(English) Inter Milan គឺជាក្រុមរកប្រាក់ចំណូលបានខ្ពស់បំផុតនៅក្នុងក្របខណ្ឌ Serie A សម្រាប់រដូវកាល ២០២៣-២៤។ នេះបីយោងតាមរបាយការណ៍ពី Calcio e Finanza ដែលត្រូវបានគេហទំព័រដកស្រង់យកមកចុះផ្សាយកាលពីថ្ងៃពុធទី ២៩មករា ២០២៥។ ប្រភពដដែលបានឱ្យដឹងថាក្លិបយក្សអ៊ីតាលីខាងលើនេះ រកចំណូលបានជាង ៤៩៣ លានដុល្លារច្រើនជាងគេបំផុត។ ទោះជាយ៉ាងណាក៏ដោយ  ក្លិបនេះបានបញ្ចប់រដូវកាលមុនជាមួយនឹងការខាតបង់ចំនួនជាង៣៩លានដុល្លារ។

ចំណែកឯក្លិប AC Milan ឈរនៅលេខរៀងទី ២ ជាមួយនឹងប្រាក់ចំណូលជាង៤៧៦លានដុល្លារ និងប្រាក់ចំណេញជាង៥លានដុល្លារ។ Juventus ជាប់ចំណាត់ថ្នាក់លេខ ៣ ជាមួយនឹងប្រាក់ចំណូលជាង៤១១លានដុល្លារប៉ុន្តែបានទទួលរងការខាតបង់ច្រើនបំផុតគឺជាង២០០លានដុល្លារ។ Napoli ដែលស្ថិតក្នុងចំណាត់ថ្នាក់លេខ៤ រកបាន ជាង៣៤២លានដុល្លារ និងទទួលបានប្រាក់ចំណេញខ្ពស់បំផុតគឺជាង៦៤លានដុល្លារ។ Roma ឈរនៅលេខរៀងទី៥ជាមួយនឹងប្រាក់ចំណូលជាង៣១៣លានដុល្លារ និងការខាតបង់ជាង៨៤ លានដុល្លារ៕