កីឡាករ Callum Hudson-Odoi បាននិយាយអំពីឥរិយាបទរបស់អ្នកចាត់ការទូទៅក្លិប Chelsea លោក Thomas Tuchel អំឡុងពេលប្រកួត។

អ្នកចាត់ការសញ្ជាតិអាល្លឺម៉ង់ខាងលើ តែងតែត្រូវបានគេចាត់ទុកជាគ្រូម្នាក់ដែលកាច ហើយ នៅលើទីលានលោកតែងតែមានសកម្មភាពជាប់ជានិច្ច ដូចជាការបង្ហាញកាយវិការចង្អុលប្រាប់កីឡាករ និង ស្រែកបញ្ជាខ្លាំងៗដល់កូនក្រុមជាដើម។

ជាក់ស្តែង Odoi បាននិយាយថា៖«លោក Tuchel ជាមនុស្សល្អ។ គាត់យល់ដឹងពីរបៀបស្វែងរកទម្រង់លេងល្អបំផុតសម្រាប់កីឡាករនីមួយៗ ប៉ុន្តែពេលខ្លះអ្នកគិតថា ហេតុអ្វីបានជាគាត់ស្រែកខ្លាំងៗម្លេះពីកន្លែងឈរបញ្ជា ហើយ តើគាត់អាចបន្ធូរអារម្មណ៍ឈប់ស្រែកខ្លាំងៗសិនបានទេ?»។

“គាត់ព្យាយាមស្រែកមកអ្នក ហើយប្រាប់អ្នកឱ្យច្បាស់ថា: ស្តាប់ខ្ញុំចង់បាននេះពីអ្នកព្រោះខ្ញុំចង់ឈ្នះការប្រកួត។ ខ្ញុំមិនមែនគ្រាន់តែស្រែកដាក់អ្នកទេ ខ្ញុំនឹងស្រែកដាក់អ្នកគ្រប់គ្នាដើម្បីបង្កើតការ​ឈ្នះ។ ប្រាកដ​ថា​យើង​ទទួល​បាន​លទ្ធផល​ល្អ​បំផុត​ពី​អ្នក​រាល់​គ្នា ហើយ​យើង​ឈ្នះ​ការ​ប្រកួត​នេះ ឬ​ទទួល​បាន 100 ភាគរយ​ពី​គ្រប់​គ្នា»។