៉ឹង(strict concussion protocols) ប៉ុន្តែច្បាប់នេះងាចនឹងមិនអនុវត្តសម្រាប់កីឡាករអង់គ្លេសនោះទេ។
ច្បាប់នោះគឺជាអ្វី?
ច្បាប់នេះអនុញ្ញាតឱ្យក្លឹបធ្វើការផ្លាស់ប្តូរកីឡាករផ្សេងទៀត និងធ្វើឱ្យកីឡាកររបួសមានសុវត្ថិភាពនៅជួរមុខនៃច្បាប់។ សម្រាប់ភាគីគូបដិបក្ខ ក្នុងករណីនេះ អង់គ្លេសក៏នឹងត្រូវបានអនុញ្ញាតឱ្យប្ដូរកីឡាករចូលបន្ថែមផងដែរ។ រឿងរ៉ាវទាំងនេះបានកើតឡើងរួចហើយនៅក្នុង Premier League តាំងពីឆ្នាំ 2021។
គេហទំព័ររបស់ FIFA ក៏ពន្យល់អំពីពិធីការបន្ថែមដែលពួកគេបានប្រើប្រាស់ដោយបញ្ជាក់ថា៖ “ជាលើកដំបូងនៅក្នុងព្រឹត្តិការណ៍ FIFA World Cup សេវាវាយតម្លៃការប៉ះទង្គិច និងស្តារនីតិសម្បទាឯករាជ្យ នឹងត្រូវដាក់ស្នើនៅក្នុងប្រទេសកាតា ដើម្បីផ្តល់នូវការវាយតម្លៃផ្អែកលើភស្តុតាងនៃកីឡាករណាម្នាក់ដែលបានទទួលរងការប៉ះទង្គិច របួសខួរក្បាល រួមទាំងការណែនាំពីអ្នកជំនាញការប៉ះទង្គិច ទាក់ទងនឹងការវិលត្រឡប់របស់កីឡាករទៅលេងវិញផងដែរ។”
អ្នកចាំទីអីរ៉ង់ Beiranvand អាចនឹងអវត្តមានពី World Cup ដោយមានពិធីការប៉ះទង្គិច ( regulatory concussion checks) ដែលចែងថាកីឡាករគួរតែមានរយៈពេល 10 ថ្ងៃដោយមិនបាច់លេង មុនពេលពួកគេអាចត្រូវបានពិចារណាសម្រាប់ការវិលត្រឡប់ទៅកាន់សកម្មភាពបាល់ទាត់ឡើងវិញ ដែលនឹងធ្វើឱ្យគាត់អាចនឹងខកខានការប្រកួតទាំងអស់ក្នុងវគ្គជម្រុះក្នុងពូល។
ប្រភព៖ Football London
Bukayo Saka រកបានពីរគ្រាប់ក្នុងជ័យជម្នះ 6-2 របស់អង់គ្លេសលើអ៊ីរ៉ង់នៅក្នុងការប្រកួតពានរង្វាន់ 2022 FIFA World Cup នៅកាតា។ តារាឆ្នើមរបស់ក្រុមកាំភ្លើងធំ Arsenal បានស៊ុតបាល់បញ្ចូលទីគ្រាប់ទី 2 និងគ្រាប់ទី 4 របស់ប្រទេសរបស់គាត់ក្នុងការបង្ហាញខ្លួនជាលើកដំបូងនៅ World Cup ។
ដូច្នេះហើយ ឥឡូវនេះ Saka រកបានគ្រាប់បាល់ World Cup ច្រើនជាង (2) ជាង Wayne Rooney (1) និង Paul Scholes (1) ខណៈ គាត់មានអាយុត្រឹមតែ 21 ឆ្នាំប៉ុណ្ណោះ។
បច្ចុប្បន្ន Saka មាន៨គ្រាប់ក្នុងការបង្ហាញខ្លួន២២លើកឲ្យក្រុមតោបីអង់គ្លេស។ ទម្រង់លេងនេះគាត់ពិតជាបន្តជាប់ជម្រើស១១នាកក្រោមការដឹកនាំរបស់លោក Gareth Southgate ទល់នឹងជម្រើសជាតិវែលនិងសហរដ្ឋអាមេរិក ។
ប្រភព៖ Squawka
