ជាការពិតណាស់ក្នុងបាល់ទាត់តារាងធំគេលេង១១នាក់ស្មើគ្នា ហើយក្នុង១១នាក់នោះតែងតែមានកីឡាករលេចធ្លោជាងគេបំផុត ចាប់ពី៣ទៅ៥នាក់ដើម្បីជាជំហដល់ក្រុម ហើយជាការពិតណាស់គូប្រជែងធំបំផុតរបស់កម្ពុជាគឺជម្រើសជាតិឥណ្ឌាក៏មានកីឡាករលេចធ្លោក្នុងក្រុម ដែលកីឡាករកម្ពុជាត្រូវតាមដាននិងកត់សម្គាល់ផងដែរ។
B8 Sport នឹងយកលើកកីឡាករចំនួន៣នាក់របស់ជម្រើសជាតិឥណ្ឌាដែលលេចធ្លោជាងគេមកបង្ហាញបងប្អូន ហើយកីឡាករកម្ពុជាក៏ត្រូវតែដឹងឱ្យច្បាស់ផងដែរ។
១-Liston Colaço
Liston Colaço គឺជាខ្សែប្រយុទ្ធស្លាបរបស់ក្លិបលំដាប់ AFC Cup គឺ ATK Mohun Bagan ដែលបច្ចុប្បន្នជាក្លិបខ្លាំងជាងគេបំផុតរបស់ឥណ្ឌា។ កីឡាករវ័យ២៣ឆ្នាំរូបនេះមានកម្ពស់ ១.៧៨ម៉ែត្រ ហើយភាគច្រើនរូបគេលេងក្នុងតំណែងស្លាបឆ្វេង។ កីឡាំកររូបនេះបង្ហាញខ្លួនឱ្យជម្រើសជាតិឥណ្ឌាឈុតធំបាន៩ប្រកួតរួចមកហើយតែមិនទាន់បានស៊ុតបញ្ចូលទីនៅឡើយទេ។
តែកីឡាកររូបនេះកំពុងតែឡើងជើងខ្លាំងក្នុងអាជីពកម្រិតក្លិប។ កាលពីថ្ងៃទី២១ខែឧសភាឆ្នាំ២០២២ថ្មីៗនេះ រូបគេគឺជាកីឡាករស៊ុតបញ្ចូលទី៣គ្រាប់ម្នាក់ឯងក្នុងចំណោម៤គ្រាប់ដែលក្លិប ATK Mohun Bagan យកឈ្នះក្លិបបង់ក្លាដេស Bashundhara Kings ក្នុងលទ្ធផល៤ទល់០ក្នុងវគ្គជម្រុះ AFC Cup 2022។ ការបង្ហាញខ្លួនក្នុងលីគកំពូលឥណ្ឌា Liston Colaço ស៊ុតបញ្ចូលទី៨គ្រាប់ក្នុងចំណោម២២ប្រកួតកាលពីរដូវកាល២០២១/២០២២។
Colaco បានស៊ុតបញ្ចូលទីគ្រាប់ដំបូងរបស់គាត់សម្រាប់ក្លឹបនៅថ្ងៃទី 21 ខែសីហាពេល ATK Mohun Bagan លេងជាមួយ Maziya S&RC នៅ AFC Cup ឆ្នាំ 2021 ។ គាត់បានបង្ហាញខ្លួនជាលើកដំបូងសម្រាប់ Mohun Bagan ក្នុងការប្រកួតបើករដូវកាល 2021-22 ទល់នឹង Kerala Blasters នៅថ្ងៃទី 19 ខែវិច្ឆិកា ជាកន្លែងដែលគាត់បានស៊ុតបញ្ចូលទីបានមួយគ្រាប់ក្នុងលទ្ធផលឈ្នះ 4-2។ គ្រាប់បាល់របស់គាត់នៅក្នុងការទទួលជ័យជម្នះ 2-1 របស់ ATKMB លើក្រុម FC Goa នៅថ្ងៃទី 29 ខែធ្នូ ត្រូវបានកត់ត្រាថាជាគ្រាប់បាល់លឿនបំផុតក្នុងប្រវត្តិសាស្ត្រនៃការប្រកួតជាមួយនឹងល្បឿន 181 គីឡូម៉ែត្រក្នុងមួយម៉ោង ដោយទទួលបានចំណាត់ថ្នាក់ទី 6 តាមពីក្រោយដោយអតីតប្រធានក្រុមបាល់ទាត់ជម្រើសជាតិអង់គ្លេស David Beckham ។
២- Sunil Chhetri
តាមពិតទៅកីឡាករម្នាក់នេះ ខកខានជាប់ជម្រើសជាតិប៉ុន្មានឆ្នាំចុងក្រោយនេះដោយសាររបួស និងគ្មានឈ្មោះក្នុងបញ្ជីត្រូវកោះហៅ តែយ៉ាងណាការប្រកួតវគ្គជម្រុះ AFC Asian Cup 2023 លើនេះរូបគេមានវត្តមានពេញលេញហើយច្បាស់ណាស់នឹងត្រូវលេងតទល់និងក្រុមកម្ពុជា។ ត្រូវចាំថា កីឡាំករវ័យ៣៧ឆ្នាំរូបនេះធ្លាប់ស៊ុតចូលជម្រើសាជាតិកម្ពុជាបាន៣គ្រាប់ហើយក្នុងការលេងតទល់ចំនួន២លើក។ លើកទីមួយក្នុងពាន Nehru Cup ឆ្នាំ២០០៧ រូបគេស៊ុតបញ្ចូលទី២គ្រាប់មកលើកម្បុជាក្នុងចំណោមគ្រាប់បាល់លទ្ធផល៦ទល់០ ។ លើកទី២ ស៊ុតចូលជម្រើសជាតិកម្ពុជាក្នុងការប្រកួតមិត្តភាពលើកចុងក្រោយបំផុតរវាងក្រុមទាំងពីរកាលពីឆ្នាំ២០១៧ដែលកាលនោះកម្ពុជាចាញ់៣ទល់២នៅពហុកីឡដ្ឋានជាតិ។
រូបគេជាកីឡាករឈរលំដាប់ទី៦ក្នុងពិភពលោកដែលស៊ុតបញ្ចូលទីឱ្យជម្រើសជាតិច្រើនជាងគេពោលគឺ៨០គ្រាប់ក្នុងការបង្ហាញខ្លួន១២៦ប្រកួត។ លំដាប់ក្លិបវិញ! រូបគេលេងឱ្យ Bengaluru ក្នុងលីគកំពូលឥណ្ឌា ហើយកាលពីរដូវកាល២០២១/២០២២ រូបគេស៊ុតបញ្ចូលទីបាន៤គ្រាប់ក្នុងការបង្ហាញខ្លួន២៣ប្រកួត។
៣-Manvir Singh
ខ្សែប្រយុទ្ធរូបនេះត្រូវបានគេចាត់ទុកថាជាកម្លាំងសំខាន់របស់ជម្រើសជាតិខ្លាខៀវបេងហ្គាល់ឥណ្ឌា នាពេលបច្ចុប្បន្ននេះ។ រូបគេមានវ័យ២៦ឆ្នាំ កម្ពស់១.៨៨ម៉ែត្រហើយបច្ចុប្បន្នលេងក្លិប ATK Mohun Bagan ក្នុងលីគកំពូលឥណ្ឌា។បង្ហាញខ្លួនឱ្យជម្រើសជាតិឥណ្ឌាបាន៣០ប្រកួតរូបគេស៊ុតបញ្ចូលទី៥គ្រាប់។ នៅលំដាប់ក្លិបក្នុងរដូវកាលនេះរូបគេបង្ហាញខ្លួនបាន ២២ប្រកួតស៊ុតបញ្ចូលទី៦គ្រាប់។
Manvir គឺជាខ្សែប្រយុទ្ធដែលលេងសម្រុកខ្លាំងពេលមានបាល់ជាប់ជើង។ គាត់ជាកីឡាករដ៏ប៉ិនប្រសប់ ចូលចិត្តគ្រប់គ្រងបាល់ និងរំងាប់បាល់ និងប្រើកម្លាំងទប់ទល់នឹងក្រុមគូប្រជែង។ គ្រូបង្វឹកបច្ចុប្បន្នរបស់គាត់នៅ ATK Mohun Bagan លោក Antonio Habas បានប្រើគាត់ជាកីឡាករបម្រុងនៅដើមរដូវកាល ISL 2020-21 ដែលក្រោយមកបានដាក់ពង្រាយទម្រង់ 4-3-3 និង 4-4-2 ដើម្បីសាកសមនឹង Manvir បន្ទាប់ពីបានបង្ហាញខ្លួនល្អឡើងវិញ ជាពិសេសជាមួយកាយសម្បទារឹងមាំរូបគេតែងតែជាឧបសគ្គសម្រាប់គូប្រកួតពិសេសខ្សែការពារពិបាកក្នុងការបិទ។ គាត់ត្រូវបានគេចាត់ទុកថាជាកីឡាករវ័យក្មេងដែលមានអនាគតល្អបំផុតក្នុងប្រទេស។
