Arsenal បានយកឈ្នះ Lyon ក្នុងលទ្ធផល 3-0 ក្នុងការប្រកួតបើកឆាកនៃពានរង្វាន់ Dubai Super Cup ប៉ុន្តែការប្រកួតបានឈានដល់ការស៊ុតបាល់​ប៉េណាល់ទី ដែលក្រុមកាំភ្លើងធំនៅតែឈ្នះ 2-1។ ហេតុ​អ្វី​បាន​ជា​ដូច្នេះ?

យោងតាមច្បាប់នៃការប្រកួត បន្ទាប់ពីការប្រកួតនីមួយៗ ការស៊ុតបាល់ប៉េណាល់ទីក៏នឹងធ្វើឡើងផងដែរ ដើម្បីរកបានពិន្ទុបន្ថែម។ ពិន្ទុត្រូវបានផ្តល់ជូនដូចខាងក្រោមៈ

-ការ​ឈ្នះ​មួយ​មាន​តម្លៃ​បី​ពិន្ទុ
-លទ្ធផលស្មើនឹងឃើញក្រុមនីមួយៗទទួលបានពីរពិន្ទុ
-ការស៊ុតបាល់ប៉េណាល់ទីនឹងត្រូវធ្វើឡើងបន្ទាប់ពីការប្រកួតនីមួយៗ ដោយក្រុមឈ្នះនឹងទទួលបានពិន្ទុបន្ថែម
ក្រុមដែលមានពិន្ទុច្រើនជាងគេពីការប្រកួតទាំងពីររបស់ពួកគេនឹងឈ្នះពានរង្វាន់នេះ។

គ្រាប់​បាល់​របស់ Nketiah, Gabriel និង Vieira បាន​ជួយ​ឲ្យ​ក្រុម​កាំភ្លើង​ធំ​ទទួល​បាន​ជ័យ​ជម្នះ​យ៉ាង​ងាយស្រួល។ ពួកគេត្រូវជួបក្រុម Ac Milan នៅថ្ងៃពុធ។

ប្រភព៖ Arsenal FC