ព័ត៌មានកីឡាជាតិ
ដូចដែលប្រិយមិត្តបានដឹងរួចមកហើយថា ក្លិបអង្គរថាយហ្គឺរបានប្រកាសតែងតាំងគ្រូបង្វឹកថ្មីលោក Alistair Heath ហើយក្រុមមានមូលដ្ឋាននៅខេត្តសៀមរាបមួយនេះ ក៏បានធ្វើការហ្វឹកហាត់ជាច្រើនថ្ងៃមកហើយដែរតាំងពីប្រកាសផ្លូវការដំបូង។
បន្ទាប់ពីទទួលបានការហ្វឹកហាត់ក្រោមការដឹកនាំរបស់គ្រូបង្វឹកសញ្ជាតិអង់គ្លេសរូបនេះ ខ្សែការពារស្រាំង ទិត្យឈីបានបង្ហាញថា រូបគេទទួលបានយុទ្ធសាស្រ្តថ្មី របៀបលេងថ្មីពីគ្រូបង្វឹករូបនេះ។
និយាយអំពីផលវិបាក ដែលកីឡាករចាស់ៗ ចាកចេញ ដែលមានដូចជា ឡុង ភារ៉ាត់ ទៅព្រះខ័នរាជស្វាយរៀង ឈង់ ប៊ុនណាតទៅវិសាខាហើយ សឿត បារាំងត្រឡប់មកភ្នំពេញក្រោនវិញទៀតនោះ ទិត្យឈី ក៏បានបន្ថែមទៀតថា៖
«ការចាកចេញរបស់ប៊ុនណាត បារាំង និងកីឡាករមួយចំនួនទៀត ពិតជាផ្ដល់ផលលំបាកដល់យើង ព្រោះពួកគាត់សុទ្ធតែជាកីឡាករល្អៗ ប៉ុន្តែទន្ទឹមនិងនេះយើងត្រូវត្រៀមខ្លួន យើងត្រូវប្រឹងប្រែងឱ្យដើម្បីរដូវកាលថ្មីជិតមកដល់នេះ»
ក្លិបបឹងកេត និងក្លិបអង្គរថាយហ្គឺបានប្រកាសពីយល់ព្រមលើលក្ខខ័ណ្ឌខ្ចីជើងខ្សែការពារវ័យក្មេង ស៊ុំ សាន់ត្រូវទៅលេងនៅទឹកដីខេត្ត សៀម រាបក្នុងរយៈពេល១ឆ្នាំ។
ក្លិបទាំងពីសុទ្ធតែបានប្រកាសព័ត៌មាននេះរៀងៗខ្លួន។ ក្លិបសាមីកីឡាករ បឹងកេត បានសរសេរថា៖ ក្លិបបាល់ទាត់បឹងកេត សូមធ្វើការប្រកាសថា ខ្សែការពារ ស៊ុំ សាន់ ត្រូវបានផ្លាស់ទៅកាន់ក្លិបបាល់ទាត់អង្គរថាយហ្គឺរ ក្នុងលក្ខខណ្ឌខ្ចីជើង រយៈពេល ០១រដូវកាល” ។
ហើយក្លិបមានមូលដ្ឋាននៅខេត្តសៀមរាបក៏បានសរសេរដែរថា៖ “ក្លិបបាល់ទាត់ អង្គរថាយហ្គឺរ សូមប្រកាសដំណឹងជូនថា ក្លិប បានឈានដល់កិច្ចព្រមព្រៀងក្នុងការផ្ទេរកីឡាករ ស៊ុំ សាន់ ពីក្លិបបាល់ទាត់បឹងកេត មកចូលរួមជាមួយក្រុម ក្នុងកិច្ចសន្យារយៈពេលមួយរដូវកាល”។
ស៊ុំ សាន់គឺជាកីឡាករមានប្រភពពីខេត្តសៀម រាបបានមកចូលរួមហ្វឹកហាត់ក្នុងឈុតយុវជនរបស់បឹងកេត ហើយក៏បានបង្ហាញខ្លួនក្នុងឈុតធំរបស់ក្លិបជើងឯកពានលីគកំពូលកម្ពុជា៤សម័យកាលមួយនេះនៅពានរង្វាន់ លីគកំពូលកម្ពុជា និងសម្ដេចហ៊ុន សែនកាលពីរដូវកាលមុនផងដែរ៕
ព័ត៌មានកីឡាអន្តរជាតិ
លោក Joan Laporta ដែលជាប្រធានក្លិបរបស់ Barcelona បានសន្យថា ក្លិបអ្នកមានបុណ្យនឹងដាក់សំណើរទៅកាន់ Borussia Dortmund ដើម្បីនាំយកកីឡាករ Erling Haaland មករួមក្រុមនារដូវកាលក្រោយ។
នាពេលថ្មីៗនេះ Barcelona ទើបតែបានប្រកាសជាផ្លូវការអំពីការចុះហត្ថលេខានាំយកខ្សែប្រយុទ្ធ Ferran Torres ក្នុងតម្លៃ៦៥លានអឺរ៉ូ ស្រាប់តែពេលនេះ ក្លិបគ្រោងនឹងចំណាយលុយបន្ថែមទៀតដើម្បីទិញយក Haaland មកពង្រឹងតំបន់ប្រយុទ្ធបន្ថែមសម្រាប់រដូវកាលក្រោយ។
លោក Laporta បាននិយាយយ៉ាងខ្លីថា៖
«ខ្ញុំនឹងចុះហត្ថលេខាទិញយក Haaland នារដូវកាលក្រោយ៕»
-ប្រភព៖ Marca
លោក Rio Ferdinand ដែលជាអតីតកីឡាករ Manchester United បានចុចឈ្មោះកីឡាករ៥រូប ដែលបង្ហាញទម្រង់លេងល្អទាល់តែសោះ ឲ្យក្រុមបិសាចក្រហមនៅក្នុងរដូវកាលនេះ។
កីឡាករទាំង៥រូបនោះរួមមាន Jadon Sancho, Marcus Rashford, Edinson Cavani, Aaron Wan-Bissaka និង Harry Maguire ដែលលោកមើលឃើញ ថា កីឡាករទាំងអស់នេះហាក់បាត់បង់ទំនុកចិត្តលើខ្លួនឯង។
លោក Ferdinand បាននិយាយថា៖
«Man Utd ត្រូវមានការកែលម្អបញ្ហាជាច្រើនទាំងប្រព័ន្ធលេងដែលមិនស័ក្តិសមជាមួយទម្រង់លេងកីឡាករ និង បុគ្គលផ្ទាល់។ ពួកយើងនៅមិនទាន់ឃើញទម្រង់លេងរបស់ Sancho កាលលេងនៅ Dortmund នៅឡើយ Rashford មើលទៅដូចជាស្រមោលនៃអតីតកាលខ្លួនឯង Cavani នៅមិនទាន់លះ Bissaka ត្រូវបានគេធ្វើឲ្យបាត់បង់ទំនុកចិត្ត និង Maguire កំពុងខ្វះទំនុកចិត្តលើខ្លួនឯង៕»
-ប្រភព៖ Sportskeeda
លោក Mauricio Pochettino ដែលជាគ្រូបង្វឹករបស់ Paris Saint Germain បានសារភាព ថា លោកពុំដឹងច្បាស់នោះទេអំពីពេលវេលាជាក់ស្តែងដែល Lionel Messi អាចវិលត្រឡប់មកកាន់ទីលានប្រកួតវិញ។
?| Leo Messi has tested positive for COVID-19. We wish you a speedy recovery Legend. pic.twitter.com/O3FGKgomSh — BarçaTimes (@BarcaTimes) January 2, 2022
?| Leo Messi has tested positive for COVID-19. We wish you a speedy recovery Legend. pic.twitter.com/O3FGKgomSh
— BarçaTimes (@BarcaTimes) January 2, 2022
នាពេលថ្មីៗនេះ កីឡាករវ័យ៣៤ឆ្នាំខាងលើ បានធ្វើតេស្តមានវិជ្ជមានមេរោគកូវីដ-១៩ ហើយ ចំពោះបញ្ហានេះវាក៏បានប៉ះពាល់ទៅដល់សមាជិកនៅក្នុងក្រុម៥រូបទៀតដែលមានវិជ្ជមានដូចគ្នា ដោយ អ្នកទាំងនោះកំពុងត្រូវបានដាក់ឲ្យនៅដោយឡែក។
លោក Pochettino បាននិយាយថា៖”ពួកយើងមិនមានព័ត៍មានអ្វីឡើយពី Messi ក្នុងខណៈពេលនេះ។ សម្រាប់ការប្រកួតទល់នឹង Lyon ថ្ងៃអាទិត្យនេះ ខ្ញុំមិនដឹងថា គាត់នឹងមានវត្តមានឬអត់ទេ។ ពួកយើងនឹងបន្តការហ្វឹកហាត់រៀងរាល់ថ្ងៃ និង រង់ចាំមើលបន្តទៀត។ តើកីឡាករដែលមានវិជ្ជមានកូវីដ-១៩ ទាំងប្រាំនាក់អាចមានវត្តមានទេ? ខ្ញុំមិនដឹងឡើយ ពីព្រោះស្ថានការណ៍តែងតែផ្លាស់ប្តូរ អ្នកអាចវិជ្ជមាននៅថ្ងៃនេះ និង អវិជ្ជមាននៅថ្ងៃស្អែក”៕
កីឡាករ Romelu Lukaku បានចេញមុខមកសុំទោស អ្នកគាំទ្ររបស់ Chelsea មិត្តរួមក្រុម និង លោក Thomas Tuchel ចំពោះការបញ្ចេញមតិដែលរូបគេបាននិយាយកាលពីប៉ុន្មានថ្ងៃមុន។
កីឡាករសញ្ជាតិប៊ែលហ្សិកខាងលើ បានបង្ហាញពីអារម្មណ៍មិនសប្បាយចិត្តចំពោះប្រព័ន្ធលេងរបស់គេក្រោមការដឹកនាំរបស់លោក Tuchel និង បាននិយាយអំពីលទ្ធភាពដែលគេអាចនឹងផ្លាស់ទៅកាន់ Inter Milan វិញនាថ្ងៃអនាគត ទាំង បច្ចុប្បន្នគេជាកីឡាកររបស់ Chelsea។
យ៉ាងណាក្តី នៅពេលនេះ Lukaku បាននិយាយពាក្យសុំទោសរួចរាល់ហើយកំពុងកំហុសឆ្គងដែលខ្លួនបានបង្កឡើយ ហើយ លោក Tuchel ក៏មានគម្រោងដើម្បីបញ្ចូលឈ្មោះគេនៅក្នុងក្រុមត្រៀមសម្រាប់ជំនួបទល់នឹង Tottenham ក្នុងពានរង្វាន់ EFL Cup រាត្រីនេះផងដែរ ក្រោយខកខានក្នុងការប្រកួតទល់នឹង Liverpool កាលពីថ្ងៃអាទិត្យកន្លងទៅ។
Lukaku បាននិយាយថា៖”ខ្ញុំសុំទោសទៅកាន់អ្នកគាំទ្រចំពោះរឿងមិនល្អដែលខ្ញុំបានបង្កឡើង។ ខ្ញុំដឹងច្បាស់ ថា ហេតុអ្វីបានជាអ្នករាល់គ្នាមិនសប្បាយចិត្ត ហើយ ខ្ញុំនឹងបង្ហាញការតាំងចិត្តរបស់ខ្ញុំជាមួយក្រុម។ ខ្ញុំក៏សូមអភ័យទោសទៅកាន់ អ្នកចាត់ការក្រុម ថ្នាក់លើ និង មិត្តរួមក្រុមផងដែរ”៕
អគ្គលេខាធិការសមាគមបាល់ទាត់ម៉ាឡេស៊ី (FAM) លោក Mohd Saifuddin Abu Bakar បាននិយាយថា ការស្ទង់មតិដោយស្ថាប័នគ្រប់គ្រងបាល់ទាត់ពិភពលោក FIFA បានរកឃើញថា កីឡាករបាល់ទាត់នៅក្នុងប្រទេសម៉ាឡេស៊ីលេងការប្រកួតមិនបានគ្រប់គ្រាន់ក្នុងកម្រិតក្នុងស្រុកនោះទេ។
Perak’s Danish Haziq Shamsuddin tussles for the ball with JDT’s Bergson.
ដើម្បីជម្នះបញ្ហានោះ លោកបាននិយាយថា Fifa បានផ្តល់អនុសាសន៍ថា លីគម៉ាឡេស៊ី (M-League) ដែលពាក់ព័ន្ធនឹង Super League និង Premier League ត្រូវបានពង្រីកបន្ថែមដើម្បីផ្តល់ការប្រកួតបន្ថែមទៀតសម្រាប់កីឡាករ។ លោកបានបន្ថែមថា៖
“Fifa ក៏បានណែនាំផងដែរ ឱ្យធ្វើការប្រកួតលីគលើសពីបីជុំ ដោយក្រុមត្រូវប្រកួតគ្នាបីដង បើធៀបនឹងពីរដងក្រោមរូបមន្តបច្ចុប្បន្ន”។
“ឧទាហរណ៍ ឧបមាថា Kelantan បានប្រកួតពីរដងជាមួយក្រុម Selangor ក្រុមទាំងពីរនឹងជួបគ្នាមួយលើកទៀត ហើយយើងនឹងសម្រេចចិត្តថាអ្នកណានឹងក្លាយជាម្ចាស់ផ្ទះ (សម្រាប់កាជួបគ្នាលើកទីបី)”។
លីគកំពូលម៉ាឡេស៊ី និងក្របខ័ណ្ឌទី Premier League ដែលជាក្របខ័ណ្ឌទី២ បច្ចុប្បន្នមានក្រុមចំនួន 12 ហើយក្រុមនីមួយៗលេងសរុប 22 ប្រកួតក្នុងមួយរដូវកាល បើទោះបីជាក្រុមខ្លះបញ្ចប់ការប្រកួតបន្ថែមទៀត ប្រសិនបើពួកគេមានលក្ខណៈគ្រប់គ្រាន់សម្រាប់ការប្រកួត Malaysia Cup ។ នៅកម្រិតអាស៊ីអាគ្នេយ៍ ក្រុមក្នុងលីគឥណ្ឌូណេស៊ីលេងសរុប ៣៤ ប្រកួត ខណៈលីគនៅថៃ និងវៀតណាមមាន ៣០ និង ២៦ ប្រកួត។
ប្រភព៖ Bernama
លោក Paul Ince ដែលជាអតីតកីឡាករជម្រើសជាតិអង់គ្លេស បានលើកឡើងថា លោក Ralf Rangnick គួរតែផ្តល់ស្លាកប្រធានក្រុមទៅកាន់ Scott McTominay ជា អ្នករ៉ាប់រងជាជាងផ្តល់ទៅកាន់ Cristiano Ronaldo។
ក្រោយអវត្តមានខ្សែការពារ Harry Maguire យប់មិញនេះក្នុងការប្រកួតទល់នឹង Wolves គឺ លោក Rangnick បានសម្រេចផ្តល់ស្លាកប្រធានក្រុមទៅកាន់ Ronaldo ជា អ្នករ៉ាប់រងជំនួស។ យ៉ាងណាក្តី លោក Ince បានបង្ហាញការយល់ឃើញថា ប្រធានក្រុមគួរតែផ្តល់ទៅកាន់កីឡាករដែលបង្ហាញទម្រង់លេងបានល្អនៅលើទីលានទើបជារឿងប្រសើរ។
? “I would give it to McTominay. Why give it to Ronaldo? Everyone moaning about Ronaldo walking off the pitch every time United get beat.” Jamie Redknapp and Paul Ince discuss the Manchester United captaincy being given to Cristiano Ronaldo pic.twitter.com/Ijg7UVAMDh — Football Daily (@footballdaily) January 3, 2022
? “I would give it to McTominay. Why give it to Ronaldo? Everyone moaning about Ronaldo walking off the pitch every time United get beat.”
Jamie Redknapp and Paul Ince discuss the Manchester United captaincy being given to Cristiano Ronaldo pic.twitter.com/Ijg7UVAMDh
— Football Daily (@footballdaily) January 3, 2022
លោក Ince បាននិយាយថា៖”ប្រសិនបើខ្ញុំជាលោក Rangnick ខ្ញុំនឹងផ្តល់តំណែងប្រធានក្រុមទៅកាន់ McTominay ពីព្រោះខ្ញុំគិតថាប្រធានក្រុមគួរតែផ្តល់ទៅលើអ្នកដែលបង្ហាញការលេងបានល្អនៅលើទីលាន។ ហេតុអ្វីផ្តល់ឲ្យ Ronaldo ទាំងគ្រប់គ្នាកំពុងមិនសប្បយចិត្តជាមួយនឹងអាកប្បកិរិយារបស់គេដើរចេញពីទីលានមិនទះដៃឲ្យអ្នកគាំទ្រ។ អ្វីដែលគាត់ McTominay កំពុងតែធ្វើ អ្នកគួរតែផ្តល់តំណែងនេះឲ្យទៅគាត់”៕
March 19, 2008: Ronaldo captains Manchester United for the first time January 3, 2022: Ronaldo captains Manchester United for the second time pic.twitter.com/pOyycf4uDN — B/R Football (@brfootball) January 3, 2022
March 19, 2008: Ronaldo captains Manchester United for the first time
January 3, 2022: Ronaldo captains Manchester United for the second time pic.twitter.com/pOyycf4uDN
— B/R Football (@brfootball) January 3, 2022
លោក Rio Ferdinand ដែលជាអតីតកីឡាកររបស់ Manchester United បានកោតសរសើរចំពោះការបង្ហាញទម្រង់លេងដ៏ល្អរបស់ខ្សែការពារ Phil Jones ក្នុងការប្រកួតទល់នឹង Wolves យប់មិញ។
Jones បានចាប់ផ្តើមការប្រកួតក្នុងនាមជាកីឡាករជម្រើសដំបូងក្នុងរយៈពេល២ឆ្នាំ ខណៈ រូបគេត្រូវបានគេមើលឃើញថាបង្ហាញទម្រង់លេងល្អមែនទែនទោះបីជាក្រុមចាញ់ Wolves ក្នុងលទ្ធផល ១ទល់នឹង០ ក៏ដោយ។
លោក Ferdinand បាននិយាយថា៖” គេបានដាក់ឲ្យ Jones លេងអាចជាការទាក់ទាញក្លិបផ្សេងៗសម្រាប់ទីផ្សារដោះដូរកីឡាករ ប៉ុន្តែ ប្រសិនបើគាត់លេងល្អ អ្នកចាត់ការក្រុមអាចនឹងប្តូរចិត្ត។ គាត់លេងបានល្អមែនទែន ទោះបីជាខកខានការប្រកួតក្នុងក្របខណ្ឌ Premier League អស់រយៈពេលយូរក៏ដោយ។ ខ្ញុំរីករាយដែលគាត់បញ្ចប់ការប្រកួតដោយគ្មានបញ្ហារបួសកើតឡើង”៕
