ខ្សែប្រយុទ្ធ Karim Benzema របស់ Real Madrid ទំនងជានឹងអវត្តមានក្នុងការប្រកួតជើងទី១ ក្របខណ្ឌ Champions League ទល់នឹង Paris Saint Germain។
នៅពេលបច្ចុប្បន្ននេះ Benzema គឺ ជាតួអង្គសំខាន់បំផុតសម្រាប់ប្រព័ន្ធប្រយុទ្ធរបស់ Real Madrid ដូច្នេះវាជាការខាតបង់ដ៏ធំធេងប្រសិនបើគ្មានវត្តមានរបស់កីឡាករសញ្ជាតិបារាំងខាងលើក្នុងការប្រកួតធំៗបែបនេះ។
Karim Benzema increasingly an injury doubt to face PSG next week due to hamstring issue. (L’Éq)https://t.co/DvegKDYY66
— Get French Football News (@GFFN) February 9, 2022
បើយោងទៅតាមរបាយការណ៍ចុះផ្សាយរបស់ L’Equipe បានលើកឡើងថា របួសសរសៃពួររបស់ Benzema ក្នុងការប្រកួតទល់នឹង Elche កាលពីថ្ងៃទី២៣ ខែមករា កន្លងទៅទំនងជាមិនអាចជាសះស្បើយទាន់ការរំពឹងទុកឡើយ ជាក់ស្តែង ក្នុងការប្រកួតពីរលើកចុងក្រោយរបស់ Real Madrid ទល់នឹង Athletic Bilbao និង Granada ក៏គ្មានវត្តមានរបស់គេដែរ៕
