«ក្រុមជម្រើសជាតិឥណ្ឌូណេស៊ីត្រូវតែប្រុងប្រយ័ត្ន! កីឡាករឆ្នើមកម្ពុជា៣រូបបំបាក់ហ្វីលីពីនក្នុងពានរង្វាន់ AFF Cup ឆ្នាំ២០២២» នេះជាចំណងជើងរបស់សារព័ត៏មានឥណ្ឌូនេស៊ីចុះផ្សាយបន្ទាប់ពិជម្រើសជាតិកម្ពុជាបានយកឈ្នះហ្វីលីពីន៣ទល់២នៅពហុកីឡដ្ឋានមរតកតេជោ។
កម្ពុជាបានយកឈ្នះហ្វីលីពីនយ៉ាងភ្ញាក់ផ្អើលក្នុងការប្រកួតបើកឆាកពូល A នៃពានរង្វាន់ AFF Cup 2022 ដែលបានធ្វើឡើងកាលពីល្ងាចថ្ងៃអង្គារ (២០/១២/២២)។ គោព្រៃខៀវឈ្នះដោយពិន្ទុប្រកៀកប្រកិត ៣-២។ ការលេងនៅផ្ទះនៅពហុកីឡដ្ឋានជាតិមរតកតេជោ កម្ពុជាអាចបង្ហាញទម្រង់លេងបានល្អតាំងពីដើមការប្រកួត។
ត្រឹមតែ១៦នាទីប៉ុណ្ណោះ កម្ពុជាបានបើកការស៊ុតបាល់បញ្ចូលទីតាមរយៈការស៊ុតរបស់ រ៉ឹង ប៊ុនហៀង Reung Bunheing។ បួននាទីក្រោយមក ក្រុមរបស់លោក Keisuka Honda បាននាំមុខលើកទី២តាមរយៈការស៊ុតរបស់ អ៊ន ចាន់ប៉ូលីន( Orn Chanpolin )។
ហ្វីលីពីន បានកាត់បន្ថយគម្លាតគ្រាប់បាល់នៅនាទីទី 41 តាមរយៈសកម្មភាពរបស់ Kenshiro Daniels ។ កីឡាករចូលសញ្ជាតិរូបនេះស៊ុតបញ្ចូលទីម្តងទៀតនៅនាទីទី 59 ដើម្បីតាមស្មើ។ យ៉ាងណាក៏ដោយ កម្ពុជាបាននាំមុខវិញនៅនាទីទី ៥៩ តាមរយៈកីឡាករ រ៉ឹង ប៊ុនហៀង( Reung Bunheing) ដដែល។
គ្រាប់បាល់នោះជាគ្រាប់ចុងក្រោយក្នុងការប្រកួត ហើយជាគ្រាប់បាល់ធានាឱ្យកម្ពុជាយកឈ្នះហ្វីលីពីនក្នុងលទ្ធផល ៣-២។ នេះជាបរាជ័យដ៏គួរឲ្យភ្ញាក់ផ្អើលមួយសម្រាប់ហ្វីលីពីន ដោយសារតែក្រុម Azkals ត្រូវបានចាញ់ដោយក្រុមដែលមានចំណាត់ថ្នាក់ទាបជាងពួកគេ។
ម៉្យាងវិញទៀត ជ័យជម្នះដែលកម្ពុជាឈ្នះបានក្លាយជាដើមទុនដ៏សំខាន់មួយសម្រាប់ពួកគេ នៅពេលដែលពួកគេជួបជាមួយក្រុមជម្រើសជាតិឥណ្ឌូនេស៊ីដ៏ធ្ងន់ក្នុងការប្រកួតលើកទីពីរនៅថ្ងៃសុក្រ (23/12/22)។
ប្រសិនបើក្រុមរបស់ Shin Tae-yong មិនចង់ជួបជោគវាសនាដូចហ្វីលីពីនទេនោះ ពួកគេត្រូវតែប្រយ័ត្នចំពោះកីឡាករកម្ពុជាទាំងបីរូបដែលធ្វើបានល្អក្នុងការប្រកួតកាលពីយប់មិញ។ ពួកគេជាអ្នកណា?
