Erik ten Hag ដឹងថាអ្វីដែលលោកត្រូវធ្វើ ដើម្បីកែលម្អ Jadon Sancho ដែល​កំពុង​ជួប​វិបត្តិកាលពីពីរបីខែមុននេះ ក្នុងយុទ្ធនាការ 2022/23 ។

គ្រូបង្វឹកសញ្ជាតិហូឡង់ដែលខ្វល់ខ្វាយនឹងកាយសម្បទា និងអាកប្បកិរិយារបស់ខ្សែប្រយុទ្ធរូបនេះ បានបញ្ជូនគាត់ទៅធ្វើការជាមួយគ្រូបង្វឹកពិសេសនៅប្រទេសហូឡង់។

យោងតាមសារព័ត៌មាន Telegraph កីឡាករនៅក្នុងបន្ទប់ស្លៀកពាក់របស់ Manchester United បានប្រតិកម្មជាមួយនឹង ‘ភាពកក់ក្តៅ និងការដឹងគុណពិតប្រាកដ’ ចំពោះអ្នកចាត់ការថ្មីរបស់​ពួក​គេ។

តារាជួរមុខនៅ Old Trafford ក៏បានកោតសរសើរផងដែរពីរបៀបដែល Ten Hag ដោះស្រាយស្ថានការណ៍ដោយស្ងប់ស្ងាត់ និងការពារកីឡាករពីប្រព័ន្ធផ្សព្វផ្សាយ ខណៈពេលដែលរក្សាបរិយាកាសវិជ្ជមានជុំវិញក្លឹប។

នៅទីបញ្ចប់ អ្វីៗដំណើរការល្អ៖ Sancho បានត្រលប់មកក្រុមវិញ បន្ទាប់ពីចំណាយពេលពីរបីខែនៅក្រៅផ្ទះ ដោយយើង​បាន​ឃើញគាត់ខុសប្លែកទាំងស្រុង ដោយស៊ុតបញ្ចូលទីបានពីរគ្រាប់ក្នុងការប្រកួត 4 លើកដំបូងរបស់គាត់។

ប្រភព៖ Telegraph