បន្ទាប់ពីមានរបាយការណ៍ដ៏គួរឱ្យភ្ញាក់ផ្អើលមួយបានលេចឡើងក្នុងសប្តាហ៍នេះដែលអះអាងថា Manchester United ចាប់អារម្មណ៍ក្នុងការចុះហត្ថលេខាលើ Kylian Mbappe អ្នករាយការណ៍លំដាប់ថ្នាក់លេខមួយ Fabrizio Romano បានចែករំលែកគំនិតរបស់គាត់​។

ថ្លែងទៅកាន់ Caught Offside លោក Romano បានពន្យល់ថា៖ «និយាយដោយស្មោះត្រង់ នៅពេលនេះមិនមានអ្វីរវាង Manchester United និង Kylian Mbappe ទេ»។

«Mbappe ទើបតែបន្តកុងត្រាថ្មីជាមួយ PSG ដូច្នេះខ្ញុំគិតថាវាមិនសមហេតុផល ក្នុងការពិភាក្សាអំពីក្លឹបណាមួយនៅពេលនេះ រួមទាំង Manchester United ផង​ដែរ» ។

Mbappe បានចុះហត្ថលេខាលើកិច្ចសន្យារយៈពេល 3 ឆ្នាំជាមួយ PSG នៅរដូវក្តៅ ដើម្បីបញ្ចប់ទំនាក់ទំនងរយៈពេលវែងរបស់គាត់ជាមួយ Real Madrid ។ ទោះជាយ៉ាងណាក៏ដោយ បើតាមរបាយការណ៍ កុងត្រាសម្រាប់ឆ្នាំទី 3 របស់គាត់គឺជាជម្រើសដែលមាន​ន័យថា Mbappe អាចចាកចេញពី PSG ដោយឥតគិតថ្លៃនៅឆ្នាំ 2024 ។

ប្រភព៖ Fabrizio Romano តាមរយៈ Caught Offside

ក្រុមបិសាចក្រហម Manchester United បានយកឈ្នះយ៉ាងស្រួលក្នុងលទ្ធផល 2-0 នៅក្រៅដី លើទឹកដីក្រុម Sheriff Tiraspol ក្នុងក្របខ័ណ្ឌ Europa League កាលពីថ្ងៃព្រហស្បតិ៍យប់មិញ។ នេះជាការវាយតម្លៃពេញម៉ោងលើ​កីឡាករទាំងអស់របស់ Man Utd៖

Lisandro Martinez — 7.5

រក្សាភាពរឹងមាំនៅខាងក្រោយ ហើយតែងតែត្រៀមខ្លួន ដើម្បីឆ្ពោះទៅមុខជាមួយនឹងការបញ្ជូនបាល់យ៉ាងជាក់លាក់ ។ កីឡាករអាហ្សង់ទីននៅតែជាតួអង្គសំខាន់សម្រាប់ខ្សែការពារថ្មីនៅ Old Trafford ។

Scott McTominay — 7.5

Erik ten Hag មានភាពយុត្តិធម៌ជាថ្មីម្តងទៀត នៅក្នុងការសម្រេចចិត្តរបស់គាត់ក្នុងការចាប់ផ្តើម McTominay ជំនួស Casemiro ។ Scott បានគ្រប់គ្រងការប្រកួត ហើយអាចផ្លាស់ទីបាល់បានយ៉ាងល្អ។

Christian Eriksen — ៨

វាជាការសម្តែងក្នុង​កម្រិតខ្ពស់មួយផ្សេងទៀតរបស់កីឡាករអាយុ 30 ឆ្នាំដែល Man Utd ធ្វើការផ្ទេរដោយឥតគិតថ្លៃ។ ក្នុង​ការ​ប្រកួតនេះ គាត់ជាអ្នកកាន់កូនសោរទៅដោះភាពស្មុគស្មាញក្នុងការប្រកួតសម្រាប់ Man United ។

Jadon Sancho — ៨

Sancho បានផ្ញើសារយ៉ាងច្បាស់ទៅកាន់លោក Gareth Southgate ដោយស៊ុតបញ្ចូលទីបានគ្រាប់បាល់ដ៏អស្ចារ្យនៅថ្ងៃដែលគាត់ត្រូវគ្រូបង្វឹករូប​នេះមិន​បាន​ដាក់ឈ្មោះគាត់ក្នុងក្រុមជម្រើសជាតិអង់គ្លេស។

Cristiano Ronaldo — ៧

រក្សាភាពត្រជាក់ ស្ងប់ស្ងាត់ និងប្រមូលអារម្មណ៍ ដើម្បីបំប្លែងបាល់ប៉េណាល់ទីក្នុងតង់ទីមួយ និងស៊ុតបញ្ចូលទីគ្រាប់ដំបូងរបស់គាត់ក្នុងការប្រកួត។ នេះ​ជា​ការ​សង្ឃឹម​ថា​នឹង​មាន​គ្រាប់បាល់ច្រើន​ទៀត​ពី​កីឡាករ​វ័យ ៣៧ ឆ្នាំ។

គីឡាករនៅសល់៖ Varane — 7, Malacia — 7, Dalot — 6.5, De Gea — 6, Bruno — 6, Antony — 6 ។

កីឡាករបម្រុង៖ Casemiro — 6,5, Shaw — 6, Elanga — 6, Maguire — N/A, Garnacho — N/A ។

ប្រភព៖ Tribuna.com

និយាយអំពីស្ថានភាពរបស់ Cristiano Ronaldo នៅ Man United និងការតស៊ូរបស់គាត់ក្នុងការចាប់ផ្តើមការប្រកួត មិត្តរួមក្រុម Raphael Varane បានប្រាប់ TCL Globa ថា៖« ដូចដែលយើងបាននិយាយ Ronaldo នៅទីនេះ។ ហើយ​ដូច​ដែល​យើង​ដឹង​ហើយ​ថា​គាត់​មិន​បានលេង​មិត្តភាពមុនបើក​រដូវ​កាល​ទេ។ អ្នកមិនអាចខកខានការប្រកួតមុនបើករដូវកាលបានទេ។ វាជាមូលដ្ឋាន»។

“ជាពិសេសជាមួយនឹងហ្គេមដែលយើងលេង របៀបដែលយើងចង់លេង។ យើង​មិន​លេង​ដូច​គ្នា​កាល​ពី​ឆ្នាំ​មុន​ទេ គឺ​មិន​មាន​ការ​ប្រៀប​ធៀប​ទេ។ នេះទាមទារឱ្យមានកិច្ចសហប្រតិបត្តិការ ហើយវាទាមទារទីតាំងជាក់លាក់នៅក្នុង និងក្រៅនៃការ​ប្រកួតរបស់​យើង។ មួយ​ទៀត​គឺ​កាយ​សម្បទា​របស់​គាត់»។

Ronaldo ទទួលបានការចាប់ផ្តើមដ៏ខកចិត្តមួយសម្រាប់រដូវកាលនេះ បន្ទាប់ពីបរាជ័យក្នុងការការចាកចេញពីបិសាចក្រហមនៅរដូវក្តៅ​។ គាត់មិនទាន់ស៊ុតបញ្ចូលទីបានសូម្បីមួយគ្រាប់នៅឡើយទេ ហើយទើបតែចាប់ផ្តើមបានបីដងប៉ុណ្ណោះក្នុងចំណោមប្រាំពីរប្រកួតមកទល់ពេលនេះ ហើយមិនទាន់មើលទៅមិនទាន់មុតស្រួចឬពេញកម្លាំងនោះទេ។

ខ្សែប្រយុទ្ធសញ្ជាតិព័រទុយហ្គាល់នឹងត្រូវធ្វើការលើកាយសម្បទារបស់គាត់ ហើយសម្របខ្លួនទៅនឹងប្រព័ន្ធរបស់ Erik Ten Hag ដើម្បីដណ្តើមបានកន្លែងចាប់ផ្តើមរបស់គាត់ឡើងវិញនៅពេលណាក៏បានក្នុងពេលឆាប់ៗនេះ។

ប្រភព៖ TCL Global

ការប្រកួត ‘FIFA Day’ ខែកញ្ញា បង្ហាញពីការវិលត្រឡប់មកវិញនៃបាល់ទាត់អន្តរជាតិនៅក្នុងតំបន់អាស៊ីអាគ្នេយ៍។ ក្រៅ​ពី​ថៃ​ប៉ះ​ម៉ាឡេស៊ី​ក្នុង​ការ​ប្រកួត​ពាន​រង្វាន់ King’s Cup លើក​ទី​៤៨ វៀតណាម​ទល់​នឹង​សិង្ហបុរី​ក៏​ជា​សមរភូមិ​តំបន់​ដ៏​ជក់​ចិត្ត​មួយ​ទៀត​សម្រាប់​អ្នក​គាំទ្រដើម្បីភាពរីករាយ។

សារព័ត៏មាន Main Stand របស់​ថៃបានចងក្រងតម្លៃទីផ្សារសរុបនៃក្រុមជម្រើសដំបូងរបស់ប្រទេសអាស៊ានទាំងអស់ ដោយផ្អែកលើការប្រកួតដែលបានលេងក្នុងឆ្នាំប្រតិទិន 2022 ហើយដាក់ចំណាត់ថ្នាក់ពួកគេពីលេខ 1 ដល់ 11។ ​ក្នុង​ចំណាត់​ថ្នាក់​លេខ​មួយ​គឺ​ប្រទេស​ហ្វីលីពីន​ដែល​ឈរ​នៅ​កំពូល​តារាង​ក្នុង​តម្លៃ​ ៨,៣៨​លាន​អឺរ៉ូ។ ចំណាត់​ថ្នាក់នេះអាចធ្វើឱ្យមនុស្សជាច្រើនភ្ញាក់ផ្អើល ខណៈដែលចំណាត់​ថ្នាក់ FIFA Ranking របស់​ពួកគេនៅពីក្រោយទាំងវៀតណាម និងថៃ ប៉ុន្តែក្រុម Azkals មានទីផ្សារតម្លៃខ្ពស់បំផុតក្នុងតំបន់ ដោយសារខ្សែបម្រើស្លាបសញ្ជាតិអាល្លឺម៉ង់ Gerrit Holtmann ដែលទើបតែបង្ហាញខ្លួនឱ្យពួកគេកាលពីខែមិថុនាកន្លងទៅនេះ។

កីឡាករវ័យ 27 ឆ្នាំលេងឱ្យក្លឹប Vfl Bochum របស់ Bundesliga ហើយមានតម្លៃ 4.5 លានអឺរ៉ូ។ ទន្ទឹម​នឹង​នេះ ក្រុម​ម្ចាស់​ជើង​ឯក AFF Cup ថៃ​ស្ថិត​នៅ​លេខ​២​ក្នុង​បញ្ជី​តម្លៃ ៧ លាន​អឺរ៉ូ។ ក្រុមដំរីចម្បាំងមួយនេះ នឹងអវត្តមាន​កីឡាករ​ល្បីៗ​លេង​នៅបរទេស​ពីរ​នាក់​គឺ Chanathip Songkrasin និង Supachok Sarachat ក្រោយ​បញ្ចប់​ការ​ប្រកួត​ពាន​រង្វាន់ ASEAN Cup កាល​ពី​ឆ្នាំ​មុន។ នេះកាត់បន្ថយតម្លៃទីផ្សារបច្ចុប្បន្នរបស់ពួកគេចំនួន 2.4 លានអឺរ៉ូ។

ចំណាត់​ថ្នាក់​លេខ​បី និង​ទី​បួន​មាន​ប្រទេស​ឥណ្ឌូនេស៊ី (៥,៨៨​លាន​អឺរ៉ូ) និង​ម៉ាឡេស៊ី (៥,៥៥​លាន​អឺរ៉ូ)។ ទោះបីជាកំពុងស្ថិតក្នុងគន្លងកើនឡើងតម្លៃខ្លួនជាលំដាប់ ដោយសារកីឡាករវ័យក្មេង U23 របស់ពួកគេ កីឡាករ Marc Klok ដែលទើបនិង​ចូលសញ្ជាតិគឺជាកីឡាករដ៏មានតម្លៃបំផុតរបស់ប្រទេសឥណ្ឌូនេស៊ីក្នុងតម្លៃ៤៥ម៉ឺនអឺរ៉ូ ។ សម្រាប់ម៉ាឡេស៊ី ខ្សែការពារស្តាំហូឡង់-ម៉ាឡេ Dion Cools លេង​នៅក្លិប FK Jablonec មានតម្លៃ ៨៥ម៉ឺនអឺរ៉ូ ។

ទី​បំផុត វៀតណាម​បាន​ធ្លាក់​ចេញ​ពី​កំពូល​ទាំង​ប្រាំ។ ក្រុម​ដែល​មាន​ចំណាត់​ថ្នាក់​ខ្ពស់​ជាង​គេ​នៅ​ក្នុង​តំបន់​ពោលគឺលេខ 97 នៅលើពិភពលោក ស្ថិតនៅលំដាប់ទី 5 ក្នុងបញ្ជីដែលមានតម្លៃ 5.43 លានអឺរ៉ូ។ កីឡាករដែលមានតម្លៃខ្លួនថ្លៃបំផុតរបស់ក្រុម Golden Star មួយនេះគឺខ្សែបម្រើប្រយុទ្ធរបស់ក្លិប Pau FC កីឡាករ Nguyen Quang Hai ដែលមានតម្លៃ ៤០ម៉ឺនអឺរ៉ូ។

Man United បានធ្វើការសម្រេចចិត្តដ៏គួរឱ្យភ្ញាក់ផ្អើលមួយក្នុងការរួមបញ្ចូល Mason Greenwood នៅក្នុងក្រុម Premier League 2022/23 របស់ពួកគេដោយ​ដាក់ក្នុងឈុត U21របស់​ខ្លួន។

Greenwood ស្ថិតក្នុងចំណោមកីឡាករវ័យក្មេងជាច្រើនរបស់​ក្លិបដែលនៅក្នុងឈុត U21s ហើយ​ការ​ដាក់ក្នុងឈុត​នេះ​ផង​ដែរ​កុំឱ្យ​លើសការ​កំណត់​របស់ ​Premier League ដែលឱ្យ​មាន​កីឡាករឈុត​ធំ​យ៉ាងហោចណាស់​២៥​នាក់។ ការសម្រេចចិត្តនេះទទួលបានការរំពឹងទុកជាច្រើនពីអ្នកគាំទ្រ ប៉ុន្តែករណីនេះត្រូវបានបញ្ជាក់ថាគាត់មានឈ្មោះក្នុងបញ្ជីរបស់ក្លិបដោយ​សារតែ គាត់នៅតែជាបុគ្គលិករបស់ក្លឹប។

កីឡាករ Amad Diallo និង Alvaro Fernandez ដែលត្រូវបានខ្ចីជើង ក៏ត្រូវបានបញ្ចូលទៅក្នុងផ្នែក U21s ផងដែរ។ អ្នកកាសែត Chris Winterburn បានបំភ្លឺរឿង និងសរសេរលើ Twitter ថា៖ “Mason Greenwood រួមបញ្ចូលក្នុងបញ្ជីឈ្មោះនេះ ពីព្រោះគាត់នៅតែជាបុគ្គលិកផ្នែកបច្ចេកទេសបាល់ទាត់របស់ Manchester United ។ កីឡាករអាយុក្រោម 21 ឆ្នាំ និងកីឡាករសញ្ជាតិអង់គ្លេសផ្សេងទៀតអាច​ចុះឈ្មោះក្នុងឈុតនេះដោយ​សេរី”។

Greenwood នៅតែត្រូវបានព្យួរពីការចូលរួមក្នុងសកម្មភាពកីឡាបាល់ទាត់នៅ United ខណៈដែលការស៊ើបអង្កេតនៅតែបន្តជុំវិញការប្រើអំពើហិង្សា និងការរំលោភបំពានផ្លូវភេទអតីតមិត្តស្រីរបស់គាត់។

ប្រភព៖ Manutd.com | Cmwinterburn @ Twitter

មហាសេដ្ឋី Sir Jim Ratcliffe បានបង្ហាញពីចំណាប់អារម្មណ៍របស់គាត់ចំពោះ Manchester United នៅចុងខែមុន ដោយបង្ហាញពីបំណងចង់ទិញភាគហ៊ុនមួយផ្នែកធំរបស់ក្រុមត្រកូល Glazers ។

កាសែត The Times រាយការណ៍ថាក្រុមហ៊ុនរបស់ Ratcliffe Ineos ចង់ទិញភាគហ៊ុននៅក្នុង Manchester United ក្នុងគោលបំណងក្លាយជាម្ចាស់ពេញលេញ។ ខណៈពេលដែលចំណាប់អារម្មណ៍របស់ Ratcliffe បានស្ងប់ស្ងាត់បន្តិចចាប់តាំងពីប្រកាសជាសាធារណៈ​មក គាត់នៅតែអាចស្វែងរកជម្រើសរបស់គាត់នៅពីក្រោយឆាកសម្ដែងរបស់ Man Utd។

របាយការណ៍ពីកាសែតបារាំង Le Parisien ផ្តល់ការលើកទឹកចិត្តមួយចំនួនដល់អ្នក​ដែលចង់ឱ្យក្រុម Glazers បាត់មុខពី Old Trafford ។ របាយការណ៍ពីកាសែតបារាំង Le Parisien អះអាងថា លោក Sir Jim Ratcliffe មានចំណាប់អារម្មណ៍ក្នុងការជួលលោក Luis Campos ធ្វើជានាយកផ្នែកកីឡារបស់ Manchester United ។

Campos បច្ចុប្បន្នកំពុងធ្វើ​ការ​នៅ PSG ហើយធ្លាប់​បានបំពេញការងារដ៏ជោគជ័យនៅ Monaco និង Lille ។ ក្រុមហ៊ុនរបស់ Ratcliffe Ineos ជាម្ចាស់ក្រុមហ៊ុន Nice របស់បារាំង។ របាយការណ៍របស់ Le Parisien៖ «Ratcliffe ប្រសិនបើជោគជ័យ ក៏ចង់ឱ្យ Campos ដឹកនាំគោលនយោបាយកីឡារបស់ក្លឹបផងដែរ។»

មានគេនិយាយថាមានការចាប់អារម្មណ៍ពី Chelsea ក្នុងការ​ទិញយកសេវាកម្មរបស់ Campos ដោយកិច្ចសន្យារបស់នាយកកីឡានៅ PSG អនុញ្ញាតឱ្យគាត់ធ្វើការដោយមិនផ្តាច់មុខជាមួយក្លឹបបារាំង។ ការចុះហត្ថលេខាកំពូលដែលធ្វើឡើងដោយ Campos នាពេលកន្លងមករួមមាន Fabinho, Victor Osimhen, Rafael Leao និង Bernardo Silva ។

គោលការណ៍ជ្រើសរើសបុគ្គលិករបស់ United នៅរដូវក្ដៅនេះ ស្ថិតក្រោមការត្រួតពិនិត្យ ដោយវាដឹកនាំដោយអ្នកចាត់ការ Erik ten Hag។ វាផ្តោតលើកីឡាករដែលធ្លាប់ធ្វើការ​ជាមួយគ្រូបង្វឹកហូឡង់ ដែលក្នុងកម្រិតខ្លះបង្ហាញពីការខ្វះជំនឿលើរចនាសម្ព័ន្ធដែលមានស្រាប់របស់ United ។

ប៉ុន្តែរឿងពិតនៅទីនេះមិនមែនគ្រាន់តែអំពី Campos នោះទេ វានិយាយអំពីការបន្តចំណាប់អារម្មណ៍របស់ Ratcliffe នៅក្នុងក្រុម Manchester United ។ នេះគឺជាការលើកទឹកចិត្តយ៉ាងខ្លាំង ចំពេលមានរបាយការណ៍ពី The Mail កាលពីសប្តាហ៍មុនដែលបាននិយាយថា Glazers នឹងបើកលក់ក្លឹបក្នុងតម្លៃ 3.75 ពាន់លានផោន ដែលជាតួលេខដ៏ល្អដែលសក្តិសមតម្លៃរបស់ Ratcliffe ។