«ការ​ទទួលខុស​ត្រូវ​ធំបំផុតរបស់​គ្រូបង្គោល​គឺ​ពាក់ព័ន្ធ​ទៅ​នឹង​ការ​ដឹកនាំ​ការ​ប្រកួត​និង​លទ្ធផល​នៃ​ការ​ប្រកួត»នេះ​ជា​គឺ​ជាការ​បកស្រាយរបស់​លោក ភា សុភ័ត្រា​អតីតគ្រូបង្វឹកក្រុម​ក្រសួងការពារ​ជាតិ គ្រូជំនួយ​ជម្រើស​ជាតិ​កម្ពុជាបច្ចុប្បន្ន​ ខណៈដែលលោក​បាន​លើក​ឡើង​ពី​ភាព​ខុស​គ្នារវាងគ្រូជំនួយ​និង​គ្រូបង្គោល។

«ជាទូទៅ! គ្រូជំនួយក៏មិនប្រាកដធ្វើ​ការ​ដូចៗគ្នា​នោះ​ដែរ ដោយ​អាច​មាន​ដូចជា ក្រុមការងារ​គ្រូ គ្រូផ្នែកកម្លាំង គ្រូកាយសម្បទា គ្រូផ្នែកគុណផលលេង( Performance Coach) ហើយខ្លះ​ទៀត​ធ្វើ​ការ​ងារ​លើ​ផ្នែក តាកទិក កលល្បិច ការ​ប្រយុទ្ធ ការពារ អ្នក​ចាំទីអីអញ្ចឹង​ទៅ។ តួនាទី​ទាំងអស់​នេះ! អាច​មានការ​បែងចែកពៅគ្រូបង្គោល។ បើ​និយាយពី​គ្រូជំនួយ ទី​មួយ៖ គាត់​អាចផ្ដល់ និង​ប្រឹក្សាយោបល់ ទីពីរ៖ ​អាច​ជាអ្នក​រៀបចំផែនការឆ្លងទៅដល់​គ្រូបង្គោល។ អញ្ចឹង​គ្រូជំនួយ​អាច​មាន​ការ​បត់បែនតាម​ការរៀបចំរបស់​គ្រូបង្គោល”។

«គ្រូបង្គោលមាន​តួនាទី​រៀប​ចំ​ផែនការការងាររួម ហើយជាអ្នក​តាមដាន​ និងផ្ដល់ការងារ​ដែល​រៀប​ចំ​ហើយ​ទៅឱ្យក្រុមគ្រូជំនួយរបស់​គាត់”។

ទោះ​បី​ជាយ៉ាងណាក្ដី! តួនាទីគ្រូបង្គោល និងជំនួយការនេះ​អាច​មាន​ភាព​ខុសប្លែកគ្នាទៅ​តាម​ការកម្រិតការងារ របស់​ក្លិប ឬ​ជម្រើស​ជាតិ​នីមួយៗ និង​មាន​ភាពស្មុញស្មាញនៅ​ពេលខ្លះ។ លោក ភា សុភ័ត្រា​គឺ​ជា​គ្រូបង្វឹក​ម្នាក់​ដេល​មាន​បទពិសោធន៍​ច្រើន​ទាំង​ការងារបង្វឹក គ្រូជំនួយ ផ្នែកយុវជន អ្នក​វិភាគកីឡា ពិធីករអត្ថធិប្បាយបាល់ទាត់ ក្នុងពិភពបាល់​ទាត់​កម្ពុជា ហើយ​បច្ចុប្បន្ន​លោក​ជា​គ្រូជំនួយជម្រើស​ជាតិ​កម្ពុជាឈុត​ធំ ឈុត​U23 ដែល​នឹង​ត្រូវ​ប្រកួត​ប្រជែងក្នុងពានរង្វាន់ AFF U23 Championship 2022 នៅ​ក្នុង​ប្រទេស​កម្ពុជា៕

កីឡាករឆ្នើមរបស់ក្លិប ISI ដង្កោសែនជ័យ នៃក្របខណ្ឌលីគទី២ គឺខ្សែបម្រើ អ៊ុន សុទ្ធរិទ្ធ បានបង្ហាញពីចំណាប់អារម្មណ៍របស់ខ្លួន បន្ទាប់ពីសហព័ន្ធកីឡាបាល់ទាត់កម្ពុជា សម្រេចផ្លាស់ប្តូររូបមន្តលីគបាល់ទាត់ ដោយកាត់ក្លិបចំនួន៥ (ក្លិបនគរបាលជាតិ, ក្លិបខេត្តព្រៃវែង, ក្លិបអគ្គិសនីកម្ពុជា, ក្លិបអាស៊ីអឺរ៉ុបយូណាធីត និងសូលទីឡូអង្គរ) ពីលីគកំពូល មកចូលរួមជាមួយលីគទី២ រដូវកាល២០២២ ខាងមុខនេះ។

ផ្តល់កិច្ចសម្ភាសន៍ជាមួយអ្នកយកព័ត៌មាន B8-sport.com ខ្សែបម្រើពាក់អាវស្លាកលេខ៨ មានវ័យ២២ឆ្នាំរូបនេះ បានបញ្ជាក់ថា៖ «សម្រាប់ខ្លួនខ្ញុំផ្ទាល់ វាហាក់ដូចជាចម្លែកក្នុងចិត្តដែរ ក្រោយទទួលបានដំណឹងពីក្រុមហ៊ុនលីគបានប្រកាសជាផ្លូវការ ជុំវិញសេចក្តីសម្រេចរូបមន្តថ្មីនាពេលកន្លងមក។ វារឿងល្អ ដែលមានក្រុមមកពីលីគកំពូលកម្ពុជា ចូលរួមក្នុងលីគទី២។ ទាំងខ្ញុំ និងក្លិប ISI ដង្កោសែនជ័យ នឹងអាចទទួលយកអ្វីដែលថ្មី ជាពិសេសគឺការស្វែងយល់ពិសោធន៍ពីពួកគេ ខណៈដែលកន្លងមកយើងលេងទល់នឹងក្រុមក្នុងកម្រិតលីគទី២»។

អតីតយុវជនក្លិបព្រះខ័នរាជស្វាយរៀងរូបនេះ បន្ថែមទៀតថា៖ «ទោះបីជាមានកីឡាករមួយចំនួនបានចាកចេញក៏ដោយ ខ្ញុំនៅតែជឿជាក់លើយុទ្ធសាស្ត្រ ក៏ដូចជាគម្រោងថ្មី ក្នុងរដូវកាល២០២២ របស់ថ្នាក់ដឹកនាំរបស់ក្លិប ដែលបានស្វះស្វែងរកកីឡាករថ្មីៗ សំបូរទៅដោយបទពិសោធន៍ ដើម្បីយកមកពង្រឹងក្រុម។ ចំណែកឯរឿងមួយទៀត គឺកីឡាករដែលនៅសេសសល់សុទ្ធតែយល់ចិត្តគ្នាបានល្អរួចមកហើយ ដូច្នេះខ្ញុំជឿជាក់ថា ពួកយើងនឹងឆាប់យល់ចិត្តគ្នាជាមួយកីឡាករថ្មីនៅទីលាន ហើយនៅតែមានក្តីរំពឹងថាក្លិប ISI ដង្កោសែនជ័យ មានកម្រិតប្រជែងខ្ពស់ មិនចាញ់ក្រុមដ៏ទៃឡើយ»។

ខ្សែបម្រើ អ៊ុន សុទ្ធរិទ្ធ ផ្ទេរមកកាន់ក្លិប ISI ដង្កោសែនជ័យ នៅចុងឆ្នាំ២០១៩ ក្នុងលក្ខខណ្ឌខ្ចីជើងពីក្លិបព្រះខ័នរាជស្វាយរៀង ក្រោយបង្ហាញខ្លួនជាមួយទម្រង់លេងគួរឲ្យចាប់អារម្មណ៍ បានធ្វើឲ្យក្លិប ISI ដង្កោសែនជ័យ ឈានដល់ព្រមព្រៀងចុះកុងត្រាជាផ្លុវការ នាំយករូបគេមកពង្រឹងក្រុមរហូតដល់បច្ចុប្បន្ន។

ខ្សែប្រយុទ្ធ Karim Benzema បានលើកឡើងថា អ្នកដែលរិះគន់កីឡាករ Lionel Messi គឺ សុទ្ធតែមិនយល់ពីកីឡាបាល់ទាត់។

កីឡាករសញ្ជាតិអាហ្សង់ទីនខាងលើ បានចាកចេញពី Barcelona ដើម្បីផ្លាស់មកកាន់ Paris Saint Germain កាលពីដើមរដូវកាល ប៉ុន្តែការដែលមកដល់ទឹកដីបារាំង គឺ រូបគេពុំទាន់អាចបង្ហាញទម្រង់លេងបានល្អនៅឡើយទេ និង តែងតែទទួលបាននូវពាក្យរិះគន់ពីសំណាក់មជ្ឈដ្ឋានជុំវិញ។

ទាក់ទងនឹងរឿងនេះ Benzema បាននិយាយថា៖«តើ Messi មិនអាចជោគជ័យយ៉ាងម៉េចទៅ? វាគ្រាន់តែជារយៈពេលនៃការសម្របខ្លួនប៉ុណ្ណោះ ពីព្រោះគាត់មិនបានស៊ុតបញ្ចូលទីច្រើន។ ប៉ុន្តែសូមមើលអ្វីដែលគាត់បានធ្វើនៅលើទីលាន។ ក្នុងករណីណាក៏ដោយ អ្នកមិនអាចរិះគន់កីឡាករបែបនេះបានទេ អ្នកដែលរិះគន់ Messi មិនដឹងអ្វីទាំងអស់អំពីបាល់ទាត់»៕

លោក Thomas Tuchel ដែលជាអ្នកចាត់ការរបស់ Chelsea បានសរសើរទម្រង់លេងរបស់កីឡាករ Hakim Ziyech និង Romelu Lukaku ក្នុងការប្រកួតទល់នឹង Tottenham។

កាលពីយប់មិញនេះ Chelsea បានយកឈ្នះ Spurs ជាលើកទី៣ ក្នុងរយៈពេល១៩ថ្ងៃ អរគុណទៅដល់ម្ចាស់គ្រាប់បាល់ Ziyech និង Thiago Silva ជួយក្រុមទទួលបានបីពិន្ទុ ក្នុងការប្រកួតក្របខណ្ឌ Premier League សប្តាហ៍ទី២៣។

លោក Tuchel បាននិយាយថា៖”នេះប្រហែលជាការប្រកួតល្អបំផុតរបស់ Ziyech ហើយ នេះជាទីតាំងលេងល្អបំផុតសម្រាប់គាត់។ ការស៊ុតបញ្ចូលទីរបស់គាត់ គឺ ពិតជាអស្ចារ្យ។ សម្រាប់ Lukaku វិញ គេពិតជាបង្ហាញការលេងបានល្អ។ គាត់ពិតជាអាចទុកចិត្តបាន និង បានខិតខំប្រឹងប្រែងយ៉ាងខ្លាំង។ វាជាការប្រកួតដ៏ល្អសម្រាប់គាត់”៕

លោក Brad Maloney គ្រូបង្វឹកក្រុមជម្រើសជាតិម៉ាឡេស៊ីអាយុក្រោម២៣ឆ្នាំបានកោះហៅកីឡាករ៣០​នាក់ភាគច្រើនជាកីឡាករថ្មី មុនការប្រកួតរបស់ក្រុមសម្រាប់ពានរង្វាន់ AFF U23 Championship 2022 ដែលគ្រោងធ្វើឡើងនៅថ្ងៃទី ១៤-២៦ ខែកុម្ភៈ ឆ្នាំ២០២២ នៅប្រទេសកម្ពុជា។

ក្នុងចំណោមបញ្ជីកីឡាករចំនួន 30 នាក់ដែលបានកោះហៅមកហ្វឹកហាត់ ដែលនឹងចាប់ផ្តើមនៅថ្ងៃទី 27 ខែមករា ឆ្នាំ 2022 លោក Maloney បានជ្រើសរើសកីឡាករតែ 9 នាក់ប៉ុណ្ណោះពីក្រុមដែលបានលេងក្នុងវគ្គជម្រុះ AFC U23 នៅប្រទេសម៉ុងហ្គោលីកាលពីខែតុលាឆ្នាំមុន។

កីឡាករទាំង៩នាក់នោះមាន Umar Hakeem Suhar Rezwan, Shafi Azswad Sapari, Faiz Amer Runnizar, Fahmi Daniel Mohd Zaaim, Azhad Harraz Arman, Nur Azfar Fikri Azhar, Syed Nasrulhaq Syed Bidin, T. Saravanan និង Aiman ​​​Afi Afi។

កីឡាករផ្សេងទៀតដែលនៅសេសសល់ត្រូវបានហៅមកលើកនេះ រួមមានកីឡាករថ្មី ក៏ដូចជាកីឡាករមួយចំនួនដែលត្រូវបានហៅទៅជំរុំហ្វឹកហាត់កាលពីមុន រួមទាំង Wan Ahmad Kuzri Wan Ahmad Kamal ដែលមានមូលដ្ឋាននៅសហរដ្ឋអាមេរិក។

សម្រាប់ AFF U23 Championship 2022 ម៉ាឡេស៊ី ស្ថិតក្នុងពូល B ប៉ះ មីយ៉ាន់ម៉ា ឡាវ និងឥណ្ឌូនេស៊ី។ ពូល A មានកម្ពុជា ទីម័រខាងកើត ហ្វីលីពីន និងប្រ៊ុយណេ DS ខណៈពូល C មានថៃ វៀតណាម និងសិង្ហបុរី។

ខ្សែប្រយុទ្ធ Zlatan Ibrahimovic បានលើកឡើងថា រូបគេនឹងផ្លាស់ទៅចូលរួមជាមួយ Real Madrid ប្រសិនបើគេជា Kylian Mbappe។

កីឡាករសញ្ជាតិបារាំងខាងលើ ប៊ិះតែនឹងបានផ្លាស់ទៅកាន់ Real Madrid ហើយមុនពេលចាប់ផ្តើមរដូវកាល ប៉ុន្តែ បញ្ហាដែលរាំងស្ទះ នោះ គឺ Paris Saint Germain មិនព្រមលក់គេឡើយ ខណៈ កុងត្រារបស់គេនឹងអស់សុពលភាពនៅបញ្ចប់រដូវកាលនេះ។

Zlatan បាននិយាយថា៖”វាជារឿងពិត ថ្ងៃមួយ Mbappe បានសួរខ្ញុំ ហើយ ក៏ខ្ញុំក៏បានប្រាប់ទៅវិញ ថា ប្រសិនបើខ្ញុំជាគាត់ ខ្ញុំនឹងផ្លាស់ទៅកាន់ Real Madrid ហើយ។ ខ្ញុំមានឱកាសលេងឱ្យក្រុមផ្សេងៗគ្នានៅក្នុងប្រទេសផ្សេងៗគ្នា នោះហើយជារបៀបដែលខ្ញុំបានរៀន និង ធំធាត់ឡើង។ ការ លេង នៅ ក្នុងប្រទេសខ្លួនឯងពេញមួយអាជីពរបស់ អ្នក គឺ ងាយ ស្រួល”៕

សហព័ន្ធកីឡាបាល់​ទាត់​កម្ពុជាបាន​ប្រកាសថា​យុុវជនរបស់​សាលាបាល់​ទាត់​ជាតិ​បាទី​ចំនួន​៥នាក់​បាន​បញ្ចប់​ការ​សិក្សា និង​ហ្វឹកហាត់​ក្រោម​ការ​គ្រប់​គ្រងរបស់​សាលាបាល់​ទាត់​ជាតិ​បាទីហើយ បាន​អំពាវនា​វឱ្យនសមាគម ក្លិបបាល់​ទាត់​ដែឬលរ​លេង​នៅ Cambodian League និង​ លីគ​ទី​២​ទាំងអស់ មានបំណង​ចង់​ចុះកិច្ចសន្យារជាមួយពួក​គេអាច​ទាក់​ទង​បាន។

កីឡាករទាំង៥​នាក់​នោះ​គឺ កើត ពេជ, ហួត ដានីន, សៅ វឌ្ឍនា, យ៉ែម ពេជ្រមេសា និង​កីឡាករ ផាត សុខា។ សេចក្ដីប្រកាស​ព័ត៌មាន​នេះ ចាត់​ទុក​ជា​ការ​ជូនដំណឹងដល់​ក្លិប សមាគមកីឡាបាល់​ទាត់ ដែល​ជាសមាជិករបស់​សហព័ន្ធកីឡាបាល់​ទាត់​កម្ពុជា ដែលមានបំណង​ចង់​ចុះកិច្ចសន្យានិពាក់ព័ន្ធ និង​លក្ខខ័ណ្ឌផ្សេងៗ​ក្នុងការ​ធ្វើ​កិច្ចសន្យារ។