ព័ត៌មានកីឡាអន្តរជាតិ
លោក Carlo Ancelotti អាចប្រឈមមុខនឹងការជាប់ពន្ធនាគាររយៈពេល 4 ឆ្នាំ បន្ទាប់ពីត្រូវបានចោទប្រកាន់ពីបទឆបោកប្រាក់ជាង 854,000 ផោន (1 លានអឺរ៉ូ) ដោយព្រះរាជអាជ្ញានៅទីក្រុងម៉ាឌ្រីដ អំឡុងពេលដែលគាត់ទទួលបន្ទុកដឹកនាំ Real ជាលើកដំបូង។
អ្នកចាត់ការជនជាតិអ៊ីតាលីត្រូវបានគេនិយាយថាមិនបានបង់ពន្ធជាចាំបាច់ ក្នុងអំឡុងពេលគាត់ដឹកនាំក្លិប Real Madrid ចន្លោះឆ្នាំ 2013 និង 2015 ទោះបីជាគាត់បានចុះឈ្មោះជាអ្នករស់នៅក្នុងប្រទេសអេស្ប៉ាញសម្រាប់គោលបំណងបង់ពន្ធធម្មតាក៏ដោយ។
Ancelotti ត្រូវបានគេចោទប្រកាន់ថា បានប្រកាសប្រាក់ចំណូលរបស់គាត់ពីប្រាក់ឈ្នួលនៅ Real Madrid ប៉ុន្តែមួយករណីទៀតត្រូវបានគេអះអាងថា គាត់បានលុបបញ្ជីប្រាក់ដែលរកបានពីសិទ្ធិរូបភាពរបស់គាត់ ជំនួសមកវិញនូវការផ្ទេរប្រាក់ទៅឱ្យអង្គភាពមួយដែលមានឈ្មោះថា Vapia Limited ។
អតីតគ្រូបង្វឹក Chelsea និង AC Milan រូបនេះ ត្រូវបានចោទប្រកាន់ពីបទឧក្រិដ្ឋកម្មចំនួនពីរប្រឆាំងនឹងរតនាគារសាធារណៈរបស់ប្រទេសអេស្ប៉ាញ ដោយមន្ត្រីព្រះរាជអាជ្ញា នៅទីក្រុងម៉ាឌ្រីដ ហើបើតាមរយៈ Marca គាត់នឹងត្រូវផ្តន្ទាទោសដាក់ពន្ធនាគាររយៈពេល 4 ឆ្នាំ 9 ខែ ប្រសិនបើ Ancelotti ត្រូវបានរកឃើញថាមានពិរុទ្ធភាព។
វីរបុរសបារាំងលោក Frank Leboeuf បានប្រាប់ឲ្យ Cristiano Ronaldo”បិទមាត់” បន្ទាប់ពីគាត់បានចេញការអត្ថាធិប្បាយ ដ៏ចម្រូងចម្រាស អំពីលីគបាល់ទាត់អារ៉ាប៊ីសាអ៊ូឌីត Saudi Pro League ។
កាលពីខែមករា Ronaldo បានអះអាងថា៖« លីគអារ៉ាប៊ីសាអូឌីតមិនអាក្រក់ជាងបាល់ទាត់បារាំង Ligue 1 ទេ។ Saudi Pro League មានការប្រកួតប្រជែងជាង Ligue 1 ។ ខ្ញុំអាចនិយាយបានថាបន្ទាប់ពីចំណាយពេលនៅទីនោះមួយឆ្នាំយើងប្រសើរជាងលីគបារាំងរួចទៅហើយ»។
ការលើកឡើងបែបនេះ ធ្វើឱ្យមនុស្សជាច្រើនមិនសប្បាយចិត្ត រួមទាំងលោក Leboeuf អតីតខ្សែការពារសញ្ជាតិបារាំង និង Chelsea ផងដែរ។ លោក Leboeuf បាននិយាយថា៖« វាពិតជារំខានខ្ញុំនៅពេលដែលខ្ញុំលឺ Cristiano Ronaldo និយាយថា Saudi Pro League ល្អជាង Ligue 1» ។
«ហេតុអ្វីបានជា Ronaldo សុខចិត្តអត្ថាធិប្បាយអំពី Ligue 1 ហើយមិននិយាយលីគព័រទុយហ្គាល់ផង?»
វាមិនមែនជារឿងចៃដន្យនេះគឺដោយសារតែ Lionel Messi ធ្លាប់លេងនៅ Ligue 1។ Ronaldo មិនសប្បាយចិត្តទេពេលមានលឺឈ្មោះឬវត្តមានរបស់ Messi។ ដោយសារតែរឿង Messi នេះហើយដែលធ្វើឱ្យ Ronaldo ជាប់បម្រាមមួយប្រកួត និងពិន័យជាលុយជុំវិញធ្វើកាយវិកាអាសអាភាស ទៅអ្នកគាំទ្រគូប្រជែងកាលពីសប្តាហ៍មុនដោយសារតែអ្នកគាំទ្រក្លឹប Al-Shabab ស្រែកឈ្មោះ Messi ចំអកអោយ Ronaldo។
លោក Leboeuf បានបន្តថា៖« ខ្ញុំមានការគោរពជាច្រើនចំពោះគាត់ ក្នុងនាមជាកីឡាករ ប៉ុន្តែសូមបិទមាត់។ វាមិនយុត្តិធម៌សម្រាប់ Ligue 1»។
Leboeuf ក៏បានបញ្ជាក់ផងដែរថា Ronaldo មិនគួរលេងឱ្យព័រទុយហ្គាល់ក្នុងព្រឹត្តិការណ៍ Euro ខាងមុខនៅប្រទេសអាល្លឺម៉ង់នោះទេ។
«សម្រាប់ខ្ញុំ ព័រទុយហ្គាល់ពិតជាគូប្រជែងមួយសម្រាប់ការប្រកួតជើងឯកអ៊ឺរ៉ុបរដូវក្តៅនេះ។ ខ្ញុំគិតថាពួកគេអាចឈ្នះអឺរ៉ូ ប៉ុន្តែប្រសិនបើ Cristiano Ronaldo មិនលេង»។
យោងតាមប្រភពពីគេហទំព័រ Tribuna.com ចេញផ្សាយកាលពីថ្ងៃអង្គារទី៥ មីនា ២០២៤ បានឱ្យដឹងថាក្លិប Bayern បានចាប់ផ្តើមចរចាជាមួយលោក Xabi Alonso ដែលកំពុងដឹកនាំក្លិប Leverkusen ដើម្បីមកស្នងតំណែងលោក Thomas Tuchel នៅចុងបញ្ចប់នៃរដូវកាលនេះ។
ការពិភាក្សាដំបូងបានផ្តល់នូវសញ្ញាវិជ្ជមានសម្រាប់ម្ចាស់ជើងឯកអាល្លឺម៉ង់ Bundesliga និងគ្រូបង្វឹកសញ្ជាតិអេស្ប៉ាញ។
ប្រភពដដែលបានបានបន្ថែមថា Bayern នឹងត្រូវចំណាយចន្លោះពី ១៩ ទៅ ២៥លានដុល្លារសម្រាប់សំណងទៅឱ្យLeverksusen ខណៈគ្រូបង្វឹកវ័យ៤២ឆ្នាំនៅសល់កុងត្រាជាមួយ Leverkusen រហូតដល់២០២៦។
ព័ត៌មាននេះត្រូវបានគេចាត់ទុកថាជាព្យុះកំណាចមួយសម្រាប់ Liverpool ខណៈដែល Alonso ត្រូវបានគេមើលឃើញថាជាបេក្ខភាពដ៏សក្តិសមបំផុតក្នុងការចូលកាន់តំណែងពីជំនួសលោក Jurgen Klopp ដែលប្រកាសចាកចេញនៅរដូវក្តៅដែរ។
Alonso អតីតខ្សែបម្រើ Liverpool ដែលបានលេង ២១០ដងឱ្យហង្សក្រហមចន្លោះឆ្នាំ ២០០៤ ដល់ ២០០៩ស៊ុតបញ្ចូលទីបាន ១៩គ្រាប់ និងលើកពាន Champions League និង FA Cup ។
អាជ្ញាកណ្តាលស្ត្រីដែលវិវត្តន៍ខ្លួនពីតារាបង្ហាញម៉ូដម្នាក់បាននិយាយថា ទោះបីមានការបញ្ចេញមតិបែបអវិជ្ជ មានរើសអើងពីសំណាក់អ្នកគាំទ្រ រាល់ពេលដែលនាងដឹកនាំការប្រកួតបែបណាក៏ដោយក៏ មិនធ្វើឱ្យនាងបោះបង់ក្តីស្រឡាញ់បាល់ទាត់ឡើយ។
Mariangela Presicce អាយុ២០ ឆ្នាំបានឈ្នះកម្មវិធីប្រកួតសម្រស់ និងចូលរួមក្នុងកម្មវិធីបង្ហាញម៉ូដជាច្រើននៅក្នុងប្រទេសកំណើតរបស់នាង។ នាងក៏មានចំណង់ចំណូលចិត្តក្នុងវិស័យបាល់ទាត់ និងជាអាជ្ញាកណ្តាលដែលមានសមត្ថភាពផងដែរ។
កាលពីមុន! នាងបានបង្ហាញខ្លួននៅក្នុងឈុតផ្លូវការរបស់នាងនៅឯកម្មវិធីបង្ហាញម៉ូដមួយ ហើយបានដកកាតក្រហមដើម្បីជានិមិត្តរូបនៃការបណ្តេញភាពភាពរើសអើង និងប្រមាទមកលើបាល់ទាត់។ Mariangela ដែលមកពីតំបន់ Nardo ជិតទីក្រុង Lecce ប្រទេសអ៊ីតាលី គឺតំណាងស្រីម្នាក់ក្នុងចំណោមអាជ្ញាកណ្តាលស្ត្រីមួយចំនួនដែលធ្វើការនៅក្នុងតំបន់នោះ។
នាងបាននិយាយអំពីការបំពានដែលនាងជួបប្រទះពីអ្នកគាំទ្រនៅកន្លែងឈរទស្សនា។ តារាម៉ូដែលដែលទទួលមរតកនូវក្ដីស្រឡាញ់ចំពោះការប្រកួតពីឪពុករបស់នាងដែលជាគ្រូបង្វឹករូបនេះបាននិយាយថា៖ «ការប្រមាថត្រូវបានគេបោះសម្ដៅមកលើខ្ញុំ»។
«ពួកគេប្រាប់ខ្ញុំឱ្យទៅផ្ទះធ្វើម្ហូប ទៅដាំស្លទៅ! ប៉ុន្តែខ្ញុំឆ្ពោះទៅមុខប្រឆាំងនឹងការរើសអើងបែបនេះ។ ខ្ញុំបានធ្វើជាអាជ្ញាកណ្តាលអស់រយៈពេលប្រាំឆ្នាំមកហើយ។ នៅលើទីលានប្រកួត ខ្ញុំលឺអ្វីៗគ្រប់យ៉ាង និងច្រើនទៀត ប៉ុន្តែខ្ញុំនឹងមិនបោះបង់ឡើយ»។
ឆ្លើយតបនៅនឹងអ្នករិះគន់នាងបានជ្រើសរើសយកការបិទត្រចៀករបស់នាង ប៉ុន្តែមិនមែនបិទបេះដូងទេ។ នាងបង្ហាញពីកម្លាំង និងចំណង់ចំណូលចិត្តដែលចាំបាច់ដើម្បីប្រយុទ្ធប្រឆាំងនឹងការរើសអើង និងលើកទឹកចិត្តស្ត្រីកាន់តែច្រើនឱ្យបន្តក្តីសុបិនរបស់ពួកគេនៅពេលប្រឈមមុខនឹងភាពមិនអនុគ្រោះ៕
លោក Pep Guardiola បានប្រៀបធៀប Phil Foden ទៅនឹង Lionel Messi ខណៈដែលតារា Manchester City បន្តកែលម្អហ្គេមរបស់គាត់កាន់តែល្អទៅៗ ពិសេសពេលស៊ុត២គ្រាប់ឱ្យ Man City យកឈ្នះ Manchester United ៣ទល់១។
ដកស្រង់ដោយសារព័ត៌មាន Daily Mail លោក Guardiola បាននិយាយថា៖ “កីឡាករល្អ អ្នកអាចលេងបានល្អ ប៉ុន្តែអ្នកត្រូវតែឈ្នះការប្រកួត។ ខ្ញុំបានជួបកីឡាករល្បី កំពូលៗបំផុតមិនធ្លាប់មានដូចជា Messi ។ គាត់ល្អហើយ អាចឈ្នះការប្រកួតទៀត។ អញ្ចឹងហើយ ខ្ញុំមិនចង់ប្រៀបធៀបទេ ព្រោះ Phil គឺ មិនមែនស្ថិតក្នុងកម្រិត Leo ទេ ប៉ុន្តែគាត់កំពុងឈ្នះការប្រកួត។»
«គ្មានផ្លូវទេ? អ្នកមិនអាចប្រៀបធៀបនរណាម្នាក់ទៅ Messi ដែលគាត់នៅក្នុងពិភពលោករបស់គាត់បានទេ ប៉ុន្តែការឮការសរសើរពីអ្នកចាត់ការគឺពិតជាស្រស់ស្អាត»។
ទម្រង់លេងរបស់ Foden អំឡុងពេលទទួលជ័យជម្នះ 3-1 លើក្រុម Manchester United កាលពីថ្ងៃអាទិត្យ បានធ្វើឱ្យគាត់ទទួលបានការសរសើរយ៉ាងច្រើន មិនត្រឹមតែពីគ្រូបង្វឹករបស់គាត់ប៉ុណ្ណោះទេ។ ជាមួយនឹងរាល់ការប្រកួត Foden ចាប់ផ្តើមមានឥទ្ធិពលលើទម្រង់លេងរបស់ Man City កាន់តែខ្លាំង។
ក្នុងការប្រកួត៦លើកចុងក្រោយ Foden ស៊ុតបញ្ចូលទីបាន៦គ្រាប់ដែលលេងពេញ៩០នាទីក្នុងមួយប្រកួត។ វាមិនមែនជារឿងភ្ញាក់ផ្អើលនោះទេ គាត់ត្រូវបានគេប្រៀបធៀបជាមួយនឹងវីរបុរសបាល់ទាត់។
នាង Yesica Frias អតីតភរិយារបស់ខ្សែបម្រើការពារក្រុមជម្រើសជាតិអាហ្សង់ទីនគឺកីឡាករ Exequiel Palacios ដែលបច្ចុប្បន្នកំពុងលេងឲ្យក្លឹបបាល់ទាត់អាល្លឺម៉ង់ Leverkusen បានគំរាមថានាងនឹងដាក់លក់ដេញថ្លៃវត្ថុអនុស្សាវរីយ៍ដ៏មានតម្លៃទាំងអស់ រួមទាំងមេដាយ ដែលបានឈ្នះនៅប្រទេសកាតា ប្រសិនបើកីឡាកររូបនេះមិនជួយបង់រំលស់ផ្ទះល្វែង ដែលនាងកំពុងរស់នៅ។ នេះបើយោងតាមការចេញផ្សាយរបស់កាសែតអង់គ្លេសThe sun ។
Yesica Frias បានប្រាប់ទូរទស្សន៍អាហ្សង់ទីនក្រោយត្រឡប់ពីប្រទេសអាល្លឺម៉ងថា Palacios បានប្រាប់ខ្ញុំថាគាត់នឹងមិនសងអ្វីដែលជំពាក់នោះទេ ពីព្រោះគាត់មិនដឹងថាគាត់នឹងរក្សាទុកផ្ទះល្វែងឬអត់។ ខ្ញុំគ្រាន់តែសុំឱ្យគាត់ចុះហត្ថលេខាលើការលែងលះ ហើយផ្តល់ឱ្យខ្ញុំនូវអ្វីដែលជាទ្រព្យសម្បត្តិរួមគ្នា។
Yesica បានបន្ថែមថា ខ្ញុំនឹងលក់វត្ថុអនុស្សាវរីយ៍ទាំងអស់ដែលគាត់ធ្លាប់បានផ្តល់អំណោយដល់ខ្ញុំចាប់តាំងពីពេលបានជួបគ្នានៅក្នុងក្លឹបរាត្រី Buenos Aires ក្នុងឆ្នាំ ២០១៨ ខណៈដែលគាត់កំពុងលេងឱ្យ River Plate ។ វាជាអ្វីដែលខ្ញុំនឹងធ្វើ។ នាងបន្តថា ខ្ញុំនឹងដាក់លក់ដេញថ្លៃគ្រប់យ៉ាងដើម្បីចំណាយលើអចលនទ្រព្យប្រសិនបើខ្ញុំត្រូវការវា។
ខ្ញុំមានអាវមួយចំនួនដែល Exequiel Palacios ផ្តល់ឱ្យខ្ញុំ ហើយមានរបស់មានតម្លៃមួយចំនួនទៀត ដូចជាមេដាយអ្នកឈ្នះ World Cup របស់គាត់ជាដើម។ខ្ញុំនឹងលក់របស់ដែលសំខាន់បំផុតដែលគាត់មានក្នុងនាមជាកីឡាករបាល់ទាត់ដើម្បីជម្រះបំណុលព្រោះខ្ញុំត្រូវកន្លែងដើម្បីរស់នៅ៕
អ្នកចាត់ការក្លិប Persib Bandung លោក Bojan Hodak បានសារភាពថា ច្បាប់ក្នុងលីគឥណ្ឌូនេស៊ី ពិតជាគួរឱ្យអស់សំណើច និងគ្មានវិជ្ជាជីវៈ នៅពេលដែលកីឡាករម្នាក់របស់គាត់ត្រូវបានហាមឃាត់មិនឱ្យលេងនៅថ្ងៃប្រកួត។
វាបានកើតឡើងបន្ទាប់ពីក្លិបបានទទួលសំបុត្រពីគណៈកម្មាធិការសមាគមបាល់ទាត់ឥណ្ឌូនេស៊ី (PSSI) ប៉ុន្មានម៉ោងមុនការប្រកួត ដែលបញ្ជាក់ថាកីឡាករដែលនាំចូលរបស់ពួកគេគឺ Nick Kuipers មិនត្រូវបានអនុញ្ញាតឱ្យលេង។
«នេះជាអ្វីដែលគួរឲ្យអស់សំណើចក្នុងអំឡុងពេល ៣០ ឆ្នាំក្នុងអាជីពបាល់ទាត់របស់ខ្ញុំ។ ខ្ញុំមិនដែលជួបស្ថានភាពបែបនេះទេនៅថ្ងៃប្រកួត។ PSSI បានផ្ញើសំបុត្រថាមានកីឡាករម្នាក់ដែលអាចលេងបាន ហើយមានកីឡាករផ្សេងទៀតដែលមិនអាចលេងបាន»។
អតីតគ្រូបង្វឹកក្លិប KL City បាននិយាយដោយដកស្រង់នៅក្នុង bolanusantara ថា៖ «នេះគួរឱ្យអស់សំណើច និងគ្មានវិជ្ជាជីវៈ ដូច្នេះនេះប្រាកដជាត្រូវផ្លាស់ប្តូរ ព្រោះប្រហែលជាមនុស្សមិនយល់ពីផលប៉ះពាល់នៃការសម្រេចចិត្តបែបនេះ» ។
យោងតាមរបាយការណ៍របស់ប្រព័ន្ធផ្សព្វផ្សាយឥណ្ឌូណេស៊ី ការព្យួរគួរតែត្រូវបានផ្តល់ទៅឱ្យ Alberto Rodriguez ដែលបានទទួលកាតក្រហមអំឡុងពេលប្រកួតជាមួយ Barito Putera កាលពីថ្ងៃសុក្រមុន។
ប៉ុន្តែផ្ទុយមកវិញបានកើតឡើងនៅពេលដែល Alberto ត្រូវបានអនុញ្ញាតឱ្យលេង ខណៈដែល Nick Kuipers ដែលត្រៀមរួចជាស្រេចសម្រាប់ការប្រកួតបន្ទាប់មិនអាចលេងបាន។
ដូច្នេះហើយ Bojan Hodak បានពណ៌នាថាវាជាសកម្មភាពដែលមិនមានវិជ្ជាជីវៈ ពីព្រោះការសម្រេចចិត្តនៃការព្យួរកីឡាករគួរតែផ្ដល់ដំណឹង បន្ទាប់ពីលេងជាមួយ Barito Putera រួចហើយ មិនមែននៅថ្ងៃប្រកួតជាមួយក្រុមផ្សេងនោះទេ។
ទោះជាយ៉ាងណាក៏ដោយ អវត្តមានរបស់ Kuipers មិនបានរារាំងឱ្យ Persib Bandung យកជ័យជម្នះ 3-0 លើក្រុម PSIS Semarang នោះទេ ហើយពេលនេះពួកគេកំពុងឈរ ចំណាត់ថ្នាក់លេខ 2 ក្នុង Liga 1 ។
ព័ត៌មានកីឡាអាស៊ី
ក្លិប Police Tero ក្នុងលីគកំពូលថៃ បានប្រកាសតែងតាំងជាផ្លូវការនូវអតីតអ្នកចាត់ការទូទៅក្រុមជម្រើសជាតិម៉ាឡេស៊ីគឺលោក Tan Cheng Hoe ដើម្បីចូលកាន់តំណែងជាគ្រូបង្វឹកសម្រាប់ការប្រកួតដែលនៅសល់នៃរដូវកាល 2023/24 ។
ក្រុម Police Tero បានតែងតាំងលោក Cheng Hoe ជាគ្រូបង្វឹកថ្មី បន្ទាប់ពីគាត់បានចាកចេញពី Selangor មុនកាលកំណត់កិច្ចសន្យានៅដើមឆ្នាំ ខណនៅសល់ពីរខែទៀត រដូវកាល Malaysian League 2024/25 នឹងបើក។
ការតែងតាំងនេះធ្វើឱ្យមានចម្ងល់ជាច្រើនក្នុងចំណោមអ្នកគាំទ្របាល់ទាត់ក្នុងប្រទេស និងប្រទេសជិតខាងដែលមានប្រព័ន្ធផ្សព្វផ្សាយ ដែលចោទសួរថាហេតុអ្វីបានជាគ្រូបង្វឹករូបនេះ ចាកចេញពីក្រុមដូចជា Selangor ហើយមកចូលរួមជាមួយ Police Tero។
អ្នកកាសែតកីឡាម្នាក់ក្នុងប្រទេសថៃ លោក Gian Chansrichawla បានលើកជាសំណួរមួយ ដែលគាត់ឆ្ងល់ថា ហេតុអ្វីបានជា Cheng Hoe ចូលរួមជាមួយក្រុមដែលជួបបញ្ហាហិរញ្ញវត្ថុ បន្ថែមពីលើការតស៊ូក្នុងតំបន់កាត់ចោលក្នុងតារាងលីគ។
Again, very strange decision to leave Selangor to take over a side which is extremely cash-strapped and in the middle of a tough relegation battle. Would’ve liked to see him to go a club with a bit more ambition and potential. If TCH can keep them up it will be a minor miracle. https://t.co/To5a7iQW1o — Gian Chansrichawla (@GianChansricha1) February 29, 2024
Again, very strange decision to leave Selangor to take over a side which is extremely cash-strapped and in the middle of a tough relegation battle. Would’ve liked to see him to go a club with a bit more ambition and potential.
If TCH can keep them up it will be a minor miracle. https://t.co/To5a7iQW1o
— Gian Chansrichawla (@GianChansricha1) February 29, 2024
Police Tero ពីមុនត្រូវបានដឹកនាំដោយវីរបុរសថៃ Worrawoot Srimaka ជាអ្នកចាត់ការបណ្ដោះអាសន្ន ហើយជាមួយនឹងវត្តមានរបស់គ្រូបង្វឹកវ័យ 55 ឆ្នាំ Worrawoot ឥឡូវនេះកំពុងទទួលភារកិច្ចជាប្រធានបច្ចេកទេសរបស់ក្លឹប។
បន្ទាប់ពីឆ្លងកាត់ការប្រកួតចំនួន 19 ប្រកួត Police Tero ឈ្នះបានតែ 5 ប៉ុណ្ណោះ ស្មើ 4 និង ចាញ់ 10 ប្រមូលបាន 19 ពិន្ទុ។ ការប្រកួត Thai League 1 នៅសល់តែ 11 ប្រកួតទៀតប៉ុណ្ណោះ ហើយវាគឺជាកិច្ចការដ៏លំបាកដែល Tan Cheng Hoe ត្រូវប្រឈមមុខ។
បន្ទាប់ពីបានសម្រាកជិត 8 ខែបន្ទាប់ពីការសម្រេចចិត្តលាលែងពីតំណែងជាគ្រូបង្វឹកក្រុមជម្រើសជាតិម៉ាឡេស៊ី លោក Cheng Hoe ត្រូវបានតែងតាំងជាអ្នកចាត់ការថ្មីរបស់ Selangor នៅថ្ងៃទី 24 ខែកញ្ញា ឆ្នាំ 2022។
ក្រោមការដឹកនាំរបស់គាត់ Selangor បានបញ្ចប់រដូវកាលឆ្នាំ 2022 ចំណាត់ថ្នាក់ទី 5 និងបានឈានទៅវគ្គផ្តាច់ព្រ័ត្រនៃ Malaysia Cup ប៉ុន្តែបានចាញ់ 1-2 លើក្រុម Johor Darul Ta’zim (JDT) ។
ប្រធាន La Liga និយាយថាគាត់ “មិនខ្វល់” អំពីអតីតកាលរបស់ Mason Greenwood ហើយចង់ឱ្យខ្សែប្រយុទ្ធ Manchester United បន្តនៅអេស្ប៉ាញលើសពីរដូវកាលនេះ។
បុរសអាយុ 22 ឆ្នាំរូបនេះបានប្រឈមមុខនឹងការចោទប្រកាន់ រួមទាំងការប៉ុនប៉ងរំលោភ និងប្រើហិង្សា ប៉ុន្តែរឿងក្ដីរបស់គាត់បានទម្លាក់ចោលកាលពីខែកុម្ភៈឆ្នាំមុនរួចទៅហើយ។ គាត់បានផ្លាស់ទៅ Getafe ក្នុងលក្ខខណ្ឌខ្ចីជើងកាលពីរដូវក្តៅមុន ហើយប្រធាន La Liga លោក Javier Tebas បានចាប់អារម្មណ៍គាត់ដល់កម្រិតមួយដែលគាត់សង្ឃឹមថាគាត់នឹងស្នាក់នៅរយៈពេលយូរ។
ព័ត៌មានទាក់ទងជាមួយក្លិប Barcelona ធ្វើឱ្យមានរបាយការណ៍ចម្រុះថាតើ Greenwood ចង់ត្រលប់ទៅ Manchester United ដែរឬទេ។
លោក Tebas បាននិយាយក្នុងសន្និសីទសារព័ត៌មាន Financial Times Business of Football Summit កាលពីថ្ងៃព្រហស្បតិ៍ថា៖ «គាត់ពិតជាធ្វើបានល្អនៅ Getafe ក្នុងនាមជាកីឡាករ ហើយខ្ញុំសង្ឃឹមថាគាត់នឹងបន្តទទួលបានជោគជ័យ ហើយគាត់បន្តនៅក្នុងបាល់ទាត់អេស្ប៉ាញ ព្រោះវាតែងតែល្អសម្រាប់យើង» ។
«គាត់គ្រាន់តែជាកីឡាករម្នាក់ប៉ុណ្ណោះ។ គាត់ធ្លាប់មានអតីតកាល ប៉ុន្តែមិនមែនអតីតរបស់គាត់បានហួសទៅហើយ។ គាត់គ្មានកំហុស ហើយមិនត្រូវបានថ្កោលទោសឡើយ។ យើងមិនអាចធ្វើជាចៅក្រមកាត់ក្ដីលើអ្វីគ្រប់យ៉ាងបានទេ។ បើយើងធ្វើបែបនេះ យើងនឹងគ្មានក្រុមទេ»។
FILE PHOTO: Soccer Football – Premier League – Brentford v Manchester United – Brentford Community Stadium, London, Britain – January 19, 2022 Manchester United’s Mason Greenwood celebrates scoring their second goal REUTERS/Ian Walton/File Photo
«ខ្ញុំជាមេធាវី ដូច្នេះវាសំខាន់ណាស់ក្នុងការនិយាយថា គាត់មិនត្រូវបានថ្កោលទោសទេ។ គាត់ត្រូវបានដោះលែងនៅទីនេះ (នៅចក្រភពអង់គ្លេស)។ តើយើងគួរបើកករណីនេះឡើងវិញនៅប្រទេសអេស្ប៉ាញឬ? តើខ្ញុំដឹងពីករណីនេះយ៉ាងលម្អិតទេ? ទេ»
“Greenwood មិនត្រូវបានថ្កោលទោសទេ ដូច្នេះខ្ញុំមិនខ្វល់ទេ”។
លោក Sir Jim Ratcliffe ដែលជាសហម្ចាស់ក្លឹប Manchester United បាននិយាយកាលពីសប្តាហ៍មុនថា ការសម្រេចចិត្តថ្មីនឹងត្រូវបានធ្វើឡើងអំពី Greenwood នៅរដូវក្តៅនេះដែល ក្រុមហ៊ុន Ineos ត្រូវបានផ្ទេរសិទ្ធិគ្រប់គ្រងប្រតិបត្តិការបាល់ទាត់នៅ Old Trafford ។
