កីឡាករ Luka Modric បានសម្លឹងឃើញ Mateo Kovacic ជា ខ្សែបម្រើដែលអាចស្នងតំណែងរបស់គេបាននាពេលអនាគត។

Modric និង Kovacic ជា មិត្តរួមក្រុមនឹងគ្នានៅឯក្រុមជម្រើសជាតិក្រូអាត ប៉ុន្តែ បច្ចុប្បន្នបើយើងនិយាយពីវ័យរបស់ Modric គឺ ៣៦ឆ្នាំទៅហើយ ខណៈ Kovacic ទើបតែមានវ័យ២៧ឆ្នាំ ដូច្នេះគេអាចលេងបាល់បានច្រើនឆ្នាំជាងបន្តទៀត។

Modric បាននិយាយថា៖

«ខ្ញុំគិតថា Kovacic អាចជាអ្នកស្នងតំណែងរបស់ខ្ញុំ យ៉ាងហោចណាស់គាត់គឺជាកីឡាករដែលមានទេពកោសល្យបំផុត។ គាត់បានលេងនៅក្នុងក្លិបធំៗ។ ពេលនេះគាត់នៅ Chelsea ហើយ កំពុងធ្វើបានល្អ។ ប្រាកដណាស់គាត់អាចដឹកនាំក្រុ មក្រូអាតបាននាពេលអនាគត»៕

ប្រភព៖ Just Football

«កម្ពុជា ២០២៣ ឬ Cambodia 2023» នឹងត្រូវក្លាយជាប្រធានបទសម្រាប់ការផ្សព្វផ្សាយព្រឹត្តិការណ៍កីឡាអាស៊ីអាគ្នេយ៍ និងកីឡាជនពិការអាស៊ីអាគ្នេយ៍ ២០២៣។ នេះបើយោងតាមបទបង្ហាញ ដោយអ្នកជំនាញការ លោក Nicholas ស្ដីពី «កម្មសិទ្ធិបញ្ញា និងការផ្សព្វផ្សាយ» ក្នុងសន្និបាតបូកសរុបលទ្ធផលការងារឆ្នាំ២០២១ និងលើកទិសដៅឆ្នាំ២០២២-២០២៣ និងសិក្ខាសាលាថ្នាក់ជាតិស្ដីពី អភិបាលកិច្ចល្អ នៃការគ្រប់គ្រងព្រឹត្តិការណ៍ SEA Games-ASEAN Para Games ឆ្នាំ២០២៣ របស់គណៈកម្មាធិការជាតិរៀបចំការប្រកួតកីឡា អាស៊ីអាគ្នេយ៍ លើកទី៣២ ឆ្នាំ២០២៣ (CAMSOC) នៅសណ្ឋាគារសុខា នាព្រឹកថ្ងៃទី០៩ ខែកុម្ភៈ ឆ្នាំ២០២២។

អ្នកជំនាញការជនជាតិម៉ាឡេស៊ី Nicholas ទីប្រឹក្សា CAMSOC បានធ្វើបទបង្ហាញដូច្នេះថា «ការផ្សព្វផ្សាយមួយដែលយើងត្រូវរួមគ្នាផ្សព្វផ្សាយ គឺ កម្ពុជា ២០២៣ ដែលជាឈ្មោះនៃការផ្សព្វផ្សាយរបស់យើង ហើយអ្វីដែលលើសពីការផ្សព្វផ្សាយនេះ គឺ កម្ពុជាជាផ្ទះដែលទទួលការប្រកួតកីឡាក្នុងតំបន់នេះ លើសពីអ្វីដែលសំខាន់នៅក្នុងពាក្យស្លោកដែលយើងត្រូវប្រើប្រាស់ នោះគឺពាក្យស្លោក «កីឡារស់ក្នុងសន្តិភាព» ចំពោះពាក្យស្លោក កីឡារស់ក្នុងសន្តិភាព គឺមានន័យថាយើងចង់បង្ហាញអំពីជ័យជំនះរបស់យើង ទៅលើការទទួលបានដោយចិត្ត និងដោយបេះដូងរបស់ប្រជាជនកម្ពុជាទាំងអស់ ដោយក្ដីសង្ឃឹម និងជឿជាក់ ហើយដោយធានាថា កីឡាពិតជារស់នៅក្នុងសន្តិភាព និងទទួលបាននូវការគាំទ្រវីរកីឡាករ-កីឡាការិនីឆ្នើម។ ក្រៅពីអត្ថន័យរួម កីឡារស់ក្នុងសន្តិភាព ក៏មានអត្ថន័យដោយឡែកដែលបញ្ជាក់អំពី មោទនភាព ការបង្រួបបង្រួម ឆន្ទ: ការធ្វើការជាក្រុម ដើម្បីឆ្ពោះទៅរកជោគជ័យទាំងអស់គ្នា និងអធ្យាស្រ័យទាំងអស់គ្នា។»

«នៅក្នុងគុណតម្លៃពិតប្រាកដនៃសន្តិភាពក្នុងកីឡានេះ យើងត្រូវតែផ្ដោតលើការយកចិត្តទុកដាក់ក្នុងការជម្រុញសន្តិភាពតាមរយៈសកម្មភាពកីឡា។ ក្នុងការជម្រុះនេះ យើងត្រូវធ្វើយ៉ាងម៉េចឲ្យប្រជាពលរដ្ឋចូលរួម បានន័យថា បុគ្គលម្នាក់ដែលមានសន្តិភាពនៅក្នុងខ្លួនចូលរួម គឺនឹងធ្វើឲ្យគ្រួសារមានសន្តិភាព ហើយគ្រួសារមានសន្តិភាព ធ្វើឲ្យសហគមន៍មានសន្តិភាព សហគមន៍មានសន្តិភាពធ្វើឲ្យប្រទេសជាតិមានសន្តិភាព ប្រទេសជាតិមានសន្តិភាពធ្វើឲ្យពិភពលោកមានសន្តិភាព។» លោក Nicholas បានបន្ថែម។

ជាមួយគ្នាផងដែរ លោក Nicholas ក៏បានធ្វើបទបង្ហាញពន្យល់ឡើងវិញអំពីអត្ថន័យនិមិត្តសញ្ញា រូបសត្វតំណាង (សុភាទន្សាយ) និងពាក្យស្លោក ហើយកត្តាចម្បងគឺផ្សារភ្ជាប់ទៅនឹងកម្មសិទ្ធិបញ្ញា ដែលផ្នែកសំខាន់ទាំង៣នេះ សុទ្ធតែត្រូវបានចុះបញ្ជីកម្មសិទ្ធិបញ្ញា តាមរយៈក្រសួងពាណិជ្ជកម្ម។ អំពី និមិត្តសញ្ញាស៊ីហ្គេម និងអាស៊ានបារ៉ាហ្គេម រូបសត្វតំណាង (សុភាទន្សាយ) និងពាក្យស្លោក (កីឡារស់ក្នុងសន្តិភាព) គឺជាកម្មសិទ្ធបញ្ញារបស់គណៈកម្មាធិការជាតិរៀបចំការប្រកួតកីឡា អាស៊ីអាគ្នេយ៍ លើកទី៣២ ឆ្នាំ២០២៣ (CAMSOC) ដែលនិមិត្តសញ្ញា ទាំង ៣ប្រភេទនេះ អាចអនុញ្ញាតយកទៅប្រើប្រាស់តាមសហព័ន្ធកីឡាជាតិ ដើម្បីជាការផ្សព្វផ្សាយទូលំទូលាយបាន ដោយស្នើសុំការអនុញ្ញាតពី CAMSOC ក្នុងនោះក៏មានម្ចាស់ឧបត្ថម្ភ (Sponsor) ដែលជាម្ចាស់ឧបត្ថម្ភផ្លូវការរបស់ CAMSOC ក៏អាចយកទៅប្រើប្រាស់បាន និងសារព័ត៌មានក៏អាចយកទៅផ្សព្វផ្សាយបានផងដែរ ប៉ុន្តែមិនដើម្បីប្រើប្រាស់បែបអាជីវកម្មឡើយ ស្របពេលដែលក្រសួងពាណិជ្ជកម្ម គឺជាក្រសួងសាមីដែលការពារដល់កម្មសិទ្ធិបញ្ញានេះ៕

អត្ថបទ៖ Cambodia 2023

យោងតាមព័ត៌មានដែលផ្តល់ដោយ The Athletic កីឡាករ Mason Greenwood អាចត្រលប់ទៅ Manchester United នៅដើមសប្តាហ៍ក្រោយ។

ប៉ូលីសទីក្រុង Greater Manchester កំពុងពិនិត្យមើលការចោទប្រកាន់ពីបទប្រើអំពើហិង្សា រំលោភបំពានផ្លូវភេទ និងការគម្រាមសម្លាប់មកលើGreenwood ។ បច្ចុប្បន្ន​គាត់​នៅ​ក្រៅ​ឃុំ និង​មិន​ត្រូវ​បាន​ចោទ​ប្រកាន់​ពី​បទ​ឧក្រិដ្ឋ​ដូច​ខាង​លើ​នោះ​ទេ។

Man United បានព្យួរកីឡាករវ័យ 20 ឆ្នាំបន្ទាប់ពីការចោទប្រកាន់នេះត្រូវបានផ្សព្វផ្សាយជាសាធារណៈ។ គិតត្រឹមថ្ងៃអាទិត្យសប្តាហ៍នេះ គាត់នឹងត្រូវផ្អាករយៈពេលពីរសប្តាហ៍ ដែលអនុញ្ញាតឱ្យគាត់ត្រឡប់ទៅរកអាជីពបាល់ទាត់វិញ។

ក្លឹប Premier League ត្រូវបានអនុញ្ញាតឱ្យព្យួរកីឡាកររយៈពេល 2 សប្តាហ៍ប៉ុណ្ណោះ និង​បើក​ប្រាក់ឈ្នួលពេញ នេះបើយោងតាមព័ត៌មានផ្លូវច្បាប់ដែលមាននៅក្នុងរបាយការណ៍របស់ The Athletic ។ Greenwood អាចត្រលប់មកវិញតាមបច្ចេកទេសនៅសប្តាហ៍បន្ទាប់។

លក្ខណៈនៃការចោទប្រកាន់ប្រឆាំងនឹង Greenwood ដូចដែលបានបញ្ជាក់នៅក្នុងរបាយការណ៍នេះ ធ្វើឱ្យវាមិនទំនងថាគាត់នឹងត្រលប់ទៅ Old Trafford ក្នុងពេលដ៏ខ្លីខាងមុខនេះ ប៉ុន្តែវានៅតែគួរឱ្យចាប់អារម្មណ៍ក្នុងការស្វែងយល់អំពីផលប៉ះពាល់ផ្លូវច្បាប់នៃស្ថានភាពដ៏ស្មុគស្មាននេះ។

ប្រសិន​បើ​គិត​លើ​ផ្លូវច្បាប់​នេះ Greenwood អាច​ត្រឡប់មក​ក្លិបវិញ ប៉ុន្តែបើ​ប៉ូលីសទីក្រុង Greater Manchester ចោទប្រកាន់ពេញ​ច្បាប់​នោះ​ទេ​គឺ​ចប់​ហើយ។ តែ​យ៉ាងណា! បើ​គាត់បាន​ត្រឡប់​មក​វិញ គាត់​ត្រូវ​តែ​រៀន​សូត្រ​ពី​អ្វីដែល​គាត់​ធ្លាប់​ធ្វើ​ពី​ព្រោះ​គាត់​មាន​ទេពកោសល្យខ្ពស់​ក្នុងអាជីពបាល់​ទាត់​ហើយ​គាត់​នៅ​ក្មេងនៅ​ឡើយ៕

ខ្សែបម្រើប្រយុទ្ធ Mason Mount បានបង្ហាញអំពីមហិច្ឆតាចង់ឈ្នះពានរង្វាន់ FIFA Club World Cup ជាមួយនឹងក្លិបតោខៀវ Chelsea។

កាលពីយប់មិញនេះ Chelsea បានយកឈ្នះ Al Hilal ក្នុងលទ្ធផល ១ទល់នឹង០ ដើម្បីកក់កៅអីឡើងទៅកាន់វគ្គផ្តាច់ព្រ័ត្រនៃពានរង្វាន់ FIFA Club World Cup ដោយត្រូវប្រកួតទល់នឹង Palmeiras នៅថ្ងៃទី១២ខាងមុខនេះ។

Mount បាននិយាយថា៖«ពួកយើងពិតជាចង់ឈ្នះពានរង្វាន់ FIFA Club World Cup ណាស់។ ក្លិបរបស់យើងពុំធ្លាប់ឈ្នះវាឡើយ ដូច្នេះយើងចង់ឈ្នះវាដូចគ្រប់ពានរង្វាន់ដែលយើងបានចូលរួមប្រកួត។ យើង ចង់ មាន ចិត្ត គំនិត ឈ្នះ ហើយ សង្ឃឹម ថា វា នឹង ក្លាយ ជា ដំណើរ ដ៏ ល្អ សម្រាប់ យើង»។

ក្រុមហ៊ុនលីគកម្ពុជា បាន​បង្ហាញស្លាកសញ្ញា (Logo) ថ្មី ដែលបានរចនាដោយយកលំនាំតាមទម្រង់ផែនទីប្រទេសកម្ពុជា ជាមួយនឹងអក្សរ C, P, L  និង​មាន​អត្ថន័យជាក់លាក់របស់​វា។

តាម​ការ​បញ្ជាក់សម្រាប់ឡូហ្គោពណ៌ខ្មៅ ជាតំណាងឲ្យក្រុមហ៊ុនលីគកម្ពុជាផ្ទាល់ ដោយមានអក្សរពេញ Cambodian Premier League ពណ៌ខ្មៅផងដែរ។ ក្របខណ្ឌខេមបូឌានព្រីមៀរលីគ ឬលីគ១  Cambodian Premier League មានឡូហ្គោពណ៌ក្រហម ដោយអក្សរខ្មៅខាងក្រោមសរសេរថា Cambodian Premier League រីឯលីគ២ មានឡូហ្គោពណ៌បៃតង ជាមួយនឹងអក្សរពណ៌ខ្មៅ Cambodian League 2។

រីឯពណ៌បៃតង គឺជាឡូហ្គោរបស់លីគ២ ដោយអក្សរខាងក្រោម Cambodian Premier League មានពណ៌ខ្មៅដូចគ្នា។ សម្រាប់ការរចនាមួយបែបទៀត (CPL Emblem) អក្សរ និងឡូហ្គោ ស្ថិតនៅក្នុងស៊ុម ដោយអក្សរស្ថិតនៅពីលើវិញ។ Cambodian Premier League ពណ៌ស ផ្ទៃពណ៌ខ្មៅ រីឯ Cambodia League 2 វិញ លេខ2 ស្ថិតក្នុងផ្ទៃពណ៌បៃតង៕

ខ្សែបម្រើវ័យក្មេង Persib Bandung កីឡាករ Beckham Putra បានសារភាពថា ខ្លួនចង់បង្កើននូវឱកាសពង្រឹងក្រុម U-23 ឥណ្ឌូនេស៊ី ដែលនឹងចូលរួមប្រកួតពានរង្វាន់ AFF U-23 Cup ឆ្នាំ 2022 នៅកម្ពុជា។

កីឡាករ Beckham ដែលមានឈ្មោះពេញ Putra Nugraha បាននិយាយថា វាជាកិត្តិយស និងមោទនភាពដែលបានក្លាយជាផ្នែកមួយក្នុងក្រុមជម្រើស​ជាតិ ហើយត្រៀមខ្លួនរួចជាស្រេច ដើម្បីបង្ហាញសមត្ថភាពទាំងអស់របស់គាត់ដល់ក្រុមជម្រើសជាតិ U-23 ។ ខ្សែបម្រើប្រយុទ្ធវ័យ 20 ឆ្នាំនិយាយនៅលើគេហទំព័រផ្លូវការ Persib ថា៖

“វាជាកិត្តិយស និងមោទនភាពណាស់ដែលមានឱកាសមាសជាប់ក្នុងក្រុមជម្រើសជាតិ។ ខ្ញុំមិនចង់ខ្ជះខ្ជាយឱកាសនេះទេ។ ពិតណាស់! ខ្ញុំនឹងផ្តល់ឱ្យទាំងអស់របស់ខ្ញុំសម្រាប់ជាប្រយោជន៍ដល់ឈ្មោះដ៏ល្អរបស់ប្រទេសឥណ្ឌូនេស៊ី”។

Beckham បានស៊ុតបញ្ចូលទី 3 គ្រាប់ឱ្យក្លិប Persib ក្នុង BRI Liga 1 រដូវកាល​2021/2022 បានសារភាពថាគាត់ត្រូវតែខិតខំប្រឹងប្រែងដើម្បីទទួលបានឱកាសលេងក្នុងក្រុមជម្រើសជាតិ ប៉ុន្តែវានឹងមិនងាយស្រួលទេក្នុងការសម្រេចបានដោយសារតែមានកីឡាករដែលមានគុណភាពជាច្រើនទៀត។ .

លើសពីនេះ Beckham ជឿជាក់ថា U-23 ឥណ្ឌូណេស៊ី មានឱកាសឈ្នះពាន U-23 AFF Cup ព្រោះក្រុម U23 មាន​កីឡាករ​ល្អៗ មាន​ទេពកោសល្យ និងជំរុញទឹកចិត្តគាត់ឱ្យចូលរួម។

“វាដូចគ្នាដែរ ក្នុងក្រុមជម្រើសជាតិក៏ទទួលបានឱកាសលេងដែរ។ ខ្ញុំត្រូវតែសម្រេចវាដោយការប្រឹងប្រែង។ ទោះជាយ៉ាងណាក៏ដោយ ចំនួនកីឡាករដែលមានគុណភាពក៏ធ្វើឱ្យខ្ញុំជឿជាក់យ៉ាងខ្លាំងថា ឥណ្ឌូនេស៊ីអាចឈ្នះពាន AFF U-23 Cup “។

“ក្រុមនេះមាន​សុទ្ធតែជាកីឡាករមានគុណភាព។ ស្ថានភាពនេះធ្វើឱ្យខ្ញុំមានការលើកទឹកចិត្ត ដើម្បីក្លាយជាផ្នែកមួយនៃ AFF U-23 ទោះ​បី​ជា​វា​លំបាកយ៉ាងណាក្ដី” ។

Beckham បាននិយាយថាភាពជោគជ័យរបស់បងប្រុសរបស់ខ្លួនគឺ Gian Zola Nasrullah ក្នុងការឈ្នះពានរង្វាន់ AFF U-22 Cup កាល​ពីឆ្នាំ 2019 គឺជាកម្លាំងចិត្តសម្រាប់គាត់។

“ដោយមតិផ្ទាល់ខ្លួន ខ្ញុំមានក្តីសង្ឃឹមខ្ពស់ថា ខ្ញុំអាចបង្កើតសមិទ្ធិផលរបស់ឥណ្ឌូនេស៊ីដូច AFF  U23 លើកមុនៗ។ វាជាកម្លាំងចិត្តសម្រាប់ខ្ញុំ ជាពិសេសចាប់តាំងពីបងប្រុសរបស់ខ្ញុំ (Gian Zola) ធ្លាប់បានឈ្នះពានរង្វាន់ AFF Cup 2019 នៅកម្ពុជាផងដែរ”។

ប្រធានសមាគមបាល់ទាត់នៃប្រទេសម៉ាឡេស៊ី (FAM) លោក Datuk Haji Hamidin Haji Mohd Amin បានបញ្ជាក់ថា ភាគីរបស់លោកបានបញ្ជូនពាក្យស្នើសុំជាផ្លូវការទៅសហព័ន្ធបាល់ទាត់អាស៊ី (AFC) រួចហើយ ដើម្បីដេញថ្លៃសិទ្ធិធ្វើម្ចាស់ផ្ទះជុំទី៣ នៃវគ្គជម្រុះ Asian Cup 2023 ក្នុងវគ្គជម្រុះ ពាក់កណ្តាលឆ្នាំនេះ។

ការសម្រេចចិត្តថាតើម៉ាឡេស៊ីនឹងទទួលជោគជ័យក្នុងការធ្វើជាម្ចាស់ផ្ទះឬអត់ នឹងត្រូវបានគេដឹងបន្ទាប់ពីការចាប់ឆ្នោតជាផ្លូវការសម្រាប់ការប្រកួតជម្រុះ Asian Cup ឆ្នាំ 2023 នៅថ្ងៃទី 24 ខែកុម្ភៈ។ ទោះបីជាបំពេញតាមលក្ខណៈវិនិច្ឆ័យដែលកំណត់ដោយ AFC ក៏ដោយ ក៏ម៉ាឡេស៊ីត្រូវប្រកួតប្រជែងជាមួយប្រទេសផ្សេងទៀតដែលបានដាក់ពាក្យស្នើសុំធ្វើជាម្ចាស់ផ្ទះផងដែរ។

លោក Datuk Hamidin បាននិយាយនៅក្នុង Harian Metro ថា៖

“AFC នឹងសម្រេចថាតើយើងជោគជ័យឬអត់ ដោយសារខ្ញុំយល់ពីអគ្គលេខាធិការ AFC (Datuk Windsor John) ថាក្រុមស្ទើរតែទាំងអស់ដេញថ្លៃធ្វើជាម្ចាស់ផ្ទះ ហើយ មិនមែនមានតែពួកយើងទេ”។

“ដូច្នេះ AFC មាន​លក្ខណៈ​វិនិច្ឆ័យ​របស់​គេ ហើយ​រហូត​មក​ដល់​ពេល​នេះ ខ្ញុំ​យល់​ថា យើង​នៅ​តែ​មាន​លក្ខណៈ​វិនិច្ឆ័យ​ប៉ុណ្ណោះ គឺ​ត្រូវ​ប្រកួត​ជាមួយ​ប្រទេស​ផ្សេង​ទៀត”។

“ប្រទេសខ្លះមិនមានវិធានការថ្វើ​ចត្តាឡីស័កទាល់តែសោះ។ ដូច្នេះ AFC នឹងពិនិត្យមើលលក្ខណៈវិនិច្ឆ័យទាំងអស់ ហើយសំខាន់បំផុតក្រុមរបស់យើងត្រូវតែត្រៀមខ្លួនថាតើត្រូវលេងក្នុងប្រទេស ឬនៅក្រៅប្រទេស។”

ទោះបីជាករណីនៃការឆ្លងមេរោគ COVID-19 ឥឡូវនេះកំពុងកើនឡើងនៅក្នុងប្រទេសក៏ដោយ FAM នៅតែបន្តដេញថ្លៃធ្វើជាម្ចាស់ផ្ទះ ហើយមានទំនុកចិត្តថាការបញ្ជូនវ៉ារ្យ៉ង់នៃ​ការ​ឆ្លងវីរុសកូវីដប្រភេទថ្មី អូមីក្រុង អាចត្រូវបានគ្រប់គ្រងបាន​ល្អ ដោយប្រកាន់ខ្ជាប់នូវនីតិវិធីប្រតិបត្តិការស្តង់ដារ (SOPs) ដែលកំណត់ដោយរដ្ឋាភិបាល។

លោក Hamidin ពន្យល់ថា៖ “វាជាការពិត! ប៉ុន្តែលើកនេះវាខុសគ្នា ដោយសារមនុស្សជាច្រើនបានចាក់វ៉ាក់សាំង។ ដូច្នេះយើងគ្រាន់តែអនុវត្តតាម SOP របស់ KKM និង MKN ហើយយើងបន្តដេញថ្លៃ ទោះបីជាលេខាធិការដ្ឋានរបស់យើងបានផ្ញើពាក្យសុំរួចហើយក៏ដោយ” ។

កាលពីខែតុលាឆ្នាំមុន AFC បានបញ្ជាក់ថា ការប្រកួតជម្រុះ Asian Cup ឆ្នាំ 2023 នឹងធ្វើឡើងនៅទឹក​ដីកណ្តាល ហើយការប្រកួតទាំងអស់នឹងធ្វើឡើងតាមទម្រង់ជួប​គ្នាតែមួយជុំ។

AFC ក៏បានជូនដំណឹងផងដែរថា ការប្រកួតជម្រុះចុងក្រោយសម្រាប់ Asian Cup ឆ្នាំ 2023 នឹងធ្វើឡើងនៅថ្ងៃទី 3 ដែលបានកំណត់គឺថ្ងៃទី 8, 11 និង 14 ខែមិថុនា ឆ្នាំ 2022។ ទីកន្លែងនៃការប្រកួតនៅចំណុចនេះមិនទាន់ត្រូវបានកំណត់នៅឡើយទេ ហើយ ការបើកសម្រាប់ការដេញថ្លៃធ្វើ​ម្ចាស់​ផ្ទះដោយសមាជិកណាមួយដែលពាក់ព័ន្ធក៏មិនទាន់​បញ្ជាក់៕

ខ្សែបម្រើ Hakim Ziyech របស់ Chelsea បានប្រកាសចូលនិវត្តន៍ពីក្រុមជម្រើសជាតិម៉ារ៉ុក។

Ziyech ដែលធ្លាប់បង្ហាញខ្លួន​ 40 ប្រកួតឱ្យម៉ារ៉ុករួច​ទៅ​ហើយ​នោះ មិនបានបង្ហាញខ្លួនឱ្យជម្រើសជាតិចាប់តាំងពីខែមិថុនាមក ហើយឥឡូវនេះបានធ្វើឱ្យខ្លួនគាត់មិនមានសម្រាប់អនាគតដ៏ខ្លីខាងមុខ។ ការសម្រេចចិត្តនេះបានធ្វើឡើង បន្ទាប់ពីកីឡាករវ័យ ២៨ ឆ្នាំខាងលើមិនត្រូវបានកោះពីសំណាក់ក្រុមម៉ារ៉ុកសម្រាប់យុទ្ធនាការពានរង្វាន់ Africa Cup of Nations កាលពីខែមុន ហើយកាលពីឆ្នាំមុន លោក Vahid Halilhodzic ដែលជាគ្រូបង្គោលម៉ារ៉ុកបានចោទប្រកាន់ Ziyech ពីបទធ្វើជារបួសដើម្បីគេចវេសការលេងក្នុងការប្រកួតមិត្តភាព និង បានរិះគន់អាកប្បកិរិយារបស់គេទៀតផង។

Ziyech បាននិយាយថា៖«ច្បាស់ណាស់ខ្ញុំយល់ពីពួកគេ ប៉ុន្តែខ្ញុំនឹងមិនត្រលប់ទៅក្រុមជម្រើសជាតិវិញឡើយ។ វាជាការសម្រេចចិត្តចុងក្រោយរបស់ខ្ញុំ។ ខ្ញុំយល់ថា វាជាដំណឹងអាក្រក់សម្រាប់ប្រជាជនម៉ារ៉ុក ខ្ញុំអាណិតពួកគេ ហើយ នេះជាស្ថានភាពខ្ញុំនៅពេលនេះ។

នៅ​ពេល​សួរ​ថា​តើ​វា​ជា​ការ​សម្រេច​ចិត្ត​ចុង​ក្រោយ​របស់​គាត់​ឬ​អត់​នោះ Ziyech បាន​ឆ្លើយ​ថា​៖ បាទ​ វា​ជា​ការ​សម្រេច​ចិត្ត​ចុង​ក្រោយ​របស់​ខ្ញុំ។

‘វាច្បាស់ណាស់! សម្រាប់ខ្ញុំនេះ​គឺ​ជារបៀបដែលអ្វីៗដំណើរការនៅទីនោះ ហើយខ្ញុំកំពុងផ្តោតលើអ្វីដែលខ្ញុំកំពុងធ្វើ ហើយឥឡូវនេះអ្វីដែលខ្ញុំមាននោះគឺជាក្លឹបរបស់ខ្ញុំ”។

នៅ​ពេល​សួរ​ថា​តើ​គាត់​មាន​អារម្មណ៍​មិន​ល្អ​ទេ​ បន្ទាប់​ពី​ការ​សម្រេច​ចិត្ត​នោះ Ziyech បាន​និយាយ​ថា​៖ ‘ពិត​ណាស់, អ្គ្មាននរណាសម្រេចចិត្តឈប់​លេង​ឱ្យ​ជម្រើសជេះាតិ​ទាំងអារម្មណ៍សប្បាយរីករាយ​នោះ​ទេ។”

“ប៉ុន្តែនៅចុងបញ្ចប់ វាគឺជាការសម្រេចចិត្តដែលអ្នក​ត្រូវតែធ្វើ ហើយអ្នកត្រូវតែគោរពវា ។ ដូច​ដែល​ខ្ញុំ​បាន​និយាយ​កន្លង​មក ខ្ញុំ​នឹង​មិន​ត្រឡប់​ទៅ​ក្រុម​ជម្រើស​ជាតិ​វិញ​ទេ”។

“ខ្ញុំយល់ថា [វាជាដំណឹងអាក្រក់សម្រាប់ប្រជាជនម៉ារ៉ុក] ខ្ញុំអាណិតពួកគេ នោះជាស្ថានភាពនៅពេលនេះ”។