Manchester United ចង់នាំយក Victor Osimhen មកកាន់ Old Trafford នៅរដូវក្តៅនេះ បើយោងតាមវេបសាយ Area Napoli ដែលជាប្រភពក្នុងស្រុករបស់អ៊ីតាលី។

បិសាចក្រហមត្រូវបានគេនិយាយថា បានត្រៀមខ្លួនរួចរាល់ហើយក្នុងការដាក់សំណើខ្សែប្រយុទ្ធ Napoli នូវកិច្ចសន្យាជាមួយនឹងប្រាក់ខែ 120,000 ផោនក្នុងមួយសប្តាហ៍ដើម្បីបញ្ចុះបញ្ចូលគាត់ឱ្យចូលរួមជាមួយក្លឹប។

ទោះជាយ៉ាងណាក៏ដោយ ការប្រកួតប្រជែងដ៏ធំសម្រាប់ហត្ថលេខារបស់កីឡាករវ័យ 24 ឆ្នាំរូបនេះត្រូវបានគេរំពឹងថា នឹងកើតឡើងផង​ដែរ ស្រប​ពេលក្លឹប Real Madrid និង Tottenham ចាប់អារម្មណ៍លើគាត់ផងដែរ។

Man United បច្ចុប្បន្នកំពុងស្វែងរកដំណោះស្រាយរយៈពេលវែង ចំពោះបញ្ហាខ្សែប្រយុទ្ធរបស់ពួកគេជាមួយនឹង Wout Weghorst ទំនងជាមិនស្នាក់នៅនៅ​ពេល​ដែលកិច្ចសន្យាខ្ចីជើងរយៈពេលប្រាំមួយខែរបស់គាត់ផុតកំណត់។