កិច្ចសន្យាដែលភ្ជាប់កីឡាករសញ្ជាតិព័រទុយហ្គាល់ជាមួយក្រុមអារ៉ាប៊ីសាអូឌីតនឹងដំណើរការរយៈពេលពីររដូវកាលកន្លះ។

Cristiano Ronaldo នឹងលេងឱ្យក្រុម Al-Nassr ចាប់ពីថ្ងៃទី 1 ខែមករា ឆ្នាំ 2023។ កីឡាករបាល់ទាត់សញ្ជាតិព័រទុយហ្គាល់នឹងចូលរួមជាមួយក្រុមរបស់អារ៉ាប៊ីសាអូឌីត កិច្ចសន្យារយៈពេល 2 ឆ្នាំកន្លះ ដូចដែលបានរាយការណ៍កាលពីសប្តាហ៍មុនដោយកាសែត MARCA ។

ខ្សែប្រយុទ្ធរូបនេះបានបញ្ចប់ទំនាក់ទំនងរបស់គាត់ជាមួយ Manchester United ប៉ុន្មានថ្ងៃមុនការប្រកួត World Cup នៅប្រទេសកាតា ដោយធ្វើឱ្យគាត់មានសេរីភាពក្នុងការចរចាជាមួយក្រុមណាមួយផ្សេងទៀត។

ទោះបីជាមានការអះអាងថាគាត់នឹងមានក្លឹបនៅក្នុងក្របខ័ណ្ឌ Champions League តម្រង់ជួរ ចុះហត្ថលេខាលើគាត់ក៏ដោយក៏ Al-Nassr គឺជាក្លឹបដែលបង្ហាញការចាប់អារម្មណ៍កាន់តែខ្លាំងតាំងពីដំបូង។ Cristiano បាន​សង្ឃឹម​ថា​នឹង​បន្ត​នៅ​ក្នុង​ការ​ប្រកួត​ប្រជែង​ក្លឹប​ដ៏​អស្ចារ្យ​របស់​អឺរ៉ុប តែ​យ៉ាងណា! គ្រប់​យ៉ាង​ហាក់នឹង​បញ្ចប់​បន្តិចម្ដងៗហើយ។

កិច្ចសន្យានេះ បន្ថែមពីលើថ្លៃចុះហត្ថលេខាយ៉ាងសន្ធឹកសន្ធាប់ (ក្រោម 100 លានអឺរ៉ូ) ត្រូវបានអមដោយការលើកទឹកចិត្តផ្នែកហិរញ្ញវត្ថុតាមរយៈការផ្សាយពាណិជ្ជកម្ម ដែលនឹងធ្វើឱ្យកីឡាករព័រទុយហ្គាល់ក្លាយជាកីឡាករដែលមានប្រាក់ខែខ្ពស់បំផុតក្នុងពិភពលោក។ តម្លៃសរុបនៃកិច្ចសន្យារបស់ CR7 ជាមួយ Al-Nassr នឹងមានចំនួនជិត 200 លានអឺរ៉ូក្នុងមួយរដូវកាល។

Lionel Messi និង Neymar នៅ Paris Saint-Germain បច្ចុប្បន្នទទួលបានប្រាក់ឈ្នួលតែ 75 និង 70 លានអឺរ៉ូដែលពួកគេរកបានក្នុងមួយរដូវកាលគឺតិចជាងអ្វីដែល Cristiano Ronaldo នឹងទទួលបាននៅអារ៉ាប៊ីសាអូឌីត។ ទោះល្បីថាមានអត្តពលិក(កីឡាគ្រប់​ប្រភេទ)ដែលរកចំណូលបានច្រើនជាងគេក្នុងពិភពលោកស្ថិតនៅសហរដ្ឋអាមេរិកក៏ដោយ ក៏ពួកគេនៅតែ​តិចជាង Ronaldo ដដែល។

ពិត​ណាស់​! ការ​ទៅលេង​នៅ អារ៉ាប៊ីសាអួឌីត​នឹង​ធ្វើឱ្យ​គាត់​ឃ្លាតឆ្ងាយពី ការ​ប្រកួតប្រជែងបាល់ទាត់កម្រិតខ្ពស់​ក្នុង UEFA Champions League ហើយ​គាត់​អាច​នឹង​លែង​មានប្រកួតប្រជែងជាមួយកីឡាករ​ល្បីៗនៅអឺរ៉ុប។ ការបោះជំហានថយក្រោយដែលគាត់កំពុងប្រកាន់យកក្នុងលក្ខខណ្ឌកីឡាគឺជាភស្តុតាង ប៉ុន្តែកម្រិតផ្ទាល់ខ្លួនរបស់គាត់បានធ្លាក់ចុះច្រើនក្នុងរដូវកាលថ្មីៗនេះ ហើយគាត់ថែមទាំងត្រូវបានគេរិះគន់នៅក្នុងប្រទេសព័រទុយហ្គាល់ទៀតផង។

ខ្សែប្រយុទ្ធ Vinicius Jr ដែលលេងឱ្យ Real Madrid និងក្រុមជម្រើសជាតិប្រេស៊ីល ត្រូវបានគេនិយាយថាកំពុងប្រឈមមុខដាក់គ្នាជាមួយ Nike ។

ក្រុមហ៊ុន Nike គឺជាអ្នកផ្គត់ផ្គង់សម្ភារៈកីឡាដ៏ធំដែលបានឧបត្ថម្ភ Vini Jr. ដែលតាំងពីគាត់មានអាយុ 13 ឆ្នាំ។ Nike គឺជាម៉ាកយីហោមួយក្នុងចំណោមម៉ាកដែលស្និទទៅនឹងប្រទេសប្រេស៊ីល ព្រោះ​រាល់​ឆ្នាំ​ពួកគេ​ឧបត្ថម្ភ​កីឡាករ​បាល់ទាត់​មក​ពី​ប្រេស៊ីល។មានកីឡករដែលពួកគេឧបត្ថម្ភតាំងពីក្មេងជំទង់រហូតដល់ពួកគេក្លាយជាតារា។

ក្នុង​ចំណោម​នោះ​មាន Vini Jr. ដែល​ឥឡូវនេះ ​ជា​កីឡាករ​ជម្រើស​ជាតិ​ឈុតធំ ហើយ​បច្ចុប្បន្នកំពុង​នៅ​ប្រទេស​កាតា​សម្រាប់​ព្រឹត្តិការណ៍ World Cup ឆ្នាំ ២០២២។ សម្រាប់ពេលនេះ Vinicius Jr. នៅតែប្រើស្បែកជើងម៉ាក Nike ដដែល។ គាត់ត្រូវបានចងភ្ជាប់ទៅនឹងកិច្ចសន្យាបច្ចុប្បន្នរបស់គាត់ដែលដំណើរការរហូតដល់ឆ្នាំ 2028 ។

ប៉ុន្តែឥឡូវនេះ Vini Jr. ត្រូវបានគេនិយាយថាមិនសប្បាយចិត្តនឹង Nike ទេ ដោយសារតែគាត់មានអារម្មណ៍ថាគាត់ត្រូវបានប្រព្រឹត្តដោយអយុត្តិធម៌ពីក្រុមហ៊ុនខាងលើ។Vini និងភ្នាក់ងាររបស់គាត់បានទាក់ទងមេធាវី ដើម្បីបញ្ចប់កិច្ចសន្យាជាមួយ Nike ភ្លាមៗ។

ខណៈពេលដែលអត្តពលិក Nike ផ្សេងទៀតបានទទួលការឧបត្ថម្ភស្បែកជើងថ្មីពីក្រុមហ៊ុនដើម្បីលេងក្នុងការប្រកួត World Cup ឆ្នាំ 2022 នៅប្រទេសកាតា Vini នៅតែពាក់ស្បែកជើង Nike Mercury សេរ៊ីចាស់។ សកម្មភាពរបស់ Nike ហាក់ដូចជាបន្ទាបឋានៈរបស់ Vini Jr ដែលឥឡូវនេះជាកីឡាករស្លាបដ៏ល្អបំផុតម្នាក់ក្នុងពិភពលោក។

គាត់បានជួយ Real Madrid ឈ្នះ UCL និង La Liga កាលពីរដូវកាលមុន។ ស៊ុត​បញ្ចូល​ទី​បាន​គ្រាប់​បាល់​ឈ្នះ​តែ​មួយ​គត់​ក្នុង​ការ​ប្រកួត UCL វគ្គ​ផ្តាច់​ព្រ័ត្រ​ទល់​នឹង Liverpool។

ព័ត៏មានបែកបាក់របស់ Vini Jr. ជាមួយ និង Nike ពេលនេះបានទាក់ទាញការចាប់អារម្មណ៍ពីអ្នកឧបត្ថម្ភជាច្រើនពីក្រុមហ៊ុនប្រកួតប្រជែងផ្សេងទៀត។ ដោយ​ផ្អែក​លើ​ស្ថានភាព​បច្ចុប្បន្ន Vini Jr. បាន​និយាយ​ថា​ពិត​ជា​ខក​ចិត្ត​នឹង Nike ដែល​បាន​ប្រព្រឹត្ត​ចំពោះ​គាត់​បែប​នោះ។

ចោរលួចចូលផ្ទះ Sterling ស្រប​ពេល​ក្រុមគ្រួសារ​និងសាច់ញាតិនៅខាងក្នុង ហើយពេល Raheem បាន​ដឹង​ក៏បានចាកចេញពីជំរុំក្រុមជម្រើសជាតិ​ទៅ​ប្រទេសអង់គ្លេស។

កាលពីយប់មិញ សមាគមកីឡាបាល់ទាត់​អង់គ្លេស FA របស់អង់គ្លេសបានបញ្ជាក់ថា Raheem Sterling បានចាកចេញពីក្រុមដើម្បីចូលរួមរឿងផ្ទាល់ខ្លួនរបស់គាត់។ យោងតាម Abka Fitz-Henley ចោប្លន់ប្រដាប់អាវុធបានលួចចូលទៅក្នុងផ្ទះរបស់ Sterling នៅទីក្រុងឡុងដ៍ ហើយលួចរបស់មានតម្លៃជាច្រើន។

សាច់ញាតិ​របស់​គាត់​ត្រូវ​បាន​គេ​ប្រាប់​ថា​នៅ​ក្នុង​ផ្ទះ​នៅ​ពេល​នោះ​ហើយ​មាន​ការ​រង្គោះ​រង្គើ​ចំពោះ​ហេតុការណ៍​នេះ​។ ការស៊ើបអង្កេតដ៏ធំមួយកំពុងដំណើរការ។

ប្រភព៖ Abka Fitz-Henley តាមរយៈ CFC Pys

ខ្សែប្រយុទ្ធបារាំង Kylian Mbappe បានវ៉ាដាច់កំណត់ត្រាគ្រាប់បាល់របស់កីឡាករ Cristiano Ronaldo និងតាមស្មើគ្រាប់បាល់សរុបរបស់ Lionel Messi នៃការប្រកួតបាល់ទាត់ពិភពលោកចំនួន 9 គ្រាប់ជាមួយនឹងការយោងឱ្យ​បារាំងយកជ័យជម្នះ 3-1 លើប៉ូឡូញក្នុងការប្រកួតជុំទី 16 នៃ FIFA World Cup Qatar 2022 កាលពីថ្ងៃអាទិត្យ។

កីឡាករ​វ័យ 23 ឆ្នាំ​បាន​តាម​ស្មើ​កំណត់ត្រា​របស់ Ronaldo របស់​ព័រទុយហ្គាល់​ក្នុង​ការ​ស៊ុត​បាល់​បញ្ចូល​ទីគ្រាប់​ទី៨នៅ World Cup នៅ​នាទី 74 ។ មុនម៉ោងម៉ោងបន្ថែម៩០+ គាត់បានស៊ុតបញ្ចូលទីមួយទៀតដើម្បីយកឈ្នះកំណត់​ត្រារបស់ Ronaldo និងតាម​ស្មើគ្រាប់បាល់របស់ Messi ដែលជាប្រធានក្រុមអាហ្សង់ទីន។

Mbappe បានស៊ុតបញ្ចូលទីបាន 4 គ្រាប់ក្នុងយុទ្ធនាការ World Cup លើកដំបូងរបស់គាត់ក្នុងឆ្នាំ 2018 នៅពេលដែលបារាំងឈ្នះជើងឯកនៅប្រទេសរុស្ស៊ី។ គ្រាប់បាល់ដំបូងរបស់គាត់ទល់នឹងប៉េរូក្នុងការប្រកួតនោះបានធ្វើឱ្យគាត់ក្លាយជាអ្នកស៊ុតបញ្ចូលទីបារាំងវ័យក្មេងបំផុតក្នុងប្រវត្តិសាស្ត្របាល់ទាត់ពិភពលោកនៅអាយុ 19 ឆ្នាំ។

នៅក្នុងព្រឹត្តិការណ៍ដែលកំពុងបន្ត ខ្សែប្រយុទ្ធរបស់ក្លិប Paris Saint-Germain បានបំបែកំណត់ត្រាបួនគ្រាប់របស់ខ្លួនឯងកាលពី 4 ឆ្នាំមុន ដោយនាំគាត់ទៅឈរកំពូលតារាងស្បែកជើងមាស 2022 FIFA World Cup។ Mbappe ក៏​ជា​កីឡាករ​បារាំង​ដំបូង​គេ​ដែរ​ដែល​ស៊ុត​បញ្ចូល​ទី​បាន​បួន​គ្រាប់​ឬ​លើសនៅ​ ក្នុងព្រឹត្តិការណ៍ World Cup លើស​ពី ២​សម័យកាល។

Mbappe បានបើកគណនីគ្រាប់បាល់របស់គាត់នៅប្រទេសកាតាជាមួយការស៊ុត​បញ្ចូលទីប្រកួតក្នុងពូលដំបូងទល់អូស្ត្រាលី។ ប្រកួតបន្ទាប់​គាត់​ស៊ុត​បញ្ចូលទី​ទល់​និង​ក្រុមដាណឺម៉ាក​ហើយ​នាំក្រុមម​ឡើង​វគ្គ១៦ក្រុមចុងក្រោយ។ នៅក្នុងការប្រកួតវគ្គចែកពូលចុងក្រោយដែលបារាំងចាញ់ទុយនេស៊ី 0-1 Mbappe ត្រូវអង្គុយកៅអីបម្រុងរហូត​ប្ដូរ​ចូលនាទីទី 63 ។

តាមការរាយការណ៍ពី Mundo Deportivo ខ្សែបម្រើ Franck Kessie បានបន្តការហ្វឹកហាត់រួចហើយនៅថ្ងៃអង្គារ ទី 29 ខែវិច្ឆិកាជាមួយក្លិប​ ។

កីឡាករដែលមិនបានធ្វើដំណើរទៅប្រទេសកាតាដើម្បីលេងនៅ World Cup ត្រូវបានអនុញ្ញាតឱ្យមានវិស្សមកាលរហូតដល់ថ្ងៃទី 5 ខែធ្នូ។ ទោះជាយ៉ាងណាក៏ដោយ កីឡាករសញ្ជាតិកូតឌីវ័របានជ្រើសរើស ‘កាត់បន្ថយថ្ងៃឈប់សម្រាករបស់គាត់’ ។

Kessie បានចំណាយពេលពីរសប្តាហ៍នៅកូដឌីវ័រ មុនពេលធ្វើដំណើរត្រលប់ទៅ Barcelona វិញ។ខ្សែបម្រើរូបនេះចង់ឱ្យកាយសម្បទារបស់គាត់រឹង​មាំឡើង​វិញសម្រាប់ការប្រកួត Catalan Derby នៅថ្ងៃទី 31 ខែធ្នូ ខណៈដែលគាត់បានរងរបួសតាំងពីដើមខែវិច្ឆិកា។ កីឡាករវ័យ 25 ឆ្នាំរូបនេះរកបានមួយគ្រាប់ក្នុង 13 ប្រកួតសម្រាប់ Barcelona មកទល់ពេលនេះ។

ប្រភព៖ Mundo Deportivo

ប្រធានក្លឹប Ratchaburi FC លោក Tanawat Nitikanchana បានប្រកាសថាក្លឹបបានចុះហត្ថលេខាលើកីឡាករជម្រើសជាតិម៉ាឡេស៊ី Safawi Rasid ក្នុងអំឡុងពេលទីផ្សារដោះដូរកីឡាករ Thai League 2 ឆ្នាំ 2022/23 ។

តារារបស់ក្លិបអ្នក​មាន Johor Darul Ta’zim នឹង​ក្លាយ​ជា​កីឡាករ​កូតា​អាស៊ាន​ទី​បី​របស់ Ratchaburi បន្ទាប់​ពី​កីឡាករ​មីយ៉ាន់ម៉ា Myo Min Latt និង Hein Phyo Win។ លោក Tanawat ក៏បានចែករំលែកដែរថា លោកសង្ឃឹមថា ការបន្ថែមកីឡាករកូតាអាស៊ាននឹងអាចឱ្យ Ratchaburi អាចឈានចូលទៅក្នុងទីផ្សារអាស៊ានបាន។

ប្រធាន Ratchaburi បាន​ចែករំលែក​ថា៖ «ឥឡូវនេះ កិច្ច​ព្រម​ព្រៀង​បាន​បញ្ចប់​ហើយ។ កីឡាករ (Safawi) នឹងចូលរួមជាមួយក្រុមរបស់យើងបន្ទាប់ពីបំពេញកាតព្វកិច្ចជាតិរបស់គាត់ ហើយខ្ញុំសង្ឃឹមថានេះនឹងនាំមកនូវអ្នកគាំទ្រថ្មីដល់ក្លឹបរបស់យើង»។

ទន្ទឹមនឹងនេះ ខ្សែបម្រើស្លាបវ័យ 25 ឆ្នាំរូបនេះបានបង្ហាញទម្រង់លេងឱ្យក្រុមជម្រើសជាតិម៉ាឡេស៊ីតាំងពី U-18 ដល់កម្រិតក្រុមឈុតធំ។ គាត់ក៏បានស៊ុតបញ្ចូលទីទល់នឹងថៃក្នុងជ័យជម្នះ 1-0 របស់ម៉ាឡេស៊ីលើក្រុមដំរីចម្បាំងក្នុងការប្រកួត FIFA World Cup 2022 Asian Qualifiers ឆ្នាំ 2021។

Safawi ក៏បានលេងឱ្យ JDT ទល់នឹង Ratchaburi ក្នុង AFC Champions League នៅរដូវក្តៅឆ្នាំ 2021 ។ គាត់នឹងមានវត្តមានសម្រាប់ជម្រើស​ជាតិ​ម៉ាឡេស៊ី ក្នុងពានរង្វាន់ AFF Mitsubishi Electric Cup 2022 នាពេលខាងមុខ មុនពេលចូលរួមជាមួយ Ratchaburi មុនការប្រកួត Thai League 1 ជើងទី 2 ឆ្នាំ 2022/23។