ព័ត៌មានកីឡាអន្តរជាតិ
Arsenal កំពុងចរចាលើកិច្ចសន្យាថ្មីជាមួយអ្នកចាត់ការ Mikel Arteta ដែលកិច្ចសន្យាបច្ចុប្បន្នរបស់គាត់នឹងផុតកំណត់នៅរដូវក្តៅក្រោយ នេះបើយោងតាមកំពូលអ្នកកាសែតដោះដូរកីឡាករលោក Fabrizio Romano ។
ចាប់តាំងពីចូលកាន់តំណែងក្នុងឆ្នាំ 2019 គ្រូបង្វឹកសញ្ជាតិអេស្ប៉ាញរូបនេះបានដឹកនាំក្រុមឱ្យមានកៅអីលេង Champions League ឡើងវិញរាល់ឆ្នាំ និងស្ទើរតែឈ្នះ Premier League ក្នុងរយៈកាល២រដូវកាលចុងក្រោយ។
ទោះបីជាកិច្ចព្រមព្រៀងរបស់គ្រូបង្វឹកវ័យ 42 ឆ្នាំនៅ Emirates ជិតដល់ទីបញ្ចប់ក៏ដោយ ក៏ភាគីទាំងពីរបានធូរស្រាល ហើយមិនមានការប្រញាប់ប្រញាល់ក្នុងការបញ្ចប់លក្ខខណ្ឌថ្មីនោះទេ។
លោក Arteta កំពុងសប្បាយចិត្តជាមួយនិងគម្រោងយុទ្ធសាស្រ្តរបស់ Arsenal ក៏ធ្លាប់មានដំណឹងចាកចេញទៅកាន់ក្លិបផ្សេងដែរ ស្របពេលមួយរយៈមុន គាត់ក៏មានទំនាក់ទំនងជាមួយ FC Barcelona មុនពេលក្លិបអេស្ប៉ាញមួយនេះចុះកុងត្រាយកលោក Hansi Flick៕
ព័ត៌មានកីឡាជាតិ
សមាគមបាល់ទាត់នៃប្រទេសម៉ាឡេស៊ី (FAM) បានប្រកាសថា ព្រឹត្តិការណ៍ Merdeka Cup 2024 លើកទី 43 នឹងប្រារព្ធឡើងជាផ្លូវការក្នុងអំឡុងថ្ងៃ FIFA Day ចាប់ពីថ្ងៃទី 2 ដល់ថ្ងៃទី 10 ខែកញ្ញា ឆ្នាំ 2024 នៅពហុកីឡដ្ឋានជាតិ Bukit Jalil ទីក្រុង Kuala Lumpur។ ក្រុមទាំង៤ដែលចូលរួមក្នុងការប្រកួតនេះរួមមាន៖ ម៉ាឡេស៊ី (135), តាជីគីស្ថាន (102), លីបង់ (117), ហ្វីលីពីន (147)។
ដោយឡែក សមាគមកីឡាបាល់ទាត់ថៃក៏បានប្រកាសពីការប្រកួតពានរង្វាន់ King’s Cup 2024 របស់ខ្លួនផងដែរ។ 2024 King Cup នឹងធ្វើឡើងនៅប្រទេសថៃក្នុងខែតុលា ហើយក្រុមទាំង៤ដែលចូលរួមត្រូវបានគេរំពឹងថានឹងរួមមាន៖ ថៃ (១០០), តាជីគីស្ថាន (102), ស៊ីរី (93) និងជម្រើសជាតិ ហ្វីលីពីន (147)៕
លោក Benni McCarthy នឹងចាកចេញពីតំណែងគ្រូបង្វឹកក្រុមឈុតធំ(គ្រូជំនួយ)នៅ Man United បន្ទាប់ពីកិច្ចសន្យារយៈពេលពីរឆ្នាំនៅក្លិប នឹងផុតកំណត់នៅចុងខែនេះ នេះបើមើលតាមរបាយការណ៍របស់ The Athletic ។
អតីតខ្សែប្រយុទ្ធរូបនេះជាសមាជិកនៃក្រុមបង្វឹករបស់លោក Erik ten Hag អស់រយៈពេលពីរឆ្នាំមកនេះ ដែលភាគច្រើនធ្វើការជាមួយខ្សែប្រយុទ្ធរបស់ក្លិប។ McCarthy ត្រូវបានគេសរសើរក្នុងរដូវកាលដំបូងរបស់គាត់នៅ Old Trafford ។ គាត់ត្រូវបានគេសរសើរមួយផ្នែកជាមួយនឹងទម្រង់លេងដ៏កំពូលរបស់ Marcus Rashford នៅក្នុងយុទ្ធនាការ 2022-23 នៅពេលដែលខ្សែប្រយុទ្ធស៊ុតបញ្ចូលទីបាន 30 គ្រាប់នៅគ្រប់ការប្រកួតទាំងអស់។
ទោះបីជាយ៉ាងណាក៏ដោយ គ្រូបង្វឹកសញ្ជាតិអាហ្រ្វិកខាងត្បូងរូបនេះ បានប្រឈមមុខនឹងការរិះគន់ពីអ្នកគាំទ្រកាលពីរដូវកាលមុន ខណៈដែល Man Utd ស៊ុតបញ្ចូលទីបានតែ 57 គ្រាប់ប៉ុណ្ណោះក្នុង 38 ប្រកួត Premier League របស់ពួកគេ។
McCarthy ចាកចេញដែលអនុញ្ញាតិឱ្យ Man Utd អាចរៀបចំរចនាសម្ព័ន្ធក្រុមគ្រូជំនួយឡើងវិញរបស់លោក Ten Hag ខណៈដែលគម្រោងការនេះ គ្រោងនឹងប្រព្រឹត្តទៅនៅប៉ុន្មានសប្តាហ៍ខាងមុខ។
Ruud van Nistelrooy និងលោក Rene Hake អតីតគ្រូបង្វឹកក្លិប Go Ahead Eagles ត្រូវបានគេរំពឹងថានឹងត្រូវបានបន្ថែមក្នុងក្រុមគ្រូជំនួយរបស់លោក Ten Hag ។
ព័ត៌មានកីឡាអាស៊ី
ក្រុមបាល់ទាត់ជម្រើសជាតិអាយុក្រោម ១៦ឆ្នាំឡាវ បានបង្ហាញទម្រង់លេងយ៉ាងល្អក្នុងការប្រកួតពានរង្វាន់យុវជនអាស៊ានអាយុក្រោម១៦ឆ្នាំ ដែល២ប្រកួតកន្លងមកបានក្លាយជាការត្រួសត្រាយផ្លូវឆ្ពោះទៅកាន់វគ្គពាក់កណ្តាលផ្តាច់ព្រ័ត្រ។
ពេលនេះពួកគេកំពុងតាមពីក្រោយប្រទេសម្ចាស់ផ្ទះឥណ្ឌូណេស៊ីដោយមាន៦ពិន្ទុក្នុងពូល A ដូចគ្នា តែឡាវមានគ្រាប់ស៊ុតតិចជាង។ ក្រុមកំពូលតារាងនៃពូលនីមួយៗ រួមជាមួយនឹងក្រុមចំណាត់ថ្នាក់លេខ 2 ល្អបំផុតមួយក្រុម នឹងបន្តទៅការប្រកួតពាក់កណ្តាលផ្តាច់ព្រ័ត្រ។
ការប្រកួតខាងមុខរបស់ក្រុមជាមួយនឹងក្រុមឥណ្ឌូណេស៊ីនៅថ្ងៃទី ២៧ ខែមិថុនា នឹងមានសារៈសំខាន់សម្រាប់ U16ឡាវ ក្នុងការកំណត់ការឈានទៅវគ្គបន្ត។ ក្នុងការប្រកួតកន្លងមក ពួកគេបានយកឈ្នះសិង្ហបុរី ២-១ កាលពីថ្ងៃទី២៤ ខែមិថុនា ហើយបានបើកការប្រកួតដោយយកឈ្នះហ្វីលីពីន ៣-០ កាលពីថ្ងៃទី២១ ខែមិថុនា។
U-16 Boys Championship ដំណើរការពីថ្ងៃទី 21 ខែមិថុនា ដល់ថ្ងៃទី 4 ខែកក្កដា នៅប្រទេសឥណ្ឌូនេស៊ី មានក្រុមមកពី 12 ប្រទេស ចែកចេញជា ៣ ពូល។ ពូល A រួមមាន ឥណ្ឌូនេស៊ី ឡាវ ហ្វីលីពីន និងសិង្ហបុរី ខណៈពូល B មាន វៀតណាម មីយ៉ាន់ម៉ា កម្ពុជា និងប្រ៊ុយណេ។ ពូល C មាន ថៃ ម៉ាឡេស៊ី ទីម័រខាងកើត និងអូស្ត្រាលី។
បាត់បង់ឱកាសល្អៗជាច្រើនទល់នឹងក្រុមជម្រើសជាតិ U16 កម្ពុជា ក្រុមជម្រើសជាតិ U16 វៀតណាម ត្រូវទទួលលទ្ធផលស្មើ ១-១ ក្នុងការប្រកួតទី២ នៃពូល B នៃពានរង្វាន់ U16 អាស៊ីអាគ្នេយ៍ឆ្នាំ ២០២៤កាលយប់មិញ។
បន្ទាប់ពីទទួលជ័យជម្នះយ៉ាងខ្លាំងក្លាជាមួយនឹងលទ្ធផល 15-0 ទល់នឹង U16 ប្រ៊ុយណេ U16 វៀតណាមបានរំភើបរីករាយក្នុងការប្រកួតលើកទីពីរជាមួយ U16 កម្ពុជា។ ទម្រង់វាយសម្រុកក្នុងទម្រង់ 4-3-3 ជួយឱ្យគ្រូបង្វឹក Tran Minh Chien និងក្រុមរបស់គាត់ដាក់សម្ពាធខ្លាំងមកលើកម្ពុជា។ នៅនាទីទី៦ វៀត ឡុង រកចន្លោះបាន ហើយបានស៊ុតតម្រង់ទីពីស្លាបស្តាំ តែអ្នកចាំទីកម្ពុជាសង្គ្រោះបាន។ ប៉ុន្មាននាទីក្រោយមក Van Bach បានតែតបាល់តម្រង់ទីយ៉ាងគ្រោះថ្នាក់ ប៉ុន្តែមិនអាចស៊ុតចូលទីបាននោះទេ។ នៅនាទីទី ៣២ Duy Dang បានបញ្ជូនបាល់កាត់មុខទីកម្ពុជា។ តែជាអកុសល ខ្សែការពាររបស់ក្រុមកម្ពុជាទាត់បាល់ចេញ។
ចូលដល់វគ្គទី២ ត្រឹមនាទីទី ៥៧ ទើបU16 វៀតណាម រកបានមួយគ្រាប់បើកការប្រកួត។ ក្នុងស្ថានភាពទល់នឹងការទាត់បាល់ជ្រុង ខ្សែការពាររបស់ក្រុម U16 វៀតណាម ហើយ វិរៈ បានរត់ចូល និងរកគ្រាប់បាល់តាមស្មើ។ វៀតណាមមានឱកាសជាច្រើនលើកច្រើនសារខណៈដែលក្រុមកម្ពុជាចុះការពារនៅចុងម៉ោងតែយ៉ាងគ្មានគ្រាប់បាល់កើតឡើងទៀតទេ។
លទ្ធផលនេះធ្វើឱ្យ U16 វៀតណាមខាតអស់២ពិន្ទុ សរុបបាន៤ពិន្ទុស្មើជាមួយកម្ពុជា U16 គ្រាន់តែលើសគ្រាប់បាល់ចំណេញ។ ប្រកួតចុងក្រោយ! ពួកគេត្រូវជួប U16 មីយ៉ាន់ម៉ា ខណៈដែលកម្ពុជាជួបក្រុម U16 ប្រុយណេ ដែលរបូត២៣គ្រាប់ក្នុង២ប្រកួតដំបូង ឈរបាតតារាង៕
Man United ត្រូវបានគេរំពឹងថានឹងរក្សា Erik ten Hag ជាគ្រូបង្វឹកសម្រាប់រដូវកាលក្រោយ។ គ្រូបង្វឹកសញ្ជាតិហូឡង់ត្រូវបានគេរាយការណ៍ថាត្រូវបានផ្តល់ជូនកិច្ចសន្យាថ្មីរយៈពេលពីរឆ្នាំបន្ថែមទៀត។
ការងាររបស់ Ten Hag ក្នុងការអភិវឌ្ឍកីឡាករវ័យក្មេងមកលេងនៅឈុតធំដែលមានដូចជា Alejandro Garnacho និង Kobbie Mainoo ត្រូវបានគេជឿថាជាក្រេឌីតសំខាន់ក្នុងការសម្រេចចិត្តរបស់ក្លិបរក្សាគាត់បន្តទៀត។
ជាការពិតណាស់ កីឡាករវ័យក្មេងដែលមានទេពកោសល្យបានរីកចម្រើន ក្រោមការដឹកនាំរបស់គ្រូបង្វឹកហូឡង់។ ក្នុងកំឡុងឆ្នាំដំបូងគាត់បានលើក Garnacho មលកលេងនៅឈុតធំ ខណៈដែល Mainoo ឡើងមកលេងកាលពីរដូវកាលមុន។ Omari Forson និង Willy Kambwala ក៏បានបង្ហាញខ្លួនជាលើកដំបូងរបស់ពួកគេផងដែរ។
និន្នាការនោះត្រូវបានគេរំពឹងថានឹងបន្ត។ Mainoo និង Garnacho នឹងក្លាយជាតួអង្គសំខាន់នៅក្នុងយុទ្ធនាការខាងមុខនេះ។ Amad ក៏គួរតែទទួលបានពេលវេលាលេងលើទីលានបន្ថែមទៀតដោយមានការចាប់អារម្មណ៍ដល់ចុងបញ្ចប់នៃរដូវកាលមុន។
ទោះជាយ៉ាងណាក៏ដោយ គេរំពឹងថា Toby Collyer នឹងឡើងមកលេងឈុតធំក្នុងរដូវកាល 2024/25 ។ ខ្សែបម្រើការពារវ័យក្មេងត្រូវបានបញ្ចូលក្នុងក្រុមធំរបស់ក្រុមបិសាចក្រហម Manchester United កាលពីរដូវកាលមុន។
គាត់បានបង្ហាញខ្លួនជាក្រុមដំបូងរបស់គាត់ខណៈដែលហង្សក្រហមចាញ់ Wrexham 3-1 ។ ទោះជាយ៉ាងណាក៏ដោយ គាត់នៅមិនទាន់បង្ហាញខ្លួនជាលើកដំបូងក្នុងការប្រកួតប្រជែងនៅឡើយទេ។
ខ្សែប្រយុទ្ធប៉ូឡូញ Robert Lewandowski នឹងខកខានការប្រកួតបើកឆាក Euro ២០២៤ នៅពេលដែលក្រុមរបស់ក្រុមខ្លួនប៉ះជាមួយក្រុមជម្រើសជាតិហូឡង់នៅថ្ងៃអាទិត្យ ដោយសាររបួសភ្លៅ។នេះបើយោងតាមការចេញផ្សាយរបស់BBCកាលពីថ្ងៃពុធទី១២ មិថុនា២០២៤។ កីឡាករវ័យ៣៥ ឆ្នាំរូបនេះបានរងរបួសក្នុងអំឡុងពេលប្រកួតឈ្នះក្រុមជម្រើសជាតិតួកគី២-១ កាលពីថ្ងៃចន្ទ ខណៈដែលភាគីទាំងពីរបានប្រកួតកម្ដៅសាច់ដុំចុងក្រោយរបស់ពួកគេមុនពេលការប្រកួតយូរ៉ូចាប់ផ្តើមនៅថ្ងៃសុក្រនេះ។
Lewandowski ដែលបច្ចុប្ប្នកំពុងលេងឱ្យ Barcelona ត្រូវបានប្តូរចេញនៅនាទីទី៣៣ បន្ទាប់ពីរងរបួស ។ ប្រកួតទី២ ក្រុមជម្រើសជាតិ ប៉ូឡូញ ប៉ះជាមួយអូទ្រីសនៅថ្ងៃទី២១ខែមិថុនា មុនពេលការប្រកួតចុងក្រោយក្នុងពូល D របស់ពួកគេជាមួយបារាំងនៅថ្ងៃទី២៥ ខែមិថុនា។
សេចក្តីថ្លែងការណ៍របស់ប៉ូឡូញបាននិយាយថា Lewandowski បានទទួលរងការដាច់នៃសាច់ដុំ ដែលនឹងធ្វើអោយគាត់ខកខានការប្រកួតបើកឆាកដំបូង។ក្រៅពីកីឡាករ Lewandowski ខ្សែការពារ Pawel Dawidowicz និងខ្សែប្រយុទ្ធ Karol Swiderski ក៏រងរបួសដែរ ប៉ុន្តែអាចត្រឡប់ទៅហ្វឹកហាត់ពេញលេញវិញក្នុងរយៈពេល ៣ទៅ៤ ថ្ងៃខាងមុខនេះ៕
រាជធានីភ្នំពេញ ៖ ដើម្បីសមិទ្ធផលថ្ងៃមុខ ការខិតខំបច្ចុប្បន្នមិនអាចបោះបង់ចោលជាដាច់ខាត ។ ខ្មែរ ប៊ែវើរីជីស ជាដៃគូសហការយូរអង្វែងនៅក្នុងវិស័យកីឡានៅកម្ពុជា បានប្ដេជ្ញាចិត្តជំរុញកីឡាបាល់ទះកម្ពុជាឱ្យឈ្នះមេដាយមាស ស៊ីហ្គេម ទោះបីជាស្ថានភាពសេដ្ឋកិច្ចបច្ចុប្បន្នមិនឋិតថេរ ។ ខ្មែរ ប៊ែវើរីជីស ក្នុងនាមជាក្រុមហ៊ុនខ្មែរ ដែលតែងតែឧបត្ថម្ភ គាំទ្រយ៉ាងសកម្ម និងលើកស្ទួយវិស័យកីឡាបាល់ទះកម្ពុជា តាមរយៈការឧបត្ថម្ភថវិការ ៥០ ម៉ឺនដុល្លារ រយៈពេល ៥ ឆ្នាំ ជូនដល់សហព័ន្ធកីឡាបាល់ទះកម្ពុជា ដើម្បីគាំទ្រលើការបណ្ដុះបណ្ដាលកីឡាករ និងការចំណាយលើសម្ភារៈកីឡាផ្សេងៗ ។
កន្លងមក ភេសជ្ជៈប៉ូវកម្លាំង វើកនៃក្រុមហ៊ុន ខ្មែរ ប៊ែវើរីជីស ក៏បានឧបត្ថម្ភរៀបចំព្រឹត្តិការណ៍បាល់ទះធំៗ និងទូទាំងប្រទេស សម្រាប់បណ្តុះកីឡាករមានសមត្ថភាព និងវិនិយោគលើជ័យជំនះនាពេលអនាគត ជាពិសេសសម្រាប់ព្រឹត្តិការណ៍ ស៊ីហ្គេមនាពេលខាងមុខ ។ អ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស ក៏បានប្រកាសសន្យាជាផ្លូវការថា នឹងផ្ដល់ជូនមាស ២ គីឡូក្រាម ក្នុងលក្ខខណ្ឌដែលក្រុមកីឡាករបាល់ទះជម្រើសជាតិកម្ពុជាឈ្នះមេដាយមាស ស៊ីហ្គេម ។
ដូចនេះកាលពីថ្ងៃទី ៨ មិថុនា ឆ្នាំ ២០២៤ ខ្មែរ ប៊ែវើរីជីស បានរៀបចំសន្និសីទសារព័ត៌មាន និងពិសាអាហារសាមគ្គី នៅសណ្ឋាគារ Fairfield by Marriott Phnom Penh ក្រោមអធិបតីភាពដ៏ខ្ពង់ខ្ពស់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានសហព័ន្ធកីឡាបាល់ទះកម្ពុជា, លោកអ្នកឧកញ៉ា លាង ឃុន សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុន ខ្មែរ ប៊ែវើរីជីស និងអ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស ដើម្បីអបអរសាទរចំពោះប្រតិភូ គ្រូបង្វឹក គ្រូជំនួយ កីឡាករនៃសមាគមកីឡាបាល់ទះវិសាខាកម្ពុជា ក្នុងការនាំយកជ័យជំនះជូនមាតុភូមិពីកោះតៃវ៉ាន់កាលពីថ្នីៗនេះ ។
ម្យ៉ាងទៀតនោះគឺ ដើម្បីជំរុញលើកទឹកចិត្តបន្ថែមធ្វើយ៉ាងណាខិតខំ ប្រឹងប្រែង ស្វែងរកគន្លឹះថ្មីៗ និងហ្វឹកហាត់បន្ថែមជាបន្តបន្ទាប់ ដើម្បីពង្រឹងភាពខ្លាំងរបស់កីឡាករឱ្យមានសមត្ថភាពពេញលេញក្នុងការចូលរួមប្រកួតព្រឹត្តិការណ៍កីឡា ស៊ីហ្គេម ក្នុងពេលឆាប់ៗខាងមុខនេះ ៕ អត្ថបទសហការ
យ៉ាងហោចណាស់មានក្លិបចំនួនបីបានបង្ហាញការគាំទ្រចំពោះគោលជំហររបស់ Manchester City ប្រឆាំងនឹងច្បាប់នៃការចំណាយរបស់ Premier League ។
យោងតាម Mail Sport, Chelsea, Aston Villa និង Newcastle (ប្រភពខ្លះក៏រាប់បញ្ចូលទាំង Everton ផងដែរ) ជឿថាម្ចាស់ជើងឯកមានការព្រួយបារម្ភត្រឹមត្រូវ មុនពេលសវនាការនៅថ្ងៃចន្ទ ដែល Man City នឹងជំទាស់នឹងច្បាប់កំណត់ចំនួនក្រុមហ៊ុនដែលភ្ជាប់ទៅនឹងម្ចាស់ក្លិបអាចចំណាយលើកិច្ចព្រមព្រៀងឧបត្ថម្ភ។
Chelsea បានចេញសេចក្តីថ្លែងការណ៍ប្រឆាំងនឹងច្បាប់ដែលបានធ្វើបច្ចុប្បន្នភាពលើប្រតិបត្តិការភាគីពាក់ព័ន្ធ (APT) ជាពិសេសទាក់ទងនឹងកម្មសិទ្ធិពហុក្លិប។ សហកម្មសិទ្ធិកររបស់ក្លិប Aston Villa គឺមហាសេដ្ឋីអេហ្ស៊ីប Nassef Sawiris ត្រូវបានគេរាយការណ៍ថាជិតស្និទ្ធនឹងប្រធានក្លិប Man City លោក Khaldoon Al Mubarak ហើយចែករំលែកការខកចិត្តចំពោះដែនកំណត់នៃការចំណាយទាំងនេះ។
Newcastle ដែលមិនបោះឆ្នោតភាគីខាងណានោះ អាចនឹងមើលឃើញថាការទទួលជ័យជម្នះរបស់ City មានប្រយោជន៍ដោយសារភាពជាម្ចាស់របស់អារ៉ាប៊ីសាអូឌីត និងកិច្ចព្រមព្រៀងឧបត្ថម្ភដែលមានស្រាប់ជាមួយនឹងក្រុមហ៊ុនអារ៉ាប៊ីសាអ៊ូឌីត Sela។
ទន្ទឹមនឹងនេះ ក្លិបចន្លោះពី 10 ទៅ 12 រួមមាន Manchester United, Arsenal, Fulham, Wolves, Brighton និង Tottenham បានគាំទ្រច្បាប់របស់ Premier League។ អ្នកខ្លះបានផ្តល់សេចក្តីថ្លែងការណ៍របស់សាក្សី ខណៈអ្នកខ្លះទៀតបានផ្ញើជាសំបុត្របង្ហាញការគាំទ្រ។
