ឥណ្ឌាចាប់ផ្តើមយុទ្ធនាការជម្រុះ AFC Asian Cup 2022 របស់ពួកគេទល់​និង​កម្ពុជានៅថ្ងៃពុធស្អែក​នេះ។ ក្រុម Blue Tigers ​ត្រូវ​ជួប​កម្ពុជា​ក្នុង​ការ​ប្រកួត​ជម្រុះ​ដំបូង​ក្នុង​ចំណោម​ការ​ប្រកួត​ចំនួន​បី​ក្នុង​ពូល​ D ។ ការ​ប្រកួតនេះក៏នឹងកត់សម្គាល់ផងដែរ ដែល​ជាការប្រកួតដំបូងក្នុងទឹក​ដីរបស់​ខ្លួនក្នុងរយៈពេលជិត 3 ឆ្នាំ ខណៈដែលប្រកួតក្នុងដីចុងក្រោយ គឺពួកគេបានស្មើ 1-1 ជាមួយប្រទេសបង់ក្លាដែសក្នុងខែតុលា ឆ្នាំ 2019។

ពិតជាមានការរំពឹងទុកគឺខ្ពស់សម្រាប់ក្រុមរបស់លោក Stimac ក្នុងវគ្គជម្រុះនេះ។កាត​ដាក់​ទិស​ដៅ​ឡើង​ផុត​ពូលក្នុង​ជុំ​ទី​៣​នេះ​ ឥណ្ឌាត្រូវ​ធ្វើ​ការ​ខ្លាំង ប៉ុន្តែកម្ពុជា​ដែល​ឈរចំណាត់​ថ្នាក់ ១៧១ ក្នុង FIFA World Rankings នឹងមិនជាឧបសគ្គធំ​ណាស់​ណា​ទេ​សម្រាប់ឥណ្ឌា។

ឥណ្ឌា​ត្រូវ​តែលេង​អស់​ពី​សមត្ថភាពដើម្បី​យក​ឈ្នះ​កម្ពុជា។ ការឈ្នះអាចជាការជំរុញទឹក​ចិត្តដ៏ល្អឥតខ្ចោះដែលពួកគេត្រូវការដើម្បីដឹកនាំក្រុម ប៉ុន្តែការបាត់​បង់ពិន្ទុខ្លះអាចបង្កឱ្យមានឧបសគ្គដែលមិនចាំបាច់នៅក្នុងដំណើរជម្រុះរបស់ពួកគេ។

អំពីក្រុមទាំងពីរ៖
-ឥណ្ឌា
ប្រទេសឥណ្ឌាចូលមកក្នុងការប្រកួតនេះ បន្ទាប់ពីបានលេង 15 ប្រកួតចុងក្រោយរបស់ពួកគេនៅក្រៅផ្ទះ ឬក្នុងទីលានអព្យាក្រឹត។ ជំងឺរាតត្បាត COVID-19 បានបញ្ឈប់ការប្រកួតអន្តរជាតិក្នុងដីមិនឲ្យកើតឡើង ប៉ុន្តែអារម្មណ៍ធម្មតាបាន​ក់​ឡើង​វិញមានន័យថា ឥណ្ឌាអាចលេងនៅលើទីលានប្រកួតម្តងទៀត។

ពួកគេ​នឹង​លេង​នៅ​កីឡដ្ឋាន Salt Lake Stadium ក្នុង​ទីក្រុង Kolkata ដែល​ពួកគេ​បាន​លេង​ការ​ប្រកួត​ក្នុង​ផ្ទះ​ចុងក្រោយ​របស់​ពួកគេ — ស្មើ 1-1 ជាមួយ​ប្រទេស​បង់ក្លាដែស។ ដូចគ្នានេះដែរ លើកនេះ ពួកគេក៏ប្រឈមមុខនឹងក្រុមដែលមានចំណាត់ថ្នាក់ទាបជាងពួកគេនៅក្នុងFIFA ។

ការ​ចាញ់​​ហ្សកដានី​ក្នុងមិត្តភាពនាពេល​ថ្មីៗ​នេះ​មិន​បាន​បង្ក​គ្រោះមហន្តរាយ​មុន​ការ​ប្រកួត​ជម្រុះ​ឡើយ។ ហ្ស៊កដានីគឺជាក្រុមដែលមានគុណភាពច្រើនជាងក្រុមទាំងអស់​ក្នុងពូល។ ប៉ុន្តែ Stimac ស្ថិតនៅក្រោមសម្ពាធក្នុងការដឹកនាំក្រុមរបស់គាត់ឱ្យលេង​បាន​ល្អ​និង​ទទួលបាន​លទ្ធផលល្អ​ជាង​នេះ។ សម្រាប់ឥណ្ឌា ដើម្បីឈរកំពូលតារាងក្នុងពូល ការឈ្នះគឺជាការចាំបាច់ដាច់ខាត។ ឥណ្ឌា​ត្រូវ​បញ្ចេញ​ថាមពលរបស់​ខ្លួន ​នៃ​ហ្វូងអ្នក​គាំទ្រ ​ដើម្បី​បង្កើត​ការ​សម្តែង​ដ៏​គួរ​ឲ្យ​ភ្ញាក់ផ្អើល​ទល់​នឹង​កម្ពុជា។ នោះរាប់បញ្ចូលទាំងការលេងដ៏ក្លាហាន ក្បួនវាយលុកបាល់ទាត់ និងការទទួលបានជ័យជម្នះដ៏មានឥទ្ធិពល ដើម្បីបង្កើនកម្រិតទំនុកចិត្តនៅក្នុងក្រុម។

-កម្ពុជា
កម្ពុជា​បាន​ត្រឹម​វគ្គ​ជម្រុះជុំចុងក្រោយ AFC Asian Cup ម្តង​គត់​ក្នុង​ប្រវត្តិ​៦០​ឆ្នាំ​របស់​ពួក​គេ ហើយ​តាំង​តែ​កាលពី 50 ឆ្នាំមុននៅឆ្នាំ 1972 នៅពេលដែលពួកគេបានបញ្ចប់ទីចំណាត់​ថ្នាក់​លេខ 4! តាំងពីពេលនោះមក ពួកគេមិនដែលឆ្លងផុតវគ្គជម្រុះឡើយ។ ជាការពិត ជោគជ័យធំៗរបស់ពួកគេទាំងអស់បានកើតឡើងនៅដើមទសវត្សរ៍ឆ្នាំ 1970 ។ ពួកគេបានឈ្នះការប្រកួត Korea President’s Cup ក្នុងឆ្នាំ 1973 និងពានរង្វាន់ South Vietnam Independence Cup ក្នុងឆ្នាំ 1972។ កំណត់ត្រារបស់ពួកគេទល់នឹងឥណ្ឌាក៏មើលទៅមិនអស្ចារ្យដែរ។ ជម្រើស​ជាតិកម្ពុជា ធ្លាប់ប្រកួតជាមួយឥណ្ឌា៥ដង ចាញ់៤ដង និងឈ្នះ១ដង។

ប៉ុន្តែ​អ្នក​ចម្បាំង​អង្គរ​បាន​រក​ឃើញ​នូវ​គោល​បំណង​ថ្មី​មួយ​ក្រោម​របបដឹកនាំ​ថ្មី។ លោក Keisuke Honda ដែលជាអ្នកចាត់ការទូទៅរបស់ពួកគេ គឺជាអតីតកីឡាករបាល់ទាត់ដ៏ល្បីល្បាញ ដែលបានលេងឱ្យក្លឹប AC Milan ក្នុងអាជីពរបស់គាត់។ គ្រូ​បង្វឹក​ជនជាតិ​ជប៉ុន Ryu Hirose ជា​អ្នក​មាន​បទពិសោធន៍​ក្នុង​ការ​ប្រកួត​ជាដៃស្ដាំ​របស់​គាត់។

កម្ពុជា​បាន​យក​ឈ្នះ​ទីម័រខាងកើត​ក្នុង​ការ​ប្រកួត​តែ​មួយ​គត់​ក្នុង​ឆ្នាំ​២០២២ មុន​ការ​ប្រកួត​ជម្រុះនេះ។ ពួក​គេ​ដឹង​ពី​គោល​ជំហរ​របស់​ពួក​គេ​ក្នុង​ការ​ធ្វើ​ជា​ក្រុម​មិន​សូវ​ល្អ​ក្នុង​ការ​ប្រកួត​ជម្រុះ។ ប៉ុន្តែកម្ពុជានឹងមិនបោះបង់ការប្រកួតនោះទេ ហើយអាចនឹងផ្ទុះឡើងជាមួយនឹងការភ្ញាក់ផ្អើល ប្រសិនបើគេប៉ាន់ស្មានមិនដល់។

ព្យាករណ៍រូបមន្តលេង​របស់ឥណ្ឌា Vs កម្ពុជា

ក្រុម​ខ្លា​ខៀវ​ឥណ្ឌានឹង​មាន​អវត្តមាន​កីឡាករគួរ​ឱ្យ​កត់​សម្គាល់​មួយ​ចំនួន​សម្រាប់​ការ​ប្រកួត​ទល់កម្ពុជា។ Rahul Bheke ត្រូវ​អវត្តមាន​ក្នុង​ការ​ប្រកួត​ដំបូង ខណៈ Lalengmawia នឹង​មិន​ចូល​រួម​ក្នុង​ការ​ប្រកួត​ជម្រុះនេះ​ទេ។ Ritwik Das កើត​ជំងឺអុតមាន់ ហើយត្រូវបានជំនួសដោយកីឡាករ Deepak Tangri  ខ្សែប្រយុទ្ធ Liston Colaco កំពុងជួបបញ្ហារបួសបន្តិចបន្តួច ប៉ុន្តែត្រូវបានគេរំពឹងថានឹងមានភាពរឹងមាំសម្រាប់ការប្រកួតនេះ។ Chinglensana Singh ក៏​អាច​លេង​បានដែរ​បន្ទាប់​ពី​ជា​សះស្បើយ​ពី​ការ​សន្លប់​។ ឥណ្ឌាគួរតែលេងទម្រង់វាយលុកបន្ថែមទៀតសម្រាប់ហ្គេមនេះ ដែល​ជាអាចជាទម្រង់ 4-3-3 ។

កីឡាករជួរមុខក្នុងតំបន់ប្រយុទ្ធទាំង 3 គួរតែមាន Liston និង Sunil Chhetri ខណៈ Manvir Singh អាចទទួលបានកន្លែង​មួយក្នុង១១នាក់ដំបូងដោយ​សារតែបទពិសោធន៍របស់គាត់ក្នុងការលេងនៅកីឡដ្ឋាន Salt Lake ។ ខ្សែបម្រើគួរតែរួមបញ្ចូល Anirudh Thapa, Sahal Abdul Samad និង Suresh Singh ដែល​ជាកីឡាករមានថាមពល ក៏ដូចជាការច្នៃប្រឌិតលើ​ទីលាន។

កម្ពុជា

កម្ពុជា​បាន​ធ្វើ​ដំណើរ​ជាមួយ​ក្រុម​កីឡាករ​២៣​នាក់​សម្រាប់​ការ​ប្រកួត​ជម្រុះ AFC Asian ខាង​មុខ។ កីឡាករដែលមានបទពិសោធន៍ច្រើនជាងគេគឺខ្សែបម្រើ សុះ ស៊ូហាណា ដែលបង្ហាញខ្លួនជាអន្តរជាតិជាង ៦០ លើក។ ក្រុមកម្ពុជាលេងទម្រង់វាយលុក ៤-៣-៣ ក្រោមការ​ដឹកនាំបច្ចុប្បន្ន។ នៅទីនោះ ពិតណាស់អាចមានការផ្លាស់ប្តូរចំពោះការរៀបចំ ខណៈដែលពួកគេកំពុងប្រឈមមុខនឹងក្រុមខ្លាំង​ជាង​ខ្លួនដូចជា ប្រទេសឥណ្ឌាដែ៣ល​លេង​នៅក្នុងទឹក​ដីរបស់​ខ្លួន។

កម្ពុជា​អាច​ប្រើ​ប្រាស់​ទម្រង់​វាយបក ឬ​ក៏​ប្រើ​ប្រាស់​ទម្រង់​លេងការពារ​ខ្លាំង​ហើយ​វាយបកលឿនៗ។

ទស្សន៍ទាយជម្រើសសំបូងរបស់ឥណ្ឌា៖ Gurpreet Singh Sandhu (GK), Pritam Kotal, Sandesh Jhingan, Anwar Ali, Subhasish Bose; Suresh Singh, Anirudh Thapa, Sahal Abdul Samad; Manvir Singh, Liston Colaco; Sunil Chetri។

ទស្សន៍ទាយជម្រើសសំបូងរបស់កម្ពុជា: កែវ សុខសិលា (GK); កុក បូរីស , ទេស សម្បត្តិ, សឿយ វិសាល(C), កែន ចាន់​សុភ័ក្រ; ធារី ប៊ីន, អន ចាន់ប៉ូលីន, សុះ ស៊ូហាណា; ម៉ាត់ នរុន, កែវ សុខផេង; សៀង ចន្ធា.

កីឡាករដែល​គួរឱ្យចាប់​អារម្មណ៍់
Liston Colaco (ឥណ្ឌា)

Liston Colaco កំពុងបង្ហាញខ្លួន​ដ៏​លេចធ្លោសម្រាប់ខ្លួនគាត់ដែលត្រូវបានទទួលស្គាល់ថាជាអ្នកស្នងតំណែងដ៏មានសក្តានុពលរបស់ Sunil Chhetri សម្រាប់បាល់ទាត់ឥណ្ឌា។ ខ្សែ​បម្រើ​ស្លាបមក​ពី​ក្លិប ATK Mohun Bagan មាន​ទម្រង់​លេង​ល្អ​ក្នុង​មួយ​ឆ្នាំ​ចុង​ក្រោយ​នេះ។ ក្នុងយុទ្ធនាការ Indian Super League (ISL) រូប​គេស៊ុតបញ្ចូលទីបាន 8 គ្រាប់ និងបញ្ជូនបាល់ 6 ដង។ គាត់ក៏បានស៊ុតបញ្ចូលទីបានចំនួន 4 គ្រាប់នៅក្នុងយុទ្ធនាការវគ្គចែកពូលនៃ AFC Cup របស់ ATKMB រួមទាំងបញ្ជូនបាល់ផងដែរ។

អ្នក​វិភាគ​យល់​ថា កីឡាកររូបនេះនឹង​បង្ហាញភាព​លេច​ធ្លោ​ក្នុង​ជំនួប​ជាមួយកម្ពុជា ជាពិសេស​ពេល​រូប​គេ​ចាប់​ដៃគូជាមួយរៀមច្បង Sunil Chhetri ក្នុងតំបន់ប្រយុទ្ធ។

សៀង ចន្ធា (កម្ពុជា)

កម្ពុជា​មានកីឡាករ​វ័យ​ក្មេង​របស់​ខ្លួន​ក្នុង​វ័យ​១៩​ឆ្នាំ សៀង ចន្ថាដែល​ជាកីឡាករប្រកបដោយថាមពល។ កីឡាករវ័យជំទង់រូបនេះបានដឹកនាំក្រុមជម្រើសជាតិរបស់ខ្លួនមួយរយៈមកហើយ ដោយបានបង្ហាញខ្លួនចំនួន 18 លើករួចមកហើយតាំងពីក្មេង។ ថ្វីត្បិតតែគាត់មានកម្ពស់1.65ម៉ែត្រក៏ដោយ ក៏ចន្ធាមានជំនាញផ្សេងទៀតជាអាវុធរបស់គាត់។

កីឡាករវ័យ 19 ឆ្នាំគឺជាកីឡាកររហ័សរហួនដែលអាចទាញខ្សែការពារចេញពីទីតាំង និងបង្កើតបញ្ហាដល់​ខ្សែការពារជាមួយនឹងជំនាញរបស់គាត់ដោយ​ការ​អូសបាល់។ គាត់ត្រូវបានតំណាងឱ្យជាតិរបស់គាត់នៅគ្រប់កម្រិតអាយុ និងទទួលបានបទពិសោធន៍អន្តរជាតិសមរម្យនៅអាយុរបស់គាត់។ សមត្ថភាពរំងាប់បាល់ របស់​ចន្ធា ចលនាដែលមិនអាចទាយទុកជាមុនបាន និងទម្រង់នៃការភ្ជាប់គ្នាជាមួយមិត្តរយម​ក្រុម អាចធ្វើឲ្យគាត់បង្កើតបញ្ហាពិតប្រាកដសម្រាប់ខ្សែការពារឥណ្ឌា។

អ្វីដែលត្រូវរំពឹង
ឥណ្ឌា​ទំនង​ជា​នឹង​ចាប់​ផ្តើម​ការ​លេង​បែបវាយ​ប្រហារ និង​ការ​ផ្សង​ព្រេង​កាន់​តែ​ខ្លាំង ខណៈ​ដែល​ពួក​គេក៏ត្រូវលេង​ដើម្បី​អ្នក​ទស្សនាក្នុងកីឡដ្ឋាន​ដែល​ជាផ្ទះរបស់ពួក​គេ​ទល់​នឹង​កម្ពុជា។ ក្រុម Blue Tigers មួយ​នេះ​ដេល​មាន​ប្រៀម​ខាង​កាយសម្បទា នឹង​ប្រើ​ប្រាស់​កម្លាំងខ្លាំង  ហើយព្យាយាមបង្កើតចលនាដ៏មុតស្រួច ដោយប្រើខ្សែបម្រើដ៏ច្នៃប្រឌិតរបស់ពួកគេ ក៏ដូចជាខ្សែបម្រើស្លាបដ៏មានឥទ្ធិពល។

ម្ចាស់ផ្ទះគួរតែគ្រប់គ្រងការប្រកួត ហើយសម្លឹងរកគ្រាប់បាល់បញ្ចូលទីច្រើន។ ប៉ុន្តែ​កម្ពុជា​នឹង​មិន​ទៅ​ណា​ឆ្ងាយ​ជាមួយ​នឹង​ការ​ប្រយុទ្ធ​នោះ​ទេ ហើយ​អាច​មាន​បញ្ហាគ្រប់​ពេលបើប្រហែស។ ជម្រើ់ស​ជាតិកម្ពុជាត្រូវបាន​គេ​ដឹង​ថា មាន​គ្រោះថ្នាក់​ក្នុង​វាយបករហ័ស និង​រឹង​ការពារ។យុទ្ធសាស្រ្តការពារច្រើននឹង​បង្ហាញ​ភាព​ធន់​នឹង​ការ​លំបាក​ខ្លាំង​សម្រាប់​ឥណ្ឌា។

ការប្រកួតរវាង ឥណ្ឌា និងកម្ពុជា នឹងធ្វើឡើងនៅកីឡដ្ឋាន Salt Lake Stadium, Kolkata នៅថ្ងៃពុធ ទី៨ ខែមិថុនា វេលាម៉ោង ៨:៣០នាទីយប់ IST។ វានឹងអាចមើលបាននៅលើបណ្តាញ Star Sports និងចាក់ផ្សាយតាមរយៈ Hotstar និង Jio TV។ នៅ​កម្ពុជា​ការ​ប្រកួត​នេះអាច​ទស្សនាបាន​តាម​រយៈទូរទស្សន៍​ BTV News៕