Cristiano Ronaldo និង​ដៃគូ Georgina Rodriguez នឹង​អាច​រស់នៅ​ជាមួយ​គ្នា​ក្នុង​ប្រទេស​អារ៉ាប៊ីសាអូឌីត បើ​ទោះ​ជា​មាន​ច្បាប់​របស់​ប្រទេស​ហាម​ឃាត់​គូស្នេហ៍​ដែល​មិន​ទាន់​រៀបការ​ធ្វើ​ដូច្នេះ​ក៏​ដោយ។

កីឡាករវ័យ 37 ឆ្នាំរូបនេះបានបង្ហាញខ្លួនជាលើកដំបូងក្នុងការពាក់អាវរបស់​ក្លិប Al-Nassr ចាប់តាំងពីផ្ទេរមក​ហើយបង្ហាញខ្លួនកាលពីថ្ងៃអង្គារដែលបានធ្វើឱ្យមានហ្វូងមនុស្សយ៉ាងច្រើនរង់​ចាំមើល។

គាត់បានដើរចូលទីលាន  Mrsool Park ជាមួយដៃគូយូរអង្វែងរបស់គាត់ Georgina និងកូនរបស់ពួកគេ។ Ronaldo មិនដែលរៀបការទេ ដែលហាក់ដូចជាបង្កបញ្ហាដល់គាត់ ហើយ Rodriguez ជាមួយនឹងច្បាប់របស់ប្រទេសអារ៉ាប៊ីសាអូឌីតហាមឃាត់យ៉ាងតឹងរ៉ឹងនូវ “ការរួមរស់ជាមួយគ្នាដោយគ្មានកិច្ចសន្យារៀបការ”។

ទោះបីជាយ៉ាងណាក៏ដោយ មេធាវីអារ៉ាប៊ីសាអូឌីតបានប្រាប់ទីភ្នាក់ងារព័ត៌មានអន្តរជាតិ EFE របស់អេស្ប៉ាញថា អាជ្ញាធរនឹងសុខចិត្ត “បិទភ្នែក” ចំពោះគូស្នេហ៍តារាដែលរស់នៅជាមួយគ្នា។ មេធាវីអនាមិកម្នាក់បានប្រាប់ EFE ថា៖«ទោះបីជាច្បាប់នៃព្រះរាជាណាចក្រនៅតែហាមឃាត់ការរួមរស់ជាមួយគ្នាដោយគ្មានកិច្ចសន្យាអាពាហ៍ពិពាហ៍ក៏ដោយក៏ថ្មីៗនេះអាជ្ញាធរបានចាប់ផ្តើមបិទភ្នែកហើយលែងកាត់ទោសនរណាម្នាក់ទៀតហើយ ទោះបី​ជា​ច្បាប់​ទាំងនេះ​ត្រូវ​បាន​ប្រើ​នៅពេល​មាន​បញ្ហា ឬ​បទឧក្រិដ្ឋ​ក៏ដោយ»​។

មេធាវីម្នាក់ទៀតបានបន្ថែមថា៖«ឥឡូវនេះអាជ្ញាធរអារ៉ាប៊ីសាអូឌីតលែងជ្រៀតជ្រែកក្នុងរឿងនេះទៀតហើយ – សម្រាប់ជនបរទេស – ទោះបីជាច្បាប់ហាមឃាត់ការរួមរស់ជាមួយគ្នាដោយគ្មានអាពាហ៍ពិពាហ៍ក៏ដោយ» ។

ទោះបីជាមានប្រាក់ឧបត្ថម្ភក៏ដោយ Rodriguez ដែលជាម្តាយរបស់កូនពីរនាក់របស់ Ronaldo នឹងនៅតែត្រូវការទិដ្ឋាការ ដើម្បីរស់នៅក្នុងប្រទេសឈូងសមុទ្អារ៉ាប់មួយនេះ ដោយសារតែនាងមិនទទួលបានសញ្ជាតិដោយស្វ័យប្រវត្តិតាមរយៈអាពាហ៍ពិពាហ៍។

ទន្ទឹមនឹងនេះដែរ Ronaldo កំពុងរង់ចាំមើលថាតើគាត់អាចបង្ហាញខ្លួនលើកដំបូងនៅក្នុងសប្តាហ៍នេះដែរឬទេ។ គាត់ត្រូវជាប់បម្រាមពីរប្រកួត ដែលគាត់ទទួលបាននៅក្នុងប្រទេសអង់គ្លេស ប៉ុន្តែវាត្រូវបានគេណែនាំថា Al Nassr នឹងប្រឆាំងនឹងការព្យួរនេះ ហើយដាក់ឱ្យ​លេង បើទោះបីជាមានហានិភ័យនៃការពិន័យ ឬការដាក់ទណ្ឌកម្មខ្លាំងជាងនេះក៏ដោយ។

Al Nassr នឹងត្រូវប្រកួតជាមួយ Al Ta’ee ក្នុងការប្រកួត Saudi Pro League នៅថ្ងៃព្រហស្បតិ៍ម្សិលមិញ ប៉ុន្តែបានកំណត់ការប្រកួតឡើងវិញ 24 ម៉ោង “ដោយសារតែភ្លៀងធ្លាក់ខ្លាំង និងលក្ខខណ្ឌអាកាសធាតុដែលប៉ះពាល់ដល់អគ្គិសនីរបស់កីឡដ្ឋាន”។