ក្មេងម្នាក់ក្នុងចំណោម 12 នាក់មកពីក្រុមបាល់ទាត់ក្នុងប្រទេសថៃដែលគេស្គាល់ថា ‘Moo Pa’ ដែលបានរួចរស់ជីវិតពីព្រឹត្តិការណ៍ជាប់ក្នុងរូងភ្នំ Tham Luang នៅឈៀងរ៉ៃក្នុងឆ្នាំ 2018 ត្រូវបានគេរាយការណ៍ថាបានស្លាប់បាត់ទៅហើយ។

របាយការណ៍ក្នុងប្រទេសថៃបាននិយាយថា Duangpetch Promthep ហៅ Dom ដែលជាប្រធានក្រុមបានទទួលមរណភាព កាលពីថ្ងៃអង្គារសប្តាហ៍មុនក្នុងចក្រភពអង់គ្លេសដោយសាររបួសក្បាល។

ប៉ុន្តែបើយោងតាមប្រភព BBC ប៉ូលីស Leicestershire បាននិយាយថាការស្លាប់របស់កីឡាករវ័យក្មេងនេះ មិនត្រូវបានគេចាត់ទុកថាគួរឱ្យសង្ស័យនោះទេ។
ព្រំ​ថេប ត្រូវ​បាន​រថយន្ត​សង្គ្រោះ​ដឹក​ទៅ​កាន់​មន្ទីរពេទ្យ Kettering General Hospital កាល​ពី​ថ្ងៃ​អាទិត្យ​មុន។ គេ​យល់​ថា ឧទ្ធម្ភាគចក្រ​ក៏​ត្រូវ​បាន​បញ្ជូន​ទៅ​កន្លែង​កើតហេតុ​ផង​ដែរ ដើម្បី​សម្រួល​ដល់​បញ្ហា​នានា ។

មានអាយុ 17 ឆ្នាំ ចុង ‘Dom’ ត្រូវបានគេផ្តល់អាហារូបករណ៍ ដើម្បីចូលរៀននៅ Brooke House College Football Academy ក្នុងខែសីហាឆ្នាំមុន។
ការស្លាប់របស់ Dom ក៏ត្រូវបានបញ្ជាក់ដោយម្តាយរបស់គាត់ផង​ដែរ ហើយ​គាត់បានជូនដំណឹងដល់វត្ត Doi Wao នៅស្រុកកំណើតរបស់គាត់នៅ Chiang Rai ដែលជាវត្ត Dom ធ្លាប់បួសរៀនសូត្រ និង​ស្នាក់នៅ។

Promthep និងមិត្តភក្តិរបស់គាត់បានទទួលការចាប់អារម្មណ៍ពិភពលោកនៅថ្ងៃទី 8 ខែកក្កដាឆ្នាំ 2018 នៅពេលដែលពួកគេជាប់អស់រយៈពេលបីថ្ងៃ ក្នុងរូងភ្នំ Tham Luang ដែលពួកគេបានចូលទៅ ហើយបានជន់លិចដោយសារភ្លៀង​បណ្តាលឱ្យទឹកជំនន់។ ករណីនេះបានទាក់ទាញចំណាប់អារម្មណ៍របស់មេដឹកនាំពិភពលោកសំខាន់ៗ។

អង្គភាព SEAL របស់កងទ័ពជើងទឹកថៃ ក៏ត្រូវបានទៅសង្គ្រោះនៅពេលនោះ ជាមួយនឹងការ​ដោះស្រាយបញ្ហាផ្សេងៗ រួមទាំងការបាត់បង់សមាជិក ដោយសារកង្វះអុកស៊ីសែន។ ទោះបីជាយ៉ាងណាក៏ដោយ អ្វីៗត្រូវបានដោះស្រាយដោយជោគជ័យ រហូតដល់ក្មេងៗទាំង១២នាក់ និងគ្រូបង្វឹករបស់ពួកគេ គឺលោក Ekapol Chantawong ត្រូវបានជួយសង្គ្រោះ។

ដកស្រង់ដោយ ESPN លោក Xavi បាននិយាយនៅក្នុងឆ្នាំ 2018 ថា៖«Casemiro គឺលឿនណាស់ ប៉ុន្តែគាត់មានបញ្ហាជាមួយអ្វីៗផ្សេងទៀត ដោយសារគាត់មិនបានធ្វើការលើវា»។

“គាត់​មាន​លក្ខណៈ​ផ្សេង​ទៀតដែលត្រូវដឹង គាត់ការពារ​បាន​ច្រើន ផ្ដេកខ្លួនដណ្ដើមបាល់​ច្រើន រ៉ាប់រងលើ​ទីលានបាន​ច្រើន ប៉ុន្តែ​គាត់​មិនអាច​គ្រប់​គ្រង​បាល់លើ​លំហ និងទាន់​ពេល​វេលា​ទេ។ ប្រសិនបើអ្នកបានចាប់ផ្តើមជាមួយ Casemiro អាយុ 12, 13, 15 នោះគាត់នឹងមានរឿងនោះ។

ក្រោយមក Casemiro ត្រូវបានអ្នក​កាសែតសួរអំពីយោបល់របស់ Xavi ហើយគាត់បានវាយបកទៅវិញថា៖ «អ្នក​រាល់​គ្នា​និយាយ​អ្វី​ដែល​ពួកគេ​ចង់​បាន ប៉ុន្តែ​ខ្ញុំ​បាន​មក​ទី​នេះ​បួន​ឆ្នាំ​ហើយ(Real Madrid) ហើយ​ឈាន​ដល់​វគ្គ​ផ្តាច់ព្រ័ត្រ Champions League ជា​លើក​ទី​បួន​របស់​ខ្ញុំ…”

“ខ្ញុំ​មិន​អាច​ចុះ​ហត្ថលេខា​ឲ្យ Barca ទេ ព្រោះ​ខ្ញុំ​មិន​អាច​លេង​បាល់​បាន​តាម​របៀប​ដែល Xavi ចង់​បាន។ ខ្ញុំនៅជាមួយ Madrid រហូតដល់ស្លាប់ (ពេលនេះលេង​នៅ Man Utd)”។

Xavi បានចាកចេញពី Barcelona ក្នុងឆ្នាំ 2015 ស្របពេលដែល Casemiro បានចូលក្រុម Real Madrid បន្ទាប់ពីខ្ចីជើងនៅ Porto ហើយពេល​លោក Xavi មក​ដឹកនាំ FC Barcelona ហើយ​ Casemiro ផ្ទេរ​មក​លេង​នៅ Man Utd។

ប្រភព៖ ESPN

កីឡាករជម្រើសជាតិម៉ាឡេស៊ីដែលបានធ្វើដំណើរទៅលេង​នៅប្រទេសថៃ Safawi Rasid បានសារភាពថា ការប្រើប្រាស់ Video Assistant Referee [VAR] គឺមានសារៈសំខាន់ខ្លាំងណាស់សម្រាប់រាល់ការប្រកួតបាល់ទាត់អាជីព។

កីឡាកររូប​នេះមានបទពិសោធន៍ក្នុងការដោះស្រាយជាមួយ VAR បន្ទាប់ពីត្រូវបានខ្ចីជើងទៅក្លឹប Ratchaburi FC លោក Safawi មើលឃើញថាការប្រើប្រាស់បច្ចេកវិទ្យានេះ គឺជាជំនួយដ៏ល្អសម្រាប់កីឡាករ និងក្រុម។

វាមានសារៈសំខាន់ខ្លាំងណាស់សម្រាប់ភាគីទាំងអស់ក្នុងការយល់ដឹងកាន់តែច្បាស់ប្រសិនបើមានការភ័ន្តច្រឡំ ជាពិសេសពាក់ព័ន្ធនឹងការសម្រេចចិត្តរបស់អាជ្ញាកណ្តាលនៃការប្រកួត។

“ភាពខុសគ្នាដែលខ្ញុំអាចមើលឃើញរវាងលីគម៉ាឡេស៊ី និងលីគថៃ គឺថានៅទីនេះពួកគេមាន VAR ដូច្នេះវាយុត្តិធម៌សម្រាប់កីឡាករ និងក្រុមទាំងអស់”។

“សម្រាប់ខ្ញុំ លីគបាល់ទាត់អាជីពត្រូវតែមាន VAR ។ វាអាចជាសាក្សីនៅពេលដែលខ្ញុំត្រូវគូប្រកួតដាក់កំហុស នៅពេលដែលអាជ្ញាកណ្តាលប្រើជំនួយ VAR កីឡាករត្រូវបានពិន័យកាតក្រហម”។

Safawi បាននិយាយនៅក្នុងបទសម្ភាសន៍ជាវីដេអូជាមួយប្រព័ន្ធផ្សព្វផ្សាយថៃ Main Stand – International ថា៖ “ដូច្នេះ បញ្ហានេះមានសារៈសំខាន់ដើម្បីឱ្យមានភាពយុត្តិធម៌ជាងសម្រាប់កីឡាករទាំងអស់ និងក្រុម។ សម្រាប់ខ្ញុំ ការប្រើប្រាស់ VAR គឺមានសារៈសំខាន់ខ្លាំងណាស់សម្រាប់លីកណាមួយ»។

Rival Malaysia League ក៏ត្រូវបានគេរាយការណ៍ថានឹងណែនាំ VAR ផងដែរ ប៉ុន្តែវានឹងរួមបញ្ចូលតែការប្រកួតសំខាន់ៗដូចជាវគ្គ 1/4 ផ្តាច់ព្រ័ត្រ ពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រនៃ FA Cup និង Malaysia Cup ។

បន្ថែមពីលើនេះ រូបគេដែលទើបនឹងបង្កើតគ្រួសារបានសារភាពថា វាជាក្តីស្រមៃរបស់ខ្លួនតាំងពីនៅរៀន ដើម្បីបានលេងក្នុងការប្រកួត Thai League។

“ដូចដែលខ្ញុំបាននិយាយពីមុនមក ខ្ញុំមកទីនេះដោយសារតែក្តីសុបិនរបស់ខ្ញុំកាលពី 10 ឆ្នាំមុន នៅពេលដែលខ្ញុំនៅសាលាកីឡានៅប្រទេសម៉ាឡេស៊ី”។

ដូច្នេះ​ក្តី​សុបិន​របស់​ខ្ញុំ​គឺ​ចង់​លេង​នៅ Thai League ព្រោះ​វា​ជា​លីគ​ល្អ​បំផុត​មួយ​នៅ​អាស៊ី ដូច្នេះ​ខ្ញុំ​បាន​ជ្រើសរើស​មក​លេង​នៅ​ទី​នេះ»។

“ពួកគេ [សំដៅលើមិត្តរួមក្រុមដែលធ្លាប់លេងនៅប្រទេសថៃ] បានប្រាប់ខ្ញុំអំពីទម្រង់លេងដ៏ស្រស់ស្អាតនៅទីនេះ ជាមួយនឹងសកម្មភាព ‘កាន់កាប់’ កាន់តែច្រើន ហើយការគាំទ្រពីអ្នកគាំទ្រក៏ល្អផងដែរ ដែលជាហេតុផលដែលខ្ញុំជ្រើសរើសមកទីនេះ”។

Safawi Rasid បន្ថែមថា “ខ្ញុំមកទីនេះដើម្បីបញ្ជាក់នូវអ្វីដែលខ្ញុំអាចរួមចំណែកបាន ព្រោះក្នុងលីគម៉ាឡេស៊ី ខ្ញុំបានឈ្នះពានទាំងអស់រួចហើយ។ ខ្ញុំចង់សាកល្បងអ្វីដែលថ្មី និងព្យាយាមជួយក្លឹបឱ្យទទួលបានពានរង្វាន់” Safawi Rasid បានបន្ថែម។

គ្រូបង្វឹកជម្រើសជាតិកម្ពុជាលោក Keisuke Honda បច្ចុប្បន្នកំពុងនៅប្រទេសម៉ាឡេស៊ី ហើយគាត់ក៏បានចំណាយពេលទៅទស្សនាកន្លែង និងសម្ភារៈបរិក្ខារដែលមាននៅមជ្ឈមណ្ឌលបណ្តុះបណ្តាល Selangor Football Club (SFC) ផងដែរ។

ប្រទេសម៉ាឡេស៊ី គឺជាគោលដៅទី 3 នៅក្នុងវិស្សមកាលរបស់គាត់នៅអាស៊ីអាគ្នេយ៍ ក្រៅពីទីក្រុងហាណូយ និងបាងកក ចាប់តាំងពីការលាលែងពីតំណែងជាអ្នកចាត់ការក្រុមឈុតធំរបស់កម្ពុជា។ ដំណើរទស្សនកិច្ចរបស់លោកក៏ត្រូវបានស្វាគមន៍ និងអមដំណើរដោយ Raja Muda Selangor (RMS), Tengku Amir Shah Ibni Sultan Sharafuddin Idris Shah Alhaj កាលពីរសៀលម្សិលមិញ។

ក្រៅពីបានទៅមើលទីលានហ្វឹកហាត់ ហុងដា ក៏បានទៅមើលកន្លែងហាត់ប្រាណ គ្លីនិក និងអាងហែលទឹកថ្មីដែលត្រៀមសាងសង់សម្រាប់វគ្គស្តារនីតិសម្បទារបស់កីឡាករផងដែរ។ អតីតកីឡាកររបស់ AC Milan ទំនងជាពេញចិត្តនឹងអ្វីដែលគាត់បានឃើញនៅមជ្ឈមណ្ឌលបណ្តុះបណ្តាល Selangor FC នៅពេលដែលគាត់បង្ហាញមេដៃរបស់គាត់ជាសញ្ញានៃការកោតសរសើរ​ចំពោះសម្ភារៈទាំងអស់ដែលមាន។

Honda ដែលធ្លាប់ចូលរួម World Cup ៣ដងពីមុនមក គិតថា បើចង់ក្លាយជាមហាអំណាច នោះម៉ាឡេស៊ីត្រូវវិនិយោគលើវិស័យបាល់ទាត់ដូចប្រទេសជិតខាងដែរ។ យើង​ត្រូវ​សួរ​ថា​តើ​ពួកគេ​វិនិយោគ​ប៉ុន្មាន​ក្នុង​វិស័យ​បាល់ទាត់​របស់​ពួកគេ​។​ ប្រទេស​ដូចជា​ថៃ​ និង​វៀតណាម​បាន​វិនិយោគ​ច្រើន​លើ​វិស័យ​បាល់ទាត់។

លោក​បាន​បន្ថែម​ថា​៖ «​ប្រសិន​បើ​យើង​ចង់​ធ្វើ​ដូច​ពួកគេ ប្រទេស​នេះ​ត្រូវ​ការ​វិនិយោគ​បន្ថែម​ទៀត និង​ធ្វើ​ការ​ផ្លាស់​ប្តូរ​ពី​គ្រប់​ជ្រុង​ទាំង​អស់ [​រួម​ទាំង​កន្លែង​បណ្ដុះបណ្ដាល​ផង​ដែរ​»។

គាត់ក៏ត្រូវបានផ្សារភ្ជាប់ជាមួយនឹងក្រុម Selangor FC ផងដែរក្នុងរយៈពេលពីររដូវកាលចុងក្រោយនេះ បន្ទាប់ពីរបាយការណ៍ពីគេហទំព័រកីឡា Tokyo Sports Web បានភ្ជាប់គាត់ទៅកាន់ក្រុម Red Giants មួយនេះ មុនពេល Honda ទទួលយកសំណើរបស់ក្លឹប Azerbaijani Neftci Baku នៅពេលនោះ។

តាមពិតទៅ ប្រសិនបើគាត់មានបំណងទៅបង្វឹកក្រុមណាមួយក្នុងលីគម៉ាឡេស៊ី ក៏ត្រូវបានគេមើលឃើញថាមិនអាចទៅរួចដែរ ព្រោះគាត់មានបទពិសោធន៍គ្រប់គ្រងក្រុមជម្រើសជាតិកម្ពុជាពីមុនមក។

Erik ten Hag បាននិយាយនៅក្នុងសន្និសីទសារព័ត៌មានមុនការប្រកួតរបស់គាត់ថា៖ “Frenkie [De Jong] គឺជាកីឡាករដែលមិនគួរឱ្យជឿ ហើយសម្រាប់ក្លឹបទាំងអស់ក្នុងពិភពលោកទាំងមូល គាត់នឹងពង្រឹងក្រុម ដោយសារតែគាត់មានគុណភាពពិសេស” ។

“ប្រសិន​បើ​អ្នក​អាច​យក​គាត់​មក​ក្នុង​ក្រុម ក្រុម​របស់​អ្នក​នឹង​កាន់​តែ​ខ្លាំង។

“នៅប្រទេសអេស្ប៉ាញ គាត់កាន់តែមានភាពប្រសើរឡើង។ គាត់ជាកីឡាករដ៏អស្ចារ្យម្នាក់ លេងពីខាងក្រោយ គាត់តែងតែមានពេលវេលា ហើយវាពិតជារីករាយក្នុងការធ្វើការជាមួយគាត់។”

គ្រូបង្វឹកក្រុម Manchester United បានធ្វើការជាមួយ Frenkie នៅ Ajax មុនពេលគាត់ផ្ទេរទៅ Barcelona ។ កីឡាកររូប​នេះបាន​ស៊ូទ្រាំ​នឹង​ភាព​ក្តៅក្រហាយ​រហូត​មក​ដល់​ពេល​នេះ ប៉ុន្តែ​បាន​ធ្វើ​ដំណើរ​ទៅ​ក្នុង​ផែនការ​ក្រុម​ដំបូង​របស់​ក្លឹប ​បន្ទាប់​ពី​ការ​ផ្ទេរ​បរាជ័យ​ទៅ Old Trafford កាល​ពី​ឆ្នាំ​មុន។

Ten Hag នឹងត្រូវប្រឈមមុខនឹងអតីតកីឡាករឆ្នើមរបស់គាត់ នៅពេលដែលបិសាចក្រហមប៉ះ Barca ក្នុង Europa League នៅថ្ងៃព្រហស្បតិ៍នេះ។

ប្រភព៖ ESPN

Manchester United នឹង​ត្រូវ​អវត្តមាន Marcel Sabitzer សម្រាប់​ជើង​ទី​មួយ​នៃ​ការ​ប្រកួត​ជម្រុះ Europa League របស់​ពួកគេ​ជាមួយ Barcelona។

បិសាចក្រហមនឹងធ្វើដំណើរទៅកាន់ប្រទេសអេស្ប៉ាញនៅចុងសប្តាហ៍នេះ ដើម្បីប៉ះក្រុមយក្ស La Liga ក្នុងការប្រកួតជម្រុះplayoff ។ នេះគឺដោយសារតែ United បានបញ្ចប់ក្នុងចំណាត់ថ្នាក់លេខ 2 ក្នុងពូល ដែលជាលទ្ធផលបានបន្ថែមទៅក្នុងតារាងការប្រកួតដែលបានរៀបចំរួចហើយរបស់ពួកគេ។

ពេល​នេះ UEFA បានបញ្ជាក់ថាកីឡាករ Marcel Sabitzer ដែលចុះហត្ថលេខាខ្ចីជើងក្នុងខែមករារបស់ក្លឹប នឹងមិនអាចបង្ហាញខ្លួននៅក្នុងការ​ប្រកួតសប្តាហ៍នេះបានទេ។ ខ្សែបម្រើរូបនេះបានទទួលបានកាតលឿងចំនួន 3 ខណៈពេលដែលតំណាងឱ្យក្លឹបដើមរបស់គាត់គឺ Bayern Munich ក្នុងក្របខ័ណ្ឌ Champions League នៅរដូវកាលនេះ ។ កាត​លឿងទី៣​របស់​គាត់​បាន​កើត​ឡោះង​ក្នុង​ការ​ប្រកួត​ចុង​ក្រោយ​ក្នុងពូល មុន​ពេល​ផ្ទេរ​មក​លេង​នៅ Man Utd ។ កាត​លឿង​នេះ​នៅ​តែ​មាន​សុពលភាព​លើ​ច្បាប់កាត​លឿង​៣​ពិន័យ​មួយ​ប្រកួត ទោះបី​ជាប្ដូរក្លិប​ក៏​ដោយ​ពី​ព្រោះ​ការ​ប្រកួតប្រជែង​ក្នុងពាន​រង្វាន់​របស់ UEFA ហើយ ហើយ​ក្នុងរដូវ​កាល​តែ​មួយទៀត។

Lisandro Martinez ក៏​នឹង​ត្រូវ​ខកខាន​សម្រាប់​ប្រកួត​នេះ​ដែរ ដោយ​សារ​គាត់​ទទួល​បាន​កាត​លឿង​៣ ក្នុង​ការ​ប្រកួតវគ្គជម្រុះក្នុងពូលពាន Europa League នេះ​ដែរ។ ទោះជាយ៉ាងណាក៏ដោយ  Casemiro នឹង​អាច​ជួយក្រុមបាន បន្ទប់​ជាប់ពិន័យបីប្រកួតរបស់គាត់សម្រាប់កាតក្រហមទល់នឹង Crystal Palace ។

Erik ten Hag បាននិយាយក្នុងបទសម្ភាសន៍ជាមួយ UEFA មុនការប្រកួត Europa League វគ្គPlayoff ជើងទី 1 ថា៖ «ខ្ញុំគិតថា Barcelona ហើយនឹងពួកយើងក៏ពេញចិត្តក្នុងការលេងការប្រកួតនេះនៅវគ្គផ្តាច់ព្រ័ត្រដែ» ។

“យើងកំពុងទន្ទឹងរង់ចាំវា វាត្រូវការថាមពលច្រើនក្នុងការស្វែងរកការបញ្ចប់ដល់​កម្រិត​នោះ ហើយវានឹងក្លាយជាហ្គេមដ៏អស្ចារ្យ។ សង្ឃឹមថាអ្នកគ្រប់គ្នាគឺសាកសមសម្រាប់ Barcelona និងសម្រាប់ពួកយើង។ ដូច្នេះ យើង​ឃើញ​ហ្គេម​មួយ​ដែល​នឹង​ត្រូវ​លេង​ក្នុង​កម្រិត​ខ្ពស់​បំផុត។ ក្នុង​នាម​ជា​កីឡាករ ខ្ញុំ​សរសើរ​អ្នក​ចាត់​ការ​របស់ Barcelona គឺ Xavi។ Barcelona លេងតាមរបៀបដែលពួកគេលេងជាមួយគាត់៖ គាត់គឺជាផ្នែកសំខាន់មួយក្នុងក្រុម។»

Ten Hag បាន​បន្ត​ថា៖ “អ្នក​អាច​មើល​ឃើញ​ទស្សនវិជ្ជា​ដែល​គាត់​បាន​នាំ​មក​កាន់ Barcelona របស់​គាត់​ឥឡូវ​នេះ។ ខ្ញុំ​ពិត​ជា​ចូល​ចិត្ត​ក្រុម​របស់​គាត់​អំពីរបៀប​វាយ​សម្រុក។ ខ្ញុំគិតថាគាត់កំពុងធ្វើដំណើរក្នុងទិសដៅត្រឹមត្រូវ។ ខ្ញុំ​គិត​ថា វា​នឹង​ក្លាយ​ជា​ការ​ប្រជែង​ដ៏​ល្អ​រវាង Manchester United និង Barcelona»។

ជាការពិតណាស់ វាគួរឱ្យរំភើបក្នុងការលេងជាមួយក្រុម Barcelona ប៉ុន្តែ United ត្រូវបានដោះស្រាយការប្រកួតដ៏លំពាកៗក្នុងរយៈពេលពីរសប្តាហ៍បន្ទាប់។ បិសាចក្រហមមានពីរហ្គេមធំ ដោយប្រកួតទល់នឹង Barcelona, ក្នុង Premier League ប៉ះ Leicester City និងវគ្គផ្ដាច់ព្រ័ត្រ Carabao Cup ជាមួយ Newcastle United។

ស្រប​ពេលគុណភាពក្រុមរបស់​បិសាចក្រហម​មិន​ល្អគ្រប់​គ្រាន់ និងមាន​កីឡាកររបួសមួយចំនួនផង​ដែរ​នោះ វានឹងក្លាយជារយៈពេលដ៏លំបាកសម្រាប់ Ten Hag និងកូន​ក្រុមរបស់​គាត់។

ប្រភព៖ UEFA

ការ​ចោទ​ប្រកាន់​ពី​បទ​រំលោភ​សេពសន្ថវៈ និង​ការ​វាយ​ដំ​របស់ Mason Greenwood ត្រូវ​បាន​ទម្លាក់​ចោល​បន្ទាប់​ពី​សាក្សី​មួយ​ចំនួន​បាន​ដក​ខ្លួន​ចេញ​ពី​ការ​ផ្ដល់សក្ខីកម្ម​នេះ​បើ​តាម​ការ​បញ្ជាក់ពីអយ្យកាសាលាក្ដីក្រុង Manchester។  តើ​នេះ​មាន​ន័យ​ថា Greenwood អាច​នឹង​ត្រលប់​មក​លេង​ឲ្យ Manchester United ក្នុង​រដូវ​កាល​នេះ​វិញ​ទេ?

យោងតាមកាសែត Daily Mirror រឿង​នោះហាក់ដូចជាមិនទំនងនោះទេ ដោយសារក្លឹបកំពុងធ្វើការស៊ើបអង្កេតត្រឹមត្រូវ មុនពេលអនុញ្ញាតឱ្យគាត់ហ្វឹកហាត់ម្តងទៀត។ ស្ថានភាពបែប​នេះត្រូវបានរាយការណ៍ថាបានធ្វើឱ្យខ្សែប្រយុទ្ធអាយុ 21 ឆ្នាំស្ថិតក្នុងស្ថានភាព “មិន​ដឹង​ទិស​ដៅ” ខណៈដែលការស៊ើបអង្កេតផ្ទៃក្នុងអាចបន្តក្នុងរយៈពេលជាច្រើនខែខាងមុខ។

បិសាចក្រហមនឹងបញ្ជាក់អំពីអ្វី​ដែល​បាន​កើត​ឡើង​ចំពោះគាត់ ហើយពួកគេនឹងទទួលអ្នកឯកទេសមកពិនិត្យស្ថានភាពផ្លូវចិត្ត និងរាងកាយរបស់គាត់ផងដែរ។ ឱកាសនៃការដោះស្រាយទាំងអស់នេះ អាចនឹងបញ្ចប់មុនថ្ងៃទី 28 ខែឧសភា ឬ​ក៏ចុងបញ្ចប់នៃរដូវកាលនេះ តែ​វា​មិន​ច្បាស់​លាស់​នោះទេ។

ប្រភព៖ Daily Mirror