ខ្សែការពារស្លាបឆ្វេង Joao Cancelo បានលើកឡើងថា មិត្តរួមក្រុម Phil Foden អាចក្លាយទៅជាកីឡាករល្អជាងគេនៅលើលោកបាននាពេលអនាគត។

Foden ដែលបច្ចុប្បន្នមានវ័យ២១ឆ្នាំ តែងតែទទួលបានឱកាសជាប់លាប់ក្នុងការបង្ហាញខ្លួនលើទីលាន ហើយ កាលពីរដូវកាលមុន រូបគេទើបរួមចំណែកជួយ Manchester City ឈ្នះពានរង្វាន់ Premier League, EFL Cup និង រងជើងឯកពានរង្វាន់ Champions League។ លើសពីនេះ រូបគេក៏បានឈ្នះពានរង្វាន់កីឡាករល្អជាងគេប្រចាំឆ្នាំរបស់ Premier League ផងដែរ។

Cancelo បាននិយាយថា៖«ពួកយើងមានកីឡាករជាច្រើនដែលនឹងមានអនាគតភ្លឺស្វាង។ ជាក់ស្តែង Foden នឹងក្លាយទៅជាកីឡាករល្អជាងគេបំផុតមួយនៅលើលោក»៕