ក្លិប Al-Nassr សង្ឃឹមថានឹងបង្ហាញវត្តមានតារាឆ្នើមព័រទុយហ្គាល់រូបនេះបង្ហាញខ្លួនជាលើកដំបូងនៅយប់នេះ ដោយបានលក់សំបុត្រអស់ចំនួន 28,000 សម្រាប់ការប្រកួតទល់នឹងក្លិប Al Ta’ee ។

ទោះបីជាយ៉ាងណាក៏ដោយ Ronaldo ត្រូវបានព្យួរដោយសារតែការដាក់ពិន័យរបស់សមាគមន៍បាល់ទាត់​អង់គ្លេស (FA) បន្ទាប់ពីគាត់បានក្រវាសដៃទៅប៉ះទូរស័ព្ទរបស់អ្នកគាំទ្រ Everton ឲ្យរបូតចេញពីដៃ កាលពីខែវិច្ឆិកាកន្លងទៅនេះ។

ដូច្នេះហើយវាធ្វើប៉ះពាល់ដល់ការប្រកួតរបស់ក្លិប Al-Nassr រហូតដល់ពួកគេបានបញ្ចប់ការប្រកួតចំនួន ២ប្រកួតទៀត ទើបកីឡាករវ័យ៣៧ឆ្នាំរូបនេះ បង្ហាញវត្តមានជាមួយក្លិប ។

មាត្រា 12.1 នៃបទប្បញ្ញត្តិរបស់ FIFA ស្តីពីស្ថានភាព និងការផ្ទេរកីឡាករ ចែងថា «ការដាក់ពិន័យណាមួយ ដែលមានរហូតដល់ 4 ប្រកួត ឬរហូតដល់ 3 ខែ ដែលត្រូវបានដាក់លើកីឡាករដោយអតីតសមាគម ប៉ុន្តែមិនទាន់បញ្ចប់បានទាំងស្រុងនោះ ការផ្ទេរនេះនឹងត្រូវអនុវត្តដោយស្ថិតក្នុងសមាគមថ្មី ដែលកីឡាករបានចុះឈ្មោះ ដើម្បីឱ្យការដាក់ទណ្ឌកម្មនេះ ត្រូវបានបែបកម្រិតស្តង់ដាតាមតំបន់»

FA បាន​បញ្ជាក់​ថា​គាត់​ត្រូវ​តែ​ទទួលការព្យួរ បើ​ទោះ​ជា​គាត់​បាន​ផ្លាស់​ទៅ​ក្រៅ​ប្រទេស​តាម​ហេតុផល​ជា​លាយលក្ខណ៍​អក្សរ​របស់​ពួកគេ​នៅ​ពេល​ពួកគេ​ដាក់​បម្រាម​ប៉ុន្មាន​ថ្ងៃ​ បន្ទាប់​ពី​បទ​សម្ភាសន៍​ដ៏​ល្បី​របស់​គាត់​ជាមួយ Morgan។

Cambodian League Cup នឹងត្រលប់មកវិញនៅឆ្នាំ 2023 ដោយមានទម្រង់ស្រដៀងគ្នាទៅនឹងឆ្នាំ 2022។ លីគកំពូលកម្ពុជា (CPL) នឹងប្រកាសពីការវិល​ត្រឡប់មកវិញនៃ League Cup សម្រាប់ឆ្នាំ 2023 រួមទាំងរូបមន្ត កាលវិភាគ និងសិទ្ធិនៃក្លិប​ដែល​អាច​ចូលរួម។

ការប្រកួតពាន​រង្វាន់ Cambodian League Cup ឆ្នាំ 2023 ត្រូវបានគេគ្រោងនឹងធ្វើឡើងក្នុងអំឡុងពេលមុនរដូវកាលចាប់​លីគចាប់​ផ្ដើម ដែលទាក់ទងនឹងលីគត្រូវផ្លាស់ប្តូរពីរដូវកាលរង្វង់ឆ្នាំប្រតិទិនទៅជាការប្រកួត 2023/24 ស្របតាមទ្វីបអឺរ៉ុប និងលីគអាស៊ីធំៗផ្សេងទៀត។ .

ទម្រង់ Cambodian League Cup ឆ្នាំ ២០២៣

Cambodian League Cup ឆ្នាំ ២០២៣នឹង​មាន១៦​ក្រុម​ចូលរួម ដោយ​មានក្រុម៨​ពី​ CPL និង 8 ផ្សេងទៀត​មក​ពី​លីគទី២។ ការ​ចាប់​ពូលត្រូវ​បែងងចែកជាបួនពូល ក្នុងមួយពូល មាន 4 ក្រុមដែល​មាន​ក្លិប​មក​ពី CPL ​២​ក្រុម ​និង Cambodian League 2 ២ក្រុម។​

តាម​ការ​ប្រកួតជម្រុះសន្សំពិន្ទុក្នុងពូល ក្រុមដែល​ឈរលេខ១ និង​២​ក្នុងពូលនីមួយៗ​នឹង​ឈាន​ទៅ​វគ្គ​បន្ត​បន្ទាប់ដែល​នឹង​បញ្ចប់​ដោយ​ការ​ប្រកួត​វគ្គ​ផ្តាច់ព្រ័ត្រ League Cup។ ក្រុមកំពូលតារាងទាំង 8 ត្រូវតែចូលរួមប្រកួតប្រជែង ខណៈដែលក្រុម 8 មកពីលីគទី២ត្រូវបានស្នើសុំឱ្យ “អនុវត្ត”ដើម្បីចូលរួម។

តើកីឡាករប៉ុន្មាននាក់អាចចុះឈ្មោះបាន?

ក្លឹប​នីមួយៗ​អាច​ចុះ​ឈ្មោះ​កីឡាករ​បាន​ដល់​ទៅ​៣៥​នាក់ ក្នុង​នោះ​៥​នាក់​អាច​ជា​កីឡាករបរទេស​ដោយ​តម្រូវ​ការ​ដូច​គ្នា​ សម្រាប់​កីឡាករ​អាយុ​ក្រោម​២២​ឆ្នាំត្រូវ​តែមាន។ មិនដូចរដូវកាលមុនទេ ក្លិបអាចុះឈ្មោះកីឡាករបរទេសទាំង 5 នាក់អាចជាផ្នែកមួយនៃក្រុមថ្ងៃប្រកួតហើយ​កីឡាករបរទេស​៤​នាក់​លេង​លើ​ទីលាន​ហើយ​ម្នាក់ទៀត​អង្គុយបម្រុង។

តើការប្រកួតពានរង្វាន់ Cambodian League ឆ្នាំ 2023 នឹងចាប់ផ្តើមនៅពេលណា?

ការចាប់ផ្តើមជាផ្លូវការត្រូវបានកំណត់ពេលសម្រាប់ថ្ងៃទី 14 ខែកុម្ភៈ ឆ្នាំ 2023 ដោយការប្រកួតចុងក្រោយនឹងធ្វើឡើងនៅខែមីនា ក្នុងពេលវេលាមុនបើករដូវកាល។

Jorge Mendes មិនមែនជាអ្នកនៅពីក្រោយការផ្ទេរ Cristiano Ronaldo ទៅ Al-Nassr នោះទេ ហើយក៏មិនមែនជាភ្នាក់ងារបាល់ទាត់ដ៏ល្បីម្នាក់ផ្សេងទៀតដែរ។ ផ្ទុយទៅវិញវាគឺជា Ricardo Regufe ដែលជាដៃស្ដាំរបស់ Cristiano Ronaldo។

គ្រប់គ្នាសុទ្ធតែមានការនិយាយអំពីមូលហេតុដែល Cristiano Ronaldo ចុះហត្ថលេខាសម្រាប់ Al-Nassr ប៉ុន្តែមានតែមនុស្សមួយចំនួនប៉ុណ្ណោះដែលដឹងពីរបៀបដែល​គាត់​បានផ្ទេរ។

កំពូលតារាវ័យ 37 ឆ្នាំ ដែលជាកីឡាករបាល់ទាត់ដ៏ល្បីបំផុតគ្រប់ពេលវេលា អាចយល់បានថាការរក្សារង្វង់ជិតស្និត និងមានភាពល្អិតល្អន់លើចលនាដែលគាត់ធ្វើ – នៅក្នុង និងក្រៅទីលាន។ អស់រយៈពេលជាង 20 ឆ្នាំមកហើយ លោក Jorge Mendes គឺជាបុរសម្នាក់ដែលមកដឹកនាំអាជីពរបស់ Ronaldo ។ នាំគាត់ពី Sporting Lisbon ទៅ Manchester United បន្ទាប់មកទៅ Real Madrid បន្ទាប់មក Juventus និងត្រលប់ទៅ United ម្តងទៀត។

ប៉ុន្តែនៅពេលនេះ ដល់ពេលសម្រាប់ខ្សែប្រយុទ្ធព័រទុយហ្គាល់កែរកុន ផ្ទេរបន្ទាប់របស់គាត់ ហើយលោក  Mendes មិនមែនជាបុរសនៅពីក្រោយការ​ផ្ទេរ​ឱ្យកើត​ឡើងនោះទេ។ បន្ទាប់ពីបានចុះហត្ថលេខាលើកិច្ចព្រមព្រៀងរយៈពេល 2 ឆ្នាំកន្លះ ជាមួយក្លិបអារ៉ាប៊ីសាអូឌីតថ្មី Ronaldo រកបាន 173 លានផោននៅមជ្ឈិមបូព៌ា – វាបានលេចចេញមកថាអ្នកណាជាអ្នកទទួលខុសត្រូវក្នុងការចរចានោះគឺលោក Ricardo Regufe ។

ប៉ុន្តែតើគាត់ជានរណា?

ដោយបានឆ្លងកាត់ការងារដំបូងនៅដើមទសវត្សរ៍ឆ្នាំ 2000 តាម​រយៈការបង្ហាញនៅក្នុងរបាយការណ៍លម្អិតរបស់​កាសែត The Athletic លោក Regufe គឺជាអតីតបុគ្គលិកធ្វើ​ការ​នៅក្រុមហ៊ុន NIKE បានស្គាល់ Ronaldo តាមរយៈការងាររបស់គាត់ជាមួយក្រុមជម្រើសជាតិព័រទុយហ្គាល់។

នៅពេលដែលពួកគេបានចាប់ផ្តើមធ្វើការជាមួយគ្នាដែលមានអាយុ 21 និង 16 ឆ្នាំរៀងៗខ្លួន  Regufe ដែលមានមូលដ្ឋាននៅទីក្រុង Porto ត្រូវបានទទួលភារកិច្ចក្នុងការសម្រួលដល់អាជីពពាណិជ្ជកម្មរបស់ Ronaldo ។ ក្លាយជាមិត្តល្អក្នុងរយៈពេល 2 ទសវត្សរ៍ចុងក្រោយនេះ ម្ចាស់​ជើងឯក Ballon d’Or ប្រាំសម័យនៅទីបំផុតបានជួល Regufe ធ្វើជាអ្នកគ្រប់គ្រងផ្ទាល់ខ្លួនរបស់គាត់ក្នុងឆ្នាំ 2018 ដោយ Mendes នៅតែដើរតួជាភ្នាក់ងារតាំងងពីដើមរបស់គាត់។

ទោះបីជាមានការពាក់ព័ន្ធរបស់គាត់ក្នុងការផ្ទេរ Al-Nassr ក៏ដោយ Regufe មិនត្រូវបានចាត់ថ្នាក់ថាជាភ្នាក់ងារទេ ប៉ុន្តែបានលូកដៃចូលទៅក្នុងផ្នែកកីឡានៃជីវិតរបស់ Ronaldo ក្នុងគ្រាដ៏ចលាចលបំផុតនៃអាជីពបាល់ទាត់​របស់​កីឡាករព័រទុយហ្គាល់។

ដោយដើរតួយ៉ាងសំខាន់ក្នុងការចាកចេញដ៏អាក្រក់របស់ប្រធានក្រុមព័រទុយហ្គាល់រូប​នេះពី Man Utd ក្នុងខែវិច្ឆិកា ខណៈដែលក្លឹបបានបញ្ឈប់កិច្ចសន្យាផ្ដល់ប្រាក់ឈ្នួល £480,000 ក្នុងមួយសប្តាហ៍បន្ទាប់ ពីបទសម្ភាសន៍ដ៏អាក្រក់របស់គាត់ជាមួយ Piers Morgan នោះ Regufe ត្រូវបានគេជឿជាក់យ៉ាងច្បាស់ដោយ Ronaldo  ។

ប្រភពខាងលើបានពន្យល់ថា United ជារឿយៗបានឆ្លងកាត់ការពិភាក្សាជាមួយ Regufe ពីការ​កំណត់​ថ្លៃពាណិជ្ជកម្មរបស់​ម្ចាស់​អាវវ​លេខ៧នៅក្លិប ហើយគាត់តែងតែពិភាក្សាជាមួយមនុស្សនៅក្នុងក្លឹប ចាប់ពីនាយកប្រតិបត្តិ Richard Arnold រហូតដល់អ្នកនៅក្នុងផ្នែកទំនាក់ទំនង។

គេរាយការណ៍ថា Regufe រួមជាមួយ Mendes បានតស៊ូមតិឱ្យវីរបុរសរបស់ Real Madrid ស្នាក់នៅ Old Trafford និងតស៊ូដើម្បីកន្លែងរបស់គាត់ក្នុងអំឡុងពេលរដូវកាលដំបូងរបស់ Erik ten Hag ជាអ្នកគ្រប់គ្រង។ Ten Hag ក៏​បាន​អង្វរ​ Ronaldo ឲ្យ​នៅ​ដែរ ប៉ុន្តែ​ការ​ព្យាយាម​របស់​អ្នក​ចាត់​ការក្លិប​បិសាច​ក្រហម​ក្នុង​ការ​បញ្ចុះបញ្ចូល​គាត់​បាន​បរាជ័យ។

ហើយទាក់ទងនឹងកិច្ចសម្ភាសន៍រយៈពេល 90 នាទីជាមួយ Morgan នោះ Regufe ក៏បានចូលរួមជាមួយ Mendes ដើម្បីព្រមាន Ronaldo​ អំពីផលវិបាកដែលអាចកើតមាននៃការនិយាយរបស់គាត់នៅទីសាធារណៈ។ ប៉ុន្តែគាត់បានព្រងើយកន្តើយនឹងដំបូន្មានរបស់អ្នកទាំងពីរ ហើយបានទៅអង្គុយជាមួយពិធីករទូរទស្សន៍ដ៏ល្បីម្នាក់នេះ មុនពេលរិះគន់ទៅលើ Ten Hag ក្លិបម្ចាស់គ្រួសារ Glazer និងអតីតមិត្តរួមក្រុម United របស់គាត់។

ឥឡូវនេះ Ronaldo កំពុង​ប្រកួតប្រជែងថ្មីនៅក្នុងរដ្ឋធានី Riyadh ប្រទេសអារ៉ាប៊ីសាអូឌីត ហើយ​ការ​ផ្ទេរ​មកនេះ វាជារឿង​ស្រួលយល់ ដោយ​សារ​ Ronaldo ចង់ពង្រីកម៉ាកយីហោរបស់គាត់ឱ្យធំជាងគេ និងទទួលបានទុននៅលើទីផ្សារអាស៊ី។ ដូច្នេះហើយ Regufe បាន​ចូលរួមចំណែក ពិភាក្សា​ទាក់ទង និង​បង្កើតការ​ផ្ទេរ​ឱ្យ​ទៅមុខដោយ​ជោគជ័យ។

កីឡាករជាច្រើននៅក្នុង AFF Cup ឆ្នាំ 2022 បាននិយាយថា VAR នឹងបំផ្លាញហ្គេម និងមិនតែងតែត្រឹមត្រូវឥតខ្ចោះនោះទេ ដូច្នេះវាមិនចាំបាច់ប្រើប្រាស់សម្រាប់ការប្រកួតនោះទេ។

សហព័ន្ធកីឡាបាល់ទាត់អាស៊ាន (AFF) កាលពីថ្ងៃច័ន្ទនេះ បានសម្ភាសកីឡាករចំនួនបួនរូបគឺ Irfan Fandi របស់សិង្ហបុរី, Kenshiro Daniels របស់ហ្វីលីពីន, ធារី ចន្ធាប៊ីន របស់កម្ពុជា និង Dang Van Lam របស់វៀតណាមអំពីថាតើគួរប្រើ VAR ក្នុងការប្រកួតដែរឬទេ។

Fandi បាននិយាយថា៖ «ខ្ញុំមានអារម្មណ៍ថា VAR មានសារៈសំខាន់ណាស់។ ខ្ញុំបាននៅ Thai League ហើយវាជួយបានច្រើន។ ប៉ុន្តែវាក៏អាចសម្លាប់ហ្គេមបានដែរ ដូច្នេះខ្ញុំនឹងនិយាយថាទេចំពោះ VAR» ។

Daniels និង ចន្ថាប៊ីន បានចែករំលែកទស្សនៈដូចគ្នា។ Daniels បាននិយាយថា៖«VAR បាន​ត្រឹមតែកាត់បន្ថយល្បឿនហ្គេម។ ខ្ញុំមិនយល់ស្របនឹងការសម្រេចចិត្តជាច្រើនរបស់ VAR យ៉ាងណាក៏ដោយ ដូចជាអ្នកអាចចាប់ offside ដោយក្រចកដៃ។សម្រាប់ខ្ញុំ VAR មិនចាំបាច់ទេ»។

ចន្ថា ប៊ីន ៖«ខ្ញុំគិតថា VAR “បានយកវេទមន្តចេញពីហ្គេម ព្រោះវាបញ្ឈប់វា ហើយពេលខ្លះក៏ធ្វើខុសដែរ។ ខ្ញុំជឿថាវាមិនចាំបាច់ទេ។ គ្រាន់តែលេងហ្គេម ហើយរីករាយជាមួយវា»។

អ្នកចាំទីជម្រើសជាតិវៀតណាម Dang Van Lam បាននិយាយថា៖«ដំបូងឡើយ ខ្ញុំក៏បាននិយាយថាទេចំពោះ VAR ប៉ុន្តែខ្ញុំគិតថាវាពិតជាយុត្តិធម៌ណាស់ ល្អសម្រាប់ខ្ញុំ»។

AFF Cup 2022 មិន​បាន​ប្រើ VAR ក្នុង​វគ្គ​ចែក​ពូល​ទេ ដោយសារ​តែ​មាន​បញ្ហា​ជា​ច្រើន។ ក្រៅពីតម្លៃ និងកត្តាបច្ចេកទេស ការប្រើប្រាស់ VAR ត្រូវតែទទួលបានការយល់ព្រមពី FIFA។ លើសពីនេះទៀតអាជ្ញាកណ្តាលជាច្រើនមិនត្រូវបានប្រើដើម្បីដំណើរការបច្ចេកវិទ្យានេះទេ។

សហព័ន្ធកីឡាបាល់ទាត់វៀតណាម (VFF) និងគ្រូបង្វឹកលោក Park Hang-seo ធ្លាប់បានស្នើឱ្យ AFF ប្រើប្រាស់ VAR ក្នុងការប្រកួតនាពេលខាងមុខ បន្ទាប់ពីការប្រកួតវគ្គពាក់កណ្តាលផ្តាច់ព្រ័ត្រដ៏ចម្រូងចម្រាសជាមួយថៃក្នុង AFF Cup កាលពីឆ្នាំមុន។ សហព័ន្ធ​បាន​ទទួល​ស្គាល់​សំណើ​នេះ ប៉ុន្តែ​នៅ​តែ​មិន​អាច​ដាក់ VAR ក្នុង​ការ​ប្រកួត​ឆ្នាំ​នេះ។

អគ្គលេខាធិការសមាគមន៍បាល៉ទាត់ម៉ាឡេស៊ី (FAM) លោក Noor Azman Hj Rahman បានបញ្ជាក់ថា កៅអីចំនួន 21,000 នៅពហុកីឡដ្ឋានជាតិ Bukit Jalil (SNBJ) ត្រូវតែទុកទំនេរចោល ដោយសារបាំងឆាកប្រគុំតន្ត្រីតារាចំរៀងចិនតៃវ៉ាន់ Jay Chou ។ នោះមានន័យថា សមាគមបាល់ទាត់ម៉ាឡេស៊ី (FAM) លក់សំបុត្របានត្រឹមតែ 59,000 សន្លឹកប៉ុណ្ណោះ សម្រាប់ការប្រកួត Mitsubishi Electric AFF Cup 2022 វគ្គពាក់កណ្តាលផ្តាច់ព្រ័ត្រជើងទី១ ក្នុងការប្រកួតក្រុមជម្រើសជាតិម៉ាឡេស៊ី ប៉ះ ថៃ ចាប់ពីថ្ងៃនេះតទៅ។

ស្ថានភាពនេះគឺជៀសមិនរួចឡើយ ហើយ FAM និងដៃគូសហការរបស់ពហុកីឡដ្ឋានម៉ាឡេស៊ី (PSM) បានខិតខំប្រឹងប្រែងស្វែងរកដំណោះស្រាយដ៏ល្អបំផុត ដើម្បីធានាថាសកម្មភាពរបស់ក្រុមជម្រើសជាតិម៉ាឡេស៊ីក្នុងព្រឹត្តិការ Mitsubishi Electric AFF Cup 2022 នៅតែអាចធ្វើឡើងនៅពហុកីឡដ្ឋានជាតិ។ សម្រាប់ពហុកីឡដ្ឋាន Bukit Jalil ធៀបនឹងកីឡដ្ឋានផ្សេងទៀត វាមានសមត្ថភាពផ្ទុកទស្សនិកតិចជាង។

FAM ក៏បានសម្រេចរក្សាតម្លៃដូចគ្នាទៅនឹងការប្រកួតសន្សំពិន្ទុក្នុងពូល សម្រាប់សំបុត្រការប្រកួតពាក់កណ្តាលផ្តាច់ព្រ័ត្រ ជើងទី១នេះដែរ  ក្នុងការប្រកួតក្រុមជម្រើសជាតិម៉ាឡេស៊ី ប៉ះ ថៃ នៅពហុកីឡដ្ឋានជាតិ Bukit Jalil នៅថ្ងៃសៅរ៍នេះ។

នេះមានន័យថាសំបុត្រសម្រាប់វគ្គពាក់កណ្តាលផ្តាច់ព្រ័ត្រដំបូងនឹងត្រូវបានលក់ក្នុងតម្លៃ RM30 (មនុស្សពេញវ័យ) និង RM5 (កុមារអាយុ 6-12 ឆ្នាំ) សម្រាប់កៅអីទូទៅធម្មតា ដោយឡែកតម្លៃ RM50 (ប្រមាណជា ១១ដុល្លារ) សម្រាប់កៅអី Premium និង RM60 (ប្រមាណជា ១៣ដុល្លារ) សម្រាប់កៅអី Grandstand ។

បកប្រែពី៖ Vocket FC

ទម្រង់លេងដ៏ល្អសម្រាប់ក្រុមជម្រើសជាតិកម្ពុជា ទោះ​មិន​អាច​ឡើង​ទៅ​វគ្គ​ពាក់​កណ្តាល​ផ្តាច់​ព្រ័ត្រ​ក៏​ដោយ ប៉ុន្តែ​អ្នក​ចាត់​ការ​ក្រុមជម្រើសជាតិ​កម្ពុជា Keisuke Honda និង Ryo Hirose ទទួលបន្ទុក​ដឹកនាំបាន​ជួយ​គ្នា​បង្កើត​ការភ្ញាក់ផ្អើល។

ក្នុង​ទម្រង់​លេង​យ៉ាង​ច្បាស់​សម្រាប់​ក្រុម​អាស៊ាន​ដែល​គេ​ឃើញ​ក្នុង​ពាន​រង្វាន់​បាល់ទាត់​អាស៊ីអាគ្នេយ៍ AFF Championship 2022 ខ្សែប្រយុទ្ធម្នាក់​ដែល​បង្ហាញ​ទម្រង់​លេង​ល្អ​ក្នុង​ការ​ប្រកួត​នេះ​ឈ្មោះ ស៊ាង ចន្ធាមានវ័យ​២០​ឆ្នាំ ត្រូវបានគេកោតសរសើរយ៉ាងខ្លាំងចំពោះការមានឱកាសធ្វើឱ្យប្រសើរឡើងនូវសក្តានុពលរបស់គាត់នៅពេលអនាគត។

ថ្មីៗនេះ មានសេចក្តីរាយការណ៍មកថា ក្លឹប Sabah ក្នុងលីគកំពូលម៉ាឡេស៊ី ចាប់អារម្មណ៍នាំយកតារារូបនេះមកក្រុមក្នុងនាមជាកូតាកីឡាករអាស៊ាន។ បន្ទាប់ពីបង្ហាញទម្រង់លេងដ៏ល្អសម្រាប់កម្ពុជាក្នុងព្រឹត្តិការណ៍កីឡាបាល់ទាត់ជម្រើសជាតិអាស៊ីអាគ្នេយ៍ AFF Championship 2022 បង្ហាញខ្លួនបាន ៤ប្រកួត និងស៊ុតបាន១គ្រាប់។

បច្ចុប្បន្ន​លេង​នៅ​ក្លឹប​បឹងកេត​ កីឡាករ​បាន​ធំធាត់​តាម​រយៈ​រចនាសម្ព័ន្ធ​អភិវឌ្ឍន៍​យុវជន​របស់​សហព័ន្ធ​បាល់ទាត់​កម្ពុជា(សាលាបាល់ទាត់ជាតិបាទី) តាំងពី​កុមារភាព ហើយរូប​គេលេងឱ្យ​ក្រុម​ជម្រើស​ជាតិ​កម្ពុជា​គ្រប់​ឈុត​រួម​មាន U១៥, U១៧, U១៩, U២២, U២៣ រួម​ទាំង​ឈុត​ធំ ក្នុង​នាម​ជា​ក្រុម​ជម្រើស​ជាតិ​ឈុត​ធំ គាត់​បាន​លេង​២៣​ប្រកួត​ស៊ុត​បញ្ចូល​ទី​បាន​៣​គ្រាប់ និង​បញ្ជូន​បាល់​ឲ្យ​មិត្ត​រួម​ក្រុម​បាន​១​គ្រាប់ តំបន់អាស៊ី វគ្គជម្រុះ Asian Cup ជើងឯកអាស៊ាន និងការប្រកួតកម្ដៅសាច់ដុំ។

Manchester United បានយកឈ្នះ Bournemouth ក្នុងលទ្ធផល 3-0 ក្នុងការប្រកួតក្របខ័ណ្ឌ Premier League ដ៏រំភើប ប៉ុន្តែកុំបណ្តោយឱ្យគ្រាប់​បាល់និង​ជ័យជម្នះនេះបោកអ្នកឱ្យសោះ។

Luke Shaw, Marcus Rashford និង Casemiro ស្ថិត​ក្នុង​ចំណោម​អ្នក​រក​គ្រាប់​បាល់​បញ្ចូល​ទី ប៉ុន្តែ​បើ​វា​មិន​មែន​ជាចំណុចខ្លាំង​របស់ Man Utd ក្នុង​ការ​ប្រកួតនោះទេ។ ប៉ុន្តែ​បើ​គ្មាន David De Gea នោះ​លទ្ធផល​នឹង​ខុស​គ្នា​ខ្លាំង​ណាស់។

កីឡាករសញ្ជាតិអេស្ប៉ាញរូបនេះបានរក្សា Clean Sheet ជាលើកទីប្រាំបីរបស់គាត់ក្នុងរដូវកាលនេះ រហូតមកដល់ពេលនេះ ដោយបានធ្វើការសង្គ្រោះជាបន្តបន្ទាប់ ដើម្បីការពារសំណាញ់ទីក្រុមរបស់គាត់។ សូមអរគុណដល់ De Gea ដែល Man Utd មិនបានរបូតគ្រាប់បាល់បានសម្រេចសូម្បីមួយគ្រាប់នៅ Old Trafford ចាប់តាំងពីការឈ្នះ 3-1 លើ Arsenal កាលពីខែកញ្ញា។

ការសន្សំពិន្ទុរបស់គាត់ក៏បានជួយធ្វើឱ្យប្រសើរឡើងនូវផលសងនៃគ្រាប់បាល់របស់យើង (ចំណេញ៧គ្រាប់) នៅក្នុងតារាង Premier League ទោះបីជាយើងនៅឆ្ងាយជាងបើប្រៀបធៀបទៅនឹងក្រុមកំពូលទាំងបីក៏ដោយ។

ទោះបីជាមានការរិះគន់ដែលមកលើផ្លូវអាជីពរបស់គាត់សម្រាប់ការមិនក្លាយជាអ្នកចាំទីសម័យទំនើបក៏ដោយ De Gea តែងតែបង្ហាញថាអ្នករិះគន់គាត់តែងតែខុស។

ប្រភព៖ Tribuna.com