ពានរង្វាន់ AFF Championship ឆ្នាំ 2022 (ប្ដូរឈ្មោះផ្លូវការទៅជា AFF Mitsubishi Electric Cup 2022 ដោយសារហេតុផលម្ចាស់ឧបត្ថម្ភ) នឹងក្លាយជាការប្រកួតលើកទី 14 នៃពានរង្វាន់ AFF Championship ដែលជាជើងឯកបាល់ទាត់របស់ប្រទេសដែលមានទំនាក់ទំនងជាមួយសហព័ន្ធកីឡាបាល់ទាត់អាស៊ាន (AFF) និងជាលើកទី 1 ក្រោមឈ្មោះ AFF Mitsubishi Electric Cup ។

ការប្រកួតចុងក្រោយនឹងគ្រោងនឹងដំណើរការចាប់ពីថ្ងៃទី 20 ខែធ្នូ ឆ្នាំ 2022 ដល់ថ្ងៃទី 16 ខែមករា ឆ្នាំ 2023 ខណៈថៃជាក្រុមការពារតំណែងជើងឯក។

រូបមន្តប្រកួត៖ 

ពានរង្វាន់ AFF Mitsubishi Electric Cup 2022 នឹងធ្វើតាមរូបមន្តប្រកួតក្នុងដី​និងក្រៅដីដូចឆ្នាំ 2018 ។ រូបមន្តនេះផ្លាស់ប្ដូរកាលឆ្នាំ 2020 ដែលលេង​ក្នុង​ទឹក​ដីកណ្តាល ដោយសារជំងឺរាតត្បាត COVID-19 នៅអាស៊ីអាគ្នេយ៍។ នៅក្នុងរូបមន្តបច្ចុប្បន្ន ក្រុមដែលមានចំណាត់ថ្នាក់ខ្ពស់បំផុតចំនួនប្រាំបួននឹងមានលក្ខណៈគ្រប់គ្រាន់ដោយស្វ័យប្រវត្តិឈរក្នុងពូលជាស្រេច ហើយក្រុមចំណាត់ថ្នាក់ទី 10 និងទី 11 ត្រូវលេងក្នុងវគ្គជម្រុះពីរជើង។ ក្រុមទាំង 10 នឹងត្រូវបែងចែកជាពីរពូលក្នុងមយយពូលមាន៥ ក្រុម ហើយលេងវិលជុំ ដោយក្រុមនីមួយៗលេងពីរប្រកួតក្នុងផ្ទះ និងក្រៅដីពីរប្រកួត។

ក្រុមចំនួនប្រាំបួនបានឡើងមកវគ្គជម្រុះក្នុងពាន AFF Championship ដោយស្វ័យប្រវត្តិដោយផ្អែកលើចំណាត់​ថ្នាក់​ និង​គុណផលរបស់ពួកគេក្នុងព្រឹត្តិការណ៍ពីរចុងក្រោយ។

ប្រ៊ុយណេ និងទីម័រខាងកើត ដែលជាក្រុមដែលលេងកម្រិតទាបបំផុតនឹងលេងវគ្គជម្រុះពីរជើង ដើម្បីកំណត់វគ្គជម្រុះទី 10 និងចុងក្រោយក្នុងខែវិច្ឆិកា ឆ្នាំ 2022។ អូស្ត្រាលីដែលជាសមាជិកតាំងពីឆ្នាំ 2013 មិនបានចូលប្រកួតដោយសារការចូលរួមរបស់ពួកគេនៅ FIFA ឆ្នាំ 2022 World Cup នៅកាតា។

ការ​ចាប់ឆ្នោត៖ 

ការចាប់ឆ្នោតសម្រាប់ពានរង្វាន់ AFF Championship ឆ្នាំ 2022 បានធ្វើឡើងនៅថ្ងៃទី 30 ខែសីហា ឆ្នាំ 2022 នៅទីក្រុងបាងកក ប្រទេសថៃ វេលាម៉ោង 14:00 (GMT+07:00)។  នៅ​ពេល​ចាប់​ឆ្នោត អត្តសញ្ញាណ​របស់​ក្រុម​ជម្រើស​ជាតិ​ដែល​ទទួល​បាន​វគ្គ​ជម្រុះ​នឹង​មិន​ត្រូវ​បាន​គេ​ឱ្យដឹង​នោះ​ទេ ហើយ​នឹង​ត្រូវ​ដាក់​ចូល​ក្នុង Pot 5 ដោយ​ស្វ័យ​ប្រវត្តិ។

ដំណើការ​ប្រកួត៖

ក្រុមទាំងអស់​ត្រូវជួបគ្នាតែមួយលើក​ហើយ​ត្រូវ​លេង​៤​ប្រកួត ២ក្នុងដី ​និង​២​ប្រកួតទៀត​ក្រៅដី។ក្រោយ​ប្រកួតវគ្គជម្រុះក្នុងពូលចប់​សព្វគ្រប់ ក្រុមដែលឡើងទៅវគ្គពាក់កណ្ដាលផ្ដាច់​ព្រ័ត្រ​គឺយក​ក្រុមលេខ១ និង​លេខ២​ក្នុងពូលនីមួយៗ លេង​ខ្វែង​ដោយ ក្រុមលេខ១ពូល A ត្រូវជួបលេខ២ពូល B ហើយ លេខ១ពូល B ត្រូវជួប​លេខ២ពូល A លេង​ក្នុងលក្ខណៈ២​ជើង​ក្នុង​ដី​និង​ក្រៅដី។

ក្រុមដែលឈ្នះក្រោយសរុបពិន្ទុទាំងពីជើងក្នុងវគ្គពាក់កណ្ដាលផ្ដាច់​ព័ត្រ នឹង​ត្រូវ​ឡើង​ទៅជួប​គ្នា​ក្នុង​វគ្គផ្ដាច់​ព័ត្រ​ដែលត្រូវ​លេង​២​ជើង​ក្នុង​ដី​និង​ក្រៅដីដូចគ្នា។ រូបមន្ត​គ្មានក្រុមចំណាត់​ថ្នាក់លេខ៣ និង​លេខ៤​នោះទេ។

ម្ចាស់​ឧបត្ថម្ភ៖

Mitsubishi Electric គឺជាម្ចាស់ឧបត្ថម្ភចំណងជើងពាន​រង្វាន់ ឬ​ Title sponsor

ក្រុមហ៊ុន Tiger Brokers, Yanmar គឺជាម្ចាស់ឧបត្ថម្ភផ្លូវការ ឬ Official sponsors

Acecook, Pocari Sweat, TMGM គឺជាអ្នកឧបត្ថម្ភបន្ថែមផ្លូវ​ការ ឬ Official supporters

ការផ្សាយ៖

កម្ពុជា ឡាវ មីយ៉ាន់ម៉ា និងវៀតណាម៖ ទិញសិទ្ធដោយ​ក្រុមហ៊ុន FPT Play ដែលជាបណ្តាញផ្សព្វផ្សាយរបស់​វៀតណាម។ សម្រាប់​នៅវៀតណាមវិញទូរទស្សន៍​VTV5,VTV6 និង​ក្រុមហ៊ុន Next Sports ក៏ផ្សាយដែរ។

ឥណ្ឌូនេស៊ី៖ K-Vision, RCTI, iNews

ហ្វីលីពីន៖TAP DMV, Premier Sport (ចាយលុយទើបមើលបាន) One Sports, TAP Go

ចំណែកថៃ ម៉ាឡេស៊ី និង​សិង្ហបុរី​មិន​ទាន់​ដឹង​ច្បាស់​នៅឡើយទេ​សម្រាប់​រឿង​នេះ។