កាសែត The Sun រាយការណ៍ថា Casemiro មិនបានចូលរួមពិធីជប់លៀងរបស់ Man United ខណៈដែលក្រុមទាំងមូលអបអរការឈ្នះពានរង្វាន់ FA Cup ។

កីឡាករប្រេស៊ីលរូបនេះត្រូវបានលោក Ten Hag ដកចេញពីជម្រើស១១នាក់ដំបូងសម្រាប់វគ្គផ្តាច់ព្រ័ត្រ ប៉ុន្តែបានចូលរួមក្នុងការអបអរសាទរភ្លាមៗបន្ទាប់ពីការប្រកួត។

ប៉ុន្តែ​ខ្សែបម្រើ​រូបនេះត្រូវ​​បានគេ​ដឹង​ថា​ជិះ​យន្តហោះ បន្ទាប់មក​ភរិយា​របស់គាត់​បាន​បង្ហោះ​រូបភាព​គ្រួសាររបស់​ពួកគេ​នៅក្នុង​យន្តហោះ​នៅលើ Instagram ។ នាងបានសរសេរថា “ទៅវិស្សមកាល” ។

វាហាក់ដូចជា Casemiro បានកក់ដំណើរកម្សាន្តជាមុន ហើយមិនអាចស្នាក់នៅបន្ត ក្រោយពិធីជប់លៀងអបអរការឈ្នះពាននេះបានទេ។

កីឡាករវ័យ 32 ឆ្នាំរូបនេះត្រូវបានគេរំពឹងថានឹងចាកចេញពី Man United នៅរដូវក្តៅបន្ទាប់ពីចំណាយពេល២រដូវកាលដ៏ខកចិត្តនៅ Old Trafford ។

លោក Erik ten Hag ហាក់​ដូចជា​មិន​ស្រពិចស្រពិល​អំពី​ការ​ប្រជែងពាន​ដ៏​ធំ​ដែល​កំពុង​រង់ចាំ​នៅ​ថ្ងៃ​សៅរ៍​នៅ​កីឡដ្ឋាន Wembleyនោះទេ។

Manchester United ជួបម្ចាស់ជើងឯក Premier League ៤សម័យជាប់គ្នា Manchester City ដែលជាម្ចាស់ការពារតំណែងជើងឯក FA Cup នៅវគ្គផ្តាច់ព្រ័ត្រកាលពីឆ្នាំមុន។

លទ្ធផលក្នុងការ​ប្រកួតនេះអាចសម្រេចថាតើ Ten Hag នឹងត្រូវបានផ្តល់ឱកាសដឹកនាំនៅរដូវកាលមួយផ្សេងទៀត ឬក៏រើបង្វិចចេញ។ ការ​ប្រកួតនេះហាក់ដូចជាមានសម្ពាធខ្លាំងសម្រាប់បិសាចក្រហម ប៉ុន្តែ Ten Hag បានជ្រើសរើសវិធីសាស្រ្តមិនបង្ហាញពីភាពតានតឹងនេះទេ។

ថ្លែងទៅកាន់សមាគមកីឡាបាល់ទាត់អង់គ្លេស FA នៅមុនការប្រកួតវគ្គផ្តាច់ព្រ័ត្រដ៏ធំ លោក Ten Hag បានពន្យល់ថា៖«វាជារដូវកាលដ៏វែងឆ្ងាយ និងពេលខ្លះពិបាក ប៉ុន្តែយើងនៅទីនេះនៅថ្ងៃចុងក្រោយ ជាមួយនឹងឱកាសមួយដើម្បីធានាបានពានរង្វាន់ធំទីពីររបស់យើងនៅក្នុងយុទ្ធនាការនេះ»។

«សម្រាប់បញ្ហាទាំងអស់ដែលយើងត្រូវដោះស្រាយ ខ្ញុំគិតថា យើងត្រូវនិយាយច្រើនអំពីបុគ្គលិកលក្ខណៈរបស់យើងជាក្រុម។»

«នៅពេលដែលអ្នកចូលប្រកួតប្រជែងពានណាមួយដែលអ្នកមានបំណងចង់ឈ្នះវា ដូច្នេះយើងប្រឹងឱ្យបានឈានដល់វគ្គផ្តាច់ព្រ័ត្រ FA Cup  ហើយយើងនឹងមានឱកាសបានឈ្នះ»។

«ពិតណាស់ យើងមានការគោរពបំផុតចំពោះលោក Pep Guardiola និងកីឡាកររបស់គាត់ កំណត់ត្រារបស់ពួកគេក្នុងនាមជាអ្នកចាត់ការ និងក្រុមនាពេលថ្មីៗនេះ ទាមទារឱ្យយើងដឹងនៅក្នុងខ្លួនយើងថា យើងមានទេពកោសល្យ និងចរិតលក្ខណៈដើម្បីផ្តួលក្រុមណាក៏បាន។ យើងលេងឱ្យអស់ពីសមត្ថភាពជាមួយនឹងផែនការដ៏ល្អ»។

«ហ្គេមនេះផ្តល់ឱ្យយើងនូវឱកាសមួយ ដើម្បីទទួលបានរសជាតិមួយផ្សេងទៀតនៃទម្លាប់ឈ្នះ ហើយផ្តល់ឱ្យខ្លួនយើងនូវអ្វីមួយបន្ថែមទៀតដើម្បីកសាងសម្រាប់រដូវកាលក្រោយ និងលើសពីនេះ»។

«កីឡាករ បុគ្គលិក និងអ្នកគាំទ្ររបស់យើងទាំងអស់គ្នានឹងរួបរួមគ្នាដោយផ្តល់អ្វីគ្រប់យ៉ាងសម្រាប់គ្នាទៅវិញទៅមកដើម្បីធ្វើឱ្យការប្រកួត FA Cup កើតឡើង”»។

Real Madrid បានឈរនៅកំពូលតារាង Forbes ក្នុងនាមជាក្លិបបាល់ទាត់ដែលមានតម្លៃបំផុត 3 ឆ្នាំជាប់ៗគ្នាក្នុងឆ្នាំ 2024 ។ អធិរាជសត្រូវបានផ្តល់តម្លៃដល់ទៅ 6.6 ពាន់លានដុល្លារ។

តម្លៃនេះគឺខ្ពស់ជាងគូប្រជែងក្នុងលីគ Barcelona ។ ជាការពិតណាស់ តម្លៃបច្ចុប្បន្នរបស់ Real Madrid គឺច្រើនជាង ១ពាន់លានដុល្លារទៅទៀត ច្រើនជាងក្រុមនៅ La Liga ទាំងអស់របស់ពួកគេ។

Man United ស្ថិត​នៅ​ពី​ក្រោយ​ Los Blancos ជា​ក្លិប​ដែល​មាន​តម្លៃ​ខ្លួន​បំផុត​ទី​ពីរ​ដែល​មាន​តម្លៃ​ 6.55 ពាន់​លាន​ដុល្លារ។ Liverpool (5.37 ពាន់លានដុល្លារ) និង Man City (5.1 ពាន់លានដុល្លារ) បញ្ចប់ចំណាត់ថ្នាក់កំពូលទាំង 5 ។

Real Madrid ធ្លាប់មានតម្លៃ 6.07 ពាន់លានដុល្លារដោយទស្សនាវដ្តី Forbes ក្នុងឆ្នាំ 2023 ។ នោះមានន័យថាតម្លៃរបស់ Los Blancos បានកើនឡើងលើសពី 500 លានដុល្លារកាលពីឆ្នាំមុន។

នេះ​មិន​គួរ​ឲ្យ​ភ្ញាក់​ផ្អើល​ទាល់​តែ​សោះ បើ​គិត​ពី​ភាព​ជោគជ័យ​របស់​ក្លិប។ Real Madrid បានលើកពាន La Liga 2023/24 យ៉ាងស្រួល ហើយថែមទាំងឈ្នះពាន Spanish Supercopa ទៀតផង។ ពួកគេក៏កំពុងធ្វើដំណើរដើម្បីឈ្នះពានរង្វាន់ Champions League ជាលើកទី 15 របស់ពួកគេ និងត្រូវជួបជាមួយក្រុម Borussia Dortmund នៅវគ្គផ្តាច់ព្រ័ត្រផងដែរ។

លោក Masatada Ishii អ្នកចាត់ការទូទៅក្រុម ជម្រើសជាតិថៃ បាន​បង្ហើបពីគម្រោង​ធំរបស់​ក្រុមជម្រើសជាតិ​ថៃ បន្ទាប់ពីដឹងលទ្ធផលចាប់ឆ្នោតជ្រើសរើសពូលពានរង្វាន់អាស៊ាន 2024 (ASEAN Mitsubishi Electric Cup 2024) ដោយលោកមិនបានសន្យាថានឹងអាចក្លាយជាម្ចាស់ជើងឯកនោះទេ។

ក្រុមដំរីសឹកថៃ ធ្លាប់ជាជើងឯកនៃការប្រកួតនេះ 7 ដង (1996, 2000, 2002, 2014, 2016, 2020, 2022) ។ លើកនេះពួកគេស្ថិតក្នុងពូល A រួមជាមួយម៉ាឡេស៊ី សិង្ហបុរី កម្ពុជា ហើយក្រុមឈ្នះក្នុងការប្រកួតជម្រុះ (ទីម័រឡេស្តេ ឬប្រ៊ុយណMasatada Ishii គ្រូបង្វឹកសញ្ជាតិជប៉ុនបាននិយាយបន្ទាប់ពីដឹងលទ្ធផលចាប់ឆ្នោតថា៖ «ខ្ញុំមិនមានអារម្មណ៍ថាមានសម្ពាធអ្វីទេ។ យើងនៅមានពេលវេលាដើម្បីត្រៀមខ្លួនឱ្យអស់ពីសមត្ថភាព។ យើងព្យាយាមទៅវគ្គជម្រុះជុំទី៣សម្រាប់ World Cup 2026 ជាមុនសិន។ ចំណែកពានអាស៊ានវិញ យើងនឹងផ្តោតទៅតាមហ្នឹង»។

“យើងជាក្រុមអតីតជើងឯក។ វាគួរឱ្យចាប់អារម្មណ៍ចំពោះក្រុមប្រកួតប្រជែង។ យើងនឹងព្យាយាមលេងឱ្យបានល្អ និងយុត្តិធម៌តាមដែលអាចធ្វើទៅបាន។ ចំណែកក្រុមដែល​យើង​ត្រូវប្រឈម ម៉ាឡេស៊ី និងសិង្ហបុរី យើង​បានស្គាល់គ្នាច្បាស់។ ខ្ញុំជឿថាវានឹងក្លាយជាការប្រកួតដ៏សប្បាយមួយ»។

“ចុះបើ​សួរខ្ញុំថា ធាឆនាជើងឯកឬអត់? ខ្ញុំនៅតែមិនចង់សន្យា។ ប៉ុន្តែខ្ញុំសន្យាថានឹងព្យាយាមបន្តនៅក្នុងការប្រកួតឲ្យបានយូរតាមដែលអាចធ្វើទៅបាន»។

មានការ​រំជើបរំជួល​ខ្លាំង​បន្ទាប់​ពី Toni Kroos បាន​ប្រកាស​ថា​គាត់​នឹង​ចាក​ចេញ​ពីអាជីព​បាល់ទាត់​ក្រោយ​លេង​នៅ Real Madrid អស់រយ់ពេល១០ កន្លងឆ្នាំ​មក។

ប្រធានក្លិបលោក Florentino Perez ឥឡូវនេះបានបង្ហាញមតិទាក់ទងទៅនឹងការ​ចូលនិវត្តន៍​របស់ខ្សែបម្រើអាល្លឺម៉ង់រូបនេះផងដែរ។

លោក Florentino បាននិយាយនៅក្នុងសេចក្តីថ្លែងការណ៍មួយថា៖« Toni Kroos គឺជាកីឡាករដ៏អស្ចារ្យបំផុតម្នាក់ក្នុងប្រវត្តិសាស្ត្ររបស់ Real Madrid ហើយក្លិបនេះគឺជាផ្ទះរបស់គាត់ជានិច្ច»។

ពេល​ចូលនិវត្តន៍ពីបាល់ទាត់ Kroos អាច​នឹង​ប្រឡូកក្នុងបីភពគ្រូបង្វឹក។ ទីមួយ ខ្សែបម្រើសញ្ជាតិអាឡឺម៉ង់នឹងត្រូវរៀនវគ្គគ្រូបង្វឹក​ដើម្បីទទួលបាន អាជ្ញាប័ណ្ណគ្រូបង្វឹករបស់គាត់។

Real Madrid មាន​ខ្សែ​បម្រើមកជំនួស Kroos ជាស្រេច​បាត់​ទៅហើយ។ កីឡាករដូចជា Eduardo Camavinga, Aurelien Tchouameni និង Fede Valverde សុទ្ធតែជាជម្រើសល្អ ហើយច្បាស់ណាស់ ពួកគេ​នឹងរ៉ាប់រងតំណែងបម្រើកណ្ដាល​នេះ​បាន​យ៉ាង​ល្អ៕

ថ្លែងមុនការប្រកួតពានរង្វាន់ Premier League ទល់នឹង Man City លោក David Moyes បាននិយាយថា៖« វាពិបាកក្នុងការយកឈ្នះ Man City នៅពេលណាក៏ដោយ ជាពិសេសនៅពេលដែលពួកគេដឹងថា ពួកគេត្រូវតែឈ្នះការប្រកួតមួយដើម្បីទទួលបានជើងឯក»។

«នោះធ្វើឱ្យយើងស្ថិតនៅក្រោមសម្ពាធដោយសារតែអ្វីដែល Manchester City អាចធ្វើបាន ប៉ុន្តែវាក៏ធ្វើឱ្យពួកគេស្ថិតនៅក្រោមសម្ពាធបន្តិចផងដែរ»។

«បាល់ទាត់គឺជាហ្គេមចម្លែកមួយ ហើយអ្នកមិនដឹងថាពេលណាដែលអ្នកនឹងត្រូវឈ្នះការប្រកួតនោះទេ។ យើងត្រូវព្យាយាមចាប់យកឱកាសទាំងនោះនៅពេលពួកគេមកដល់»។

«យើងផ្តោតទាំងស្រុងលើខ្លួនឯង។ យើងមិនមែនលេងដើម្បីធ្វើឱ្យ Manchester City ចាញ់ Premier League ឬ Arsenal ដើម្បីឈ្នះលីគនោះទេ យើងកំពុងលេងឱ្យ West Ham ហើយយើងកំពុងព្យាយាមឈ្នះការប្រកួតសម្រាប់អ្នកគាំទ្ររបស់យើង។ »

Arsenal ត្រូវ​ការឱ្យ West Ham យកឈ្នះ Man City នៅ​ថ្ងៃ​អាទិត្យនេះ ​ដើម្បី​រក្សា​ឱកាស​ឈ្នះ​ពាន​លីគ។ ក្រុមកាំភ្លើងធំខ្លួនឯងក៏ត្រូវទទួលភ្ញៀវ Evertonផងដែរ ។

Raphael Varane នឹងចាកចេញពី Manchester United នៅចុងបញ្ចប់នៃរដូវកាលនេះ ហើយក្នុងនាមជាកីឡាករគ្មានតម្លៃខ្លួន (Free Agent)។

កីឡាករសញ្ជាតិបារាំងរូបនេះនឹងបញ្ចប់ការស្នាក់នៅរយៈពេល 3 ឆ្នាំនៅ Old Trafford ដោយជ្រើសរើសចាកចេញពីក្លិបដោយមិនគិតថ្លៃផ្ទេរ។ សេចក្តីថ្លែងការណ៍ផ្លូវការពីបិសាចក្រហមសរសេរថា៖ «អ្នកទាំងអស់គ្នានៅ United អរគុណ Rapha សម្រាប់សេវាកម្មរបស់គាត់ ហើយសូមជូនពរគាត់ឱ្យមានសុខភាពល្អសម្រាប់អនាគត»។

ខ្សែការពារកណ្តាលវ័យ 31 ឆ្នាំរូបនេះបាននឹងកំពុងប្រឈមមុខនឹងបញ្ហារបួសជាប់រហូត និងបញ្ហាកាយសម្បទាគ្រប់រដូវកាល ដោយបង្ហាញខ្លួនក្នុងការប្រកួតចំនួន 30 នៅគ្រប់ការប្រកួតទាំងអស់។

Raphael Varane បានចចារប្រាក់ឈ្នួលបរាជ័យជាមួយ Man Utd ខណៈដែលក្លិបចង់ឱ្យប្រាក់ឈ្នួលទាបជាង កិច្ចសន្យាដែលមានស្រាប់របស់គាត់ £340,000 ក្នុងមួយសប្តាហ៍ ។

Wayne Rooney បានអះអាងថាកីឡាករដែលរងរបួសខ្លះរបស់ Man United អាចនឹងធ្វើពុតជារបួស។

គាត់បានប្រាប់ Sky Sports ថា៖«កីឡាករ Manchester United មួយចំនួនដែលរងរបួសគឺអាចលេងបានធម្មតា។ កីឡាករទាំងនេះត្រូវមើលខ្លួនឯង ព្រោះពេលដែលអ្នកចាត់ការរបស់អ្នកកំពុងធ្វើបទសម្ភាសន៍ និងនិយាយអំពីអាកប្បកិរិយាមិនសមរម្យក្នុងការលេងឱ្យ Manchester United នោះគឺជាការប្រមាថដ៏ធំមួយ»។

«ប្រសិនបើខ្ញុំឃើញអ្នកចាត់ការរបស់ខ្ញុំនិយាយបែបនេះ វាគ្មានផ្លូវដែលខ្ញុំអនុញ្ញាតឱ្យរឿងនេះកើតឡើងរហូតដល់ចប់រដូវកាលនោះទេ។ វាហាក់ដូចជា កីឡាករមួយចំនួនគ្រាន់តែព្យាយាមធ្វើៗ ឱ្យឈានដល់ចុងរដូវកាល។ ហើយនោះជាគំនិតផ្ទាល់ខ្លួនរបស់ខ្ញុំ»។

“នៅពេលយើងមើលពីរបួសដែលពួកគេបានប្រឈម កីឡាករខ្លះអាចលេងបាន។ កីឡាករខ្លះអាចលេងបាន 100 ភាគរយ។ អ្នកក៏បានឃើញវា ខ្ញុំក៏បានឃើញវាច្រើនឆ្នាំមកហើយ។ ខ្ញុំគ្រាន់តែគិតថាកីឡាករដែលបានរង “របួស” ពួកគេមិនបានបំពេញខ្លួនដោយការផ្តល់កិត្តិយសអ្វីឡើយ»។

បច្ចុប្បន្ននេះ Man United មានកីឡាករ១០នាក់ដំបូងដែលប្រឈមមុខនឹងបញ្ហារបួស រួមទាំងកីឡាករ Bruno Fernandes និង Marcus Rashford ផងដែរ។

Erik ten Hag សង្ឃឹមថាកីឡាករដូចជា Lisandro Martinez, Bruno Fernandes, Marcus Rashford, Mason Mount, Luke Shaw, Harry Maguire និង Raphael Varane ទាំងអស់នឹងមានភាពរឹងមាំមុនពេលការប្រកួត FA Cup វគ្គផ្តាច់ព្រ័ត្រ ប៉ុន្តែគេនៅតែត្រូវមើលថាតើវាក្លាយជាការពិតឬយ៉ាងណា។