Viktor Gyokeres គឺជាខ្សែប្រយុទ្ធកំពុងឡើងជើងដ៏ក្តៅគគុកបំផុតនៅអឺរ៉ុបនាពេលបច្ចុប្បន្ន ដោយ​ការ​ស៊ុត​បញ្ចូលទីច្រើន​គ្រាប់ ហើយការស៊ុតនោះមានន័យថាគាត់បានបង្ហាញស្ដាយ៍អប​អរគ្រាប់បាល់របស់ខ្លួនជាញឹកញាប់។

ខ្សែប្រយុទ្ធរបស់​ក្លិប Sporting រូបនេះបាន​អបអរគ្រាប់បាល់​ដោយ​ប្រើ​ស្ដាយ យក​ម្រាមដៃរបស់គាត់ថ្ពក់ជាប់គ្នា គ្របលើមុខរបស់គាត់។ ការ​អបអរគ្រាប់បាល់នេះ​មិន​ដែល​ត្រូវ​បាន​គេ​ពន្យល់​ដោយ​ខ្សែ​ប្រយុទ្ធ​រូបនេះ ទេ​រហូត​មក​ដល់​ពេល​នេះ។

ថ្មីៗនេះ Gyokeres បានពន្យល់ពីការអ​បអរគ្រាប់បាល់ដោយសរសេរក្នុង Instagram របស់គាត់ដែលសរសេរថា “គ្មាននរណាម្នាក់ខ្វល់រហូតដល់ខ្ញុំពាក់ម៉ាស” ។

សម្រង់សម្ដី​នេះគឺនិយាយដោយតួអង្គ Batman ឈ្មោះ Bane ដែលបង្ហាញខ្លួននៅក្នុងរឿង Batman: Vengeance of Bane និង The Dark Knight Rises ។

ចំណាប់អារម្មណ៍របស់ Manchester United លើ Alphonso Davies បានបង្កឱ្យមានការជជែកដេញដោលក្នុងចំណោមអ្នកគាំទ្ររបស់​ក្លិប និងអ្នកនិយមកីឡាបាល់ទាត់​ទូទៅ។

ខណៈពេលដែលខ្សែការពារឆ្វេងរបស់ Bayern Munich មានជំនាញ និងល្បឿនដ៏គួរឱ្យចាប់អារម្មណ៍ មានក្តីបារម្ភជាច្រើនដែលធ្វើឱ្យគាត់ក្លាយជាសំណួរដែលមិនដឹងថា​តើ​ការ​ចុះកុងត្រាកីឡាកររូបនេះសក្តិសមឬអត់សម្រាប់បិសាចក្រហម។ ខាងក្រោម​ជាកត្តាមួយចំនួនដែល Man Utd មិនគួរចុះកុងត្រាកីឡាករជម្រើសជាតិកាណាដារូប​នេះ៖

ភាពងាយរងគ្រោះក្នុងតំបន់ការពារ

ជំនាញការពាររបស់ Davies មិន​សូវខ្លាំងនោះឡើយទោះ​បី​ជាគាត់​មាន​ល្បឿនលឿន និង​ពូកែខាងបញ្ជូនបាល់ក៏ដោយ។ គាត់​ជាកីឡាករ​ម្នាក់​មិន​សូវ​ដាក់សម្ពាធគូប្រកួតនោះទេ។ ភាពទន់ខ្សោយនេះអាចជាចំណុចខ្សោយដែលគូប្រជែងឆាប់​មើលឃើញ ជាពិសេសនៅក្នុងស្ថានភាពដែលការ​ប្រកួតមានសម្ពាធខ្ពស់។

ការទាមទារប្រាក់ឈ្នួល

ការទាមទារប្រាក់ឈ្នួល 12.6 លានផោនក្នុងមួយឆ្នាំរបស់ Davies អាចជាឧបសគ្គសម្រាប់ Manchester United ។ Davies ចង់បានប្រាក់ឈ្នួល 240,000 ផោនក្នុងមួយសប្តាហ៍សម្រាប់កិច្ចសន្យាថ្មីរបស់គាត់។

ការប្រកួតប្រជែងពី Real Madrid

ចំណាប់អារម្មណ៍ខ្លាំងរបស់ Real Madrid លើ Davies បន្ថែមភាពស្មុគស្មាញមួយទៀតក្នុងការផ្ទេរ។ ការចង់​បានរបស់ក្លិបយក្សអេស្ប៉ាញ និងការទំនាក់ទំនងដែលមានស្រាប់ជាមួយកីឡាករកំពូលៗ អាចនឹងបង្កការលំបាកសម្រាប់ Manchester United ក្នុងការទទួលបានហត្ថលេខារបស់គាត់។

ភាពមិនច្បាស់លាស់លើទម្រង់លេង

ស្ទីលលេងរបស់ Davies ដែលគោរពតាមប្រព័ន្ធគ្រប់គ្រងរបស់ Bayern Munich ប្រហែលជាមិនអាចបកប្រែទៅជាយុទ្ធសាស្ត្ររបស់ United បានទេ។ ភាពមិនប្រាកដប្រជានេះបង្កើនការព្រួយបារម្ភអំពីភាពប្រែប្រួលរបស់គាត់ និងផលប៉ះពាល់ដែលអាចកើតមានលើក្រុម។

ការព្រួយបារម្ភអំពីរបួស

ភាពដែល Man Utd អាច​ចចារបានមក​លើ Davies មិនមែនជាបញ្ហាសំខាន់នោះទេ តែអ្វីដែលជាបញ្ហាគឺខ្សែការពារឆ្វេងដែលមានស្រាប់របស់ United គឺ Luke Shaw និង Tyrell Malacia បានជួបបញ្ហារបួស។ ក្លិបអាចនឹងមានការប្រុងប្រយ័ត្នក្នុងការវិនិយោគលើកីឡាករផ្សេងទៀតដែលមានបញ្ហាសុខភាពដែលអាចកើតមាន។

ដោយពិចារណាលើកត្តាទាំងនេះ Manchester United ត្រូវតែថ្លឹងថ្លែងដោយប្រុងប្រយ័ត្ននូវគុណសម្បត្តិ និងគុណវិបត្តិ មុនពេលសម្រេចចិត្តថាតើត្រូវដេញតាម Alphonso Davies ឬក៏បណ្ដោយឱ្យគាត់​ទៅ​លេង​នៅ​ក្លិប​ផ្សេង។

យោងតាម ​​’Athletic’ លោក Ruben Amorim មិនបានជួបផ្ទាល់ជាមួយលោក Ruud van Nistelrooy ដើម្បីនិយាយកិច្ចការងារគ្រូបង្វឹក ឬក៏តំណែងជាគ្រូជំនួយនោះទេ។

បុរសសញ្ជាតិហូឡង់រូបនេះត្រូវបានគេរាយការណ៍ថា បានចាកចេញពី Carrington មុនពេលអ្នកចាត់​ការថ្មីរបស់ Man Utd មកដល់មជ្ឈមណ្ឌលហ្វឹកហាត់ទៅទៀត។ របាយការណ៍ចុងក្រោយពី ‘Athletic’ អះអាងថា Ruben Amorim សុខចិត្តមិនទៅជួបលោក Ruud van Nistelrooy ទល់មុខគ្នា មុនពេលដកគាត់ចេញពីក្រុមគ្រូបង្វឹករបស់គាត់។

គ្រូបង្វឹកថ្មីរបស់ Manchester United បានធ្វើដំណើរទៅកាលពីថ្ងៃចន្ទ ដើម្បីចាប់ផ្តើមជីវិតនៅ Old Trafford ទោះបីជាគាត់ត្រូវរង់ចាំទិដ្ឋាការដើម្បីទទួលបានការយល់ព្រមមុននឹងអាចចូលធ្វើការជាផ្លូវការក៏ដោយ។

អតីតអ្នកចាត់ការ Sporting បានចូលកាន់តំណែងតពីលោក Van Nistelrooy ដែលត្រូវបានតែងតាំងជាអ្នកចាត់​ការបណ្តោះអាសន្នបន្ទាប់ពីការបណ្តេញចេញលោក Ten Hag ។ គ្រូបង្វឹកសញ្ជាតិហូឡង់រូបនេះដឹកនាំក្រុមបិសាចក្រហមក្នុងការប្រកួតចំនួន 4 ដង ដោយបានឈ្នះ 3 ដង និងស្មើម្ដង ប៉ុន្តែឥឡូវនេះបានចាកចេញពីក្លិប ខណៈដែល Amorim ចូលចិត្តធ្វើការជាមួយក្រុមគ្រូជំនួយផ្ទាល់ខ្លួនរបស់គាត់។

យោងតាមរបាយការណ៍ដដែល ការសម្រេចចិត្តលើអនាគតរបស់អតីតខ្សែប្រយុទ្ធនៅ Man United គឺស្ថិតនៅក្នុងដៃរបស់ Amorim ទាំងស្រុង។ ទោះជាយ៉ាងណាក៏ដោយ ការចាកចេញរបស់ Van Nistelrooy ហាក់ដូចជាពេលដែលគាត់ត្រូវបានគេមើលឃើញថាចាប់ដៃជាមួយឥស្សរជនជាន់ខ្ពស់នៅ Man United បន្ទាប់ពីក្លឹបបានយកឈ្នះ 3-0 លើក្រុម Leicester ក្នុងការប្រកួតចុងក្រោយរបស់គាត់។

វាហាក់បីដូចជាមិនអាចទៅរួចទេសម្រាប់គូនេះក្នុងការជួបគ្នាដោយផ្ទាល់ ខណៈដែល Van Nistelrooy ត្រូវបានគេជឿថាបានចាកចេញពី Carrington នៅពាក់កណ្តាលថ្ងៃត្រង់ ខណៈដែល Amorim បានមកដល់ត្រឹមតែប៉ុន្មានម៉ោងបន្ទាប់ពី – នៅម៉ោងប្រហែល 13:45 GMT ជាមួយនឹងបុគ្គលិកភាគច្រើនរបស់គាត់មកពី Sporting Lisbon ជាមួយគាត់។ – Carlos Fernandes, Adelio Candido, Paulo Barreira, Emanuel Ferro និង Jorge Vital ។

អ្នកចាំទីក្លិបបិសាចក្រហម Andre Onana បាន​លើក​ឡើង​ថា នៅពេល​ដែល​ដឹកនាំ​មិនអាច​ឈ្នះការប្រកួតឱ្យ​បាន​ច្រើ​ន និង​គ្រប់​គ្រាន់ វាជារឿងធម្មតា​ទេ ដែល​គ្រូបង្វឹក​ត្រូវចាកចេញ។

Andre Onana បានពន្យល់នៅក្នុងសន្និសីទសារព័ត៌មានមុនការប្រកួតជាមួយ PAOK FC

Andre Onana បានពន្យល់នៅក្នុងសន្និសីទសារព័ត៌មានមុនការប្រកួតជាមួយ PAOK FC ថា ៖«នៅពេលដែលខ្ញុំលឺគាត់ [Erik ten Hag] នឹងចាកចេញ ខ្ញុំមានអារម្មណ៍មិនល្អនោះទេ» ។

«វាមិនតែងតែជារឿងងាយស្រួលសម្រាប់កីឡាករក្នុងការយល់ នៅពេលដែលអ្នកចាត់​ការ ចាកចេញ។ ប៉ុន្តែនៅចុងបញ្ចប់ ក្លិបត្រូវធ្វើការសម្រេចចិត្ត ហើយយើងត្រូវតែធ្វើតាម»។

បន្ទាប់មក Onana បានឆ្លុះបញ្ចាំងពីការគ្រប់គ្រងក្លិប Manchester United ពីសំណាក់លោក Ten Hag ថា៖«ខ្ញុំបានធ្វើការជាមួយគាត់ គាត់ជាអ្នកចាត់ការដ៏ល្អ ខ្ញុំមានទំនាក់ទំនងល្អជាមួយគាត់។ ហេតុអ្វីបានជាអ្វីៗមិនដំណើរការនៅទីនេះ? យើងមិនបានឈ្នះការ​ប្រកួតគ្រប់គ្រាន់ទេ! វាសាមញ្ញទេ»។

Andre Onana មានទំនាក់ទំនងល្អជាមួយលោក Ten Hag

«នៅកម្រិតខ្ពស់ វាមិនងាយស្រួលទេ ហើយពេលខ្លះអ្នកត្រូវលះបង់។ ជាអកុសល អ្នកដែលត្រង់ចេញគឺជាគាត់។ កីឡាករ​បាន​ផ្តល់​អ្វី​ៗគ្រប់​យ៉ាង យើង​ខិត​ខំ​ប្រឹង​ប្រែង​អស់​ពី​សមត្ថភាព ប៉ុន្តែ​វា​មិន​បាន​ផល​សោះ»។

(English) Neymar បានរងរបួសសរសៃពួរក្នុងការបង្ហាញខ្លួនជាលើកទីពីររបស់គាត់សម្រាប់ក្រុម Al Hilal បន្ទាប់ពីរងរបួស ACL ដែលបានធ្វើឱ្យគាត់អវត្តមានអស់រយៈពេលមួយឆ្នាំ។

របួសថ្មីរបស់ Neymar គឺជាបញ្ហាសរសៃពួរ មិនមែនជង្គង់របស់គាត់ដូចដែលក្លិបរបស់គាត់បញ្ជាក់នោះទេ។ ប៉ុន្តែគាត់នឹងត្រូវ​នៅក្រៅទីលានយ៉ាងហោចណាស់មួយខែ។

Al Hilal បានសរសេរនៅលើ Twitter ផ្លូវការរបស់ពួកគេថា៖ “គាត់ [Neymar] នឹងទទួលការព្យាបាល និងទទួលបានកម្មវិធីស្តារនីតិសម្បទាដែលនឹងមានរយៈពេលពី 4 ទៅ 6 សប្តាហ៍” ។

Neymar លេងបានតែ 7 ប្រកួតប៉ុណ្ណោះចាប់តាំងពីចុះកុងត្រាជាមួយ Al Hilal ក្នុងឆ្នាំ 2023 ក្នុងតម្លៃ 90 លានអឺរ៉ូពី PSG ។

(English) Manchester City រង​ការ​ប៉ះ​ទង្គិច​យ៉ាង​ខ្លាំង​ក្នុង​ក្រប​ខ័ណ្ឌ Champions League ខណៈ​ដែល​ពួក​គេ​បាន​ចាញ់​ក្រុម Sporting CP 4-1។

នេះគឺជាការបរាជ័យលើកទីបីសម្រាប់ Man City ក្នុងចន្លោះពេលមួយសប្តាហ៍៖ ពីមុនពួកគេត្រូវបានធ្លាក់ចេញពីពានរង្វាន់ Carabao Cup ដោយ Tottenham ហើយបន្ទាប់មកក្រុម Bournemouth បាន​ផ្ដួលពួកគេក្នុងក្របខ័ណ្ឌ Premier League ជាមួយនឹងពិន្ទុដូចគ្នា 2-1 ។

យោងតាម ​​Whoscored នេះជាលើកទីមួយហើយដែលក្រុមរបស់លោក Pep Guardiola ចាញ់ការប្រកួតចំនួនបីជាប់ៗគ្នាចាប់តាំងពីខែមេសា ឆ្នាំ 2018។ អ្នកចាត់ការទូទៅរបស់ Man City បានឈានចូលដល់ឆ្នាំចុងក្រោយនៃកិច្ចសន្យារបស់គាត់ ហើយមានឱកាសខ្លាំងដែលគាត់នឹងចាកចេញពីក្លិបនៅចុងបញ្ចប់នៃរដូវកាលនេះ។

(English) លោក Ruben Amorim ដែលជាគ្រូបង្វឹករបស់ក្លិប Man United បានបើកចំហរអំពីទម្រង់លេងដែលគាត់ពេញចិត្ត មុនពេលការប្រកួតរបស់ Sporting CP ទល់នឹង Man City ។

គាត់បានប្រាប់ TNT Sport ថា៖ «ដូចដែលខ្ញុំបាននិយាយអញ្ចឹង ខ្ញុំបារម្ភកីឡាកររបស់ខ្ញុំ។ខ្ញុំចង់ឱ្យពួកគេមានអារម្មណ៍ស្រួលក្នុងការលេងបាល់ទាត់ដើម្បីឈ្នះការប្រកួត ជាជាងបង្ហាញអ្វីមួយទៅកាន់អ្នកគាំទ្រអង់គ្លេស និងប្រព័ន្ធផ្សព្វផ្សាយអង់គ្លេស។ ការផ្តោតអារម្មណ៍របស់ខ្ញុំគឺទៅលើកីឡាកររបស់ខ្ញុំនៅទីនេះច្រើនជាង»។

«ខ្ញុំ​គិត​ថា​យើង​មាន​ទេព​កោសល្យ​ក្នុង​ការ​លេង​ឱ្យ​បាន​ល្អ ប៉ុន្តែ​ពួក​គេ​ត្រូវ​តែ​មាន​អារម្មណ៍​សុខ​ស្រួល ដូច្នេះ​នោះ​គឺ​ជា​ការ​ផ្តោត​អារម្មណ៍​របស់​ខ្ញុំ។ ខ្ញុំ​យល់​ថា​នឹង​មាន​មនុស្ស​ជា​ច្រើន​វិនិច្ឆ័យ​ក្រុម​របស់​ខ្ញុំ និង​វិនិច្ឆ័យ​ការងារ​របស់​ខ្ញុំ​ក្នុង​ការ​ប្រកួត​តែ​មួយ​ប៉ុណ្ណោះ»។

«ខ្ញុំដឹងរឿងនោះ ប៉ុន្តែខ្ញុំមិនបានគិតអំពីវាទេ។ ខ្ញុំគ្រាន់តែផ្តោតទៅលើកីឡាកររបស់ខ្ញុំ និងគុណភាពក្រុម។ ពិតណាស់ ខ្ញុំចង់បានក្រុមដែលអាចគ្រប់គ្រងបាល់ដោយមិនខ្លាច ប៉ុន្តែយើងនឹងឃើញនៅថ្ងៃស្អែក»។

Amorim ចូលចិត្តលេងជាមួយនឹងទម្រង់ 3-4-3 ហើយអ្នកគាំទ្រ Man United អាចនឹងយល់ឃើញពីទស្សនៈរបស់គាត់នៅក្នុងការប្រកួត Champions League នាពេលខាងមុខ។

(English) លោក Carlo Ancelotti បានកំណត់មូលហេតុមួយដែល Real Madrid ធ្វើមិនបានល្អ ហើយឈ្មោះរបស់គាត់នោះគឺ Kylian Mbappé។Mbappé មិនខិតខំប្រឹងប្រែងចុះមកជួយការពារទេ ហើយវាកំពុងជះឥទ្ធិពលដល់តុល្យភាពរបស់ក្រុមទាំងមូល។

ក្នុងការ​ប្រកួតដែលគាត់​គិត​តែប្រយុទ្ធ ហើយ​មកចុះមកជួយការពារ បានបង្ខំឱ្យមិត្តរួមក្រុមផ្សេងទៀតខិតខំប្រឹងប្រែងជួយបិទកន្លែងគាត់ និងធ្វើឱ្យខូចវិធីសាស្រ្តទាំងមូលក្នុងការសង្គ្រោះបាល់។ Jude Bellingham គឺជាកីឡាករ​ម្នាក់ដែល​បរាជ័យជាងគេដោយ​សារ អតុល្យភាពក្នុងក្រុមមួយនេះ។

Real Madrid មានទំនុកចិត្តលើ Mbappé ប៉ុន្តែរំពឹងថាគាត់នឹងរិះគន់ខ្លួនឯង និងយល់ថាគាត់មានសារៈសំខាន់ក្នុងការប្រយុទ្ធដូចនៅក្នុងការការពារផងដែរ។