ព័ត៌មានកីឡាអន្តរជាតិ
ខ្សែការពារស្លាបស្តាំ Dani Alves មិនត្រូវបានក្លិប Barcelona ជ្រើសរើសចូលទៅក្នុងបញ្ជីឈ្មោះកីឡាករចូលរួមក្នុងពានរង្វាន់ Premier League ឡើយ។
មូលហេតុដែល Barcelona មិនបានចុចឈ្មោះ Alves គឺ ដោយសារ ច្បាប់នៅក្នុងពានរង្វាន់ Europa League ខាងលើអនុញ្ញាតឲ្យក្លិបនីមួយៗចុះឈ្មោះកីឡារចំណូលថ្មីរបស់ខ្លួនបានតែ៣នាក់ប៉ុណ្ណោះ ខណៈ ក្លិបបានសម្រេចចិត្តមិនជ្រើសយកកីឡាករវ័យ៣៨ឆ្នាំខាងលើ។
ផ្ទុយទៅវិញលោក Xavi បានជ្រើសយក Adama Traore, Ferran Torres និង Pierre-Emerick Aubameyang ដោយសារតែលោកចង់ពង្រឹងតំបន់ប្រយុទ្ធដែលកំពុងតែមានភាពខ្វះខាតក្នុងពេលបច្ចុប្បន្ននេះ៕
ខ្សែការពារស្លាបឆ្វេង Joao Cancelo របស់ Manchester City បានសម្រេចចិត្តបន្តកុងត្រាថ្មី២ឆ្នាំបន្ថែមទៀត ដែលនឹងរក្សាគេនៅឯកីឡដ្ឋាន Etihad Stadium រហូតដល់ឆ្នាំ២០២៧។
កីឡាករសញ្ជាតិព័រទុយហ្កាល់ខាងលើ បានក្លាយទៅជាតួអង្គដ៏សំខាន់របស់ Man City ក្រោមការដឹកនាំរបស់លោក Pep Guardiola ចាប់តាំងពីឆ្នាំ ២០១៩ ដោយ រូបគេធ្លាប់បានរួមចំណែកជួយក្រុមឈ្នះពានរង្វាន់ Premier League, EFL Cup និង រងជើងឯក Champions League កាលពីរដូវកាលមុន។
ក្រោយទទួលបានកុងត្រាថ្មី Cancelo បាននិយាយថា៖«Manchester City គឺ ជាក្លិបដ៏អស្ចារ្យមួយ ដូច្នេះខ្ញុំពិតជារីករាយណាស់ដែលបានបន្តកុងត្រាថ្មី។ កីឡាកររបស់ Man City មានអ្វីៗគ្រប់បែបយ៉ាងដើម្បីឈានទៅដល់សក្តានុពលរបស់ពួកគេ មានសម្ភារៈបរិក្ខារដ៏អស្ចារ្យ កីឡាករលំដាប់ពិភពលោក និង អ្នកចាត់ការក្រុមដែលតែងតែជម្រុញអ្នកជារៀងរាល់ថ្ងៃ។ ខ្ញុំពិតជារីករាយក្នុងការធ្វើការនៅទីនេះ។ ខ្ញុំមានគោលដៅច្រើនណាស់ដែលខ្ញុំចង់សម្រេចបានមុនពេលខ្ញុំបញ្ចប់អាជីព ហើយ Man City ផ្តល់ឱ្យខ្ញុំនូវឱកាសដ៏ល្អបំផុតក្នុងការបំពេញមហិច្ឆតារបស់ខ្ញុំ។ កិច្ចសន្យាថ្មីនេះមានន័យថា ពេលនេះខ្ញុំមានការផ្តោតអារម្មណ៍ទាំងស្រុងលើការកែលម្អការប្រកួតរបស់ខ្ញុំ និង ការឈ្នះពានរង្វាន់បន្ថែមទៀតជាមួយក្រុម»៕
ខ្សែប្រយុទ្ធ Pierre-Emerick Aubameyang បានថ្លែងសារអរគុណចំពោះការគាំទ្ររបស់អ្នកគាំទ្រ Arsenal និង បានបន្ថែមថា រូបគេមិនសប្បាយចិត្តនោះទេដែលមិនបានបន្តរួមចំណែកជួយក្រុម។
យើងបានដឹងហើយថា មួយរយៈចុងក្រោយនេះ ក្រោមការដឹកនាំរបស់លោក Mikel Arteta គឺ Aubameyang មិនបានបង្ហាញខ្លួនឡើយសូម្បីតែស្ថិតនៅក្នុងបញ្ជីឈ្មោះសម្រាប់ការប្រកួត ហើយ រូបគេក៏ត្រូវបានក្លិបដកស្លាកជាប្រធានក្រុមផងដែរ។ មូលហេតុនេះហើយដែលរូបគេបានសម្រេចចិត្តចាកចេញពីក្លិបដើម្បីផ្លាស់ទៅកាន់ Barcelona ដោយគ្មានតម្លៃខ្លួន។
Aubameyang បាននិយាយថា៖”ផ្ញើជូបទៅកាន់អ្នកគាំទ្រ Arsenal អរគុណដែលធ្វើឲ្យទីក្រុងឡុងដ៍ ក្លាយទៅជាផ្ទះរបស់ខ្ញុំ និង គ្រួសារខ្ញុំអស់រយៈពេល៤ឆ្នាំ។ ពួកយើងឆ្លងកាត់រឿងល្អ និង រឿងអាក្រក់ជាមួយគ្នា ហើយ ការគាំទ្ររបស់អ្នកទាំងអស់គ្នាពិតជាមានន័យណាស់សម្រាប់ខ្ញុំ។ ការដែលបានឈ្នះពានរង្វាន់ និង ទទួលបានស្លាកជាប្រធានក្រុមរបស់ក្លិប គឺ ជាអ្វីដែលខ្ញុំនឹងចងចាំទុកនៅក្នុងបេះដូងរបស់ខ្ញុំ។ ខ្ញុំសោកស្តាយដែលមិនបានជួយក្រុមប៉ុន្មានសប្តាហ៍ចុងក្រោយនេះ ប៉ុន្តែ ខ្ញុំគោរពចំពោះក្លិប និង ជូនពរឲ្យពួកគេ និង អ្នកគាំទ្រ ឲ្យទទួលបានជោគជ័យនាពេលខាងមុខ”៕
ព័ត៌មានកីឡាជាតិ
បន្ថែមពីលើការអភិវឌ្ឍន៍អាជីពបាល់ទាត់ និងប្រាក់ចំណូលខ្ពស់ Chanathip Songkrasin បានដឹងយ៉ាងច្បាស់អំពីទំនួលខុសត្រូវរបស់គាត់ក្នុងការជំរុញកីឡាករថៃ និងកីឡាករអាស៊ានឱ្យចេញទៅលេងនៅបរទេស។ នោះក៏ជាអ្វីដែលកីឡាករខ្មែរយើងមួយចំនួនត្រូវមានគោលបំណងបែបបនោះ ដូចជា សៀង ចន្ធា និងលឹម ពិសុទ្ធ។
កីឡាករពិសេសនៅ J.League
នៅចុងបញ្ចប់នៃពានរង្វាន់ AFF Cup 2020 ដែលក្រុមជម្រើសជាតិថៃបានឈ្នះជើងឯកយ៉ាងជឿជាក់ ហើយបន្ទាប់ពីឈ្នះពានកីឡាករល្អបំផុតប្រចាំព្រឹត្តិការណ៍ Chanathip Songkrasin បានផ្លាស់ទៅ Kawasaki Frontale ដែលជាក្រុមការពារតំណែងជើងឯកជប៉ុន។ ក្រុមមួយបានចំណាយលុយរាប់លានដុល្លារដើម្បីបានហត្ថលេខាតារាលេខ១របស់ក្រុមថៃ។
មុនរឿងនោះកើតឡើង Chanathip Songkrasin បានចំណាយពេលវេលា៥រដូវកាលជាមួយ Consodale Sapporo។ គាត់បានបង្ហាញខ្លួន ១២៥ ប្រកួត ស៊ុតបញ្ចូលទីបាន១៥ គ្រាប់។ បើនិយាយពីប្រាក់ចំណូលវិញ គាត់ទទួលបានប្រាក់បៀវត្សរ៍សរុបជាង ៣៦.៣ លានបាត ដោយមិនគិតពីប្រាក់រង្វាន់ និងការលើកទឹកចិត្តខ្ពស់ផ្សេងទៀត។
មក Kawasaki Frontale កីឡាករ Chanathip បានបោះជំហានដ៏ធំមួយក្នុងអាជីពរបស់គាត់ នៅពេលលេងឱ្យក្រុមខ្លាំងបំផុតមួយនៅក្នុងប្រទេសជប៉ុន។ គាត់នឹងមានឱកាសចូលរួមប្រកួតក្នុងកម្មវិធីអន្តរជាតិជាច្រើនជាពិសេសគឺ AFC Champions League។ បើនិយាយពីប្រាក់ឈ្នួលវិញ Messi Jay នឹងទទួលបានប្រាក់បៀវត្សរ៍រហូតដល់ ២១.៦ លានបាតក្នុងមួយឆ្នាំ។
យោងតាមស្ថិតិ Chanathip Songkrasin គឺជាកីឡាករដែលមានអ្នកតាមដានច្រើនជាងគេទីពីរនៅ J.League 2021 នៅលើ Instagram ដែលមានមនុស្សជាង 2.1 លាននាក់។ គាត់តិចជាង Iniesta ដែលជាកំពូលតារាអេស្ប៉ាញដែលកំពុងពាក់អាវរបស់ក្លិប Vissel Koke ។ នោះបង្ហាញថា ខ្សែបម្រើថៃបានសាងគុណផលនៅប្រទេសជប៉ុន។ រូបគេបានបង្ហាញពីកម្រិតរបស់ខ្លួនដោយផ្លាស់ប្តូរទម្រង់លេងអំពីកម្រិតកីឡាករថៃក្នុងការប្រកួតលីគកំពូលនៅប្រទេសជប៉ុន។
សំខាន់ជោគជ័យរបស់ Chanathip Songkrasin បានជំរុញចិត្តកីឡាករថៃផ្សេងទៀតឲ្យតាំងចិត្តរកជើងខ្លាំងពេលចេញទៅក្រៅប្រទេស។ រូបគេធ្លាប់បាននិយាយថា៖ “នៅ AFF Cup មានកីឡាករថៃជាច្រើនបានសួរខ្ញុំអំពី J.League។ ខ្ញុំបានចែករំលែកជាមួយពួកគេថា វាជាការប្រកួតដ៏មានការប្រកួតប្រជែងខ្លាំង ជាមួយនឹងល្បឿនលឿនជាង Thai League ខ្ញុំណែនាំពួកគេប្រសិនបើមានឱកាសទៅ។ ទៅលេងនៅបរទេស បង្កើនកម្រិតដើម្បីអាចជួយបាល់ទាត់ថៃឱ្យឡើងដល់កម្ពស់ថ្មីនៅអាស៊ី»។
មេរៀនសម្រាប់ សៀង ចន្ធា និង លឹម ពិសុទ្ធ
សៀង ចន្ធា(អាយុ ១៩ ឆ្នាំ) និងលឹម ពិសុទ្ធ ត្រូវបានគេចាត់ទុកថាជាកីឡាករវ័យក្មេងល្អបំផុតរបស់បាល់ទាត់កម្ពុជានៅពេលនេះ។ កីឡាករទាំងពីនាក់នេះនិងកីឡាករកម្ពុជាដទៃទៀតអាចយកដំណើរនៃការប្រកបអាជីពរបស់ Messi ទៅអនុវត្ត។ ការបង្ហាញទម្រង់លេងលេចធ្លោក្នុងលីគកំពូលកម្ពុជា ការក្លាយជាកីឡាករសំខាន់មិនអាចខ្វះបានរបស់ម្រើសជាតិជាតិសឹងគ្រប់ឈុតមិនទាន់គ្រប់គ្រាន់ទេ។ ពួកគេត្រូវការប្រកួតប្រជែងខ្លាំងថែមទៀត ។ចន្ធាធ្លាប់បាននិយាយថារូបគេមានគោលបំណងលេងនៅជប៉ុន មុនពេលផ្ទេរទៅលេងនៅ FC Barcelona ។ លឹម ពិសុទ្ធ បន្ទាប់ពីបង្ហាញខ្លួនឱ្យជម្រើសជាតិក្នុងទល់និងជម្រើសជាតិអ៊ីរ៉ាក់ អ៊ីរ៉ង់ក្នុងវគ្គជម្រុះ World Cup ជុំទី២ មានអ្នកជំនាញបាល់ទាត់ជាច្រើនក្នុងប្រទេសកម្ពុជាដូចជា លោក ភា សុភ័ត្រាគ្រូជំនួយជម្រើសជាតិកម្ពុជា អតីតគ្រូជំនួយជម្រើសជាតិលោក ប៊ួយ ដារី និងអ្នកជំនាញជាច្រើនទៀត សុទ្ធតែបង្ហាញការកោតសរសើរអំពីទេពកោសល្យរបស់ពួកគេទាំងពីរ។
ពិតណាស់! ទាំងនេះមិនគ្រប់គ្រាន់ទេ ពួកគេត្រូវការប្រឹងបន្ថែមទៀត។ ពួគគេនៅមានវ័យក្មេងនៅឡើយ ត្រូវការក្របជញ្ជក់ការបង្ហាញខ្លួនក្នុងលីគកម្ពុជា ពិសេសនៅពេលដែលកម្ពុជាបានកែប្រែមុខមាត់លីគថ្មីក្រុមកការដឹកនាំរបស់ក្រុមហ៊ុនលីគ។ ពួកគេត្រូវការបង្ហាញខ្លួននិងលេងក្នុងស្រុកយ៉ាងហោចណាស់ ៣ ទៅ៤ឆ្នាំទៀត រក្សាគុណផលលេង ពង្រឹងសមត្ថភាព បើមាឱកាសចាកចេញទៅលេងក្នុងលីគណាមួយដែលមានកម្រិតខ្ពស់ជាងកម្ពុជាក្នុងតំបន់ ដូចជាថៃ ម៉ាឡេស៊ី សិង្ហបុរី…គឺជាឱកាសកសាងសមត្ថភាព និងជាខ្សែយោងសម្រាប់គោលដៅរបស់ខ្លួនដេលចង់ទៅលេងនៅជប៉ុនហើយ។
ដំណើនៃអាជីពបាល់ទាត់ វាមិនឈប់ត្រឹមហ្នឹងទេ។ សម្រាប់ពួកគេទាំងពីរនិងកីឡាករវ័យក្មេងដទៃទៀត មិនទាន់មានសញ្ញាណាមួយនឹងចេញទៅក្រៅប្រទេសក្នុងពេលឆាប់ៗនេះទេ។ សម្រាប់ ចន្ធាធ្លាប់មានក្លិបជប៉ុនចង់បានកាលពីឆ្នាំមុន ខណៈដែល លឹម ពិសុទ្ធក៏មិនទាន់តម្រុយអ្វីដែរ។ ជាក់ស្តែង ការជ្រើសរើសបរិយាកាសឱ្យបានត្រឹមត្រូវក្នុងការចេញទៅក្រៅប្រទេសនៅតែជាបញ្ហាសម្រាប់កីឡាករកម្ពុជា។
មានកីឡាករកម្ពុជាមួយចំនួនមិនអាចស្នាក់នៅក្នុងក្លឹបដែលមិនសូវស្គាល់នៅជប៉ុន ម៉ាឡេស៊ី ថៃ តែម្នាក់ឯង។ ក្រុមជាច្រើននៅក្នុងលីគកំពូលកម្ពុជាខ្លួនឯង អ្នកគ្រប់គ្រងមិនទាន់ត្រៀមខ្លួនលក់កីឡាករល្អរបស់ពួកគេ ទៅក្រុមនៅក្រៅប្រទេសទេ។ សូម្បីតែកិច្ចសន្យាខ្ចីជើងដែលគ្រាន់តែជួយឱ្យកីឡាករឱ្យប្រសើរឡើងនូវប្រាក់ចំណូលក៏មិនទាន់មានដែរ។ មានកីឡាករកម្ពុជាជាច្រើនបង្ហាញបំណងលេងនៅក្រៅប្រទេស ហើយក៏មានកីឡាករកម្ពុជាមួយចំនួនក្នុងសម័យបាល់ទាត់ទំនើបនេះបានលេងនៅក្រៅដែដូចជា ចាន់ វឌ្ឍនាកា ធារី ចន្ថាប៊ីន កែវ សុខផេង…។
បទពិសោធន៍របស់រៀបច្បងទាំងនេះគឺជាអ្វីដែល សៀង ចន្ធា និងលឹម ពិសុទ្ធត្រូវតែមើលនិងធ្វើការផ្លាស់ប្តូរ។ ព្រោះពួកគេតំណាងឱ្យបច្ចុប្បន្ន និងអនាគតរបស់ក្រុមជម្រើសជាតិកម្ពុជា។ ពួកគេត្រូវជ្រើសរើសក្រុមសមស្របមួយដែលពួកគេអាចលេង បង្កើតកន្លែងឈរជើង និងបើកផ្លូវរឹងមាំសម្រាប់សហការីរបស់ពួកគេដើរតាម។ លុះត្រាតែមានកីឡាករកម្ពុជាច្រើនដែលអាចធ្វើបានដូច Chanathip នោះក្រុមកម្ពុជានឹងគិតយ៉ាងក្លាហានអំពីការប្រកួតបាល់ទាត់ពិភពលោក។ សម្រាប់ពេលនេះ វានៅតែជាសុបិនឆ្ងាយណាស់ ឆ្ងាយដូចជើងមេឃ។
បន្ទាប់ពីដាក់ឱ្យអ្នកគាំទ្រធ្វើការបោះឆ្នោត អ្នកគាំទ្របាល់ទាត់នៅអាស៊ីអាគ្នេយ៍ ៤៥០០០នាក់បានបោះឆ្នោតចាត់ទុក Supachok Sarachat, Pratama Arhan Alif Rifai និង Nguyen Quang Hai ជាកីឡាករទាំងបីដែលមានឱកាសល្អបំផុតក្នុងការឈានជើងចូលលេងក្នុង J.League នៅថ្ងៃអនាគត។
ក្នុងចំណោមកីឡាករដ៏មានសក្តានុពល 12 នាក់មកពីទូទាំងតំបន់អាស៊ាន; Supachok, Pratama និង Quang Hai ទទួលបានការបោះឆ្នោតច្រើនជាងគេពីអ្នកគាំទ្រ ដែលគិតថាកីឡាករទាំងបីមានសមត្ថភាពដែលអាចបង្ហាញខ្លួនក្នុងលីគល្អបំផុតនៅអាស៊ី។
ក្នុងចំណោមការបោះឆ្នោតទាំងប្រាំបានទៅលើ Supachok មានអ្នកគាំទ្រម្នាក់បានវាយតម្លៃថា៖”វាងាយយល់ថាហេតុអ្វីបានជាតារាថៃរូបនេះមានគ្រឿងផ្សំដ៏ត្រឹមត្រូវសម្រាប់លេងនិងត្រឹមត្រូវឱ្យក្រុម J.League ជាមួយនឹងទេពកោសស្យពីកំណើត និងសមត្ថភាពលើការគ្រប់គ្រងបាល់…។
ខ្សែបម្រើប្រយុទ្ធវ័យ 23 ឆ្នាំរូបនេះមានបច្ចេកទេសមិនគួរឱ្យជឿ ជាមួយនឹងចក្ខុវិស័យក្នុងការបញ្ជូនបាល់ និងមានទស្សនៈវិស័យរកគ្រាប់បាល់បញ្ចូលទីក្នុងក្រុម ខណៈរូបគេតែងតែរកគ្រាប់បាល់ជាប្រចាំសម្រាប់ក្លឹប និងជម្រើសជាតិក្នុងរយៈពេលប៉ុន្មានឆ្នាំចុងក្រោយនេះ។
ចំណែកខ្សែការពារពេញសញ្ជាតិឥណ្ឌូនេស៊ី Pratama Arhan ហាក់ដូចជាជម្រើសដ៏គួរឱ្យភ្ញាក់ផ្អើលមួយ ស្របពេលខ្សែការពាររបស់ក្លិប PSIS Semarang គឺជាកីឡាករឆ្នើមរបស់ AFF Championship ដែលទើបបញ្ចប់ថ្មីៗនេះ។ Pratama ឈ្នះពានរង្វាន់ NXGN សម្រាប់កីឡាករវ័យក្មេងនៃការប្រកួត AFF Suzuki Cup 2020 បន្ទាប់ពីការបោះឆ្នោតអ្នកគាំទ្រ រួមបញ្ចូលគ្នាជាមួយការកំណត់ចំណាត់ថ្នាក់ទម្រង់លេងរបស់វេបសាយ GOAL ។
ដូច Theerathon Bunmanthan កាលជាកីឡាករវ័យក្មេងដែរ Pratama គឺជាខ្សែការពារសម័យថ្មី ដែលមានការសម្រេច លឿន ឡើងជំនួយក្នុងតំបន់ប្រយុទ្ធ ហើយហើយភាពខ្លាំងរបស់គាត់ជាមួយនឹងការបោះបាល់ដ៏គ្រោះថ្នាក់របស់គាត់ទៅប្រអប់ទីគូប្រកួត។
ចំណែកកីឡាករដែលទទួលបានសំឡេងនៃការបោះឆ្នោតច្រើនបំផុតក្នុងនាមជាកីឡាករមានឱកាសលេងឱ្យក្រុម J.League គ្មាននរណាក្រៅពីតារាដែលកំពុងរះរបស់ជម្រើសជាតិវៀតណាម Nguyen Quang Hai( ង្វៀន ក្វាងហៃ)ដែលជាកីឡាករម្នាក់សំខាន់បំផុតរបស់ជម្រើសជាតិវៀតណាមចាប់ពីឆ្នាំ២០១៧មក។
រូបត្រូវបានគេចាត់ទុកថាជាកីឡាករវេទមន្តនៅលើទីលានប្រកួត Quang Hai ជាកីឡាករជំនាញជើងឆ្វេង ជាមួយឥទ្ធិពលច្នៃប្រឌិត។ រូបគេមានភាពរហ័សរហួនមិនគួរឱ្យជឿ ហើយខ្សែបម្រើប្រយុទ្ធរបស់ Hanoi FC ត្រូវបានគេចាត់ទុកថាជាអ្នកទាត់បាល់ហ្វ្រីឃីកដ៏ល្អបំផុតមួយនៅក្នុងតំបន់។
ដូចអ្នកគាំទ្រនៅអាស៊ីអាគ្នេយ៍ដែរ ប្រាកដណាស់ថាក្លឹបនៅ J.League ដឹងច្បាស់ពីអ្វីដែល Supachok, Pratama និង Quang Hai អាចបន្ថែមដល់ក្រុមរៀងៗខ្លួន ដើម្បីស្វែងរកភាពជោគជ័យ និងសិរីរុងរឿងរបស់ពួកគេ។
ចាន់ វឌ្ឍនាកា នឹងត្រូវវះកាត់របួសជង្គង់ក្នុងសប្ដាហ៍នេះ នៅទីក្រុងភ្នំពេញ ដោយក្រុមគ្រូពេទ្យថៃ ។ នេះបើតាមការបញ្ជាក់របស់ឯកឧត្តម ចាន់ ចេស្ដា ឪពុកបង្កើតខ្សែប្រយុទ្ធស្នូលនៃក្លិបបឹងកេតរូបនេះ ។
ឯកឧត្តមបានឲ្យដឹងថាដោយទទួលព័ត៌មានពីក្លិបបឹងកេត ដើម្បីកាត់បន្ថយភាពស្មុគស្មាញក្នុងការធ្វើដំណើរទាំងមុន និងក្រោយការវះកាត់នៅប្រទេសថៃ ក្រុមគ្រូពេទ្យថៃ ក៏សម្រេចបញ្ជូនក្រុមជំនាញវះកាត់ មកធ្វើការវះកាត់ វឌ្ឍនាកា នៅក្រុងភ្នំពេញតែម្ដង។
ក្រុមគ្រូពេទ្យដ៏ល្បី នៅមន្ទីរពេទ្យ ទីក្រុងបាងកក ប្រទេសថៃ នឹងធ្វើដំណើរតាមជើងយន្តហោះ មកកាន់ទីក្រុងភ្នំពេញ ដើម្បីធ្វើការវះកាត់របួសឲ្យកាន់តែឆាប់ តាមតែអាចធ្វើទៅបាន បន្ទាប់ពីថ្នាក់ដឹកនាំក្លិបបឹងកេត និងក្រុមគ្រួសារ បានសម្រេចជាឯកឆ្ឆន្ទ នូវដំណើរការឯកសារផ្សេងៗ ក្នុងការវះកាត់នេះ។
វឌ្ឍនាការ ក៏បានបង្ហាញទស្សនៈរបស់ខ្លួនដែរថា៖«ខ្ញុំសូមអរគុណទៅកាន់ថ្នាក់ដឹកនាំក្លិបបឹងកេត ដែលបានស្វះស្វែងដំណើរការឯកសារ ដើម្បីជួយឲ្យរូបខ្ញុំនឹងទទួលការវះកាត់ក្នុងរយៈពេលដ៍ឆាប់រហ័សបែបនេះ។ ខ្ញុំរំពឹងថានឹងវិលត្រឡប់មកកាន់ទីលានវិញ នៅចុងឆ្នាំ២០២២នេះ។ ជាចុងក្រោយ សូមអរគុណចំពោះពាក្យជូនពរពីសំណាក់បងប្អូនអ្នកគាំទ្រទាំងអស់គ្នា» ។
សម្ដេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានផ្ដល់ការឧបត្ថម្ភដ៏មហាថ្លៃថ្លាជាទឹកប្រាក់ចំនួន៥០.០០០ដុល្លារដល់កីឡាករ ចាន់ វឌ្ឍនាកា ដើម្បីព្យាបាលរបួសដាច់សរសៃ ACL ជង្គង់ស្ដាំនេះ អំឡុងការប្រកួតកាលពីថ្ងៃទី២៦ខែមករាឆ្នាំ២០២២ ដែលរូបគេនិងមិត្តរួមក្រុមលេងក្នុងពានរង្វាន់ PRINCE BEER PRE-SEASON CUP 2022 ខណៈដែលក្លិបបឹងកេតក៏ចេញថ្លៃវះកាត់និងព្យាបាល គ្រប់បែបយ៉ាងដល់កីឡាកររូបនេះផងដែរ។
លោក Fabrizio Romano ដែលជាអ្នកកាសែតដ៏ល្បីឈ្មោះ បានបញ្ជាក់ច្បាស់ៗថា ខ្សែប្រយុទ្ធ Pierre-Emerick Aubameyang បានសម្រេចចិត្តចាកចេញពី Arsenal ដើម្បីផ្លាស់មកកាន់ Barcelona ហើយ។
យើងបានដឹងហើយថា មួយរយៈចុងក្រោយនេះ ក្រោមការដឹកនាំរបស់លោក Mikel Arteta គឺ Aubameyang មិនបានបង្ហាញខ្លួនឡើយសូម្បីតែស្ថិតនៅក្នុងបញ្ជីឈ្មោះសម្រាប់ការប្រកួត ហើយ រូបគេក៏ត្រូវបានក្លិបដកស្លាកជាប្រធានក្រុមផងដែរ។
ហេតុនេះហើយទើបបណ្តាលចិត្តរូបគេឲ្យចាកចេញដើម្បីបានបង្ហាញខ្លួនលើទីលានវិញ ហើយ កីឡាករសញ្ជាតិហ្គាបុងខាងលើនឹងផ្ទេរមកកាន់ Barcelona ដោយគ្មានតម្លៃខ្លួន ហើយ ការធ្វើតេស្តសុខភាពក៏ទទួលបានជោគជ័យផងដែរ ពោល រង់ចាំតែការប្រកាសផ្លូវការប៉ុណ្ណោះ៕
ខ្សែបម្រើចាស់វស្សា Toni Kroos របស់ Real Madrid បានបង្ហាញពីអារម្មណ៍ចំពោះការនឹងលេងតទល់ជាមួយនឹង Sergio Ramos នៅក្នុងពេលខាងមុខ។
Real Madrid នឹងត្រូវជួបជាមួយ Paris Saint Germain ក្នុងក្របខណ្ឌ Champions League វគ្គ១៦ក្រុមចុងក្រោយ ហើយ រឹងតែពិសេសនោះ គឺ Ramos នឹងត្រូវលេងទល់នឹងក្លិបចាស់ដែលគេធ្លាប់បានចំណាយពេលលេងឲ្យចំនួន១៦ឆ្នាំផងដែរ។
Toni Kroos បាននិយាយទៅកាន់ TVE ថា៖ “គាត់មិនមែនគ្រាន់តែជាមិត្តរួមក្រុមនោះទេ គាត់គឺជាប្រធានក្រុមរបស់ខ្ញុំ” ។ “វានឹងចម្លែកបន្តិចក្នុងការប្រកួតជាមួយគាត់”។
Ramos បានស៊ូទ្រាំនឹងការចាប់ផ្តើមដ៏លំបាកក្នុងអាជីពរបស់គាត់នៅ Parc des Princes ដោយសារតែរបួស ប៉ុន្តែកំពុងចាប់ផ្តើមមានទម្រង់លេងនាពេលថ្មីៗនេះ។ ភាគីទាំងពីរកំពុងគ្រប់គ្រងលីគក្នុងស្រុករបស់ពួកគេ។ Madrid មាន 4 ពិន្ទុដាច់ពីក្រុមលេខ 2 Sevilla នៅ La Liga ហើយ PSG មាន 11 ពិន្ទុដាច់ពីក្រុមលេខ 2 Nice ក្នុង Ligue 1 ។
ហាងលក់សម្ភារៈកីឡានៅក្នុងស្រុក Fan Sport Jersey បានចាប់អារម្មណ៍ ហើយក៏បានធ្វើការចរចារជាមួយអតីតកីឡាករក្រុមជម្រើសជាតិហ្វូតសាលកម្ពុជាចំនួន ៥នាក់ ដើម្បីយកមកធ្វើជាទូតសុឆន្ទៈ (Brand Ambassador) របស់ហាងដោយផ្ទាល់សម្រាប់ ឆ្នាំ២០២២ នេះ។
កីឡាករ ដែលស្ថិតនៅក្នុងគម្រោងរបស់ហាងលក់សម្ភារៈកីឡាដ៏ល្បី ក្នុងប្រទេសកម្ពុជាមួយនេះ មានចំនួន៥នាក់ ដូចជា៖ ១- កីឡាករ រស់ ស៊ីរដ្ឋា របស់ក្លិបអាល់ហ្វា (Alpha FT) ២- កីឡាករ តាត់ ផាត់ឌី របស់ក្លិបអាវ៉ាតា (Avatar FC) ៣- កីឡាករ សឹង ចាន់វ៉ាន់ណូ របស់ក្លិបឳម៉ាល់ (Ov Mal FC ) ៤- កីឡាករ កែវ ជាតួ របស់ក្លិបសឹ្ទងត្រែង ៥- កីឡាករ ឌុក សុផាត របស់ក្លិបតាយឈិ (Tai Chi FT)
តាមដំណឹង ដែលទទួលបានគឺមិនមែនតែចំនួន ៥នាក់ ខាងលើនោះឡើយ ពោលគឺខាងម្ចាស់ហាង Fan Sport ផ្ទាល់ គ្រោងនឹងរកកីឡាករមួយចំនួនទៀត មកធ្វើជាទូតសុឆន្ទៈ។ លើសពីនេះ គោលបំណងសំខាន់របស់ម្ចាស់ហាង គឺចង់លើកស្ទួយវិស័យកីឡាបាល់ទាត់ហ្វូតសាលកម្ពុជា ឲ្យមានសន្ទុះគាំទ្របន្ថែមទៀត បន្ទាប់ធូរស្បើយនៃការរីករាលមេរោគកូវីដ១៩ ជាពិសេសបណ្តុះគំនិតក្មេងៗជំនាន់ក្រោយ ឲ្យរៀនសូត្រតាមរៀមច្បង ដែលធ្លាប់ប្រឡូកក្នុងវិស័យកីឡាមួយនេះ។
អាចនិយាយបានថា វារឿងថ្មី ហើយក៏ប្លែកមួយដែរ សម្រាប់វិស័យកីឡាបាល់ទាត់ហ្វូតសាលកម្ពុជា ដែលមានការចាប់អារម្មណ៍ពីសំណាក់ហាងលក់សម្ភារៈកីឡានៅក្នុងស្រុក ខណៈដេលការប្រកយតកជ្រើសរើសជើងពានរង្វាន់បាល់ទាត់ក្នុងសាលគ្រោងនឹងចាប់ផ្ដើមនាពេលខាងមុខនេះ។
ប្រភព៖ MC Sambath
