ព័ត៌មានកីឡាអន្តរជាតិ
លោក Leonardo ដែលជានាយកប្រតិបត្តិរបស់ Paris Saint Germain បានចាត់ទុកការនាំយក Sergio Ramos មកកាន់ទឹកដីបារាំង គឺ ជាកំហុសឆ្គងមួយ។
Ramos បានចាកចេញពី Real Madrid មកកាន់ PSG កាលពីដើមរដូវកាលដោយគ្មានតម្លៃខ្លួន ប៉ុន្តែ ការមកដល់ក្លិបថ្មី គឺ រូបគេពុំសូវបានបង្ហាញខ្លួននៅលើទីលានឡោះយ ដោយសារតែគេតែងតែជួបនូវបញ្ហាញាំញីរបួសជារឿយៗ។
លោក Leonardo បាននិយាយថា៖ «នៅពេលយើងចុះហត្ថលេខាជាមួយគាត់ គាត់មានសុខភាពល្អ។ គិតត្រឹមថ្ងៃនេះគាត់បានលេង៥ប្រកួត។ ជាអកុសល អ្វីដែលយើងបានគ្រោងទុកមិនបានកើតឡើងទេ។ វាពិបាកសម្រាប់គាត់ និងសម្រាប់មនុស្សគ្រប់គ្នា។ ថ្ងៃដែលយើងនិយាយថាគាត់មិនអាចលេងបានទៀតទេ អ្នករាល់គ្នានឹងច្បាស់ ពិតប្រាកដណាស់»។
“ប៉ុន្តែនេះមិនមែនជាករណីនោះទេ ទោះបីជាការលេងមិនបានធ្វើឱ្យគាត់ពិបាកក្លាយជាអ្នកដឹកនាំក៏ដោយ។ យើងនឹងរង់ចាំមុនពេលធ្វើការសន្និដ្ឋាន រដូវកាលមិនទាន់ចប់នៅឡើយទេ។ ប៉ុន្តែខ្ញុំមិនខ្លាចក្នុងការទទួលខុសត្រូវចំពោះកំហុសដែលខ្ញុំធ្វើនោះទេ»។
ព័ត៌មានកីឡាជាតិ
NEYMAR បានរិះគន់អតីតមិត្តរួមក្រុមរបស់គាត់ Xavi សម្រាប់ការជ្រើសរើសកីឡាករឱ្យលេងក្នុងក្រុម Barcelona ហើយរូបគេបានប្រាប់គាត់ឱ្យដាក់ Memphis Depay ចូលលេង ។
Depay ជាអតីតកីឡាកររបស់ PSV, Manchester United បានចូលរួមជាមួយ Barca ដោយគ្មានតម្លៃខ្លួនក្នុងរដូវក្តៅ បន្ទាប់ពីជោគជ័យជាមួយ Lyon អស់ជាច្រើនរដូវកាល។ ហើយគាត់ក៏បានចាប់ផ្តើមរដូវកាលបានយ៉ាងល្អជាមួយក្លឹបយក្្សក្នុងតំបន់សកាតាឡាន ដោយស៊ុតបញ្ចូលទីបានប្រាំបួនគ្រាប់ក្នុង 24 ប្រកួត។
ខណៈពេលដែល Depay ត្រលប់ទៅលេងក្នុងក្រុមវិញក្រោយជាពីរបួស Neymar បានផ្តល់ដំបូន្មានដល់អតីតមិត្តរួមក្រុមរបស់គាត់លោក Xavi ហើយឥឡូវនេះគាត់ បានក្លាយជាគ្រូបង្វឹករបស់ Barca ។ Neymar បានខលវីដេអូជាមួយ Depay នៅលើ Instagram ផ្ទាល់ដើម្បីអបអរសាទរកីឡាករហូឡង់ដែលទទួលបានការឧបត្ថម្ភជាមួយ Puma ថា៖ “នេះគឺជាសារមួយសម្រាប់ Xavi…. Xavi ដាក់ Memphis ឱ្យចូលលេង ព្រោះគាត់ស៊ុតបញ្ចូលទី!”។
ទោះជាយ៉ាងណាក៏ដោយ Depay អាចនឹងប្រឈមមុខនឹងការលំបាកទទួលបានកៅអី១១នាក់មកវិញ ស្របពេល Pierre-Emerick Aubameyang ដែលទិញចូលកាលពីខែមករាកំពុងលេងល្អ។ អតីតប្រធានក្រុម Arsenal ស៊ុតបញ្ចូលទីបាន 5 គ្រាប់ក្នុង 6 ប្រកួតសម្រាប់ Barca រួមទាំងការស៊ុតបញ្ចូលទីបាន Hat-trick ទល់នឹង Valencia ។
តែយ៉ាងណា! Depay អាចបង្ហាញខ្លួនឯងនៅក្នុង Europa League ។ Barca នឹងប្រកួតជាមួយ Galatasaray ក្នុងវគ្គ១៦ក្រុមចុងក្រោយ ហើយពួកគេគឺជាក្រុមមួយក្នុងចំណោមក្រុមជាច្រើនដែលអាចគ្រង់តំណែងពាននេះ ។ យ៉ាងណាមិញ ក្រុមម្ចាស់ជើងឯក Europa League ប្រាំសម័យកាល Sevilla ក៏មិនទាន់ទៅណាដែរ។West Ham, Atalanta, Bayer Leverkusen និង RB Leipzig សុទ្ធតែនៅមានឱកាសលេងនិងដណ្ដើមយកពានរង្វាន់លំដាប់ទី២នៅអឺរ៉ុបមួយនេះ៕
ប្រែសម្រួល៖ The Sun
ក្រុមបឹងកេតអេហ្វស៊ីនឹងបើកទ្វារកីឡដ្ឋាន Cambodia Airway Stadium របស់ខ្លួនទទួលភ្ញៀវណាហ្គាវើលដ៏ក្នុងការប្រកួតបើកឆាកពានរង្វាន់ Cambodian Premier League 2022 ខណៈដែលបួនប្រកួតចុងក្រោយរបស់បឹងកេតមិនដែលឈ្នះណាហ្គាវើលដ៏នោះក្នុងលីគ។
បួនប្រកួតចុងក្រោយបឹងកេតចាញ់២និងស្មើ២ ខណៈដែលកាលពីរដូវកាល២០២១ថ្មីៗកន្លងមកទៅនេះ បឹងកេតរងបរាជ័យ ១ទល់០ និង៤ទល់២ក្នុងលីគទាំងពីរជើងតែម្ដង។តែយ៉ាងណាក្ដី! ឆ្លើយតបជាមួយអ្នកសារព័ត៌មានក្នុងសន្និសីទអនឡាញមុនការប្រកួត លោកគឹម ភក្ដីគ្រូបង្វឹកបឹងកេតថាលទ្ធផលការប្រកួតចាស់ៗ គ្មានឥទ្ធិពលអ្វីមកលើការប្រកួតនៅថ្ងៃនេះទេ។ លោកថា៖
«ក្នុងវិស័យបាល់ទាត់យើងតែងតែមានប្រវត្តិជួបគ្នាបែបនេះ តែទោះបីជាយ៉ាងណា! យើងតែងតែផ្លាស់ប្ដូររៀងរាល់ការប្រកួត។ យើងមិនអាចដឹងស្ថានភាពនៃការប្រកួតឬលទ្ធផលមុននោះទេ ដូច្នេះហើយការធ្វើបានកម្រិតណារបស់កីឡាករគឺអាស្រ័យលើការរៀបចំលើទីលាន»។
«ដូច្នេះលទ្ធផលនៃការប្រកួតពីមុនៗមកមិនជះឥទ្ធិលពលមកលើការប្រកួតក្នុងពានរង្វាន់ Premier League រដូវកាលថ្មីនេះទេ។ យើងព្យាយាម ប្រឹងប្រែងកែប្រែប្រវត្តិនៃការប្រកួតឱ្យបានល្អ»។
បញ្ជាក់បន្ថែម! សម្រាប់ការប្រកួតនៅថ្ងៃនេះដែរក្រៅពីបឹងកេតជួបណាហ្គាវើល ក៏នៅមានគូដទៃទៀតគឺ៖កងយោធិពលខេមរៈភូមិន្ទ ប្រកួតជាមួយ ភ្នំពេញក្រោន នៅកីឡដ្ឋាន កងយុទ្ធពលខេមរភូមិន្ទ វេលាម៉ោង ០៣:៤៥ នាទីរសៀល អង្គរថាយហ្គឺរ ប្រកួតជាមួយ វិសាខា នៅកីឡដ្ឋាន ហនុមាន វេលាម៉ោង ០៣:៤៥ នាទីរសៀល ខណៈដែល ព្រះខ័នរាជស្វាយរៀង ប្រកួតជាមួយ គីរីវង់សុខសែនជ័យ នៅកីឡដ្ឋាន ខេត្តស្វាយរៀង វេលាម៉ោង ០៣:៤៥ នាទីរសៀលត្រូវពន្យារពេលការប្រកួតដោយសារកីឡាកររបស់ម្ចាស់ផ្ទះស្វាយរៀងវិជ្ជមានកូវីដ១៩៕
រូបភាព៖បឹងកេត
Harry Maguire កំពុងបន្តរង់ការបំភ្លេចចោលពីសំណាក់មិត្តរួមក្រុមផ្លាស់សំលៀកបំពាក់ Manchester United ក្រោយរូបគេបញ្ហាមួយចំនួនជាមិត្តពួកគេ។
ប្រធានក្រុមរបស់ក្លិបមានកីឡដ្ឋានOld Trafford រូបនេះបង្ហាញទម្រង់លេងហាក់មិនសូវបានល្អប៉ុន្មានទេក្នុងរដូវកាលនេះ ទោះបីប្រកួតខ្លះត្រូវបានគេកត់ត្រាថាល្អ ហើយទម្រង់លេងរបស់គាត់បែបនេះត្រូវបានមិត្តរួមក្រុមរបស់គាត់បង្ហាញការមិនពេញចិត្តហើយដាក់ជាសំណួរថាហេតុអ្វីគាត់នៅតែបានលេងសឹងគ្រប់ប្រកួត។
កាសែត Mirror Sport បានបង្ហាញកាលពីខែមុន ពីរបៀបដែល Maguire និង Cristiano Ronaldo កំពុងជាប់គាំងក្នុងការប្រជែងអំណាចប្រធានក្រុម ហើយកីឡាករអង់គ្លេសសឹងតែបាត់បង់ស្លាកពាក់នៅដៃដ៏មានកិត្តិយសមួយនេះ។
ហើយឥឡូវនេះសមាជិកមួយចំនួននៃក្រុមបិសាចក្រហមកំពុងបង្ហាញចម្ងល់ជាឯកជននូវឱកាសដែលគាត់លេងនៅក្នុងក្រុមរបស់ Ralf Rangnick នេះបើយោងតាមកាសែត The Times ខណៈដែលពួកគេមានអារម្មណ៍ថាការសម្តែងលើទីលានរបស់គាត់មិនសមស្របនឹងស្តង់ដារខ្ពស់របស់ក្លឹបនោះទេ។
បញ្ហារកាំរកូសរបស់United ជាមួយ Maguire បានផ្ទុះឡើងយ៉ាងខ្លាំងចាប់តាំងពីខែតុលា បន្ទាប់ពីចាញ់ Leicester City 4-2 ហើយក្រុមបានធ្វើការប្រជុំគ្នាលើចំណុចខ្វះខាត។ កាសែត The Times អះអាងថា កីឡាករបានបង្ហាញមតិម្ដងម្នាក់ៗ ហើយម្នាក់ក្នុងចំណោមពួកគេបានចោទសួរការសម្រេចចិត្តរបស់ក្លឹបក្នុងការធ្វើឱ្យ Maguire ក្លាយជាប្រធានក្រុមត្រឹមតែរយៈពេលប្រាំមួយខែបន្ទាប់ពីការមកដល់ Leicester ។
អ្នកតំណាងរបស់ Maguire បានបដិសេធថាឧបទ្ទវហេតុនេះបានកើតឡើង ហើយអ្នកដែលជិតស្និទ្ធនឹងគាត់និយាយថាគាត់យកតួនាទីជាប្រធានក្រុម Unitedមកដាក់សម្ពាធលើក្រុមយ៉ាងខ្លាំងក្លា។ ពាក់កណ្តាលខែមុននេះ រូបគេបានយល់ព្រមចាកចចេញពីថ្ងៃឈប់សម្រាកមួយថ្ងៃដើម្បីធ្វើ Q&A ជាមួយក្លិបលើបញ្ហានេះ។គេមានជំនឿកាន់តែខ្លាំងឡើងនៅក្នុងបន្ទប់សំលៀកបំពាក់នៅ Old Trafford ថា Ronaldo នឹងជំនួស Maguire ជាប្រធានក្រុម ប៉ុន្តែតារាព័រទុយហ្គាល់រូបនេះនឹងកាន់តួនាទីដ៏មានអំណាចជាង។ Rangnick បានស្នើឱ្យ Ronaldo ណែនាំកីឡាករវ័យក្មេងនៅក្នុងក្រុម ដែលធ្វើអោយខ្សែការពារអង់គ្លេសមានអារម្មណ៍ថា ស្ថិតនៅក្រោមឥទ្ធិពលរបស់កីឡាករវ័យ 37 ឆ្នាំនៅក្នុងក្លឹបទៅវិញ។ព Maguire គិតថាកីឡាករមួយចំនួនកំពុងបាត់បង់ការគោរពចំពោះគាត់ ខណៈការគ្រប់គ្រងរបស់គាត់នៅក្នុងបន្ទប់ផ្លាស់ប្តូរបានថមថយ។
Ronaldo បានដាក់ខ្លួនគាត់ថាជាគំរូសម្រាប់ Jadon Sancho, Scott McTominay និង Marcus Rashford ប៉ុន្តែនេះត្រូវបានគេមើលឃើញថាជាការគំរាមកំហែងដល់ប្រធានក្រុម Maguire ។ Rangnick បានបន្តការពារប្រធានក្រុមដែលច្រានចោលការអះអាងថានឹងមានការផ្លាស់ប្តូរប្រធានក្រុមពាក់កណ្តាលរដូវកាល។
គាត់បាននិយាយកាលពីខែមុនថា៖ “Harry បានរងរបួស។ គាត់បានត្រលប់មកវិញ ហើយមានការប្រកួតដ៏ល្អជាមួយ West Ham ហើយខ្ញុំប្រាកដថាគាត់អាចលេងក្នុងកម្រិតដូចគ្នា”។
“របៀបដែលយើងកំពុងលេងឥឡូវនេះគឺថ្មីសម្រាប់គាត់ដែរ ព្រោះនៅក្នុងក្រុមជម្រើសជាតិអង់គ្លេស គាត់ធ្លាប់លេងខ្សែការពារបី ហើយនៅទីនេះនៅ Manchester United ខ្សែការពារបួន ប៉ុន្តែនៅតែមិនសកម្មជាមួយការការពារបែបនេះនៅពេល យើងព្យាយាមហើយគាត់ព្យាយាមឈរជើងខាងមុខ ព្យាយាមការពារ”។
“នេះគឺជាអ្វីដែលថ្មីសម្រាប់គាត់ ហើយវានឹងចំណាយពេលខ្លះសម្រាប់គាត់ដើម្បីស៊ាំនឹងរឿងនោះ។ គាត់គឺជាប្រធានក្រុមរបស់យើង ហើយខ្ញុំមិនឃើញហេតុផលណាមួយដែលត្រូវផ្លាស់ប្តូរនោះទេ”៕
វាហាក់ដូចជាចម្លែកអារម្មណ៍មែនទែន ដែលយើងបានឃើញនិមិត្តសញ្ញា (Logo) ក្លិប The Blue Warriors ក្នុងចំណោម ១៩ក្លិបផ្សេងទៀត នៅក្នុងការប្រកួតពានរង្វាន់បាល់ទាត់ក្នុងសាល Tiger រដូវកាលឆ្នាំ២០២១ ខណៈដែលនិមិត្តសញ្ញាមួយនេះ យើងធ្លាប់បានឃើញរួចមកហើយ គឺបញ្ជាក់ពីអ្នកគាំទ្រផ្លូវការ របស់ក្លិបវិសាខា នៃលីគកំពូលកម្ពុជា (Cambodian Premier League) ។
ទាក់ទងទៅនឹងក្លិប The Blue Warriors នេះផងដែរ ក្រុមការងារគេហទំព័រ B8-Sport.com ក៏បានធ្វើការសាកសួរទៅកាន់លោក សន ពិសិដ្ឋ ដែលជាប្រធានក្លិប ជុំវិញការកំណត់គោលដៅទៅថ្ងៃអនាគត ក៏ដូចជាការសម្រេចចិត្តប្រើប្រាស់និមិត្តសញ្ញា The Blue Warriors។
-សំណួរទី១ ក្រុមការងារ B8-Sport.com សួរទៅកាន់លោក សន ពិសិដ្ឋ៖ «ពិតជាគួរឲ្យចាប់អារម្មណ៍ ដែលបានឃើញក្លិប The Blue Warriors ជាក្រុមមួយថ្មី ប៉ុន្តែតាមប្រភពទទួលបាន គឺជាក្លិបសម្បូរទៅដោយកីឡាករមានបទពិសោធដូចជា កែវ ជាតួ និងកីឡាករមួយចំនួនទៀត ដែលពោរពេញទៅដោយទេពកោសល្យជាមួយពានរង្វាន់បាល់ទាត់ក្នុងសាល។ ដូច្នេះតើលោក ពិសិដ្ឋ បានកំណត់គោលដៅអ្វីខ្លះ? សម្រាប់ការចូលរួមពានរង្វាន់ Tiger Futsal រដូវកាលឆ្នាំ២០២១»
-ប្រធានក្លិបរូបនេះបានឆ្លើយតបថា៖ «ជាការពិតទៅមានការចូលរួមចំណែកធំពីបងប្រុស លី ឡាយ ជាស្ថាបនិក ក្រុម The Blue Warriors ដើម្បីឲ្យពួកយើងចូលរួមពានរង្វាន់ Tiger Futsal 2021 ក្នុងគោលបំណងចង់លើកស្ទួយវិស័យកីឡាបាល់ទាត់ក្នុងសាលកម្ពុជា ជាពិសេសសម្រាប់ការប្រកួតកីឡា Sea Game នៅឆ្នាំ២០២៣ ដែលប្រទេសកម្ពុជាយើង ធ្វើជាម្ចាស់ផ្ទះ និងផ្តល់ឳកាសឲ្យយុវជនបង្ហាញសមត្ថភាពឲ្យបានច្រើន ដើម្បីបង្កើនសមត្ថភាព ក៏ដូចជាធនធានកីឡាករយើង នៅក្នុងក្រុមជម្រើសជាតិហ្វូតសាលកម្ពុជា នាពេលខាងមុខ»
-សំណួរទី២ ក្រុមការងារ B8-Sport.com សួរទៅកាន់លោក សន ពិសិដ្ឋ៖«កន្លងមកពួកយើងតែងតែសង្កេតឃើញថា The Blue Warriors ជាឈ្មោះរបស់ក្រុមអ្នកគាំទ្រក្លិបវិសាខា ដូច្នេះទាំងក្រុមការងារ B8-sport.com ក៏ដូចជាមហាជន ពិតជាចង់ដឹងថា តើមានអ្វីផ្សារភ្ជាប់ជាមួយគ្នាដែរ?»
-ប្រធានក្លិបរូបនេះបានឆ្លើយតបបន្តថា៖ «ពិតណាស់! The Blue Warriors គឺជាឈ្មោះក្រុមអ្នកគាំទ្ររបស់ក្លិបវិសាខា ដោយសារការស្រលាញ់រាប់អានរបស់បងប្រុស លី ឡាយ ដែលជាស្ថាបនិក បានសម្រេចចិត្តចូលរួមជាមួយរូបខ្ញុំ ដែលជាប្រធានក្លិប ខណៈដែលពីមុនមកតាមគម្រោង គឺខ្ញុំចង់ប្រើប្រាស់ឈ្មោះ ក្លិបបាល់ទាត់ខេត្តស្ទឹងត្រែង ជាស្រុកកំណើតរបស់ខ្ញុំ។ ដោយឡែក គោលបំណងនៃការចូលរួមជាមួយ The Blue Warriors គឺយើងសង្ឃឹមថាធ្វើឲ្យមានការចាប់អារម្មណ៍ពីសំណាក់ថ្នាក់ដឹកនាំក្លឹបបាល់ទាត់អាជីពផ្សេងៗនៅក្នុងស្រុក ដើម្បីងាកមកចាប់អារម្មណ៍រួមគ្នាបង្កើតជាក្លឹបបាល់ទាត់ហ្វូតសាលអាជីព ឲ្យបានច្រើនដូចប្រទេសជិតខាងយើងអីញ្ចឹងដែរ នាពេលខាងមុខនេះ»
Conor McGregor ដែលជាអ្នកប្រដាល់ក្នុងទ្រុងដ៏ល្បីល្បាញហាក់បង្ហាញចំណាប់អារម្មណ៍ក្នងការទិញយកក្លិប Chelsea បន្ទាប់ពីលោក Roman Abramovic បានប្រកាសលក់ក្លិបតោខៀវ។
លោក Abramovich បានមកកាន់កាប់ Chelsea ក្នុងនាមជាម្ចាស់ក្លិបតាំងពីឆ្នាំ២០០៣ គិតមកទល់ពេលនេះមានរយៈពេល១៩ឆ្នាំ ហើយ គ្រប់យ៉ាងនៅពេលនេះត្រូវបានបញ្ចប់បន្ទាប់ពីលោកជាជនជាតិរុស្សី ស្របពេលដែល រុស្សីកំពុងតែធ្វើសង្គ្រាមឈ្លានពានមកលើប្រទេសអ៊ុយក្រែន ក៏ រដ្ឋាភិបាលចក្រភពអង់គ្លេសបានហាមឃាត់លោកមិនឲ្យចូលមកកាន់ប្រទេសអង់គ្លេសទៀតឡើយ។
បន្ទាប់ពីផ្ទុះនៃការប្រកាសលក់ក្លិប Chelsea ស្រាប់តែភ្លាមៗនោះ McGregor ត្រូវបានគេទាក់ទងប្រាប់ថា ក្លិប Chelsea នឹងមានទំហំទឹកប្រាក់ប្រមាណ ៣ពាន់លានផោន ហើយ រូបគេក៏បាននិយាយថា «ខ្ញុំចង់ស្វែងយល់អំពីរឿងនេះ»៕ ប្រភព៖ Marca
លោក Roman Abramovich បានសម្រេចចិត្តលក់ក្លិប Chelsea ហើយ លោកនឹងបរិច្ចាគប្រាក់សុទ្ធទាំងអស់ទៅកាន់ជនរងគ្រោះក្នុងប្រទេសអ៊ុយក្រែន។
ទាក់ទងនឹងប្រាក់ជំនួយទៅកាន់ជនគ្រោះនៅប្រទេសអ៊ុយក្រែន លោក Abramovich បាននិយាយថា៖
ប្រាក់ចំណូលដែលទទួលបាននឹងជាប្រយោជន៍ដល់ជនរងគ្រោះទាំងអស់ក្នុងសង្គ្រាមនៅអ៊ុយក្រែន។ នេះរួមបញ្ចូលទាំងការផ្តល់មូលនិធិសំខាន់ៗឆ្ពោះទៅរកតម្រូវការបន្ទាន់របស់ជនរងគ្រោះ ក៏ដូចជាការគាំទ្រការងាររយៈពេលវែងនៃការស្តារឡើងវិញ៕
ប្រភព៖ Metro
ម្ចាស់ក្លឹបតោខៀវ Chelsea លោក Roman Abramovich បានសម្រេចចិត្តលក់ក្លឹបនេះ ហើយបានប្រកាសទទួលសំណើអ្នកទិញជាច្រើន។ ម្នាក់ក្នុងចំណោមនោះគឺជាមហាសេដ្ឋីស្វីស Hansjorg Wyss ដែលបានសារភាពថាបានដាក់សំណើរទិញក្លិបពីលោក Roman។
ខណៈពេលដែលមិនមានការបញ្ជាក់អំពីថាតើគាត់នឹងបន្តទិញក្លឹបនេះ មហាសេដ្ឋីរូបនេះស្ថិតក្នុងចំណោមជម្រើសដ៏មានសក្តានុពលក្នុងការក្លាយជាម្ចាស់ថ្មីរបស់ Chelsea ។ ដូច្នេះតើនរណាជាមហាសេដ្ឋីជនជាតិស្វីសអាយុ ៨៦ ឆ្នាំ? តោះមើល!
តើ Hansjorg Wyss ជានរណា?
Hansjorg Wyss គឺជាអ្នកជំនួញមហាសេដ្ឋីដែលស្ថិតក្នុងចំណោមអ្នកមានបំផុតនៅប្រទេសស្វីស។ បុរសអាយុ 86 ឆ្នាំគឺជាស្ថាបនិកក្រុមហ៊ុន Synthes ដែលជាក្រុមហ៊ុនផលិតឧបករណ៍វេជ្ជសាស្ត្រពហុជាតិ។ ទោះជាយ៉ាងណាក៏ដោយ Synthes ត្រូវបានលក់ទៅឱ្យសាជីវកម្មអាមេរិច Johnson & Johnson ក្នុងតម្លៃ 19.7 ពាន់លានដុល្លារក្នុងឆ្នាំ 2012 ដែល Wyss ទទួលបានការកើនឡើងយ៉ាងខ្លាំងនៃទ្រព្យសម្បត្តិរបស់គាត់។
Wyss ក៏ជាសប្បុរសជនដែលបានបរិច្ចាគរាប់រយលានដល់បុព្វហេតុបរិស្ថានក្នុងប៉ុន្មានឆ្នាំថ្មីៗនេះ។ មូលនិធិ Wyss របស់គាត់ ដែលជាអង្គការសប្បុរសធម៌ មានទ្រព្យសម្បត្តិច្រើនជាង $2bn ។
តើទ្រព្យសម្បត្តិរបស់គាត់ជាអ្វី?
ឥឡូវនេះ Wyss គឺជាអ្នកជំនួញដែលចូលនិវត្តន៍ ប៉ុន្តែនៅតែបន្តធ្វើការជាអ្នកសប្បុរសធម៌។ លោកជាមនុស្សម្នាក់ក្នុងចំណោមមនុស្សដែលមានចិត្តសប្បុរសបំផុតក្នុងលោកនេះបើតាមទស្សនាវដ្ដី Forbes។
គិតត្រឹមឆ្នាំ 2021 គាត់មានទ្រព្យសម្បត្តិ 5.8 ពាន់លានដុល្លារ ហើយបច្ចុប្បន្នជាប់ចំណាត់ថ្នាក់លេខ 235 ក្នុងបញ្ជីមហាសេដ្ឋីរបស់ Bloomberg ។ ទោះជាយ៉ាងណាក៏ដោយគាត់នៅតែខ្វះខាតក្នុងការផ្គូផ្គងទ្រព្យសម្បត្តិសុទ្ធរបស់រ៉ូម៉ាំង – ដែលត្រូវបានអះអាងថាមានចំនួន 12.9 ពាន់លានដុល្លារក្នុងឆ្នាំ 2019 ។
តើ Wyss និយាយអ្វីខ្លះអំពីការទិញ Chelsea?
និយាយអំពីការទិញChelsea លោក Wyss បានបង្ហាញកាលពីថ្ងៃពុធថា៖ “លោក Abramovich គឺជាទីប្រឹក្សា និងមិត្តភក្តិជិតស្និទ្ធបំផុតរបស់ពូទីន។ ដូច oligarchs ផ្សេងទៀតទាំងអស់ គាត់ក៏ស្ថិតក្នុងស្ថានភាពភ័យស្លន់ស្លោផងដែរ”។
“Abramovich កំពុងព្យាយាមលក់អចលនទ្រព្យរបស់គាត់ទាំងអស់នៅក្នុងប្រទេសអង់គ្លេស។ គាត់ក៏ចង់បោះបង់ Chelsea ឱ្យលឿនដែរ។ ខ្ញុំនិងមនុស្សបីនាក់ផ្សេងទៀតបានទទួលសំណើកាលពីថ្ងៃអង្គារដើម្បីទិញ Chelsea ពី Abramovich”។
“ខ្ញុំត្រូវរង់ចាំបួន ឬប្រាំថ្ងៃឥឡូវនេះ។ Abramovich បច្ចុប្បន្នកំពុងត្រូវបានគេសួរច្រើនពេក។ គិតត្រឹមថ្ងៃនេះ យើងមិនទាន់ដឹងតម្លៃលក់ពិតប្រាកដទេ។ ខ្ញុំអាចស្រមៃបានយ៉ាងល្អក្នុងការចាប់ផ្តើមនៅ Chelsea ជាមួយដៃគូ ប៉ុន្តែខ្ញុំត្រូវតែពិនិត្យមើលលក្ខខណ្ឌទូទៅជាមុនសិន។”
Wyss បានបញ្ជាក់ផងដែរថា ប្រសិនបើគាត់សម្រេចចិត្តទិញ Chelsea វានឹងក្លាយជាផ្នែកមួយនៃក្រុមហ៊ុនដែលមានអ្នកវិនិយោគ៦ឬ៧នាក់ចូលគ្នាបន្ថែមទៀត ហើយមិនមែនជាករណីដែលគាត់ចាក់លុយទាំងអស់របស់គាត់ដើម្បីធ្វើជាម្ចាស់ក្លឹបនោះទេ។
យោងតាមរបាយការណ៍ មហាសេដ្ឋីអាមេរិក និងជាម្ចាស់ផ្នែកនៃ LA Dodgers លោក Todd Boehly កំពុងធ្វើការជាមួយ Wyss ហើយពួកគេនឹងផ្តល់ជូនសំណើរួមគ្នាក្នុងពេលឆាប់ៗនេះ។
ប្រភព៖ Tribuna.com
លោក Ole Gunnar Solskjaer ត្រូវបាន Manchester United បណ្តេញចេញពីតំណែងក្នុងខែវិច្ឆិកា ឆ្នាំ 2021 បន្ទាប់ពីបរាជ័យយ៉ាងមហន្តរាយក្នុងលទ្ធផល 4-1 ទល់និងក្រុម Watford ។
បិសាចក្រហមបានចេញផ្សាយគណនីហិរញ្ញវត្ថុចុងក្រោយរបស់ពួកគេកាលពីថ្ងៃអង្គារ ដោយបង្ហាញថាគ្រូបង្វឹកសញ្ជាតិន័រវេសបានទទួលប្រាក់សំណងប្រហែល៧.៥ លានផោន។
ទោះជាយ៉ាងណាក៏ដោយ កញ្ចប់សំណងសរុបគឺកាន់តែខ្ពស់ ខណៈដែលបុគ្គលិកគ្រូបង្វឹកផ្សេងទៀតដែលជាជំនួយការរបស់អ្នកចាត់ការវ័យ 49 ឆ្នាំរូបនេះមួយចំនួននៅ Old Trafford ក៏មានសិទ្ធិទទួលបានកញ្ចប់ប្រាក់បំណាច់ផងដែរ។
Michael Carrick, Kieran McKenna និង Martyn Pert បានចាកចេញពី Man United ភ្លាមៗ បន្ទាប់ពី Solskjaer បានចាកចេញ ហើយពួកគេម្នាក់ៗទទួលបាន២.៥លានផោន។ ដូច្នេះហើយ ទឹកប្រាក់សរុបចំនួន 10លានផោនត្រូវបានចំណាយលើការបណ្តេញ Ole និងបុគ្គលិករបស់គាត់។
ង់ដារខ្ពស់របស់ក្លឹបនោះទេ។
