ព័ត៌មានកីឡាអន្តរជាតិ
Manchester United អាចនឹងគ្មានកីឡាករជម្រើសដំបូងរហូតដល់ទៅប្រាំមួយនាក់ទល់នឹង Nottingham Forest នៅថ្ងៃអង្គារ។
Diogo Dalot, Harry Maguire, Raphael Varane, Jadon Sancho និង Axel Tuanzebe សុទ្ធតែមានរបួស ហើយ Lisandro Martinez ទំនងជាមិនមានវត្តមានទេ បន្ទាប់ពីអាហ្សង់ទីនឈ្នះ World Cup ។
Ten Hag បានសារភាពថាវាលឿនពេកក្នុងការកំណត់ថាតើ Martinez ដែលទើបបានឈ្នះ World Cup ជាមួយអាហ្សង់ទីននឹងអាចលេងបានសម្រាប់ការប្រកួតនេះ ខណៈពេលដែល Dalot ក៏ជាប់ការសង្ស័យផងដែរ បន្ទាប់ពីមានរបួសសរសៃពួរក្នុងការបរាជ័យក្នុងវគ្គ 1/4 ផ្តាច់ព្រ័ត្ររបស់ព័រទុយហ្គាល់ជាមួយម៉ារ៉ុក។
Ten Hag បាននិយាយថា៖ “Maguire បច្ចុប្បន្នឈឺ ហើយនឹងត្រូវវាយតម្លៃយឺតៗសិន។ Harry ឈឺ ហើយខ្ញុំមិនដឹងថាវានឹងវិវត្តទៅជាយ៉ាងណា។ យើងត្រូវរង់ចាំមើលថាតើគាត់នឹងអាចលេងបានទល់ក្លឹប Nottingham Forest [នៅថ្ងៃអង្គារ] ដែរឬទេ”។
Varane មិនទាន់ត្រលប់ពីកាតព្វកិច្ចអន្តរជាតិទេ ហើយ Sancho មិនត្រូវបានគេរំពឹងថានឹងមានវត្តមានទេ ខណៈដែលគាត់មិនទាន់ត្រលប់មកហ្វឹកហាត់ជាមួយក្រុម។
ទោះបីជា Tuanzebe ត្រូវបានគេប្រទះឃើញត្រឡប់មកហាត់នៅ Carrightonវិញក្នុងសប្តាហ៍នេះជាលើកដំបូងចាប់តាំងពីខែកក្កដាក៏ដោយ ប៉ុន្តែគាត់នៅតែពង្រឹងកាយសម្បទាសិន មុនពេលត្រលប់ទៅមានវគ្គហាត់ក្រុមវិញ។ United និង Forest បានឡើងទៅវគ្គ 1/4 នៃពានរង្វាន់ Carabao Cup ជាមួយនឹងជ័យជម្នះលើក្រុម Burnley និង Blackburn រៀងៗខ្លួន។
ប្រភព៖ Nottinghampost
ក្លឹប Real Madrid មិនចង់បន្តរឿងផ្ទេរ Kylian Mbappe ឡើងវិញទេ នេះបើយោងតាមលោក Jose Felix Diaz របស់កាសែត Marca ។
ជំហររបស់ក្លឹបមិនផ្លាស់ប្តូរទេ ចាប់តាំងពីកីឡាកររូបនេះបានជ្រើសរើសស្នាក់នៅ Paris Saint-Germain ជំនួសឱ្យការបំពេញក្តីស្រមៃរបស់គាត់ទៅ Real Madrid ។
ក្រុមស្ដេចសឥឡូវនេះផ្តោតលើការពង្រឹងតួនាទីរបស់ Vinicius Junior និង Rodrygo ។ កីឡាករទាំងពីរត្រូវបានគេរំពឹងថានឹងចុះហត្ថលេខាលើកិច្ចព្រមព្រៀងថ្មីក្នុងពេលឆាប់ៗនេះ។
Kylian Mbappe គឺជាកីឡាករដែលស៊ុតបញ្ចូលទីបានច្រើនជាងគេក្នុងឆ្នាំ 2022។ គាត់ក៏បានក្លាយជាកីឡាករទី 2 ក្នុងប្រវត្តិសាស្ត្រដែលស៊ុតបាន Hat-trick នៅវគ្គផ្តាច់ព្រ័ត្រ World Cup ។ កីឡាករវ័យ២៤ឆ្នាំត្រូវបានគេនិយាយថា សុខចិត្តទៅចូលរួមជាមួយ Real Madrid នៅឆ្នាំក្រោយ ប៉ុន្តែ Real Madrid ចុះកុងត្រាយកឬអត់ មិនទាន់មាននរណាដឹងទេ។
ប្រភព៖ Marca
ព័ត៌មានកីឡាជាតិ
ក្រុមបាល់ទាត់ជម្រើសជាតិឥណ្ឌូនេស៊ី នឹងត្រូវប្រកួតដំបូងក្នុងពូល A នៃពានរង្វាន់ AFF Cup 2022 ទល់នឹងកម្ពុជា នៅថ្ងៃសុក្រ (២៣/១២/២២) ម៉ោង៤និង៣០រសៀល ។
ការប្រកួតពានរង្វាន់ AFF Cup 2022 រវាងក្រុមជម្រើសជាតិឥណ្ឌូនេស៊ី និងក្រុមជម្រើសជាតិកម្ពុជា នឹងត្រូវលេងនៅកីឡដ្ឋាន Bung Karno Main Stadium, Jakarta ។
មុនជួបក្រុមជម្រើសជាតិឥណ្ឌូនេស៊ី កម្ពុជាបានប្រកួតបើកឆាកក្នុងពូល A រួចហើយសម្រាប់ពានរង្វាន់ AFF Cup 2022 ដោយយកឈ្នះហ្វីលីពីនក្នុងលទ្ធផល ៣-២ យ៉ាងគួរឲ្យភ្ញាក់ផ្អើល។
យ៉ាងណាវិញ នៅពេលនេះក្រុមរបស់លោក Keisuke Honda បានត្រឹមតែឈរនៅលេខរៀងទី 2 ក្នុងពូល A ប៉ុណ្ណោះ ដោយសារតែពួកគេបានចាញ់គ្រាប់បាល់ចំណេញរបស់ថៃ ដែលបានឈ្នះលើក្រុម ប្រ៊ុយណេ5-0 ។ បើទោះជាកម្ពុជាទទួលបានជ័យជំនះលើក្រុមហ្វីលីពីនក៏ដោយ ក៏ក្រុមជម្រើសជាតិឥណ្ឌូនេស៊ីនៅតែត្រូវបានព្យាករណ៍ថានឹងទទួលបានលទ្ធផលល្អឥតខ្ចោះ។
មូលហេតុគឺក្រុមរបស់លោក Shin Tae-yong លេងនៅមុខអ្នកគាំទ្ររាប់ពាន់នាក់។ កន្លងមក PSSI បានបញ្ជាក់ថា ការប្រកួតនេះបានទទួលការអនុញ្ញាតពីប៉ូលិសសាធារណរដ្ឋឥណ្ឌូនេស៊ី។ ទោះយ៉ាងណាក៏ដោយ យោងទៅលេខអនុញ្ញាត៖ SI/430/XII/YAN.2.1./2022/BAINTELKAM ចុះថ្ងៃទី 18 ខែធ្នូ ឆ្នាំ 2022 មានតែអ្នកទស្សនាចំនួនកំណត់ប៉ុណ្ណោះដែលអាចចូលរួមបាន។
ការលក់សំបុត្រសម្រាប់ប្រទេសឥណ្ឌូណេស៊ីទល់នឹងកម្ពុជាផ្ទាល់ត្រូវបានផ្ដល់កូតាត្រឹមតែ ២៥ ពាន់ប៉ុណ្ណោះ។ ប៉ុន្តែសម្រាប់ការប្រកួតទល់នឹងថៃ PSSI ផ្តល់កូតាសំបុត្រចំនួន ៤០ ម៉ឺនសំបុត្រ។
ក្រៅពីនោះ នៅមានហេតុការណ៍គួរឲ្យចាប់អារម្មណ៍មួយចំនួនទៀតនៅមុនការប្រកួតបើកឆាករវាងក្រុមជម្រើសជាតិឥណ្ឌូណេស៊ីទល់នឹងក្រុមជម្រើសជាតិកម្ពុជាក្នុងពានរង្វាន់ AFF Cup 2022 តើមានអ្វីខ្លះ?
ព័ត៌មានកីឡាអាស៊ី
ក្រុមសន្តិសុខ ឬអ្នកមើលការខុសត្រូវកីឡដ្ឋានសរុបចំនួន 239 នាក់ត្រូវបានរៀបចំសម្រាប់ការប្រកួតរវាងក្រុមជម្រើសជាតិឥណ្ឌូនេស៊ី និងក្រុមជម្រើសជាតិកម្ពុជា ក្នុងពានរង្វាន់ AFF Cup ឆ្នាំ 2022 នេះបើតាមការបញ្ជាក់របស់លោក ប្រធាន PSSI លោក Mochamad Iriawan ។
ការប្រកួតនឹងប្រព្រឹត្តទៅនៅថ្ងៃសុក្រ ទី២៣ ខែធ្នូ រសៀលនេះ នៅកីឡដ្ឋាន Bung Karno Main Stadium (SUGBK) សង្កាត់ Senayan ទីក្រុងហ្សាការតា។ ក្រៅពី អ្នកបម្រើការ និងសន្តិសុខ ប៉ូលិសក៏ត្រូវបានរៀបចំដែលត្រូវបានបែងចែកជាបីកន្លែង។
លោក Iwan បាននិយាយក្នុងអំឡុងពេលត្រួតពិនិត្យចុងក្រោយរបស់គាត់នៅ SUGBK កាលពីថ្ងៃព្រហស្បតិ៍ម្សិលមិញថា៖«មានអ្នកបម្រើការក្នុងកីឡដ្ឋានចំនួន 239 នាក់នៅទីនេះ មានបុគ្គលិកផ្នែកសន្តិសុខ ជាពិសេសពី PSSI ។ បន្ទាប់មកមានតំបន់ការពារទី១ តំបន់ការពារទី២ និងតំបន់ការពារទី៣» ។ .
Iwan ក៏បានសង្កត់ធ្ងន់ថា៖« ក្រៅពីកងកម្លាំងសន្តិសុខ និងអ្នកបម្រើការ ប៉ូលិសដែលនៅក្នុងកីឡដ្ឋានក៏ត្រូវមានផងដែរ។ ប្រសិនបើមានតម្រូវការបន្ទាន់នោះ យើងនៅតែបើកចំហរក្នុងការពង្រាយប៉ូលិសចាប់ពីតំបន់ការពារទី២ និងទី៣»។
«អ៊ីចឹងនៅខាងក្រៅតំបន់ទី២ មានប៉ូលិសបន្ថែម បើយើងត្រូវការជំនួយអាចចូលមកបាន ព្រោះនៅទីនេះ (ក្នុងកីឡដ្ឋាន) សុទ្ធតែជាអ្នកបម្រើការ។ បន្ទាប់មកនៅតំបន់ការពារទី៣នឹងមានជំនួយប៉ូលិសម្ដងទៀត បើខ្វះបុគ្គលិក»។
ជាមួយនឹងវិធីសាស្រ្តសុវត្ថិភាពនេះ លោក Iwan សង្ឃឹមថាការប្រកួតអាចដំណើរការដោយរលូន និងផាសុកភាព។ ជាងនេះទៅទៀត នេះជាលើកទីមួយហើយដែលការប្រកួតនៅប្រទេសឥណ្ឌូនេស៊ីមានអ្នកទស្សនាចូលរួម បន្ទាប់ពីសោកនាដកម្មនៅកីឡដ្ឋាន Kanjuruhan Malang កាលពីខែតុលាឆ្នាំមុន។
បន្ទាប់ពីជ័យជម្នះ 2-0 លើក្រុម Burnley ក្នុងពានរង្វាន់ Carabao Cup លោក Erik ten Hag ត្រូវបានអ្នកសារព័ត៏មានសួរថាតើ Aaron Wan-Bissaka មានអនាគតនៅ Manchester United ដែរឬទេ។
ហើយអ្នកចាត់ការរូបនេះបានប្រាប់អ្នកយកព័ត៌មានថា៖ «វាច្បាស់ណាស់ គាត់មានអនាគត។ គាត់មានរដូវកាលល្អៗនៅទីនេះនៅ Man United ប៉ុន្តែតាំងពីដើមរដូវកាលនេះ គាត់មានជំងឺ និងរបួសជាច្រើន»។
«ចាប់ពីការចាប់ផ្តើមឡើងវិញ គាត់មានភាពរឹងមាំ គាត់អាចហ្វឹកហាត់ជាមួយក្រុម ហើយអ្នកឃើញគាត់រីកចម្រើន។ កម្រិតកាយសម្បទារបស់គាត់កាន់តែប្រសើរឡើង កម្រិតនៃការសម្តែងរបស់គាត់កាន់តែប្រសើរឡើង ហើយខ្ញុំពិតជារីករាយជាមួយនឹងការសម្តែងរបស់គាត់ [ទល់នឹងក្រុម Burnley]»។
«ប្រសិនបើអ្នក Assist ជាពិសេសវិធីដែលគាត់បានបញ្ចូនបាល់ឱ្យមិត្តរួមក្រុម ចលនារបស់គាត់ក្នុងពេលវេលាដ៏ត្រឹមត្រូវ ពេលវេលាសក្តិសម ពិតណាស់ការបញ្ជូនបាល់ដ៏អស្ចារ្យពី Bruno [Fernandes] មកឱ្យគាត់ ប៉ុន្តែការបញ្ជូនបាល់របស់គាត់គឺអស្ចារ្យ… ដូច្នេះខ្ញុំសប្បាយចិត្តនឹងការសម្តែងរបស់គាត់ គាត់ធ្វើបានល្អ»។
Wan-Bissaka បានវិលមករ៉ាប់រងតួនាទីខ្សែការពារស្តាំវិញសម្រាប់ការប្រកួតជុំទី 4 ពាន Carabao Cup ដោយបានបង្ហាញពីទម្រង់លេងដ៏ល្អចាប់តាំងពីត្រូវបានផ្លាស់ចេញពីជម្រើសដំបូងដោយ Diogo Dalot ។ មុននេះខ្សែការពារអង់គ្លេសលេងត្រឹមតែជាកីឡាករបម្រុងកាលពីចុងខែសីហាប៉ុណ្ណោះ។
ប្រភព៖ Planet Sport
គ្រូបង្វឹកក្រុមជម្រើសជាតិកម្ពុជា លោក Ryu Hirose មិនបានប្រើប្រាស់កំណត់ត្រាការជួបគ្នានាពេលកន្លងមកជាគោលមុនពេលប៉ះក្រុមជម្រើសជាតិឥណ្ឌូនេស៊ីក្នុងពានរង្វាន់ AFF Cup ឆ្នាំ២០២២។ បើទោះជាចាញ់ច្រើនប្រកួតក៏ដោយ គ្រូបង្វឹកនៅតែជឿជាក់ថាក្រុមរបស់គាត់នៅតែមានឱកាសឈ្នះលើឥណ្ឌូនេស៊ី។
បើនិយាយពីកំណត់ត្រានៃការជួបគ្នាវិញ កម្ពុជាចាញ់១៦លើកក្នុងចំណោមការជួបគ្នា១៧លើក។ លទ្ធផលល្អបំផុតរបស់កម្ពុជា គឺបានត្រឹមស្មើក្រុម Garuda ដោយលទ្ធផល 1-1 ក្នុងការប្រកួតជម្រុះ World Cup ឆ្នាំ 1998 ក្នុងតំបន់អាស៊ី។ ការជួបគ្នាចុងក្រោយបំផុតរវាងក្រុមទាំងពីរបានធ្វើឡើងក្នុងពានរង្វាន់ AFF Cup 2020។ ពេលនោះពួកគេក៏ស្ថិតក្នុងពូលដូចគ្នា ហើយកម្ពុជាចាញ់ដោយពិន្ទុ ២-៤។
ទោះបីជាយ៉ាងណាក៏ដោយ ពីការបរាជ័យចុងក្រោយនេះ Ryu Hirose បានឃើញគម្លាតនៅក្នុងក្រុមជម្រើសជាតិឥណ្ឌូនេស៊ី។ នោះហើយជាអ្វីដែលធ្វើឱ្យពួកគេប្រាកដថាពួកគេអាចទាញយកអត្ថប្រយោជន៍ពីគម្លាតនោះដើម្បីឈ្នះការប្រកួត។
Ryu Hirose បាននិយាយក្នុងសន្និសីទសារព័ត៌មានមុនការប្រកួតកាលពីថ្ងៃមិញថា៖«កំណត់ត្រាជួបគ្នាមិនមានន័យថាយើងមិនអាចរកកន្លែងដើម្បីឈ្នះនោះទេ។ នៅក្នុងការប្រកួតចុងក្រោយនេះ ទោះបីជាយើងចាញ់ក៏ដោយ យើងអាចស្វែងរកកន្លែងនោះបាន»។
ការប្រកួតជាមួយឥណ្ឌូនេស៊ីនឹងធ្វើឡើងនៅថ្ងៃសុក្រ (23/12/2022) ថ្ងៃស្អែកនៅកីឡដ្ឋាន Bung Karno Main Stadium (SUGBK), Senayan, Jakarta ។ ក្នុងការប្រកួតក្រៅដីជាលើកដំបូងសម្រាប់កម្ពុជា ពួកគេនឹងប៉ះក្រុមអ្នកគាំទ្រឥណ្ឌូណេស៊ីភ្លាមៗដែលនឹងកកកុញពេញកីឡដ្ឋាន។
ដោយផ្អែកលើការអនុញ្ញាតពីប៉ូលីស និងសហព័ន្ធ សំបុត្រត្រូវបានលក់សម្រាប់កៅអីចំនួន 25,000 ក្នុងចំណោមអ្នកទស្សនាសរុបចំនួន 78,000 នាក់។ ការប្រកួតនេះនឹងប្រព្រឹត្តទៅនៅរសៀលម៉ោង ១៦.៣០ រសៀល៕
គ្រូបង្វឹកក្រុមជម្រើសជាតិឥណ្ឌូនេស៊ី Shin Tae-yong កំពុងប្រយ័ត្នប្រយែងលើជម្រើសជាតិកម្ពុជាក្នុងពាន AFF Cup ឆ្នាំ២០២២។ មូលហេតុគឺក្រុមគោព្រៃទើបតែឈ្នះហ្វីលីពីនកាលពីប្រកួតមុននៅថ្ងៃច័ន្ទ (20/12/2022) ដោយលទ្ធផល 3-2។
ដូចដែលបានដឹងហើយថា ការប្រកួតរវាងក្រុមជម្រើសជាតិឥណ្ឌូនេស៊ី និងក្រុមជម្រើសជាតិកម្ពុជា នឹងធ្វើឡើងនៅថ្ងៃសុក្រ (23/12/2022) វេលាម៉ោង 16:30 ។ ការប្រកួតនឹងធ្វើឡើងនៅកីឡដ្ឋាន Gelora Bung Karno Main Stadium (SUGBK) ទីក្រុងហ្សាកាតា។
នៅក្នុងការរៀបចំត្រៀមការប្រកួតនេះ លោក Shin បានរក្សាឱ្យក្រុមកីឡាកររបស់គាត់ផ្តោតអារម្មណ៍។ លោកក៏មិនអាចធានាបានដែរថា ជ័យជម្នះលើកម្ពុជានឹងត្រូវបានសម្រេចដោយងាយនោះទេ។ តាមពិត បើគិតពីចំណាត់ថ្នាក់របស់ FIFA ឥណ្ឌូណេស៊ីមានប្រៀបជាងគូប្រកួត។ ទោះជាយ៉ាងណា Shin សង្ឃឹមថាក្រុម Garuda នឹងឈ្នះក្នុងការប្រកួតដំបូងក្នុងវគ្គចែកពូល AFF Cup ឆ្នាំ 2022។ គេជឿថានេះនឹងជួយពង្រឹងស្មារតីនិងកម្លាំងចិត្តរបស់កីឡាករក្នុងការប្រកួតបន្ទាប់។
លោក Shin បាននិយាយនៅក្នុងសន្និសីទសារព័ត៌មានមុនការប្រកួតថា៖ «បច្ចុប្បន្នកម្ពុជាធ្វើបានយ៉ាងល្អដោយឈ្នះជាមួយហ្វីលីពីន។ ទន្ទឹមនឹងនោះ យើងមិនអាចប្រកួតប្រជែងជាផ្លូវការអស់រយៈពេលជាច្រើនខែមកហើយ” ។
បុរសមកពីកូរ៉េខាងត្បូងរូបនេះបានបន្ថែមថា៖ “ប៉ុន្តែខ្ញុំក៏អាចបញ្ជាក់បានថាបាល់គឺមូល ដូច្នេះខ្ញុំមិនអាចនិយាយបានថា វានឹងមិនងាយស្រួលនោះទេ ព្រោះស្ថានភាពអាចផ្លាស់ប្តូរ» ។
តារាងបាល់ទាត់ស្មៅសិប្បនិម្មិត AJ Sport Center បានលេចវត្តមានក្នុងការបម្រើឱ្យវិស័យកីឡាបាល់ទាត់ក្នុងស្រុកមង្គលបុរីខេត្តបន្តាយមានជ័យ ខណៈដែលទីលានមួយនេះកំពុងតែសាងសង់បង្ហើយនៅផ្នែកខ្លះ។
មានទីតាំងនៅឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ AJ Sport Center ជាកីឡដ្ឋានស្មៅសិប្បនិមិត្តមួយដែលបានបំពាក់ភ្លើងបំភ្លឺពេលយប់ ហើយស្មៅសិប្បនិមិត្តនេះក៏ជាវត្ថុធាតុដ៏មានគុណភាពផងដែរ។
default
ក្នុងឱកាសនៃការបើកដំណើរការសាកល្បងនៃតារាងបាល់ទាត់ស្មៅសិប្បនិម្មិត AJ Sport Center តែយ៉ាងណាក្តីចាប់ពីថ្ងៃនេះ AJ Sport Center នឹងមានការបញ្ចុះតម្លៃពេញរយៈពេល ០១ សប្ដាហ៍ដំបូងរហូតដល់ ៣០%។ ប្រិយមិត្តអ្នកលេងកីឡាបាល់ទាត់នៅជុំវិញអសយដ្ឋានខាងលើ អាចទាក់ទងកក់តារាង 095 838 885, 088 288 3887 ដើម្បីធ្វើការកក់តារាង។
ខ្សែបម្រើជម្រើសជាតិឥណ្ឌូណេស៊ី Marc Klok បានសុំការគាំទ្រពីអ្នកគាំទ្រ ដើម្បីបំពេញកីឡដ្ឋានមុនពេលប្រកួតជាមួយកម្ពុជាក្នុងវគ្គជម្រុះពូល A នៃពានរង្វាន់ AFF Cup 2022 ដែលធ្វើឡើងនៅកីឡដ្ឋាន Bung Karno Main Stadium នៅថ្ងៃសុក្រ (២៣/១២/២០២២)។
យ៉ាងណាមិញ មុនការប្រកួតកីឡាកររបស់ក្លិប Persib Bandung រូបនេះក៏បានក្រើនរំឭកខ្លួនឯងឲ្យគោរពក្រុមគូប្រកួតជានិច្ច។ ជាងនេះទៅទៀត ក្រុមជម្រើសជាតិកម្ពុជា មានដើមទុនល្អក្នុងការជួបជាមួយក្រុមជម្រើសជាតិឥណ្ឌូនេស៊ី។
ក្រុមជម្រើសជាតិកម្ពុជាទទួលបានពិន្ទុពេញដោយជោគជ័យក្នុងការប្រកួតដំបូងជាមួយហ្វីលីពីន។ ក្រុមដែលដឹកនាំដោយ Ryu Hirose បានឈ្នះដោយពិន្ទុ 3-2 នៅពហុកីឡដ្ឋានជាតិមរតកតេជោ កាលពីថ្ងៃអង្គារ (២០/១២/២០២២)។
ទោះបីជាបែបនេះក្ដី ក្រុមជម្រើសជាតិឥណ្ឌូនេស៊ីក៏មានដើមទុនល្អដែរ។ ដោយសារតែក្រុមនេះមានឈ្មោះហៅក្រៅថា Garuda Nusantara នឹងបង្ហាញខ្លួននៅចំពោះមុខសាធារណៈជនរបស់ខ្លួន។ អ្នកទស្សនាប្រមាណ៣ម៉ឺននាក់ត្រូវបានគេរាយការណ៍ថាបានអនុញ្ញាតឱ្យចូលកីឡដ្ឋានក្នុងការប្រកួតជាមួយកម្ពុជា។
Klok មានសង្ឃឹមខ្ពស់ចំពោះលក្ខខណ្ឌនេះ។ ខ្សែបម្រើ Persib Bandung ពិតជាចង់ឱ្យអ្នកគាំទ្រពិតជាមកគាំទ្រយ៉ាងពេញទំហឹងដល់ក្រុមជម្រើសជាតិឥណ្ឌូនេស៊ី។
ទោះជាយ៉ាងណាក៏ដោយ ដោយឆ្លុះបញ្ចាំងពីសោកនាដកម្មនៅកីឡដ្ឋាន Kanjuruhan Klok កាលពីប៉ុន្មានខែមុន បានស្នើឱ្យអ្នកគាំទ្រគាំទ្រពួកគេដោយប្រុងប្រយ័ត្ន។ ការគោរពនិងការលេងដោយយុត្តិធម៌គឺជារឿងពីរដែលអ្នកគាំទ្រក្រុមជម្រើសជាតិឥណ្ឌូនេស៊ីត្រូវពិចារណា។
