អតីតកីឡាករជម្រើសជាតិកម្ពុជានិងអតីតខ្សែការពារក្លិបណាហ្គាវើលដ៏ម្នាក់ ត្រូវបានអធិការដ្ឋាននគរបាលក្រុងតាខ្មៅចាប់ខ្លួនបានកាលពីថ្ងៃទី២៨ខែតុលាឆ្នាំ២០២២ ពីបទជួញដូរសារធាតុញៀនដោយខុសច្បាប់។
ខ្សែការពារសូមមិនបញ្ចេញឈ្មោះរូបនេះមានកំណើតមកពីខេត្តកណ្តាល។ មុនបង្ហាញខ្លួនឲ្យក្លិបណាហ្គាវើលជាច្រើនរដូវកាល គេធ្លាប់លេងឲ្យក្លិបបៀលប្រាយយូណាយធីត និងក្លិបគិរីវង់ សុខសែនជ័យ។ រូបគេក៏ធ្លាប់ជាប់ក្នុងក្រុមជម្រើសជាតិកម្ពុជាផងដែរគឺកាលពីឆ្នាំ២០១៥ ក្នុងវគ្គជម្រុះ ២០១៨ FIFA World Cup ជាមួយក្រុមបាល់ទាត់ជម្រើសជាតិសិង្ហបុរី ដែលកាលនោះកម្ពុជាចាញ់២ទល់១។
