ក្លិប Manchester United និង Chelsea ត្រូវបានគេរាយការណ៍ថា កំពុងតែប្រជែងគ្នាដើម្បីទិញយកខ្សែការពារស្លាបឆ្វេងក្លិប Real Madrid កីឡាករ Ferland Mendy។
Mendy ដែលបច្ចុប្បន្នមានវ័យ ២៧ឆ្នាំ ត្រូវបាន Real Madrid ទិញយកពី Lyon កាលពីឆ្នាំ២០១៧ តែងតែជាប់ជាជម្រើសដំបូងរបស់ក្រុមក្នុងការប្រកួតប្រជែងពីររដូវកាលចុងក្រោយនេះ ប៉ុន្តែ របាយការណ៍មួយ ចំនួនបានទម្លាយឲ្យដឹងថា ក្រោយការមកដល់របស់ Antonio Rudiger គឺ រូបគេអាចនឹងបាត់បង់កៅអីជម្រើសដំបូងនារដូវកាលក្រោយ បន្ទាប់ពីលោក Carlo Ancelotti គ្រោងនឹងប្រើប្រាស់ David Alaba មកលេងជាខ្សែការពារស្លាបឆ្វេងវិញ។
បើយោងទៅតាមការចុះផ្សាយរបស់កាសែតកីឡា Fichajes បានទម្លាយឲ្យដឹងថា Real Madrid គ្រោងនឹងលក់រូបគេចេញនៅក្នុងទីផ្សារដោះដូរកីឡាកររដូវក្តៅនេះ នៅក្នុងតម្លៃប្រមាណ ៤៨លានអឺរ៉ូ (ឬប្រមាណ ៥០លានដុល្លារ) ខណៈ ក្លិបដែលកំពុងសម្តែងការចាប់អារម្មណ៍ខ្លាំងចំពោះកីឡាករសញ្ជាតិបារាំងខាងលើរួមមាន Chelsea និង Man Utd៕
? A golazo from the birthday boy!
?? @ferland_mendy pic.twitter.com/zRegdRWSGY— Real Madrid C.F. ???? (@realmadriden) June 8, 2022
