ក្លិបបាល់ទាត់ភ្នំពេញក្រោនដែលទើបតែឈ្នះពានរង្វាន់ Cambodian League Cup 2022 ថ្មីៗនេះ នឹងធ្វើដំណើរទៅកាន់ប្រទេសម៉ាឡេស៊ី ដើម្បីប្រកួតពានរង្វាន់មិត្តភាពអន្តរជាតិ International Club Friendly Match 2022 ជាមួយក្លិបជើងខ្លាំងម៉ាឡេស៊ី ដែលចាប់ផ្ដើមប្រកួតពីថ្ងៃទី០៤ ដល់ថ្ងៃទី០៨ខែមិថុនា ឆ្នាំ២០២២នេះ។

ការប្រកួតពានរង្វាន់មិត្តភាពអន្តរជាតិមួយនេះធ្វើឡើងដោយម្ចាស់ផ្ទះគឺក្លិបបាល់ទាត់ Terengganu FC សហការជាមួយក្រុមហ៊ុន Echo Sports Management និងអញ្ជើញក្លិបភ្នំពេញក្រោន របស់កម្ពុជា ក្រុម Terengganu FC II និងក្រុមជើងខ្លាំង Kuala Lampur City ។

គួរបញ្ជាក់ដែរថា ក្លិបកម្ពុជាភ្នំពេញក្រោន ត្រូវមានភារកិច្ចប្រកួតវគ្គចែកពូល AFC Cup 2022 ដែលស្ថិតក្នុងពូល I ជាមួយ Veittel FC របស់វៀតណាម Houngang United របស់សិង្ហបុរី និង Young Elephants United របស់ឡាវ ដែលចាប់ផ្ដើមការប្រកួតពីថ្ងៃទី២៤ ដល់ថ្ងៃទី៣០ ខែមិថុនាឆ្នាំ២០២២ ដោយប្រកួតនៅទីក្រុងហូជីមិញ ប្រទេសវៀតណាម៕

ជាផ្នែកនៃការរៀបចំក្រុមសម្រាប់ការប្រកួត AFF Women’s Championship នៅខែក្រោយ ក្រុមបាល់ទាត់ជម្រើសជាតិនារីវៀតណាមនឹងជួបជាមួយជម្រើស​ជាតិនារីបារាំងក្នុងការប្រកួតមិត្តភាព។

បន្ទាប់ពីបានការពារមេដាយមាសស៊ីហ្គេមដោយជោគជ័យកាលពីសប្តាហ៍មុន ក្រុមបានសម្រាក និងរកកន្លែងដែលនឹងចាប់ផ្តើមហ្វឹកហាត់នៅថ្ងៃស្អែកនៅទីក្រុងហាណូយ។ ក្រោមការដឹកនាំរបស់គ្រូបង្វឹកលោក Mai Duc Chung កីឡាករសរុបចំនួន 28 នាក់នឹងប្រមូលផ្តុំនៅមជ្ឈមណ្ឌលបណ្តុះបណ្តាល VFF ហើយពួកគេនឹងត្រូវហ្វឹកហាត់រហូតដល់ថ្ងៃទី 26 ខែមិថុនា ឆ្នាំ 2022។

បន្ទាប់មកពួកគេនឹងធ្វើដំណើរទៅកាន់ប្រទេសបារាំងចាប់ពីថ្ងៃទី 27 ខែមិថុនា ឆ្នាំ 2022 រហូតដល់ថ្ងៃទី 2 ខែកក្កដា ឆ្នាំ 2022 ដែលពួកគេត្រូវ​ចារ្យជាប្រវត្តិសាស្រ្តមួយដោយប្រកួតជាមួយក្រុមជម្រើសជាតិនារីបារាំង តាមការអញ្ជើញរបស់សហព័ន្ធកីឡាបាល់ទាត់បារាំង (FFF)។

បន្ទាប់មក ក្រុមនឹងធ្វើដំណើរទៅប្រទេសហ្វីលីពីនដោយផ្ទាល់ ដែលពួកគេនឹងប្រកួតក្នុងពានរង្វាន់ AFF Women’s Championship ចាប់ពីថ្ងៃទី 4-17 ខែកក្កដា ឆ្នាំ 2022។ ក្រុមជម្រើស​ជាតិ​នារី​បារាំងបច្ចុប្បន្ន​ឈរ​ចំណាត់​ថ្នាក់​លេខ​៣​ក្នុងពិភពលោក ខណៈដែល​ជម្រើស​ជាតិ​នារី​វៀតណាម​ឈរចំណាត់​ថ្នាក់ ៣២​ក្នុងពិភពលោក៕

គ្រូបង្វឹកសញ្ជាតិ​កូរ៉េខាងត្បូង​លោក Park Hang-Seo បាន​លា​ឈប់​ពី​តំណែង​គ្រូបង្វឹក​ឈុត U23 ហើយ​ តែ​លោក​នឹង​បន្ត​ដឹកនាំ​ក្រុមឈុតធំ​ដដែល។

មូលហេតុនេះគឺដោយសារតែ Hang-seo ចង់ផ្តល់ការយកចិត្តទុកដាក់ពេញលេញរបស់គាត់ចំពោះក្រុមឈុតធំ និងផ្តល់ភារកិច្ចគ្រប់គ្រងក្រុម U-23 ដល់គ្រូបង្វឹកម្នាក់ទៀតមកពីប្រទេសកូរ៉េខាងត្បូងគឺលោក Gong Oh-kyun ។

នៅក្នុងការប្រកួតកីឡាស៊ីហ្គេមនេះ វៀតណាមដឹកនាំដោយ​លោក Hang-seo ដែលពួកគេបានឈ្នះមេដាយមាសដោយមិនរបូតគ្រាប់បាល់សោះ មិនថាក្នុងការប្រកួតវគ្គចែកពូល ឬវគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ។

ចាប់តាំងពីលោក Hang-seo គ្រប់គ្រងក្រុម U-23 ប្រចាំឆ្នាំពីឆ្នាំ 2017 ដល់ឆ្នាំ 2022 វៀតណាមបានកត់ត្រាជ័យជម្នះ 32 លើក ស្មើ 11 ដង និងចាញ់តែ 5 ដងប៉ុណ្ណោះ ដូច្នេះហើយបានក្លាយជាក្រុមល្អបំផុតនៅក្នុងតំបន់អាស៊ីអាគ្នេយ៍។ សមិទ្ធិផលដែលលេចធ្លោជាងគេគឺអំឡុងពេលការប្រកួត AFC U-23 ឆ្នាំ 2018 ដែលធ្វើឡើងនៅប្រទេសចិន ដែល Park Hang-seo បានដឹកនាំវៀតណាមដល់វគ្គផ្តាច់ព្រ័ត្រ ប៉ុន្តែទទួលបាន​ត្រឹម​ជើងឯករងក្រោយ​ពេល​ពួកគេបានចាញ់ U23 អូសបេគីស្ថាន។

លើសពីនេះ វៀតណាមក៏បានជាប់ចំណាត់ថ្នាក់លេខ៤ ក្នុងព្រឹត្តិការណ៍ Asian Games 2018 នៅប្រទេសឥណ្ឌូនេស៊ី ដែលពួកគេបានចាញ់កូរ៉េខាងត្បូងក្នុងវគ្គពាក់កណ្តាលផ្តាច់ព្រ័ត្រ ហើយពួកគេក៏បានចាញ់អារ៉ាប់រួម (UAE) ក្នុងការប្រកួតដណ្តើមមេដាយសំរឹទ្ធផងដែរ។

ពីមុន Gong Oh-kyun គឺជាជំនួយការរបស់ Hang-seo ក្នុងក្រុម U-23 របស់ប្រទេស ដែលគាត់បានចាប់ផ្តើមការងាររបស់គាត់កាលពីដើមឆ្នាំនេះ។ ភារកិច្ចដំបូងរបស់ Oh-kyun ជាមួយក្រុម U-23 គឺក្រុម AFC U-23 ដែលនឹងធ្វើឡើងនៅក្នុង អ៊ូសបេគីស្ថាន ដែលវៀតណាមស្ថិតនៅពូល C ជាមួយកូរ៉េខាងត្បូង និងពីរក្រុមទៀតមកពីអាស៊ីអាគ្នេយ៍ គឺថៃ និងម៉ាឡេស៊ី។

សមាគមកីឡាបាល់​ទាត់​ថៃ​បាន​បង្ហាញបញ្ជី​ឈ្មោះ​កីឡាករ​ជម្រើស​ជាតិ​ U23 ថៃ​ដើម្បី​ត្រៀម​ចូលរួម​ប្រកួតក្នុងពាន​រង្វាន់ AFC U23 ASIAN CUP 2022។

ក្នុងចំណោមកីឡាករទាំង២៤​នាក់​មាន​៩​នាក់​លេង​នៅ​ក្លិប​បរទេស ហើយ​កីឡាករ១០​នាក់​ផ្សេង​ទៀត​ធ្លាប់​ចូលរយម​ព្រឹត្តិការណ៍ 31st SEA Games។ក្នុងការ​ប្រកួត​ពាន​រង្វាន់​នេះ U23 ថៃ​ស្ថិតក្នុងពូល C ជាមួយ U23 កូរ៉េខាងត្បូង U23 វៀតណាម និង U23ម៉ាឡេស៊ី។

ការ​ប្រកួត​បើក​ឆាក​ថៃប៉ះ U23 វៀតណាម​នៅ​ថ្ងៃ​ទី០២​ខែមិថុនា បន្ទាប់​មកប៉ះម៉ាឡេស៊ី​នៅថ្ងៃ​ទី០៥ ហើយ​ចុងក្រោយប៉ះកូរ៉េខាងត្បូង​នៅ​ថ្ងៃ​ទី០៨​ខែមិថុនា។ ខាងក្រោម​ជាបញ្ជី​ឈ្មោះ​កីឡាករទាំង២៤នាក់៖

?GOALKEEPER :
Nopphon Lakhonphon (2000-Buriram United)
Kiadtiphon Udom (2000- Chiangmai)
Supanut Suadsong (1999 – True Bangkok)
?DEFENDER :
Kritsada Kaman (1999-Chonburi)
Chatmongkol Rueangthanarot (2002 – Chonburi)
Songchai Thongcham (2001 – Chonburi)
Wanchat Choosong (2000 -Uthai Thani)
Nicholas Mickelson (1999 – Obi Odense??)
Yannick Nussbaum (2003 – BSC Young Boys ??)
Jonathan Khemdee (2002 – Obi Odense??)
Nakin Wisetchat (1999 – BG Pathum)
?MIDFIELDER:
Thanawat Suengchitthawon (2000 -Leicester City???????)
Channarong Promsrikaew (2001 – Unión Adarve ??)
Purachet Thodsanit (2001 -Muangthong United)
Benjamin Davis (2000 – Oxford United ???????)
Airfan Doloh (2001 – Buriram United)
Chayapiat (2002 – Estroil Prai ??)
Ekanit Panya (1999 – Chiang Mai United)
?STRIKER :
Suphanat Mueanta (2002- Buriram United)
Sittichok Paso (1999-FC Ryukyu ??)
Achitpol Keereerom (2001 -FC Augsburg II ??)
Jakkit Palapon (1999 – Khon Kaen United)
Korawich Tasa (2000 -Muangthong United)
Patrick Gustavsson (2001-Chiangmai FC)
#FAT #AFCU23

កាលពីម្សិលមិញ​ សហព័ន្ធកីឡាបាល់ទាត់កម្ពុជា បាន​បង្ហាញឈុត​ថ្មីរបស់​ជម្រើសជាតិកម្ពុជា ដែលរចនា និងផលិតនៅកម្ពុជាដោយក្រុមហ៊ុន Varaman។ ​អាវ​ថ្មី​សម្រាប់​ក្រុម​ជម្រើស​ជាតិ​កម្ពុជា​ក្នុង​ឆ្នាំ​២០២២គឺច្នៃប្រឌិត​ផ្អែក​លើ​គោល​គំនិត ​Concept Design អត្ថន័យនិងរូបភាព​នៃទង់ជាតិខ្មែរ។

ជាពិសេសក្រាហ្វិក​អាវក្នុងទឹកដីត្រូវបានរចនាដោយ​ដកស្រង់អត្ថន័យរបស់ពាក្យ“ប្រាសាទសីលាកំបាំងកណ្តាលព្រៃ”​នៃបទនគររាជក្នុងការបង្កប់រូបភាពតូចៗនៃប្រាសាទអង្គរវត្ត(ទាំង៣ពណ៌ក្នុងសាច់ក្រណាត់:ពណ៌ខៀវ​ទឹកប៊ិចខៀវនិងខៀវផ្ទៃមេឃ)ក្នុងលំនាំនៃការរចនាប៉ារ៉ាឌីជីថល Digital Camouflage ក្នុងអត្ថន័យថាប្រាសាទសីលាដែលជាប្រាសាទអង្គរវត្តយើងនេះកំពុងកំបាំងកណ្តាលព្រៃនៅលើក្រាហ្វិកអាវក្នុងទឹកដីយើងថ្មីនេះហើយ​ចំណែកផ្នែកនីមួយៗនៃអាវទាំងមូល​គឺដកស្រង់អត្ថន័យពីឃ្លាទីពីរនៃភ្លេងជាតិរបស់យើងនេះឯង។

– ប្រាសាទសីលា កំបាំងកណ្តាលព្រៃ: រូបភាពតូចៗនៃប្រាសាទអង្គរវត្តបង្កប់ខ្លួនក្នុងប៉ារ៉ាឌីជីថល Digital Camouflage ដែលតំណាងឱ្យព្រៃ
– គួរអោយស្រមៃ នឹកដល់យសស័ក្តិមហានគរ: Logo Varaman វរ្ម័ន (​ដែលដកស្រង់អត្ថន័យ​ពីព្រះបាទ​ជ័យវរ្ម័នទី៧) តំណាង​ឲ្យសម័យកាលមហានគរ
– ជាតិខ្មែរដូចថ្មគង់វង្សនៅល្អរឹងប៉ឹងជំហរ: Logo សហព័ន្ធកីឡាបាល់ទាត់កម្ពុជា ដែល​មានមុខបាយ័នតំណាងឱ្យថ្មបាយ័នដែលនៅតែរឹងមាំមកដល់ថ្ងៃនេះដូចជាតិខ្មែរ
– យើងសង្ឃឹមពរ ភ័ព្វព្រេងសំណាងរបស់កម្ពុជា: ពាក្យស្លោក​​”ដេីម្បីកម្ពុជា”​តំណាងឱ្យឃ្លា”ភ័ព្វព្រេងសំណាងរបស់កម្ពុជា”ដែលក្រុម​ជម្រើស​ជាតិត្រូវខិតខំប្រឹងប្រែងធ្វើសម្រាប់ភ័ព្វព្រេងសំណាងរបស់កម្ពុជាដែលបងប្អូនសង្ឃឹមទៅលើក្រុម​ជម្រើស​ជាតិ
– មហារដ្ឋកើតមាន យូរអង្វែងហើយ: ក្រុមជម្រើសជាតិលេងតំណាងឱ្យកម្ពុជាយើងទាំងអស់គ្នា។អាវក្នុងទឹកដីដែលក្រុម​ជម្រើស​ជាតិ​​ពាក់ដើម្បីប្រកួតគឺជាឯកសណ្ឋាន​និមិត្តសញ្ញាតំណាងឱ្យបងប្អូននិងប្រទេសជាតិខ្មែរយើងទាំងមូលដែលជាជាតិសាសន៍ដែលធ្លាប់មានប្រវត្តិយូរអង្វែងមកហើយ

សម្រាប់ក្រាហ្វិកអាវក្រៅទឹកដីត្រូវបានរចនាដោយ​ដកស្រង់ផ្នែកមួយនៃបន្ទាត់ក្រាហ្វិក Vector Lines របស់ប្រាសាទអង្គរវត្តពីទង់ជាតិខ្មែរយើងមករចនាជាលំនាំក្រាហ្វិកនៅលើអាវដែល​មានការប្រើប្រាស់ពណ៌ក្រហមព្រាលៗនៅ​ក​ណ្តា​ល និងពណ៌ខៀវព្រាលៗនៅសងខាងដើម្បីតំណាងឱ្យប្លង់ពណ៌នៃទង់ជាតិរបស់យើង។

ការ​យក​ផ្នែក​មួយ​នៃ​បន្ទាត់​ក្រាហ្វិក Vector Lines របស់ប្រាសាទអង្គរវត្តពីទង់ជាតិមកលាតសន្ធឹងឱ្យធំមាន​ន័យ​ថា​យើងចង់បង្ហាញអត្តសញ្ញាណក៏ដូចជាវប្បធម៌ និងអរិយធម៌ខ្មែរឱ្យទូលំទូលាយដើម្បីផ្សព្វផ្សាយឱ្យបរទេសបានស្គាល់នៅពេលយើងនៅឆ្ងាយក្រៅ​ពីទឹកដីរបស់យើង។

ឯកសណ្ឋានក្រុមជម្រើសជាតិមិនមែនគ្រាន់តែជាអាវសម្រាប់ពាក់នោះទេ ប៉ុន្តែវាគឺជាឱកាសមួយដើម្បីបង្ហាញអត្តសញ្ញាណរបស់យើងនៅលើឆាកអន្តរជាតិដែល​ក្រុម​ជម្រើស​ជាតិ​យើង​ចូល​រួម​ប្រកួត។ដូច្នេះ វាមានប្រយោជន៍ដែលយើងរចនាអាវរបស់យើងក្នុងវិធីផ្សព្វផ្សាយតម្លៃវប្បធម៌របស់យើងទៅកាន់ពិភពលោកតាមសកម្មភាពរបស់ក្រុមជម្រើសជាតិយើង ។

ក្រាហ្វិកអាវអ្នកចាំទីត្រូវបានរចនាដោយ​ដកស្រង់ផ្នែកមួយនៃបន្ទាត់ក្រាហ្វិក Vector Lines របស់ប្រាសាទអង្គរវត្តពីទង់ជាតិខ្មែរយើងមករចនាជាលំនាំក្រាហ្វិកឱ្យអាវអ្នកចាំទីឃើញដូចជាអាវក្រោះដើម្បីការពារទីរបស់យើងព្រោះអ្នកចាំទីគឺជាខ្សែការពារចុងក្រោយរបស់យើង។ពណ៌ក្រហមពីទង់ជាតិ​របស់យើងតំណាងឱ្យភាពក្លាហានដែលអ្នកចាំទីរបស់យើងត្រូវតែមានដើម្បីលះបង់ខ្លួនក្នុងការពារទីរបស់យើងពីគូប្រកួត

កាសែតអេស្ប៉ាញ Mundo Deportivo បាននិយាយថា Frenkie de Jong បានបញ្ជាក់យ៉ាងច្បាស់ថាគាត់មិនចង់ចូលរួមជាមួយ Man United នៅរដូវក្តៅនេះទេ។

ខ្សែបម្រើរបស់ក្លឹប Barcelona ត្រូវបានទាក់ទងដោយ Erik ten Hag ថ្មីៗនេះអំពីការផ្លាស់ប្តូរ ប៉ុន្តែគាត់គ្រាន់តែប្រាប់គាត់ថា “No” ។ ហេតុផលរបស់ Frenkie នៅពីក្រោយការបដិសេធសំណើនេះគឺថាគាត់ចង់លេងនៅ Champions League នៅរដូវកាលក្រោយ។ បិសាចក្រហមត្រូវបានគេរាយការណ៍ថាបានផ្តល់​ឱសាន​​វាទដល់ De Jong ដើម្បីសម្រេចចិត្តភ្លាមៗថាតើគាត់ចង់ចូលរួមជាមួយ United ។

នៅពេលនេះ យើងមើក​ឃើញ​ថាកីឡាករហូឡង់មិនចង់ផ្ទេរ​ទៅ​លេង​នៅ Old Trafford ហើយស្ថានភាព​បែប​នេះអាចបង្ខំឱ្យបិសាចក្រហមស្វែរក​ជម្រើស​នៅ​កន្លែង​ផ្សេងទៀតហើយ៕

ប្រភព៖ Mundo Deportivo

លទ្ធផលចាប់​ឆ្នោត​ពាន​រង្វាន់  AFF Women’s Championship 2022 បាន​ចេញ​ហើយ​ដោយ​ក្រុមបាល់​ទាត់​នារី​ឈុតធំកម្ពុជា​ស្ថិត​ក្នុងពូល B ជាមួយកម្ចាស់​ការពារតំណែងជើងឯក និង​ម្ចាស់​មេដាយមាសស៊ីហ្គេម២​សម័យកាលជាប់​គ្នា​វៀតណាម មីយ៉ាន់ម៉ា ទីម័រខាងកើត និង​ជម្រើស​ជាតិ​នារី​ឡាវ។

ដោយ​ឡែកសម្រាប់​ពូល A មាន​ក្រុមជម្រើស​ជាតិ​នារី​ចំប៉ាកែវថៃ ​ម្ចាស់​ផ្ទះ​នារី​ហ្វីលីពីន ឥណ្ឌូនេស៊ី សិង្ហបុរី អូស្រ្តាលី និង​ម៉ាឡេស៊ី។ ការ​ប្រកួតនឹងប្រព្រឹត្តទៅនៅខែកក្កដា ហើយនឹងធ្វើឡើងនៅកីឡដ្ឋាន Biñan ក្នុងទីក្រុង Laguna និង Imus Grandstand ក្នុងទីក្រុង Cavite ប្រទេស​ហ្វីលីពីន។

ទោះបីជាយ៉ាងណាក៏ដោយ វាមិនច្បាស់ទេថាតើអូស្ត្រាលីនឹងបញ្ជូនក្រុមខ្លាំងបំផុតរបស់ខ្លួន(ឈុតធំ) ឬក្រុមយុវនារីដោយផ្ទាល់ ខណៈដែល​យើងបានឃើញនៅក្នុងការប្រកួតឆ្នាំ 2018 នៅពេលដែលប្រទេសនេះបានឈានដល់វគ្គផ្តាច់ព្រ័ត្រជាមួយនឹងក្រុមអាយុក្រោម 20 ឆ្នាំរបស់ខ្លួន។ វៀតណាម​នឹង​ចូល​ជា​ម្ចាស់​ការពារ​តំណែង​ជើង​ឯក ខណៈ​ដែល​ពួក​គេ​បាន​ទទួល​ជ័យ​ជម្នះ​លើក​មុន​លើ​ថៃ​ក្នុង​ការ​ប្រកួត​លើក​មុន។

គណៈកម្មការរៀបចំការប្រកួតពានរង្វាន់ ខេអឹមអេច បានចេញសេចក្ដីថ្លែងការពីការបញ្ចប់ការប្រកួតពានរង្វាន់បាល់ទាត់ ខេ អឹម អេច ទាំងអស់ មានដូចជា ពានរង្វាន់ KMH CHAMPOINS LEAUGE , KMH CUP U18 និង KMH SUPER CUP ចាប់ពីពេលនេះតទៅ ។

នេះគឺជាដំណឹងដ៏សោកស្ដាយមួយសម្រាប់បងប្អូនអ្នកស្នេហាវិស័យកីឡាបាល់ទាត់ជាតិ ដោយសារការប្រកួតពានរង្វាន់ដែលមានសកម្មភាកន្លងទៅបានរួមចំណេកជាច្រើនក្នុងការអភិវឌ្ឍន៏ យុវជនកម្ពុជាតាមរយៈការរៀបចំព្រឹត្តិការពានយុវជន ដែលផ្ដល់ឱកាសឲ្យមានការចូលរួមពីបណ្ដាក្លិបពាក់កណ្ដាលអាជីព និងអាជីពដែលរួមចំណែកបណ្ដុះបណ្ដាលសមត្ថភាពយុវជនកម្ពុជាមួយចំនួនធំ រហូតដល់ជាប់ក្នុងក្រុមជម្រើសជាតិឈុតយុវជន និងក្រុមធំថែមទៀតផង។

យ៉ាងណាក្ដីតាមរយៈសេចក្ដីប្រកាសរបស់គណៈកម្មការរៀបចំការប្រកួតពានរង្វាន់ ខេអឹមអេច ចំពោះការប្រកាសបញ្ចប់ការប្រកួតបាល់ទាត់ ខេអឹមអេច ទាំងអស់នេះដោយសារការខ្វះធនធាន ប៉ុន្តែមូលនិធិខេអឹមអេច នឹងនៅបន្តចូលរួមគាំទ្រវិស័យកីឡាបាល់ទាត់តាមរយៈកម្មវិធីប្រកួតផ្សេងៗ។

គួរបញ្ជាក់ផងដែរថា សកម្មភាពការប្រកួតបាល់ទាត់ ខេអឹមអេច ចាប់ផ្ដើមមានសកម្មភាពឡើងឡើងក្នុងឆ្នាំ២០១៥ ប្រមូលផ្តុំក្រុម សមាគម ក្លិបបាល់ទាត់ពាក់កណ្ដាលអាជីពល្អៗ និងយុវជន់មកពីក្លិបអាជីពមួយចំនួនពីលីគបាល់ទាត់ធំៗទូទាំងរាជធានីភ្នំពេញ៕