កូនប្រុសច្បងរបស់ Cristiano Ronaldo គឺ Cristiano Ronaldo Junior បានត្រលប់មកសាលា Real Madrid វិញហើយ បើយោងតាមរបាយការណ៍ជាច្រើន។

យោងតាមប្រភពដ៏គួរឱ្យទុកចិត្តមួយ នោះគឺ អ្នក​នាង Arancha Rodriguez ដែលជាអ្នក​សារព័ត៏មានរបស់​ The COPE, ជាអ្នកគាំទ្រ​ក្លិប Real Madrid ម្នាក់ និង​ជាអ្នក​រាយការណ៍ព័ត៏មាន​របស់​សាលាយុវជនថ្នាលរបស់​ក្លិប​ខាង​លើបាន​ឱ្យ​ដឹង​ថា ក្មេងអាយុ 12 ឆ្នាំរូបនេះគ្រាន់តែហ្វឹកហាត់នៅក្លឹបពីរបីថ្ងៃ ដូច Cristiano Ronaldo ដែលជាឪពុករបស់គាត់ផ្ទាល់កាលពីមួយសប្តាហ៍មុន។

តាមពិតក្មេងជំទង់រូប​នេះពិតជាធ្លាប់លេងនៅសាលាយុវជនថ្នាល Real Madrid ពីមុនមកមែន តែ​ការ​មកលើក​នេះ មិន​មែន​មក​ស្នាក់​នៅ​នោះទេ។ Ronaldo ត្រូវបានគេរំពឹងថានឹងបញ្ចប់ការផ្ទេរទៅកាន់ក្រុម Al Nassr របស់អារ៉ាប៊ីសាអូឌីតក្នុងខែមករា។ កូនប្រុសរបស់គាត់នឹងលេងនៅទីណាដែលឪពុករបស់គាត់នឹងនៅ – ជាអកុសលសម្រាប់អ្នកគាំទ្រមួយចំនួន វានឹងមិននៅ Real Madrid ទេ។

ប្រភព៖ The Sun