Emmanuel Petit បាន​និយាយ​ថា Harry Maguire គួរតែផ្លាស់ប្តូរចេញ Manchester United ទៅ Chelsea នៅរដូវក្តៅនេះទៅ ពីព្រោះពេល​នេះបើ​គាត់​នៅបន្ត​ក៏មាន​បញ្ហាក្នុងចិត្ត​ដែរ។

អតីតខ្សែបម្រើក្រុម Arsenal និងក្រុមតោខៀវជឿជាក់ថាកីឡាករវ័យ 29 ឆ្នាំរូបនេះត្រូវបាន “បំផ្លាញផ្លូវចិត្ត” នៅ Old Trafford បន្ទាប់ពីបង្ហាញគុណផលលេងមិនល្អនៅក្លិប។ បន្ទាប់ពីខកចិត្តក្នុងការបរាជ័យរបស់បិសាចក្រហមទល់នឹង Brighton និង Brentford លោក Erik ten Hag បានសម្រេចចិត្តទម្លាក់អតីតកីឡាករ Leicester ឱ្យ​អង្គុយកោអីបម្រុងពេញមួយប្រកួតក្នុងជ័យជម្នះ 2-1 លើ Liverpool កាលពីថ្ងៃច័ន្ទ។

ចំណែកវីរបុរសរបស់ក្រុមបិសាចក្រហមលោក Patrice Evra ជឿជាក់ថាប្រធានក្រុមបិសាចក្រហមបច្ចុប្បន្នអាច​នឹង​ត្រូវ​ធ្វើ​ការ​ផ្លាស់ប្ដូរ​ចេញ ដើម្បីស្វែក​រកឱកាស​លេងដោយទំនុកចិត្ត ចាប់​ផ្ដើមសារជាថ្មី ដើម្បីឱ្យ​តម្លៃផ្ទេរ​៨៥លាន​ផោនរបស់​គាត់​មាន​តម្លៃបាន​យូរ។

ការផ្លាស់ប្តូរទៅកាន់ Chelsea ត្រូវបានគេចាប់អារម្មណ៍ ស្របពេល​លោក Thomas Tuchel ត្រូវបានគេជឿថាបានកំណត់អត្តសញ្ញាណកីឡាកររូប​នេះជាជម្រើសនៅពេល​ដែលពួកគេមិនអាច​ទិញបាន Wesley Fofana ។

Petit គិតថាការផ្លាស់ប្តូរបរិយាកាសថ្មីនឹងល្អសម្រាប់ Maguire ដូចដែលគាត់បាននិយាយថាគាត់ត្រូវតែលេងជាទៀងទាត់មុនពេលការប្រកួតបាល់ទាត់ពិភពលោកឆ្នាំ 2022 ខាងមុខនេះ។ Petit បាន​និយាយផងដែរថា សកម្មភាពផ្ទេររបស់ Chelsea បាន​ធ្វើឱ្យ​លោក Thomas Tuchel រំខានយ៉ាងខ្លាំង ហើយលោកបាន​និយាយក្នុងគេហទំព័រ Bet Fair ថា៖«ប្រសិនបើខ្ញុំជា Maguire ខ្ញុំនឹងមានអារម្មណ៍មិនមានសុវត្ថិភាព និងស្ថិតក្នុងស្ថានភាពលំបាកខ្លាំង»។

«ខ្ញុំបានបាត់បង់ស្លាកដៃ ខ្ញុំមិនមែនជាប្រធានក្រុមទៀតទេ ខ្ញុំបានបាត់បង់កន្លែងនៅក្នុងក្រុម ហើយឥឡូវនេះខ្ញុំនៅលើកៅអីបម្រុង។ នៅពេលខ្ញុំក្រឡេកមើលគាត់ អារម្មណ៍ដំបូងរបស់ខ្ញុំគឺ “បុរសម្នាក់នេះត្រូវបានបំផ្លាញផ្លូវចិត្ត” គាត់មិននៅទីនោះទៀតទេ គាត់ត្រូវតែកសាងផ្លូវចិត្តឡើងវិញ»។

«គាត់ត្រូវតែធ្វើបែបនេះគ្រប់ការប្រកួត ដោយលេងឱ្យបានល្អ ព្យាយាមទទួលបានទំនុកចិត្តពីអ្នកគាំទ្រ ពីមិត្តរួមក្រុម ពីសារពត៌មាន ពីខ្លួនគាត់ ដើម្បីមានអារម្មណ៍ថាមានសុវត្ថិភាពជាងមុននៅលើទីលាន។»