ព័ត៌មានកីឡាអាស៊ី
យោងតាមគេហទំព័រហ្វេសប៊ុកផ្លូវការ របស់សមាគមកីឡាបាល់ទាត់ថៃ (FA Thailand) បានបង្ហោះសារក្នុងថ្ងៃនេះ ដើម្បីបញ្ជាក់អំពីករណី ដែលព័ត៌មានលេចធ្លាយថា មានការខ្វះខាតថវិកាសម្រាប់ផ្គត់ផ្គង់ក្រុមក្នុងការប្រកួត Thai League 3 ដែលនាំឲ្យប៉ះពាល់ដល់ការរៀបចំក្រុម មុនរដូវកាលថ្មីចូលមកដល់ ហើយវាក៏ត្រូវបានរិះគន់យ៉ាងខ្លាំងផងដែរនៅលើបណ្តាញសង្គម។
សមាគមបាល់ទាត់ថៃ និងក្រុមហ៊ុន Thai League Company Limited បានបញ្ជាក់ដូចតទៅ៖
សមាគមបញ្ជាក់ថា ខ្លួននឹងជួយដល់ក្លិបក្នុងលីគកម្រិតទាប ដូចជា Thai League 2 Thai League 3 និងលីគបាល់ទាត់ស្ម័គ្រចិត្ត រួមទាំងវិស័យ ដែលពាក់ព័ន្ធក្នុងការរៀបចំការប្រកួតឱ្យបានពេញលេញ រួមទាំងរចនាសម្ព័ន្ធទាំងមូលនៃបាល់ទាត់ថៃ មិនថាជាក្រុមបាល់ទាត់ជម្រើសជាតិបុរស និងនារីរបស់ថៃគ្រប់ក្រុមអាយុ លីគបាល់ទាត់យុវជន សកម្មភាពមូលដ្ឋាន ហ្វូតសាល បាល់ទាត់ឆ្នេរខ្សាច់។ លើសពីនេះ ការបណ្តុះបណ្តាលសិក្ខាកាមក្នុងវិស័យផ្សេងៗ ពាក់ព័ន្ធ ដោយមិនអើពើនូវផ្នែកណាមួយឡើយ។ ព្រោះវាត្រូវបានគេចាត់ទុកថាជាគ្រឹះដ៏សំខាន់សម្រាប់ការអភិវឌ្ឍ និរន្តរភាព នៃបាល់ទាត់ថៃនាពេលអនាគត»។
សម្រាប់លីគបាល់ទាត់ថៃទី៣ រដូវកាល ២០២៣/២៤ គ្រោងនឹងបើកនៅថ្ងៃទី ១៦ ខែកញ្ញា ឆ្នាំ ២០២៣ ដោយការប្រកួតចែកចេញជា ៦តំបន់ រួមមាន 12 ក្រុមនៅតំបន់ភាគខាងជើង 13 ក្រុមនៅតំបន់ភាគឦសាន ក្រុម 12 នៅតំបន់បូព៌ា 12 ក្រុមនៅតំបន់ខាងលិច 12 ក្រុមនៅតំបន់ភាគខាងត្បូង និង 14 ក្រុមនៅទីក្រុងបាងកក។ តំបន់
ព័ត៌មានកីឡាអន្តរជាតិ
Manchester United ស្ថិតក្នុងដំណាក់កាលចុងក្រោយនៃការយល់ព្រមលើកិច្ចព្រមព្រៀងតម្លៃ 50 លានផោនសម្រាប់ Andre Onana ជាមួយ Inter Milan ។
យោងតាមកាសែត The Sun អ្នកចាំទីរូបនេះនឹងអាចទទួលបានប្រាក់បៀវត្សរ៍ ១០ម៉ឺនផោនក្នុងមួយសប្តាហ៍ នៅពេលដែលគាត់បញ្ចប់ការផ្ទេរទៅកាន់ Old Trafford ។
ប្រាក់ឈ្នួលកម្រិតនេះនឹងធ្វើឱ្យ Man Utd សន្សំប្រាក់ដ៏ច្រើន លើប្រាក់ឈ្នួលដ៏ធំសម្បើមដែល Man Utd បានចំណាយលើកីឡាករ David De Gea ៣៧៥០០០ផោន ក្នុងមួយសប្តាហ៍ស្របពេលកីឡាករអេស្ប៉ាញរូបនេះបានចាកចេញពីបិសាចក្រហមជាផ្លូវការនៅដើមខែកក្កដានេះទៅហើយ។
Kepa របស់ Chelsea, Alisson របស់ Liverpool ទទួលបានប្រាក់ឈ្នួល(១៥ម៉ឺនផោនក្នុងមួយសប្តាហ៍), Alphonse Areola របស់ West Ham, Emiliano Martinez របស់ Aston Villa និង Aaron Ramsdale របស់ Arsenal (១២ម៉ឺនផោនក្នុងមួយសប្តាហ៍) ដែលជាកីឡាកររកបានច្រើនជាងគាត់។
ព័ត៌មានកីឡាជាតិ
Erik ten Hag និង Mason Mount ពិតជាមានប្រវតិ្តសាស្រ្តដ៏សម្បូរបែបជាមួយគ្នា ដោយបានជួបគ្នានៅប្រទេសហូឡង់។
ត្រលប់មកវិញក្នុងខែតុលាឆ្នាំ 2017 Mount ជាកីឡាករខ្ចីពី Chelsea បានស៊ុតបញ្ចូលទីដំបូងឱ្យក្រុម Vitesse ទល់នឹង Utrecht របស់លោក Ten Hag។
កីឡាករវ័យក្មេងម្នាក់នេះបានទាក់ទាញចំណាប់អារម្មណ៍របស់គ្រូបង្វឹកសញ្ជាតិហូឡង់ បន្ទាប់ពីស៊ុតបញ្ចូលទីទល់នឹងក្រុម Ajax ដែលលោកដឹកនាំនាមួយឆ្នាំក្រោយមក។
Ten Hag ថែមទាំងចង់នាំយក Mount ក្នុងលក្ខខណ្ឌខ្ចីជើង ប៉ុន្តែ Chelsea បានបញ្ជូនគាត់ទៅក្របខ័ណ្ឌ Championship វិញ។ ពេលនេះអ្នកទាំងពីរនឹងនៅជាមួយគ្នានៅ Manchester United ។
ការជួបគ្នាលើកដំបូងរបស់ Ten Hag និង Mount នៅលើទីលាន៖
កីឡាករ Gabriel Jesus បច្ចុប្បន្នលេងនៅក្លិប Arsenal បាននិយាយក្នុងកម្មវិធី Denilson Show ថា៖
មានការប្រកួតមួយ ដែលលោក [Guardiola] ដាក់កីឡាករ Zinchenko ក្នុងនាមជាខ្សែប្រយុទ្ធ នៃការប្រកួត Champions League ទល់នឹង PSG នៅក្នុងទឹកដី។ ពិតជាឆ្កួតមែន! ១ថ្ងៃមុនគាត់មិនបានដាក់ Zinchenko នៅទីនោះទេ គាត់បានដាក់ខ្ញុំជាខ្សែប្រយុទ្ធ។ នៅថ្ងៃបន្ទាប់ទៀត Zinchenko ថែមទាំងនិយាយលេងជាមួយខ្ញុំថា «ថ្ងៃមុននោះ ខ្ញុំមានអារម្មណ៍មិនល្អសម្រាប់អ្នក…»
២ម៉ោងមុនការប្រកួត គាត់បានឲ្យក្រុម មានការពិភាក្សាជាក្រុម សម្រាក ញុំាអីជុំគ្នា។ សម្បីតែខ្ញុំមិនបានញុំាអីផង។ ពេលនោះខ្ញុំបានយំ ខ្ញុំបានខលទៅម្តាយខ្ញុំថា ‘ខ្ញុំចង់ចាកចេញ’ ។ ខ្ញុំនឹងត្រឡប់ទៅផ្ទះវិញ ព្រោះ [Guardiola] ដាក់គាត់លេង មិនមែនខ្ញុំទេ។ គាត់បានដាក់កីឡាករ ដែលលេងខ្សែការពារឆ្វេងនៅទីនោះ។ ពេលនោះ ខ្ញុំគិតអ្វីមិនចេញទេ !
ខ្ញុំមិនបានឡើងទៅកម្តៅសាច់ដុំនោះឡើយ។ គឺខ្ញុំមិនព្រម ពេលនោះក្បាលខ្ញុំឡើងត្រជាក់ណាស់… ខ្ញុំនៅតែមិនព្រម។ ខ្ញុំបន្តនៅក្នុងកន្លែងកៅអីបម្រុង។ ខ្ញុំអាក្រក់ណាស់។ ការប្រកួតបានចាប់ផ្តើមវគ្គទី 0-0 ។ ៥នាទីក្រោយមក Mbappe រកបាន ១-០។ គាត់ [Guardiola] បានស្រែកហៅខ្ញុំ ប្តូរជាមួយ Zinchenko។ ខ្ញុំបានស៊ុតបាល់បញ្ចូលទី ហើយយើងធ្វើបានលទ្ធផលជោគជ័យ 2-1។
នៅក្នុងការប្រកួតផ្សេងៗទៀត ខ្ញុំគិតថាខ្ញុំនឹងបានលេងហើយ។ ប៉ុន្តែខ្ញុំតែមិនបានលេង។ មានរឿងជាច្រើនកើតឡើងជាមួយគាត់ វាមិនងាយស្រួលនោះទេ។ ប៉ុន្តែកីឡាករត្រូវតែមានការវិវត្ត។ វាពិតជាពិបាកណាស់។ នោះហើយជាចំណុច ដែលខ្ញុំសម្រេចចិត្ត ខ្ញុំមិនចង់ស្នាក់នៅទៀតទេ។ ហើយខ្ញុំក៏បានសម្រេចចិត្តចាកចេញ»
យោងតាមសារព័ត៌មាន Daily Mail បានឱ្យដឹងថាក្លឹប Borussia Dortmund លែងចាប់អារម្មណ៍ក្នុងការចុះហត្ថលេខាលើកីឡាករ Jadon Sancho ឡើងវិញលើការផ្ទេរជាអចិន្ត្រៃយ៍ទៀតហើយ។
ភាគីក្លិបអាឡឺម៉ង់ ‘បញ្ចប់ការចាប់អារម្មណ៍របស់ពួកគេ’ បន្ទាប់ពីបានសំណើខ្ចីជើងលើកទីមួយ ត្រូវបានបដិសេធដោយ Manchester United ។ គេរំពឹងថា Dortmund នឹងដាក់សំណើជាលើកទី២នោះទេ។ ជំនួសមកវិញ ពួកគេមានឆន្ទៈក្នុងការលើកកម្ពស់កីឡាករយុវជនថ្នាលនៅក្នុងក្រុមរបស់ពួកគេផ្ទាល់។
Dortmund ត្រូវបានគេរាយការណ៍ថា មានការប្រុងប្រយ័ត្នខ្ពស់ ក្នុងការចុះហត្ថលេខាលើខ្សែបម្រើស្លាបសញ្ចាតិអង់គ្លេសនៅពេលនេះ ទោះបីជាមានការសរសើរជាច្រើនកាលពីអតីតកាលក៏ដោយ។ ប្រសិនបើ Sancho មិនអាចធានាបានការផ្ទេរទៅកន្លែងផ្សេងទេ ពេលវេលាគឺអស់សម្រាប់គាត់ក្នុងការបង្កើតខ្លួនឯងជាអ្នកចាប់ផ្តើមក្នុងជម្រើស១១នាក់។
លោក Santi Aouna រាយការណ៍ថា Paris Saint-Germain បានផ្តល់អាទិភាពក្នុងការចុះហត្ថលេខាលើ Ousmane Dembele ប្រសិនបើ Kylian Mbappe ចាកចេញ។
Luis Enrique ពេញចិត្តនឹងកីឡាករសញ្ជាតិបារាំងរូបនេះ ហើយគាត់ចាត់ទុក Dembele ជាកីឡាករល្អបំផុតក្នុងតំណែងរបស់គាត់។ លក្ខខណ្ឌផ្ដាច់កុងត្រា Dembele មានតម្លៃ 50 លានអឺរ៉ូរហូតដល់ថ្ងៃទី 31 ខែកក្កដា។ ទោះជាយ៉ាងណាក៏ដោយ ទាល់តែកីឡាករយល់ព្រមលើការផ្ទេរទើបអាចវាកើតឡើង។
Barcelona បានជួបកីឡាករវ័យ 26 ឆ្នាំរួចហើយ ដោយសន្មត់ថានឹងចរចារកុងត្រាថ្មីរបស់គាត់។ កិច្ចសន្យាបច្ចុប្បន្នរបស់គាត់នឹងផុតកំណត់នៅឆ្នាំ 2024 ។Ousmane Dembele នៅតែជាកីឡាករសំខាន់របស់ Barca ។ កាលពីរដូវកាលមុន គាត់ស៊ុតបញ្ចូលទីបាន៨គ្រាប់ និងបញ្ជូនបាល់ឲ្យបាន៩ដង ក្នុង៣៥ប្រកួតសម្រាប់ក្រុម Catalans ។
សម្រាប់ Kylian Mbappe ខ្សែប្រយុទ្ធឆ្នើមអាចចូលរួមជាមួយ Real Madrid នៅរដូវក្តៅនេះ ដោយកិច្ចព្រមព្រៀង PSG របស់គាត់នឹងផុតកំណត់នៅឆ្នាំ 2024។ ក្លឹប Parisians កំពុងជំរុញឱ្យកីឡាករវ័យ 24 ឆ្នាំរូបនេះចាកចេញ ដោយសារគាត់មិនចង់បន្តកុងត្រារបស់គាត់។
PSG បានចុះហត្ថលេខាលើ Lucas Hernandez, Milan Skriniar និង Marco Asensio រួចរាល់ហើយ តែយើងមិនទាន់ដឹងថានឹងយកកីឡាករណាទៀតទេ។
លោក Piero Ausilio នាយកផ្នែកកីឡារបស់ក្លិបអ៊ីតាលី Inter Milan បានពន្យល់ថា៖ «ខ្ញុំមិនមានគណនី Instagram ផ្លូវការទេ»។
«ខ្ញុំបង្កើតបានមួយដើម្បីពិនិត្យប្រពន្ធរបស់កីឡាករព្រោះពួកគេខ្លះផ្តល់បញ្ហាដល់ខ្ញុំ។ ប្រពន្ធ និងមិត្តស្រី អ្នកអាចប្រាប់រឿងរ៉ាវជាច្រើន សូម្បីតែអំពីបុគ្គលិកលក្ខណៈរបស់កីឡាករក៏ដោយ»។
«បន្ទាប់មកខ្ញុំក៏Follow កីឡាករ ហើយសូម្បីតែកីឡាករក្រុមផ្សេងៗ។ ប៉ុន្តែខ្ញុំបានបង្កើតវាសម្រាប់តាមដានភរិយារបស់កីឡាករបាល់ទាត់ម្នាក់ៗ ដែលផ្តល់បញ្ហាជាច្រើនដល់ខ្ញុំ»។
ជាអកុសល Ausilio មិនបាននិយាយពីឈ្មោះកីឡាករនោះទេ ប៉ុន្តែប្រព័ន្ធផ្សព្វផ្សាយសង្គមគឺជាច្រកផ្លូវមួយសម្រាប់ការយល់ដឹងអំពីមនុស្សដែលទាក់ទងជាមួយ។ សម្រាប់ភរិយានិងមិត្តស្រីរបស់កីឡាករក្លិប Inter វានឹងគួរឱ្យចាប់អារម្មណ៍ក្នុងការបង្ហោះ ខណៈដែលឥឡូវនេះពួកនាងដឹងថា លោក Ausilio កំពុងតាមដានយ៉ាងជិតស្និទ្ធ។
នៅពេលសួរអំពីមិត្តរួមក្រុមដ៏ល្អបំផុតរបស់គាត់ Robin van Persie បាននិយាយតាមរយៈ The Sun ថា៖«ខ្ញុំនឹងរាប់ Dennis Bergkamp, Thierry Henry, Ryan Giggs, Paul Scholes, Wayne Rooney និង Ruud van Nistelrooy» ។
Van Persie បានចំណាយពេល 8 ឆ្នាំនៅ Arsenal ដោយបានបង្ហាញខ្លួន 196 ដងនៅ Premier League ជាមួយនឹងស៊ុតបញ្ចូលទីជិត 100 គ្រាប់។
គាត់បានឈ្នះពានរង្វាន់ FA Cup និង Community Shield នៅក្លឹប មុនពេលដែលគាត់ចូលរួមជាមួយ Man United ក្នុងឆ្នាំ 2012 ។ គាត់បានបញ្ចប់អាជីពរបស់គាត់នៅក្លឹបពីកុមារភាព Feyenoord ក្នុងឆ្នាំ 2019 បន្ទាប់ពីចំណាយពេលមួយរយៈនៅ ក្លិប Fenerbahce ។
យោងតាម The Athletic ក្លឹប Manchester United ត្រូវបានគេរំពឹងថានឹងធ្វើការសម្រេចចិត្តលើអនាគតរបស់ Mason Greenwood មុនពេលរដូវកាល 2023/24 ចាប់ផ្តើម។
ការស៊ើបអង្កេតរបស់ប៉ូលីសនៅទីបំផុតនាំឱ្យការចោទប្រកាន់ត្រូវបានទម្លាក់ ប៉ុន្តែ Man United បានបន្តជាមួយនឹងការវិភាគផ្ទៃក្នុងលើអ្វីដែលបានកើតឡើងពិតប្រាកដ។ ហើយឥឡូវនេះ 154 ថ្ងៃបន្ទាប់ពីនីតិវិធីផ្ទៃក្នុងទាំងនោះបានចាប់ផ្តើម ក្លឹបកំពុងពឹងផ្អែកលើការរក្សា Greenwood ជាជាងការបញ្ចប់កិច្ចសន្យារបស់គាត់។
Athletic យល់ថា Erik ten Hag បើកចំហរក្នុងការនាំយក Greenwood ត្រលប់ទៅក្រុមឈុតធំវិញនៅពេលណាមួយ។ មន្ត្រីក្លឹបក៏កំពុងសម្រេចចិត្តថា ប្រសិនបើការបញ្ជូនគាត់ចេញក្នុងលក្ខខ័ណ្ឌខ្ចីជើងគឺប្រសើរជាងការនាំគាត់ត្រលប់បង្កើនការចាប់អារម្មណ៍នៅ Old Trafford ។
របាយការណ៍បន្ថែមថា នាយកដ្ឋានពាណិជ្ជកម្ម និងអ្នកទទួលបន្ទុកប្រតិបត្តិការបាល់ទាត់នៅ Man United មិនបានឃើញផ្ទាល់ភ្នែកលើបញ្ហានេះទេ។
