ព័ត៌មានកីឡាជាតិ
គណៈកម្មាធិការជាតិអូឡាំពិកសិង្ហបុរី (SNOC) បានបញ្ជាក់នៅល្ងាចថ្ងៃទី១៨ ខែមេសាម្សិលមិញនេះថា ក្រុមបាល់ទាត់ជម្រើសជាតិបុរសអាយុក្រោម២៣ឆ្នាំ និងក្រុមនារីសិង្ហបុរី នឹងត្រូវបញ្ជួនចូលរួមប្រកួតក្នុងព្រឹត្តិការណ៍កីឡាប្រចាំទ្វីបអាស៊ី Asian Games លើកទី១៩ នៅទីក្រុង Hangzhou ប្រទេសចិន ដែលចាប់ផ្ដើមប្រកួតនៅកំឡុងខែកញ្ញា ឆ្នាំ២០២២នេះ។
នេះជាដំណឹងពិសេសសម្រាប់ប្រជាជនសិង្ហបុរី និងជាប្រវត្តិសាស្ត្រសម្រាប់ក្រុមបាល់ទាត់ជម្រើសជាតិសិង្ហបុរី ដែលគ្រោងនឹងបង្ហាញខ្លួនជាលើកដំបូងនៅ Asian Games នេះ ទាំងក្រុមបុរស និងក្រុមនារី ក្រោយមិនបានចូលរួមមួយរយៈពេលចុងក្រោយ។ ក្រុមបាល់ទាត់បុរសអាយុក្រោម ២៣ឆ្នាំសិង្ហបុរី ចូលរួមប្រកួតព្រឹត្តិការណ៍កីឡាប្រចាំទ្វីបមួយនេះ វានឹងក្លាយជាការចូលរួមលើកទី៨ របស់ពួកគេ និងជាលើកដំបូងចាប់តាំងពីឆ្នាំ២០១៤ ដែលពួកគេត្រូវបានជម្រុះក្នុងពូល។ ការបញ្ចប់ដ៏ល្អបំផុតរបស់ក្រុមគឺចំណាត់ថ្នាក់លេខ៤ នៅ Asian Games ក្នុងឆ្នាំ៩៦៦។ សម្រាប់ក្រុមកីឡាបាល់ទាត់ជម្រើសជាតិនារីពួកគេត្រូវបានបញ្ចូលក្នុង Asian Games ជាលើកដំបូងក្នុងឆ្នាំ១៩៩០ ហើយបន្ទាប់មកពួកគេ មិនដែលបានទៅចូលរួមប្រកួតព្រឹត្តិការណ៍កីឡាកម្រិតទ្វីបបែបនេះទៀតឡើយ ក្នុងចំណោម ៨លើកចុងក្រោយនេះ។
កីឡាករចំនួន២២នាក់ ក្នុងក្រុមបាល់ទាត់ជម្រើសជាតិបុរស និងនារីរបស់ប្រទេសសិង្ហបុរី នឹងត្រូវបានអនុញ្ញាតសម្រាប់បញ្ជីក្នុងព្រឹត្តិការណ៍កីឡាអាស៊ីនេះ ដែលគ្រោងនឹងចាប់ផ្តើមនៅថ្ងៃទី១០ ខែកញ្ញា និងបញ្ចប់នៅថ្ងៃទី២៥ ខែកញ្ញា ឆ្នាំ២០២២។ ហើយក្រុមបាល់ទាត់ទាំងពីរត្រូវបានកំណត់ឱ្យជាផ្នែកមួយនៃការប្រកួតកីឡាអាស៊ីដ៏ធំបំផុតមិនធ្លាប់មានរបស់សិង្ហបុរី ដែលពួកគេនឹងមានអត្តពលិកចំនួន ៣៨២នាក់ ក្នុង២៩ប្រភេទកីឡា ត្រៀមប្រកួតប្រជែងដណ្ដើមមេដាយក្នុងព្រឹត្តិការណ៍កីឡាប្រចាំទ្វីប៕
ប្រភព៖ FAS
ព័ត៌មានកីឡាអន្តរជាតិ
អ្នកចាត់ការបណ្ដោះអាសន្ន Ralf Rangnic បានបញ្ជាក់ថា កីឡាករ Manchester United ប្រាំនាក់នឹងខកខានក្នុងការធ្វើដំណើររបស់ពួកគេទៅកាន់កីឡដ្ឋាន Anfield ដើម្បីជួប Liverpool ក្នុងក្របខ័ណ្ឌ Premier League ។ កីឡាករដែលគ្មានវត្តមានធ្វើដំណើរជាមួយមិត្តរួមក្រុមមាន Raphael Varane, Luke Shaw, Scott McTominay, Edinson Cavani និង Fred។
ទោះយ៉ាងណាក៏ដោយ Rangnick បានផ្តល់បច្ចុប្បន្នភាពលើកាយសម្បទាលើខ្សែការពារ Raphael Varane ។ គ្រូបង្វឹកអាល្លឺម៉ង់បង្ហើបថាកីឡាករបារាំងបានចូលហ្វឹកហាត់វិញហើយ។ ថ្លែងទៅកាន់សារព័ត៌មានមុនការប្រកួតរបស់ពួកគេជាមួយនឹងក្រុម Liverpool លោក Ralf Rangnick បាននិយាយ (តាមរយៈ Manchester Evening News):
«គាត់ [Varane] កំពុងហ្វឹកហាត់ជាមួយក្រុម គាត់នៅលើទីលានជាមួយគ្រូបង្វឹក ស្តារនីតិសម្បទារបស់យើងម្នាក់។ ចំពោះកីឡាករដែលរងរបួស វាជាស្ថានភាពដូចគ្នា»។
អវត្ដមានរបស់ McTominay និង Fred អាចមើលឃើញលក្ខណៈពិសេសរបស់ Nemanja Matic និង Paul Pogba នៅខ្សែបម្រើកណ្តាល។ ម្យ៉ាងវិញទៀត Victor Lindelof នឹងត្រូវបានរំពឹងថានឹងធ្វើជាដៃគូជាមួយប្រធានក្រុម Harry Maguire ក្នុងការការពារ។
ទោះជាយ៉ាងណាក៏ដោយ អវត្តមានរបស់ Edinson Cavani មិនគួរប៉ះពាល់ដល់ Manchester United ដោយសារតែទម្រង់លេងថ្មីៗនេះរបស់ Cristiano Ronaldo ។ ម្ចាស់ជើងឯក Ballon d’Or ៥សម័យរូបនេះ បានស៊ុតបញ្ចូលទីបាន ៣គ្រាប់ទល់នឹង Norwich City កាលពីចុងសប្តាហ៍ ដោយធ្វើឱ្យចំនួនសរុបរបស់គាត់មានដល់ទៅ ២១គ្រាប់សម្រាប់រដូវកាលនេះ។
ក្រុមរបស់លោក Ralf Rangnick បច្ចុប្បន្នមានឱកាសតិចតួចក្នុងការប្រកួតប្រជែងយកក្រុមកំពូលទាំងបួននៅក្នុងក្របខ័ណ្ឌ Premier League ។ ក្រុមបិសាចក្រហមឈរនៅលេខរៀងទី 5 ដោយមាន 3 ពិន្ទុតាមពីក្រោយក្រុមលេខ 4 Tottenham Hotspur ។
ដោយឡែក Arsenal ឈរនៅលេខរៀងទី 6 ក្នុងតារាងពិន្ទុជាមួយនឹងក្រុម Manchester United ជាមួយនឹងការប្រកួតក្នុងដៃ។ យ៉ាងណាមិញ ក្រុមកាំភ្លើងធំបច្ចុប្បន្នកំពុងចាញ់បីប្រកួតជាប់គ្នានៅ Premier League។
Cristiano Ronaldo បានចែករំលែកព័ត៌មានដ៏គួរឱ្យតក់ស្លុតមួយចំនួននៅលើ Instagram៖ កូនប្រុសដែលទើបចាប់កំណើតនោះក្នុងនាមជាកូនភ្លោះ(ប្រុសមួយស្រីមួយ)បានទទួលមរណភាពកាលពីថ្ងៃចន្ទ។
Georgina Rodriguez មានផ្ទៃពោះក្មេងប្រុសម្នាក់និងក្មេងស្រីប៉ុន្តែមានតែកូនស្រីម្នាក់ប៉ុណ្ណោះដែលនៅរស់បន្ទាប់ពី Georgina សម្រាលកូនកាលពីថ្ងៃចន្ទ។Ronaldo បានចែករំលែកសេចក្តីថ្លែងការណ៍ដ៏ក្រៀមក្រំមួយនៅលើ Instagram ថា៖« វាសោកសៅបំផុតដែលយើងត្រូវប្រកាសថាទារករបស់យើងបានទទួលមរណៈភាព។ វាគឺជាការឈឺចាប់ដ៏ធំបំផុតដែលឪពុកម្តាយគ្រប់រូបអាចមានអារម្មណ៍បាន។ ពេលនេះជាមួយនឹងក្តីសង្ឃឹម និងសុភមង្គល»។
“យើងសូមថ្លែងអំណរគុណចំពោះវេជ្ជបណ្ឌិត និងគិលានុបដ្ឋាយិកាទាំងអស់សម្រាប់ការយកចិត្តទុកដាក់ និងការគាំទ្រពីអ្នកជំនាញ។ យើងទាំងអស់គ្នាមានការសោកស្ដាយចំពោះការបាត់បង់នេះ ហើយយើងសូមមេត្តាសុំឯកជនភាពក្នុងគ្រាដ៏លំបាកនេះ។ កូនរបស់យើង អ្នកគឺជាទេវតារបស់យើង។ យើងនឹងស្រឡាញ់អ្នកជានិច្ច»។
ត្រលប់ទៅខែតុលាឆ្នាំ 2021 Ronaldo និង Georgina បានចែករំលែកព័ត៌មានដ៏រីករាយថាពួកគេកំពុងរង់ចាំកូនភ្លោះ។ Georgina មានកូនស្រីអាយុ 3 ឆ្នាំ Alana Martina ជាមួយ Cristiano ខណៈ Ronaldo ក៏ជាឪពុករបស់កូនប្រុសច្បង Cristiano Jr អាយុ 11 ឆ្នាំ និងកូនភ្លោះមួយគូទៀតគឺ Eva និង Mateo អាយុ 4 ឆ្នាំ។
យើងទាំងអស់គ្នានៅ B8 Sport សូមចូលរួមរំលែកទុក្ខដ៏ក្រៀមក្រំរបស់យើងចំពោះ Ronaldo, Georgina និងក្រុមគ្រួសាររបស់ពួកគេក្នុងគ្រាដ៏លំបាកនេះ។
ប្រភព៖ cristiano @ Instagram
កាលពីថ្ងៃទី 16 ខែមេសា សហព័ន្ធកីឡាបាល់ទាត់វៀតណាម (VFF) បានប្រកាសថា សាជីវកម្មមូលបត្រ Alpha (APSC) ជាអ្នកឧបត្ថម្ភធំនៃការប្រកួតបាល់ទាត់ថ្នាក់ជាតិលើកទី 2 រដូវកាលឆ្នាំ 2022 ។ ការប្រកួតក៏មានការចូលរួមពីអ្នកឧបត្ថម្ភជាច្រើនផងដែរ រួមទាំង Next Mediaដែលជាក្រុមហ៊ុនផ្សាយផ្តាល់ការប្រកួត ផងដែរ។
អគ្គលេខាធិការ VFF លោក Le Hoai Anh បានមានប្រសាសន៍ថា៖«លីគទី២ គឺជាកន្លែងលេងប្រចាំឆ្នាំ ដើម្បីរក្សា និងអភិវឌ្ឍចលនាកីឡាបាល់ទាត់នៅតាមមូលដ្ឋានទូទាំងប្រទេស ជួយក្រុមលើកកម្ពស់ជំនាញរបស់ពួកគេក្នុងការប្រកួត»។
«VFF ជឿជាក់ថាលីគ២ ឆ្នាំនេះ នឹងទទួលបានការចាប់អារម្មណ៍ពីទស្សនិកជនដែលស្រលាញ់កីឡាបាល់ទាត់ទូទាំងប្រទេស និងរួមចំណែកបង្កើតលក្ខណៈវិនិច្ឆ័យ វាយតម្លៃជាមូលដ្ឋានបំផុតសម្រាប់ការអភិវឌ្ឍន៍ចលនាបាល់ទាត់ ជាពិសេសកីឡាបាល់ទាត់ ដូចបាល់ទាត់វៀតណាមជាទូទៅដែរ»។
តាមការគ្រោងទុក ការប្រកួតជើងទី១ វគ្គជម្រុះ នឹងចាប់ផ្តើមពីថ្ងៃទី១៨ ខែមេសា ដល់ថ្ងៃទី៩ ខែឧសភា ហើយជើងទី២នឹងប្រព្រឹត្តទៅចាប់ពីថ្ងៃទី១៣ ខែឧសភា ដល់ថ្ងៃទី៣ ខែមិថុនា ដោយមានការចូលរួមពីក្រុមចំនួន១៤ ដោយចែកចេញជា២ពូល។
ពូល A រួមមានក្រុម Kon Tum, Lam Dong, យុវជនក្រុម Da Nang, យុវជនក្រុម Quang Nam, Hai Nam Vinh Yen Vinh Phuc, Hoa Binh និង PVF ។ ពូល B រួមមាន Binh Thuan, Dong Nai, Gia Dinh, HCMC, Dong Thap, Tien Giang, Vinh Long។
ក្រុមប្រកួតប្រជែងក្នុងទម្រង់ជុំវិលជុំចំនួន 2 ជុំ ដើម្បីគណនាពិន្ទុក្នុងក្រុមនីមួយៗ។ ក្រុមដែលមានចំណាត់ថ្នាក់កំពូលទាំងពីរក្នុងពូលនីមួយៗនឹងឈានទៅជុំចុងក្រោយដែលគ្រោងនឹងធ្វើឡើងនៅថ្ងៃទី 8 ខែមិថុនា។
ការប្រកួតបាល់ទាត់លំដាប់ថ្នាក់ទីពីរនេះ ដើរតួនាទីយ៉ាងសំខាន់មិនត្រឹមតែសម្រាប់ប្រព័ន្ធការប្រកួតកីឡាបាល់ទាត់មិនអាជីពថ្នាក់ជាតិប៉ុណ្ណោះទេ ប៉ុន្តែថែមទាំងសម្រាប់ស្ថិរភាពនៃប្រព័ន្ធលីកអាជីពជាតិតាមរយៈការដំឡើងមកលីគកំពូល និងការកាត់ចោលផងដែរ។
ការប្រកួតនឹងត្រូវបានជ្រើសរើស និងរាយការណ៍បន្តផ្ទាល់នៅលើវេទិកាទូរទស្សន៍ប្រពៃណី និងផ្សាយបន្តផ្ទាល់នៅលើប៉ុស្តិ៍ YouTube, Fanpage របស់ VFF និង Next Sports ដែលមានជំនាញខាងផ្សាយផ្ទាល់កីឡា។
ក្រុមជម្រើសជាតិអាយុក្រោម២៣ឆ្នាំ ឥណ្ឌូណេស៊ី បានចាប់ផ្តើមបោះជុំហ្វឹកហាត់នៅកូរ៉េខាងត្បូង នៅចន្លោះពីថ្ងៃទី ១៦ ដល់ ២៩ មេសាឆ្នាំ២០២២នេះ ដើម្បីត្រៀមប្រកួតកីឡាស៊ីហ្គេមលើកទី៣១នៅប្រទេសវៀតណាមខែក្រោយ។
ក្រោមការដឹកនាំរបស់គ្រូបង្វឹក Shin Tae Yong ដែលជាជនជាតិកូរ៉េខាងត្បូងផ្ទាល់ ក្រុមជម្រើសជាតិអាយុក្រោម២៣ឆ្នាំ ឥណ្ឌូណេស៊ី នឹងមានប្រកួតមិត្តភាពចំនួន 2 ប្រកួត ជាមួយក្រុមនៃលីគកូរ៉េខាងត្បូងផងដែរ។ ដោយ U23 ឥណ្ឌូនេស៊ី និងប្រកួតជាមួយក្រុមលីគកំពូល Pohang Steelers នៅថ្ងៃទី២៣ មុននិង៤ថ្ងៃបន្ទាប់ប្រកួតមិត្តភាពជាមួយក្រុមលីគ២ Daejeon Hana Citizen នៅថ្ងៃទី២៧ ខែមេសានេះ។
ចំពោះការបោះជំរុំហ្វឹកហាត់នៅប្រទេសមហាអំណាចបាល់ទាត់មួយប្រចាំទ្វីបនេះដែរ ក្រុមជម្រើសជាតិអាយុក្រោម២៣ឆ្នាំ ឥណ្ឌូនេស៊ី នឹងមិនមានវត្តមានកីឡាករ 6 នាក់ដែលកំពុងលេងនៅក្រៅប្រទេសក្នុងការហ្វឹកហាត់នេះ ដែលរួមមាន Asnawi Mangkualam (Ansan Greeners FC), Elkan Baggott (Ipswich Town), Egy Maulana Vikri (FK Senica), Pratama Arhan (Tokyo Verdy), Saddil Ramdani (Sabah FC ) និង Witan Sulaeman (FK Senica)។
បញ្ជាក់ផងដែរក្រុមបាល់ទាត់ជម្រើសជាតិអាយុក្រោម២៣ឆ្នាំឥណ្ឌូនេស៊ីផ្នែកបុរស ស្ថិតក្នុងពូល A ជាមួយម្ចាស់ផ្ទះវៀតណាម មីយ៉ាន់ម៉ា ហ្វីលីពីន និងទីម័រខាងកើត។ វិញ្ញសារបាល់ទាត់ផ្នែកបុរសក្នុងព្រឹត្តិការណ៍ស៊ីហ្គេមនៅប្រទេសវៀតណាម គឺចាប់ផ្ដើមប្រកួតពីថ្ងៃទី៦-២២ ខែឧសភា ឆ្នាំ២០២២នេះ៕
ប្រភព៖ Asean Football
លោក Ralf Rangnick បានលើកឡើងពីចំណុចខ្សោយរបស់ Manchester United ដែលក្លិបផ្សេងៗមិនមាន ទោះបីជាក្រុមទើបតែបានយកឈ្នះ Norwich City ក្នុងលទ្ធផល ៣ទល់នឹង២ ក៏ដោយ។
គ្រាប់បាល់ Hat-Trick របស់ Cristiano Ronaldo កាលពីថ្ងៃសៅរ៍ ជួយឲ្យ Man Utd បន្តក្តីសង្ឃឹមក្នុងការប្រជែងយកតំណែង Top-4 ប៉ុន្តែ ជ័យជម្នះនេះពុំបានធ្វើឲ្យលោក Rangnick សប្បាយចិត្តខ្លាំងនោះទេ។
«ពួកគេស៊ុតបញ្ចូលទីគឺងាយស្រួលពេក។ យើងគឺជាក្រុមតែមួយគត់ក្នុងលីកដែលស៊ុតបញ្ចូលទីបែបនេះ”។ Kieran Dowell និង Teemu Pukki បានស៊ុតបាល់បញ្ចូលទីទាំងវគ្គទីមួយ និងវគ្គទី២»។
គ្រូបង្វឹកបណ្ដោះអាសន្នរបស់ United បានបន្ថែមថា៖«បន្ទាប់ពីយើងស៊ុតបញ្ចូលទីគ្រាប់ទី ២របស់យើង យើងគួរតែធ្វើឱ្យជីវិតកាន់តែងាយស្រួលសម្រាប់ខ្លួនយើង ប៉ុន្តែយើងធ្វើមិនបាន។ យើងបាត់បង់រចនាសម្ព័ន្ធរបស់យើង និងមិនមានភាពឆេវឆាវគ្រប់គ្រាន់ក្នុងការការពារ។ វាគឺអំពីការឆ្លាត និងវៀងវៃ។ គឺទីបំផុតលទ្ធផលស្មើ 2-2 ហើយ David de Gea បានរក្សាពួកយើងនៅក្នុងការប្រកួត។ ប៉ុន្តែយើងពិតជាត្រូវតែបង្កើនការលេងរបស់យើង»។
និយាយអំពីការស៊ុតបាល់បញ្ចូលទីរបស់ Ronaldo លោក Rangnick បាននិយាយម្តងទៀតអំពីគ្រាប់បាល់ដែលក្រុមរបស់គាត់បានទទួលស្គាល់ថា៖«យើងមិនគួរពឹងផ្អែកតែលើគាត់នោះទេ។ យើងលេងបានល្អនៅពេលខ្លះ ប៉ុន្តែពេលខ្លះយើងបន្ថយល្បឿននៃការប្រកួត ហើយមិនបានប្រើស្ថានភាពត្រួតស៊ីគ្នានៅលើ ខ្សែការពារ ខ្ញុំមិនសប្បាយចិត្តទាល់តែសោះ។ លទ្ធផលនៅកន្លែងផ្សេងទៀតគឺល្អ ប៉ុន្តែវាមិនសមហេតុផលទេក្នុងការមើលទៅលទ្ធផលផ្សេងទៀត។ យើងត្រូវបង្កើនការប្រកួតរបស់យើង»។
លោក Rangnick បាននិយាយថា៖«ពួកយើងជាក្រុមតែមួយគត់នៅក្នុងលីគ ដែលធ្វើឲ្យរបូតគ្រាប់បាល់ងាយៗណាស់។ ពួកយើងមិនអាចរំពឹងលើ David De Gea គ្រប់ពេលឡើយ។ យើងតែពង្រឹងការលេងឡើងវិញ ហើយខ្ញុំមិនសប្បាយចិត្តជាមួយលទ្ធផលនេះឡើយ»៕
លោក Gerry Hamstra ដែលជានិយកប្រតិបត្តិរបស់ក្លិប Ajax បានបញ្ជាក់យ៉ាងច្បាស់ថា លោក Erik ten Hag បានបដិសេធមិនបន្តកុងត្រាថ្មីជាមួយក្រុមឡើយ។
លោក Ten Hag ត្រូវបានគេដឹងថា កាន់តែកៀកនឹងទទួលបានជោគជ័យក្នុងការមកដឹកនាំនៅឯកីឡដ្ឋាន Old Trafford ហើយបន្ទាប់ពីលោកត្រូវបានក្លិបដាក់ជាបេក្ខភាពឈានមុខគេជំនួសលោក Mauricio Pochettino និង Luis Enrique។
លោក Hamstra បាននិយាយថា៖«ពួកយើងបានធ្វើអ្វីៗគ្រប់បែបយ៉ាងដែលយើងអាចធ្វើបានដើម្បីរក្សាគាត់នៅទីនេះ។ យើងពិតជាសង្ឃឹមថាគាត់នឹងបន្តស្នាក់នៅ Ajax។ ប្រសិនបើគាត់មិនយល់ព្រមនោះទេ យើងត្រូវតែរៀបចំសម្រាប់ផែនការទីពីរបន្តទៀត»៕
U23 មីយ៉ាន់ម៉ា បានហោះទៅកាន់ប្រទេសអារ៉ាប់រួមកាលពីម្សិលមិញ សម្រាប់ជំរុំហ្វឹកហាត់រយៈពេល ២សប្តាហ៍របស់ពួកគេ មុនការប្រកួតកីឡាអាស៊ីអាគ្នេយ៍លើកទី 31 នៅទីក្រុងហាណូយ ប្រទេសវៀតណាម មកដល់ដែលគ្រោងនឹងធ្វើឡើងក្នុងខែឧសភា។
កីឡាករចំនួន ២៦ នាក់ (មានកីឡាករ ៤នាក់ដែលមានអាយុលើសពី ២៣ ឆ្នាំ) ជ្រើសរើសដោយគ្រូបង្វឹក Veliza Popov។ ក្រុមមីយ៉ាន់ម៉ាអាយុក្រោម២៣ឆ្នាំ ត្រូវ បានគេរំពឹងថានឹងលេងការប្រកួតមួយចំនួនជាមួយនឹងក្លិបក្នុងស្រុកនៃប្រទេសអារ៉ាប់រួម។
U23 មីយ៉ាន់ម៉ា នឹងត្រូវប៉ះហ្វីលីពីន ទីម័រខាងកើត ឥណ្ឌូណេស៊ី និង ម្ចាស់ផ្ទះវៀតណាម ក្នុងពូល A នាព្រឹត្តិការណ៍ស៊ីហ្គេមលើកទី៣១។
U23 ឥណ្ឌូណេស៊ី ចាប់ផ្តើមបោះជំរុំហ្វឹកហាត់នៅប្រទេសកូរ៉េខាងត្បូង ចាប់ពីថ្ងៃទី ១៦ ដល់ ២៩ មេសា ដើម្បីត្រៀមប្រកួតកីឡាស៊ីហ្គេមលើកទី៣១។
ក្នុងការប្រមូលផ្តុំនៅប្រទេសកូរ៉េខាងត្បូង U23 ឥណ្ឌូនេស៊ី ក្រោមការដឹកនាំរបស់គ្រូបង្វឹក Shin Tae Yong នឹងមានការប្រកួតមិត្តភាពចំនួន ២ប្រកួត។ ថ្ងៃទី២៣ខែមេសាU23 ឥណ្ឌូនេស៊ីត្រូវជួបក្រុមលីគកំពូលកូរ៉េខាងត្បូង Pohang Steelers ហើយនៅថ្ងៃទី២៦ ពួកគេត្រូវបន្តលេងជាមួយក្លិប Daejeon Hana Citizen។
កីឡាករចំនួន ៦ នាក់ដែលប្រកបអាជីពនៅក្រៅប្រទេស ហើយមានឈ្មោះក្នុងបញ្ជីសម្រាប់លេងស៊ីហ្គេមរួមមាន៖ Asnawi Mangkualam (Ansan Greeners FC), Elkan Baggott (Ipswich Town), Egy Maulana Vikri (FK Senica), Pratama Arhan (Tokyo Verdy), Saddil Ramdani (Sabah FC) និង Witan Sulaeman (FK Senica) តែពួកគេពុំមានវត្តមានមកប្រមូលផ្តុំហ្វឹកហាត់ឡើយ៕
