(English) ខ្សែបម្រើប្រយុទ្ធ Hakim Ziyech បានផ្លាស់ទៅក្របខណ្ឌលីគកំពូលកាតា Qatar Stars League ដោយលេងឱ្យក្លិប Al-Duhail ក្នុងលក្ខខណ្ឌគ្មានតម្លៃខ្លួន បន្ទាប់ពីរូបគេចាកចេញពី Galatasaray។ កីទ្បាករសញ្ជាតិម៉ារ៉ុកវ័យ ៣១ ឆ្នាំរូបនេះដែលលេងតំណាងឱ្យក្រុមជម្រើសជាតិហូឡង់ក្នុងកម្រិតយុវជន នឹងលេងឱ្យក្រុម Al-Duhail ដែលកំពុងស្ថិតនៅក្រោមការចង្អុលបង្ហាញរបស់អតីតគ្រូបង្វឹក Paris Saint-Germain គឺលោក Christophe Galtier។ Hakim Ziyech បានចូលរួមជាមួយនឹងក្លិប Galatasaray ក្នុងលក្ខខណ្ឌខ្ចីជើងពី Chelsea ក្នុងខែសីហា ឆ្នាំ២០២៣ មុនពេលផ្លាស់មកកាន់ក្លិបតួកគីនេះជាអចិន្ត្រៃយ៍។

គួរជម្រាបថា អំទ្បុងពេលប្រកួតអាជីពបាល់ទាត់នៅអឺរ៉ុប Ziyech ក៏ធ្លាប់ឈ្នះពានរង្វាន់ Champions League និង FIFA Club World Cup ជាមួយនឹង Chelsea ផងដែរ។ មិនត្រឹមតែប៉ុណ្ណោះ រូបគេក៏បានដើរតួនាទីយ៉ាងសំខាន់ក្នុងការជួយក្រុមជម្រើសជាតិម៉ារ៉ុក បានឈានទៅវគ្គ ៤ ក្រុមចុងក្រោយ នៃពានរង្វាន់ FIFA World Cup ឆ្នាំ ២០២២ ដែលប្រទេសកាតារៀបចំធ្វើជាម្ចាស់ផ្ទះផងដែរ៕

ប្រភព៖ CNA