ខ្សែប្រយុទ្ធ Cristiano Ronaldo បានបញ្ជាក់ថា គេអាចបន្តអាជីពបាល់ទាត់បាន ៤-៥ឆ្នាំទៀត ហើយ គេកំពុងតែរីករាយជាមួយនឹងទម្រង់លេងរបស់ខ្លួនឯងនៅ Manchester United។

ទោះបីជាមានវ័យរាងជ្រេ៣៧ឆ្នាំពិតមែន ប៉ុន្តែ Ronaldo នៅតែបង្ហាញការលេងបានល្អ ជាក់ស្តែងក្នុងការបង្ហាញខ្លួន២៨លើកនៅក្នុងរដូវកាលនេះ គេអាចរកគ្រាប់បាល់បាន១៥គ្រាប់។ យ៉ាងណាក្តី មានមតិមួយចំនួនបានលើកឡើងថា កីឡាករសញ្ជាតិព័រទុយហ្កាល់ខាងលើ គួរតែចូលនិវត្តន៍ដោយសារតែទម្រង់លេងរបស់គេធ្លា់ចុះខ្លាំងណាស់ និង មិនអាចលេងនៅក្នុងកម្រិតខ្ពស់ទៀតបានទេ។

Ronaldo បាននិយាយថា៖«ខ្ញុំដឹងថាខ្ញុំមិននៅសល់ពេលលេងច្រើនឆ្នាំទៀតទេ បួនឬប្រាំទៀតយើងនឹងដឹង ហើយ ខ្ញុំចង់ឈ្នះអ្វីៗជាច្រើនទៀត។ អ្នកត្រូវតែឆ្លាតវៃ ហើយត្រូវដឹងថានៅអាយុ ១៨ ឆ្នាំ ២០ ឬ ២៥ ឆ្នាំ អ្នកមិនដូចអាយុ 3៥ ឆ្នាំឡើយ ប្រហែលជាអ្នកបាត់បង់អ្វីមួយចំនួន។ វាមិនមែនជាការងាយស្រួលទេក្នុងការប្រកួតប្រជែងក្នុងកម្រិតខ្ពស់បំផុតនៅវ័យបែបនេះ ប៉ុន្តែ ពីរមួយឆ្នាំទៅមួយឆ្នាំ តួលេខរបស់ខ្ញុំបានបញ្ជាក់បាន ហើយ ខ្ញុំមិនចាំបាច់ប្រាប់អ្នកទាំងអស់គ្នាថា ខ្ញុំល្អនោះទេ។ នេះហើយជាមូលហេតុដែលខ្ញុំសប្បាយចិត្តជាមួយនឹងទម្រង់លេងរបស់ខ្ញុំ ខ្ញុំនៅតែរកគ្រាប់បាល់បាន ជួយមនុស្សទាំងក្នុងក្រុមជម្រើសជាតិ និង នៅ Man Utd»៕