Anthony Martial ដែលត្រូវបានផ្សារភ្ជាប់យ៉ាងខ្លាំងជាមួយនឹងការជំរុញផ្ទេរ​ទៅលេង​នៅ Juventus តែយ៉ាងណា ភាគីអង់គ្លេសបាននិយាយថា ខ្សែប្រយុទ្ធបារាំងមិនមែនជាកីឡាករសម្រាប់លក់ទេ បន្ទាប់ពីការ​បង្ហាញសមត្ថភាពការ​ប្រកួតមុនបើករដូវកាលដ៏អស្ចារ្យ។

គ្រូ​បង្វឹកក្រុមសេះបង្កង់លោក Max Allegri បាន​សុំ​កីឡាករ​មួយ​ចំនួន​ដើម្បី​បន្ត​ពង្រឹងក្នុងតំបន់ប្រយុទ្ធរបស់​ក្លិប។ ក្រោយ​មក ក្រុមប្រឹក្សាភិបាល Juventus បានចុះទៅធ្វើការដើ និង​ដាក់​គោលដៅមក​លើ Morata និង Anthony Martial ប៉ុន្តែសម្រាប់​កីឡាករសញ្ជាតិបារាំង ត្រូវ​បានម្ចាស់​ Old Trafford បដិសេធ ។

យោងតាម ​​’The Sun’ ខ្សែប្រយុទ្ធសញ្ជាតិបារាំងរូប​នេះ បានគ្រប់គ្រងស្ថានការណ៍របស់ខ្លួនបាន​ហើយនៅ Man Utd ហើយគាត់បាន​ក្លាយជាកីឡាករម្នាក់ទៀតដែលមានតម្លៃរបស់ Erik ten Hag ។

តាមពិតទៅ! បិសាចក្រហមបាននិយាយថា Martial មិនមែនសម្រាប់លក់នៅរដូវក្តៅនេះទេ។ រដូវកាលនេះគាត់លេងបានតែមួយប្រកួតនៅ Premier League និងបញ្ចូនបាល់បានមួយគ្រាប់។

រឿងរ៉ាវជាច្រើនអាចកើតឡើងនៅក្នុងបាល់ទាត់ ហើយបន្ទាប់ពីការខ្ចីជើងដ៏ខកចិត្តរបស់គាត់នៅ Sevilla វាហាក់ដូចជាគ្មានសង្ឃឹមសម្រាប់ Martial ក្នុងការលេងឱ្យ Man Utd ។ ទោះបីជាយ៉ាងណាក៏ដោយ វាហាក់បីដូចជាគ្រូបង្វឹកសញ្ជាតិហូឡង់បានស្វែងរកវិធីមួយដើម្បីទទួលបាននូវអ្វីដែលល្អបំផុតពីអតីតខ្សែប្រយុទ្ធ Monaco រូប​នេះ។