PAUL POGBA បានប្រមូល​រថយន្ត​ទំនើបៗ​ពី​ផ្ទះ​របស់​គាត់​នៅ Manchester ប្រទេស​អង់គ្លេស​​ទៅកាន់​ទីក្រុង Turin ប្រទេសអ៊ីតាលី ក្រោយ​ចាកចេញពីក្លិបបិសាចក្រហម។

កីឡាករសញ្ជាតិបារាំងរូបនេះបានចាកចេញពី Manchester United ទៅ Juventus នៅដើមរដូវក្តៅនេះ ហើយគ្រោងនឹងយកឡានទំនើបៗដ៏អស្ចារ្យតម្លៃរាប់លានផោនរបស់គាត់ទៅជាមួយផង។ Pogba វ័យ 29 ឆ្នាំបានជួលក្រុមហ៊ុនដឹកជញ្ជូនឆ្លងប្រទេស Premier Removals ទៅដឹកឡាននៅផ្ទះចាស់របស់គាត់នៅសង្កាត់ Hale, ទីក្រុង Greater Manchester ។

ការ​ប្រមូលឡានជាច្រើនគ្រឿងនេះស្ថិតក្រោមក្រសែភ្នែកឃ្លាំមើលរបស់ប្រពន្ធគាត់អ្នកស្រី Zulay ហើយកម្មករបានរុះរើយកទ្រព្យសម្បត្តិដែលគួរឱ្យ​កត់​សម្គាល់​​បំផុតគឺការដករថយន្តដ៏អស្ចារ្យរបស់គាត់ចេញ។ឡានទាំងអស់របស់គាត់បាន​ប្រមូល និង​សណ្ដោងដាក់លើឡានធំ ហើយបើ​តាម​ការប៉ាន់ស្មានសរុប​ទៅជាងមួយលានផោន។

ក្នុងចំណោមរថយន្តទាំងនោះមានរថយន្ត Ferrari 812 Superfast ពណ៌លឿងរបស់ Pogba ដែលមានតម្លៃប្រហែល ២៦ម៉ឺនផោន។ រថយន្ត Mercedes v class vip klassen និង Bentley Betayga ក៏ត្រូវបានដកចេញ ក៏ដូចជារថយន្ត Rolls Royce ដ៏ល្បីផងដែរ។

អ្នកស្រី​Zulay បានបន្តឱ្យ​កម្មករទៅលើកឡានម៉ាក Bentley មួយទៀត។ លើស​ពី​នេះ! កន្លែងផ្សេងទៀត Pogba ក៏មានរថយន្ត Audi RS6, Maserati Quattroporte និង Mercedes GLS 4×4 ពណ៌ខ្មៅ​ដែលត្រូវដឹកទៅដែរ។ ចំណែកឡានម៉ាក Chevrolet ដែល Man United បានផ្ដល់ឱ្យគាត់​ គាត់​រក្សាទុកឱ្យក្លិបវិញ។ Pogba នឹងសង្ឃឹមថាការជួបជុំគ្នាជាមួយនឹងរថយន្តរបស់គាត់អាចនាំឱ្យគាត់មានសំណាងល្អនៅក្នុងទីក្រុង Turin ។

ចាប់តាំងពីត្រូវបានដកចេញពីការប្រកួត Pre-season របស់ Juve មក ការភ័យខ្លាចបានចាប់ផ្តើមកើនឡើងដែលថារបួសរបស់ Pogba អាចធ្ងន់ធ្ងរជាងការគិតដំបូង។ របួសជង្គង់របស់ Pogba ដែលជាដំបៅនៃឆ្អឹងក្រោយ អាចធ្វើអោយគាត់អវត្តមានរហូតដល់ឆ្នាំ 2022។ គាត់ប្រហែលជាត្រូវការការវះកាត់ដែលអាចឃើញគាត់ត្រូវអវត្តមានរយៈពេល 5 ខែ មានន័យថាគាត់នឹងខកខានការប្រកួតបាល់ទាត់ពិភពលោក៕

បំណងប្រាថ្នារបស់សមាគមបាល់ទាត់ឥណ្ឌូណេស៊ី (PSSI) ក្នុងការចាកចេញពីសហព័ន្ធកីឡាបាល់ទាត់អាស៊ីអាគ្នេយ៍ (AFF) ហាក់ដូចជាមិនទាន់រលត់នៅឡើយទេ ខណៈពេលនេះស្ថាប័នមេមួយនេះនឹងជួបជាមួយគណៈកម្មាធិការប្រតិបត្តិ (Exco) ដើម្បីធ្វើការសម្រេចចុងក្រោយ។

ព័ត៏មានចុងក្រោយដែលផ្សាយនេះត្រូវបានបញ្ជាក់ដោយអគ្គលេខាធិការ PSSI លោក Yunus Nusi នៅក្នុងសេចក្តីថ្លែងការណ៍ផ្លូវការមួយកាលពីម្សិលមិញ។ ពួកគេនឹងពិភាក្សាពីគុណសម្បត្តិ និងគុណវិបត្តិនៃការចាកចេញពី AFF ហើយនឹងប្រកាសលទ្ធផលផ្លូវការ។

«យើង​នឹង​ពិភាក្សា​ជាមួយ​សមាជិក PSSI Exco ដើម្បី​ពិភាក្សា​ពី​គុណសម្បត្តិ និង​គុណវិបត្តិ​ដែល​យើង​ចាក​ចេញ​ពី AFF ឬ​ក៏​អត់ បន្ទាប់​មក​យើង​នឹង​សម្រេច»។

សម្ដីរបស់​លោក​ត្រូវបានគេដក​ស្រង់​​ក្នុង​គេហទំព័រ​ផ្លូវការ​របស់ PSSI ថា៖ «ទុក​ពេល​ឲ្យ​យើង​ជា​មុន​សិន បន្ទាប់​ពី​អ្វីៗ​ត្រូវ​បាន​បញ្ចប់ យើង​នឹង​ជម្រាប​ជូន​សាធារណជន»។

បញ្ហា PSSI ចាកចេញពី AFF បានកើតឡើងបន្ទាប់ពីពួកគេសង្ស័យថាក្រុមវៀតណាម និងថៃ ព្យាយាមឃុបឃិតគ្នា ដើម្បីកម្ចាត់ឥណ្ឌូនេស៊ីក្នុង AFF U-19 Cup កាលពីខែមុន។ បន្ទាប់មក PSSI បានផ្ញើការតវ៉ាជាផ្លូវការ ប៉ុន្តែ AFF បានបញ្ជាក់ថា មិនមានធាតុផ្សំនៃការក្លែងបន្លំនៅក្នុងការប្រកួតនោះទេ។

កន្លងមក អ្នកនិយមលេងអ៊ីនធឺណិតឥណ្ឌូនេស៊ីក៏បានទទូចឱ្យក្រុមជម្រើសជាតិរបស់ពួកគេចាកចេញពី AFF ខណៈដែលបង្ខំឱ្យ PSSI ពិចារណាលើសំណើសុំចូលរួមជាមួយសហព័ន្ធកីឡាបាល់ទាត់អាស៊ីបូព៌ា (EAFF)។ EAFF ត្រូវ​បាន​គេ​ចាត់​ទុក​ថា​មាន​ការ​ប្រកួត​ប្រជែង​ជាង ​ព្រោះ​វា​ក៏​រួម​បញ្ចូល​ឈ្មោះ​ជម្រើសជាតិធំៗ​ចំនួន​ពីរ​ក្នុង​កីឡា​បាល់ទាត់​អាស៊ី​គឺ​ជប៉ុន​ និង​កូរ៉េ​ខាង​ត្បូង​បន្ថែម​លើ​ប្រទេស​ផ្សេង​ទៀត​ដូច​ជា​ហុងកុង ម៉ុងហ្គោលី កូរ៉េ​ខាង​ជើង តៃវ៉ាន់ កោះ Guam ម៉ាកាវ និង​ប្រជុំ​កោះ Northern Mariana។

ដើម្បីជំនួសប្រទេសឥណ្ឌូនេស៊ី សហព័ន្ធបាល់ទាត់ឥណ្ឌា (AIFF) បានត្រៀមខ្លួនរួចជាស្រេចដើម្បីចូលរួមជាមួយ AFF ខណៈដែលចាកចេញពីសហព័ន្ធបាល់ទាត់អាស៊ីខាងត្បូង (SAFF)។ យោង​តាម AIFF បំណង​របស់​ពួកគេ​ក្នុង​ការ​ចូល​រួម AFF ត្រូវ​បាន​គេ​ទាក់ទង​គ្នា​អស់​រយៈពេល​ប៉ុន្មាន​ឆ្នាំ​កន្លង​មក​នេះ។ ប៉ុន្តែស្ថានភាពជំងឺរាតត្បាតដែលបានវាយប្រហារពិភពលោកនៅពេលនោះបានរារាំងពួកគេមិនឱ្យចាកចេញពី SAFF ៕

គ្រូបង្វឹកក្លិប Barcelona លោក Xavi ត្រូវបានគេរាយការណ៍ថា បានប្រាប់ទៅកីឡាករ Chelsea ពីររូបដែលរួមមាន Cesar Azpilicueta និង Marcos Alonso ថា លោកនឹងធ្វើអ្វីៗគ្រប់បែបយ៉ាងដើម្បីនាំយករូបគេមកកាន់កីឡដ្ឋាន Camp Nou នៅក្នុងសប្តាហ៍នេះ។

វាជាទីផ្សារដោះដូរកីឡាករដ៏មមាញឹករបស់ Barcelona នៅក្នុងរដូវកាលនេះ ដោយ បច្ចុប្បន្នពួកគេជាក្រុមដែលចំណាយលុយច្រើនជាងគេនៅក្នុងទីផ្សារដោះដូរកីឡាកររដូវក្តៅនេះ ខណៈ ក្រុមមិនទាន់បញ្ចប់ក្នុងការទិញកីឡាករត្រឹមហ្នឹងឡើយ ព្រោះគោលដៅបន្តបន្ទាបរ់បស់ក្រុមនោះ គឺ Azpilicueta និង Alonso តែម្តង ដើម្បីមកពង្រឹងតំបន់ការពារបន្ថែមរបស់ក្រុម។

បើយោងទៅតាមរបាយការណ៍នៅប្រទេសអេស្ប៉ាញ បានទម្លាយឲ្យដឹងថា កិច្ចព្រមព្រៀងក្នុងការទិញយកកីឡាករទាំង២រូបខាងលើ គឺ ខិតជិតនឹងជោគជ័យហើយ ស្របពេលដែលលោក Xavi កំពុងមានទំនាក់ទំនងជាប់លាប់តែម្តងជាមួយពួកគេ ហើយ លោកក៏សង្ឃឹមថាគ្រប់យ៉ាងនឹងទទួលបានជោគជ័យនៅក្នុងសប្តាហ៍នេះ៕

ក្រោមការដឹកនាំរបស់លោក ទុំ សារាយ អតីតខ្សែប្រយុទ្ធជម្រើសជាតិកម្ពុជា និងក្លិបព្រះខ័នរាជស្វាយរៀង បានកែខែ ខាត់ ដុសអតីតយុវជនរបស់ភ្នំពេញក្រោន​ដែលសឹងតែបាត់​ឈ្មោះក្នុងពិភពបាល់ទាត់ខ្មែរ ឈួត ស៊ិនទៀងក្លាយជា ខ្សែប្រយុទ្ធ ក្នុងប្រអប់ រង់ចាំឆ្មក់ឱកាស បង្កើតឱកាស រកគ្រាប់បាល់ ដ៏គ្រោះថ្នាក់បំផុតមួយប្រចាំក្លិបអគ្គិសនីកម្ពុជា។

នេះមិនមែនជារឿងចៃដន់នោះទេ ខណៈដែល ឈួត ស៊ិនទៀង បាន​ផ្ដល់បទសម្ភាសន៍ឱ្យ B8 Sport ថា មានកត្តាជាច្រើនដែលធ្វើឱ្យគាត់​អាច​រក​បាន​គ្រាប់បាល់ឡើងវិញ និង​បង្ហាញគុណផលលេង​បាន​ល្អក្នុងរដូវកាល​នេះ។

«អរគុណសម្រាប់ការ​សម្ភាសន៍នេះបង! វាមិនមែនជារឿងចៃដន្យទេបង។ ការ​លេង​ល្អ​នេះ​វា​មក​ពី​ខ្ញុំបាន​ខំប្រឹងហ្វឹកហាត់​ទៀងទាត់១០០% និង​ខ្លាំងជាងមុន ស្របជាមួយកីឡាករ​ដែលជាមិត្តរួមក្រុមលេង​ជាមួយគ្នាយូរឆ្នាំមក​ហើយ​នោះ យើង​យល់​ចិត្តគ្នាខ្លាំង។ មួយទៀត​យើងដាក់គោលដៅលើ​កពាន​លីគទី២ក្នុងឆ្នាំនេះ។ ក្រុមយើង​ជាកីឡាករខ្មែរសុទ្ធ​អញ្ចឹងទំនាក់ទំនងគ្នាលើទីលាន និង​ក្នុងក្រុមងាយស្រួល ហើយក្រុមយើងជាក្រុមដែលមានបទពិសោធន៍ច្រើនមក​ហើយ»។

លោក ទុំ សារាយ ជាអតីតខ្សែប្រយុទ្ធជម្រើសជាតិកម្ពុជា និងក្លិបព្រះខ័នរាជស្វាយរៀង អញ្ចឹង​ហើយការ​ប្រយុទ្ធលើ​ទីលាន​លោក​ដឹង​ច្បាស់​និង​មាន​បទពិសោធន៍ ហើយ​អ្វីទាងនេះ​លោក​បាន​យក​មក​បង្វឹក​កូន​ក្រុម។

«សម្រាប់ខ្ញុំ! អរគុណដល់មិត្តរួមក្រុម​ដែល​រើស​យក​ឆន្ទៈខ្ពស់​ទាំងហ្វឹកហាត់​ និង​ពេល​ប្រកួត សហការ​គ្នាបាន​ល្អ អញ្ចឹង​ហើយទើបខ្ញុំ​អាច​មានឱកាស​រក​បាន​គ្រាប់បាល់បាន​។ គន្លិះសំខាន់! គ្រូគាត់​តែងតែប្រាប់ជារឿយៗ ពន្យល់រាល់ថ្ងៃ ហើយពេល​ហ្វឹកហាត់​គ្រូ​បង្វឹកឱ្យ​យើងទាត់តម្រង់ទី និង​ការ​ទាត់​ពីចម្ងាយវាក៏ជាការ​ចូលរួមមួយផ្នែកធ្វើឱ្យខ្ញុំអាចរក​បាន​គ្រាប់បាល់ច្រើន»។

អតីតយុវជនរបស់ភ្នំពេញក្រោនរូបនេះបន្តថា៖ «កាលពីមុន! ខ្ញុំលេង​ស្លាបឆ្វេង ស្លាបស្ដាំ ហើយឥឡូវហ្នឹងលេង​ប្រយុទ្ធកណ្ដាល​ដោយ​សារ​តែក្រុមយើង​ខ្វះខាតខ្សែប្រយុទ្ធ! អត់មានប្រយុទ្ធចំទេ! អញ្ចឹង​គ្រូ​ដាក់ឱ្យខ្ញុំលេង​កណ្ដាល ហើយឱ្យឈរទីតាំងណាមួយ​ដើម្បីបញ្ចប់​ទី ហើយឃើញថាវាបានផលមែន»។

សមិទ្ធិផលដែលយុវកីឡាកររូបនេះ សម្រេចបាន បានក្លាយជាចំណែកមួយដ៏សំខាន់ជួយក្រុម អោយបន្តឈរកំពូលតារាងជាបន្ត មិនទាន់ស្គាល់បរាជ័យ ១៣​ប្រកួត ជាប់ៗគ្នា។ គិតត្រឹមសប្តាហ៍ទី១៣នេះ រូបគេរកបាន ១៣​គ្រាប់ហើយ កំពុងឈរនៅលេខរៀងទី២ ជាអ្នករកគ្រាប់បាល់បានច្រើនបំផុត នៅលីគទី២ និងជាកីឡាករខ្មែរ ដែលរកបានគ្រាប់បាល់ច្រើនបំផុតនៅលីគទី២ផងដែរ៕

ខ្សែប្រយុទ្ធក្លិប Manchester United កីឡាករ Cristiano Ronaldo បានចាកចេញពីកីឡដ្ឋាន Old Trafford មុនគេទាំងការប្រកួតមិនទាន់បញ្ចប់កាលពី យប់មិញនេះ។

កាលពីយប់មិញនេះ Ronaldo បានធ្វើការបង្ហាញខ្លួនជាថ្មីជាមួយ Man Utd បន្ទាប់ពីរូបគេខកខានហ្វឹកហាត់ជាមួយក្រុមអស់រយៈពេលជាច្រើនថ្ងៃចាប់តាំងពីបញ្ចប់រដូវកាលមក ដោយ កីឡាករសញ្ជាតិព័រទុយហ្គាល់ខាងលើ ត្រូវបានលោក Erik ten Hag ដាក់ឲ្យលេងជាជម្រើសដំបូងក្នុងការប្រកួតមិត្តភាពទល់នឹង Rayo Vallecano ដែលបញ្ចប់ទៅដោយលទ្ធផលស្មើគ្នា ១ទល់នឹង១។

យ៉ាងណាក្តី នៅក្នុងការប្រកួតនេះផងដែរ គឺ Ronaldo បានបង្ហាញខ្លួនត្រឹមតែមួយវគ្គនៃតង់ទី១ ៤៥នាទីប៉ុណ្ណោះ ក៏ត្រូវបានលោក Ten Hag ប្តូរគេចេញ ហើយ អ្វីដែលក្លាយជាចម្ងល់នោះ គឺ រូបគេបានចាកចេញពីកីឡដ្ឋាន Old Trafford មុនគេទាំងការប្រកួតមិនទាន់ចប់ បន្ទាប់ពីប្តូរចេញពីទីលានប្រកួត។

បើ​តាម​ការ​បញ្ជាក់ពីគណនី The United Stand Cristiano Ronaldo និងកីឡាកររបស់បិសាចក្រហមផ្សេងទៀតបានដែលគ្មានឈ្មោះលេងបានចាកចេញ​ពីកីឡដ្ឋានការប្រកួតមុនចប់ក្រោយទទួលរងពិន័យរបស់លោក Ten Hag ហើយពួកគេត្រូវបានគេរាយការណ៍ថាឱ្យចេញមកមុនកុំឱ្យស្ទះចរាចរណ៍ និងហ្វូងមនុស្ស។ កីឡាករមួយចំនួនដូចជា(Bruno, De Gea, Dalot, Martial និងច្រើនទៀត) ទាំងអស់បានចាកចេញនៅនាទីទី 75 ៕