ព័ត៌មានកីឡាជាតិ
ក្រុមបាល់ទាត់អាយ អេស អាយ ដង្កោសែនជ័យបញ្ចប់រដូវកាលនៃ Cambodian League 2 រដូវកាល២០២២ ដោយឈរចំណាត់ថ្នាក់លេខ២ ខណៈម្ចាស់ក្លិបលោក កាំង សេនថាលោកទទួលបានបទពិសោធន៍ច្រើន មានទាំងភាពវិជ្ជមាន និងទទួលបានភាពអវិជ្ជមានតិចតួចប៉ុណ្ណោះ។
ផ្ដល់បទសម្ភាសជាមួយភ្នាក់ងារយកព័ត៏មានរបស់ B8 Sport លោក កាំង សេនបាននិយាយថា៖«សម្រាប់ផលវិជ្ជមាននោះគឺ ពួកយើងមកចូលរួមលីគហើយទទួលបានចំណាត់ថ្នាក់លេខ២ ស្របទៅនឹងលក្ខខណ្ឌដែលយើងបាន ពិសេសបំពេញទៅនឹងការចង់បានរបស់ក្រុមហ៊ុនលីគ»។
«ផលវិជ្ជមានមួយទៀត ក្នុងរដូវកាលហ្នឹង យើងបានសាងគ្រឹះដ៏រឹងមាំ ទាំងការគ្រប់គ្រង និងវប្បធម៏សម្រាប់ក្លិបរបស់យើង វាជាគ្រឹះដ៏រឹងមាំសម្រាប់យើង ហើយយើងនឹងកសាងបន្ថែមនៅឆ្នាំក្រោយៗទៀត ពីព្រោះទាំងកីឡាករ គ្រូបង្វឹក បុគ្គលិក និងអង្គភាពរបស់យើងទាំងមូលបានយល់ច្បាស់គឺទីមួយ គោលដៅរបស់ក្លិប ទីពីរតម្លៃស្នូលរបស់ក្លិបដែលយើងបានសាងសង់នៅរដូវកាលមុនហ្នឹង»។
បុរសមានវ័យជិត ៤០ឆ្នាំរូបនេះបន្តទៀតថា៖«សម្រាប់ផលវិជ្ជមានទី៣គឺយើងឃើញថាសន្ទុះអ្នកគាំទ្រមួយរយៈកាលចុងក្រោយនេះគឺច្រើន ដែលលើកទឹកចិត្តយើងឱ្យមានការសាងសង់បន្ថែមលើទីលាន កន្លែងអង្គុយ និងវិនិយោគបន្ថែមទៀត។ ទន្ទឹមនឹងនេះ អវិជ្ជមានមិនសូវជាឃើញទេ ប៉ុន្តែពេលយើងឃើញការគាំទ្រខ្លាំងបែបនេះ ហើយយើងឡើងលេងលីគទីមួយបែបនេះ ធ្វើឱ្យការពង្រីក វិនិយោគ ឬការចំណាយរបស់យើងលឿនជាងការគ្រោងទុក ដែលមានន័យថាយើងត្រូវធ្វើឱ្យលឿនលើសពីផែនការដែលវាជាចំណុចប្រឈម តែវាមិនណាស់ណាទេ»។
ព័ត៌មានកីឡាអន្តរជាតិ
ការណែនាំ(ចង្អុលបង្ហាញ)ដ៏ត្រឹមត្រូវពី Luka Modric បានជួយ Thibaut Courtois សង្គ្រោះបាល់ពិន័យ Penalty ដែលផ្តល់ទៅឱ្យ Celtic កាលពីថ្ងៃយប់ពុធ។
Ferland Mendy បានបង្កកំហុសលើកីឡាកររបស់ក្រុម Celtic ម្នាក់នៅក្នុងប្រអប់។ កីឡាករសញ្ជាតិក្រូអាត Josip Juranovic គឺជាអ្នករ៉ាប់រងបាល់ប៉េណាល់ទី ប៉ុន្តែកីឡាករបែលហ្ស៊ិករូបនេះបានទប់ទល់នឹងការស៊ុតយ៉ាងអស្ចារ្យ ដោយបានទាយទិសដៅនៃបាល់ត្រូវ។
តោះមើលភាគនេះម្ដងទៀត៖
ដោយបានលេងលើសពី២០ប្រកួតសម្រាប់ក្រុមជម្រើសជាតិក្រូអាស៊ីជាមួយគ្នា Modric ស្គាល់មិត្តរួមជាតិរបស់គាត់បានល្អគ្រប់គ្រាន់ ដើម្បីចាំថាកីឡាកររូបនេះនឹងស៊ុតបាល់ចូលជ្រុងខាងឆ្វេង។
ប្រភព៖ Tribuna.com
Manchester United អាចនឹងជួប Barcelona, Juventus ឬ Ajax ក្នុងវគ្គ Play-off Europa League របស់ពួកគេ បន្ទាប់ពីបញ្ចប់ក្នុងចំណាត់ថ្នាក់លេខ២ក្នុងពូល E។
គ្រាប់បាល់របស់ Alejandro Garnacho បានបិទជ័យជម្នះ 1-0 របស់ Man Utd លើក្រុម Real Sociedad កាលពីយប់មិញ ប៉ុន្តែវាមិនគ្រប់គ្រាន់ដើម្បីបញ្ចប់ចំណាត់ថ្នាក់កំពូលតារាងនៃពូល E ខណៈដែលពួកគេត្រូវការយកឈ្នះគូប្រជែងមកពីអេស្ប៉ាញមួយនេះ២គ្រាប់ឡើងទៅ។
លទ្ធផលនេះមានន័យថា United នឹងត្រូវឆ្លងកាត់ការប្រកួតជម្រុះក្នុងខែកុម្ភៈ ដើម្បីឈានទៅវគ្គ១៦ក្រុមចុងក្រោយនៃ Europa League។ មានគូប្រជែងដ៏មានសក្តានុពលចំនួន 8 សម្រាប់ United ដែលសុទ្ធសឹងបានធ្លាក់ចេញពីក្របខ័ណ្ឌ Champions League ក្នុងសប្តាហ៍នេះ បន្ទាប់ពីបញ្ចប់ក្នុងចំណាត់ថ្នាក់លេខ 3 ក្នុងពូលរបស់ពួកគេ។
ក្រុមទាំងនោះមានដូចជា Ajax, Barcelona និង Juventus, United ដែល Man Utd ក៏អាចជួបជាមួយ Bayer Leverkusen, Red Bull Salzburg, Sevilla, Shakhtar Donetsk និង Sporting CP ផងដែរ។
ការចាប់ឆ្នោតវគ្គ Play-Off របស់ Europa League នឹងប្រព្រឹត្តទៅនៅថ្ងៃទី 7 ខែវិច្ឆិកា វេលាម៉ោង 10 រសៀល។ ការប្រកួតជម្រុះ Europa League របស់ United នឹងធ្វើឡើងនៅថ្ងៃទី 16 និង 23 ខែកុម្ភៈ ឆ្នាំ 2023។
ព័ត៌មានកីឡាអាស៊ី
លោក Mano Polking គ្រូបង្វឹកក្រុមបាល់ទាត់ជម្រើសជាតិថៃ បានប្រកាសបញ្ជីឈ្មោះកីឡាករចំនួន ៧៥នាក់ ត្រៀមសម្រាប់ក្រុមចូលរួមប្រកួតពានរង្វាន់ AFF Mitsubishi Electric Cup 2022។
ក្នុងបញ្ជីឈ្មោះប្រធានក្រុមរបស់ថៃ Chanathip និងកីឡាករ Buriram United ពីររូបគឺ Suphanat Mueanta និង Supachai Chaided គ្មានឈ្មោះក្នុងបញ្ជីនេះទេ។ក្នុងចំណោមកីឡាករទាំង ៧៥នាក់ មានកីឡាករដែលកំពុងលេងនៅក្រៅប្រទេសមានឈ្មោះដូចជា: ១-Jonathan Khemdee, Næstved Boldklub (ដាណឺម៉ាក ??) ២-Nicolas Mickelson, Obi Odense (ដាណឺម៉ាក ??) ៣-Chayapipat Supunpasuch, SC Prinze (ព័រទុយហ្គាល់ ??) ៤-Chaowat Veerachat, Cerezo Osaka (ប្រទេសជប៉ុន ??) ៥-Sanrawat Dechmitr, Kedah Darul Aman (ម៉ាឡេស៊ី ??) ៦-Supachok Sarachat, Consadole Sapporo (ជប៉ុន ??)
ខាងក្រោមជាបញ្ជីឈ្មោះទាំងអស់៖
ថ្លែងទៅកាន់ TuttoMercatoWeb អតីតអ្នកចាត់ការទូទៅរបស់ Juventus លោក Luigi Maifredi បាននិយាយថា៖ «ខ្ញុំសូមនិយាយថា Juventus មិនមានសំណាងក្នុងការចុះហត្ថលេខាកីឡាករថ្មីនោះទេ»។
«Paul Pogba មិនទាន់ក្លាយជាផ្នែកមួយនៃក្រុមនៅឡើយទេ។ នៅពីក្រោយការបរាជ័យក្នុងការប្រកួតរបស់ក្រុម ការបង្ហាញទម្រង់លេងមិនល្អក្នុងយុទ្ធនាការនេះ ការផ្ទេរកីឡាករក៏មិនបានហុចផលល្អដែរ។»
«អញ្ចឹងមានតែប្រឈមមុខនឹងវា! សាកគិតមើល ប្រសិនបើ Manchester United បោះបង់ចោល Pogba យ៉ាងងាយស្រួលបែបនោះ ពួកគេច្បាស់ជាដឹងអ្វីមួយ…។ គាត់ចង់ចាកចេញ ហើយគាត់ជាកីឡាករដែលមានរងរបួស ហើយទាំងនេះគឺជាផលវិបាកសម្រាប់ Juventus ក្នុងរដូវកាលនេះ»។
Pogba មិនទាន់បានលេងសូម្បីមួយនាទីសម្រាប់ Juventus នៅរដូវកាលនេះទេ បន្ទាប់ពីបានចូលរួមជាមួយក្លឹបយក្ស Serie A ដោយមិនគិតថ្លៃផ្ទេរកាលពីរដូវក្តៅមុន។ កីឡាករសញ្ជាតិបារាំងដែលត្រូវបានបដិសេធឱកាសបន្តកិច្ចសន្យាជាច្រើននៅ Man United នឹងខកខានការប្រកួត World Cup ដោយសាររបួសជង្គង់។
ប្រភព៖ TuttoMercatoWeb
Manchester United នឹងបញ្ចប់យុទ្ធនាការវគ្គចែកពូល Europa League របស់ពួកគេជាមួយនឹងការធ្វើដំណើរទៅកាន់ទឹកដីរបស់ក្លិប Real Sociedad នៅយប់ថ្ងៃព្រហស្បតិ៍នេះ។
ក្រុមបិសាចក្រហមបច្ចុប្បន្នកំពុងឈរនៅលេខរៀងទី 2 ក្នុងតារាងដោយមាន 12 ពិន្ទុតាមពីក្រោយក្រុម La Liga 3 ពិន្ទុបន្ទាប់ពីចាញ់ពួកគេក្នុងការប្រកួតថ្ងៃទី 1 ។ក្រុមរបស់ Erik ten Hag ត្រូវការឈ្នះការប្រកួតដោយយ៉ាងហោចណាស់ពីរគ្រាប់ឡើងទៅ ដើម្បីឈរនៅកំពូលតារាង ហើយទម្លាក់ Real Sociedadមកលេខ២វិញដើម្បីយកសិទ្ធិទៅជុំទី 16 ជាប់ៗគ្នា ដោយជៀសវាងការប្រកួតជុំទី 32 ចំនួនពីរជើង។
ក្រុមជម្រើសជាតិមីយ៉ាន់ម៉ា នឹងលេងក្នុងកីឡដ្ឋានដែលគ្មានអ្នកទស្សនាសម្រាប់ការប្រកួតពានរង្វាន់ AFF Mitsubishi Electric Cup 2022 បន្ទាប់ពីគិតគូរពីកត្តាសុវត្ថិភាព ដោយសារវិបត្តិដែលកំពុងកើតមាននៅក្នុងប្រទេស។
មីយ៉ាន់ម៉ា ស្ថិតក្នុងពូល B ជាមួយវៀតណាម ម៉ាឡេស៊ី ឡាវ និងសិង្ហបុរី ក្នុងពានរង្វាន់ AFF Mitsubishi Electric Cup ហើយពួកគេគ្រោងធ្វើម្ចាស់ផ្ទះប្រកួតជាមួយម៉ាឡេស៊ី នៅថ្ងៃទី ២១ ខែធ្នូ និងឡាវ នៅថ្ងៃទី ៣០ ខែធ្នូ។
យោងតាមការចែករំលែកបាល់ទាត់អាស៊ាននៅលើបណ្តាញទំនាក់ទំនងសង្គម Twitter សហព័ន្ធកីឡាបាល់ទាត់មីយ៉ាន់ម៉ា (MFF) បានទទូចថាបញ្ហាសន្តិសុខគឺជាកត្តាចម្បង ដែលជំហាននេះត្រូវបានគេអនុវត្ត ហើយពួកគេមិនចង់ប្រថុយប្រថានណាមួយជាពិសេសទាក់ទងនឹងសុវត្ថិភាពរបស់កីឡាករ និងក្រុម មន្ត្រីក៏ដូចជាអ្នកទស្សនាដែលបានចូលរួមក្នុងកីឡដ្ឋាន។
មីយ៉ាន់ម៉ាកំពុងប្រឈមមុខនឹងវិបត្តិពាក់ព័ន្ធនឹងយោធា និងរដ្ឋាភិបាលក្នុងតំបន់ផងដែរ ដែលរបបយោធាបានធ្វើការវាយប្រហារយ៉ាងឃោរឃៅ និងបានសម្លាប់កុមារជាច្រើនដែលត្រូវបានចាប់នៅក្នុងជម្លោះរវាងភាគីទាំងពីរ ហើយក្លាយជាគោលដៅនៃអំពើហិង្សា នេះបើយោងតាមរបាយការណ៍របស់អង្គការសហប្រជាជាតិចេញផ្សាយកាលពីខែមិថុនាមុ។ .
មនុស្សជាង 2.400 នាក់ រួមទាំងកុមាររាប់សិបនាក់ត្រូវបានសម្លាប់ និងជាង 16.000 នាក់ត្រូវបានឃុំខ្លួនដោយរបបយោធាចាប់តាំងពីរដ្ឋប្រហារយោធាកាលពីខែកុម្ភៈឆ្នាំមុន នេះបើយោងតាមក្រុមសិទ្ធិមនុស្ស។ នេះបង្ហាញថា ស្ថានភាពសន្តិសុខក្នុងប្រទេសពិតជាស្ថិតក្នុងកម្រិតគួរឲ្យព្រួយបារម្ភ។
បន្ទាប់ពីសោកនាដកម្មដែលបានកើតឡើងនៅកីឡដ្ឋាន Kanjuruhan ក្នុងការប្រកួតលីគកំពូលឥណ្ឌូនេស៊ី 1 រវាង Arema ទល់នឹង Persebaya ដែលបានឆក់យកជីវិតមនុស្ស 131 នាក់នោះ សមាគមបាល់ទាត់ថៃ (FAT) បានស្នើសុំឱ្យការប្រកួតជាមួយឥណ្ឌូនេស៊ីនៅថ្ងៃទី 29 ខែធ្នូ ដោយមិនមានវត្តមានរបស់ អ្នកទស្សនា ហើយពួកគេក៏ចង់ឱ្យម្ចាស់ផ្ទះរឹតបន្តឹងសន្តិសុខបន្ថែមទៀតនៅជុំវិញកីឡដ្ឋាន។
ចំណែកក្រុមម៉ាឡេស៊ីក្រុមជម្រើសជាតិនឹងធ្វើម្ចាស់ផ្ទះ២ប្រកួតជាមួយឡាវនៅថ្ងៃទី២១ ខែធ្នូ និងសិង្ហបុរីនៅថ្ងៃទី៣ ខែមករា ឆ្នាំ២០២៣ ។
អត្ថបទទាំងស្រុងរបស់សារព័ត៌មានថ្មីៗ បានចេញផ្សាយថា រូបរាងពានលីគកំពូលកម្ពុជា ត្រូវបាន អ្នកនាង ទេព ផាន់នីចំណារ ប្រធានផ្នែកទីផ្សារក្រុមហ៊ុន CPL និងលោក ខេង សុខហេង ផ្ដើមគំនិតរចនាបថ ដោយលោក Satoshi Saito នាយកប្រតិបត្តិ CPL ក៏បានយល់ស្រប។
លោក ខេង សុខហេង បានពន្យល់ប្រាប់សារព័ត៌មានថ្មីៗ តាមតេលេក្រាមថា ការរចនាពាន ឲ្យស្រដៀងទៅនិងក្បាលគោព្រៃនេះ ព្រោះជាសត្វនិមិត្តរូបរបស់កម្ពុជា។ សត្វគោព្រៃនេះ ត្រូវបាន សត្តវិទូអន្តរជាតិ ទទួលស្គាល់ និងដាក់ឈ្មោះដូចគ្នាក្នុងភាសាអង់គ្លេស អេស្ប៉ាញ និង បារាំង គឺប្រើពាក្យថា «Kouprey»។ សត្វនេះ ត្រូវបានកំណត់ជាសត្វនិមិត្តរូប នៃមរតកធម្មជាតិរបស់កម្ពុជា និងតំណាងឲ្យពពួកថនិកសត្វ នៅថ្ងៃទី ២១ ខែមីនា ឆ្នាំ ២០០៥។
ផ្ទៃកណ្ដាល នៃពាននេះ ត្រូវបានរចនាជារូបផែនទីប្រទេសកម្ពុជា។ លោក សុខហេង ប្រធានផ្នែកផ្សព្វផ្សាយ CPL បន្ថែមថា រូបផែនទីរបស់ប្រទេសកម្ពុជា បង្ហាញពីការខិតខំប្រឹងប្រែង របស់កីឡាករក្នុងលីគកំពូល ដែលមកពីគ្រប់បណ្តាខេត្តនានា។ ម្យ៉ាងវិញទៀត ក៏ជាការបង្ហាញនូវ វិស័យបាល់ទាត់ រីកដោះដុលពេញប្រទេសកម្ពុជា។
នៅក្នុងនោះដែរ រូបរាងពាននេះ ក៏មានភ្ជាប់អត្ថន័យតាមរឿងកូរសមុទ្រទឹកដោះ ដូពានលីគទី២ ផងដែរ ដោយជើងពាន ឬទម្រពាន ប្រដូចទៅនិងសត្វអណ្ដើកឈ្មោះ កុមិ ដែលទ្រភ្នំមន្ទរៈ ស្ថិតនៅផ្នែកកណ្ដាលនៃពាន។
យោងតាមទំព័រហ្វេសប៊ុក របស់ក្រុមហ៊ុន CPL បានចេញផ្សាយថា សហព័ន្ធ កីឡាបាល់ទាត់កម្ពុជា និងក្រុមហ៊ុនខេមបូឌានពីមៀរលីគ បានអញ្ជើញមន្ត្រីជំនាញមកពីសហព័ន្ធកីឡាបាល់ទាត់ទ្វីបអាស៊ី (AFC) ដើម្បីចុះត្រួតពិនិត្យ និងវាយតម្លៃកីឡដ្ឋានដែលអាចមានលក្ខណៈបច្ចេកទេសសម្រាប់រៀបចំការប្រកួតអន្តរជាតិផ្លូវ ការ និងត្រៀមរៀបចំការប្រកួតកីឡាស៊ីហ្គេម ឆ្នាំ២០២៣ ក៏ដូចជាបង្ហាញ និងជួយកែសម្រួលពីចំណុចខ្វះខាតដល់ក្លិប ដើម្បីបំពេញបន្ថែមឱ្យបានកាន់តែល្អប្រសើរថែមទៀត។
រូបភាព និងអត្ថបទ ក្រុមហ៊ុន CPL
