យោងតាមការចេញផ្សាយរបស់កាសែតអង់គ្លស The Sun កាលពីថ្ងៃពុធទី ៨ មករា ២០២៥ បានឱ្យដឹងថា ​Fulham គឺជាក្លិបដែលលក់សំបុត្របានថ្លៃជាងគេបំផុតក្នុងចំណោមក្លិបទាំង ២០ នៅPremier League ខណៈដែល Southampton លក់បានថោកជាងគេបំផុត។ របាយការណ៍ The sun បានឱ្យដឹងថា ក្លិប Fulham លក់សំបុត្របានថ្លៃបំផុតគឺជាង ១៩៦ ដុល្លារក្នុងមួយប្រកួត និងជាង ៣៦៨៥ ដុល្លារក្នុងមួយរដូវកាល។

សំបុត្រថោកបំផុតរបស់ Fulham គឺជាង ៦១ ដុល្លារសម្រាប់មួយប្រកួត និងជាង ៧៦០ ដុល្លារសម្រាប់មួយរដូវកាល។ ចំណែកក្លិបដែលលក់សំបុត្របានថោកជាងគេគឺ Southampton ក្នុងតម្លៃ ៣០ ដុល្លារសម្រាប់មួយប្រកួត និង ៦១២ ដុល្លារសម្រាប់មួយរដូវកាល។ តម្លៃសំបុត្រថ្លៃបំផុតរបស់ Southampton គឺ៨៥ដុល្លារក្នុង ១ ប្រកួត និង ១១០២ដុល្លារក្នុងមួយរដូវកាល៕

ប្រភព៖ The Sun