ព័ត៌មានកីឡាជាតិ
កីឡាការិនីចំនួន 4 នាក់ត្រូវបានជ្រើសរើសដោយសមាគមបាល់បោះសហរដ្ឋអាមេរិក-កម្ពុជា (UCBA) សម្រាប់ក្រុមបាល់បោះកម្ពុជាលើវិញ្ញាសា៣ទល់៣ ទៅចូលរួមព្រឹត្តិការណ៍ SEA Games 2022 នៅវៀតណាម។
ក្រុមនារីទាំងនោះមាន ចាស្មីន គង់, ស៊ីម៉ា សួន, ស៊ីត ធីតា ស៊ីតទីគុន និង ធីណា ស៊ីតទីគុន។ ចាស្មីន គង់ ជាអ្នកលេងកីឡាបាល់បោះនៅវិទ្យាល័យ និងមហាវិទ្យាល័យ ហើយបច្ចុប្បន្នកំពុងបង្វឹកនៅ Bohannon Middle School ក្នុងទីក្រុងសាន់ឡូរ៉េនហ្សូ រដ្ឋកាលីហ្វ័រញ៉ា។
មានសេចក្តីរាយការណ៍ថា UCBA កំពុងព្យាយាមជ្រើសរើសកីឡាករខ្មែរ-អាមេរិកចំនួនប្រាំនាក់សម្រាប់ក្រុមមួយនេះ។ ក្រៅពីឈ្មោះទាំងបួនដែលបានលើកឡើងនោះ បញ្ជីក៏រួមមាន Mikenzie Yim-Harvin, Teressa Thun និង Destiny Khay។
UCBA ក៏បានប្រកាសថាខ្លួនក៏នឹងដាក់ក្រុមបុរស៣ទល់៣នេះក្នុងការប្រកួតស៊ីហ្គេមលើកក្រោយ។ នៅស៊ីហ្គេមឆ្នាំ២០១៩នៅហ្វីលីពីន ក្រុមបាល់បោះបុរសកម្ពុជាបានយកឈ្នះក្រុមមីយ៉ាន់ម៉ាដើម្បីបញ្ចប់ក្នុងចំណាត់ថ្នាក់លេខ៧។
ប្រភព៖southeastasiansportsnews
លោក Roberto Mancini ដែលជាគ្រូបង្គោលក្រុមជម្រើសជាតិអ៊ីតាលី បានលើកឡើងថា វាលឿនពេកហើយក្នុងការនិយាយពីអនាគតរបស់លោកក្រោយលោកមិនអាចជួយក្រុមឡើងទៅកាន់ជុំផ្តាច់ព្រ័ត្រ World Cup 2022 បាន។
កាលពីយប់មិញនេះ វាស្ទើរតែមិនគួរឲ្យជឿ ដែល អ៊ីតាលី បានចាញ់ ក្រុមជម្រើសជាតិម៉ាសេដូនៀខាងជើង ក្នុងលទ្ធផល ១ទល់នឹង០ ធ្វើឲ្យពួកគេបាត់បង់កៅអីទៅកាន់ព្រឹត្តិការណ៍ World Cup នាប្រទេសកាតាចុងឆ្នាំនេះយ៉ាងសោកស្តាយបំផុត។
លោក Mancini បាននិយាយថា៖«យើងរង់ចាំមើលទាំងអស់គ្នា។ ខ្ញុំ គិត ថា អ្នក រាល់ គ្នានឹងមាន ការ ខក ចិត្ត ខ្លាំង នៅ ពេល នេះក្នុងការ និយាយ អំពី អនាគត។ សម្រាប់ពានរង្វាន់ Euro ជាបទពិសោធន៍ដ៏អស្ចារ្យបំផុតក្នុងជីវិតរបស់ខ្ញុំ ហើយ បរាជ័យយប់មិញនេះគឺជាការខកចិត្តដ៏ធំបំផុត។ នេះ គឺជាបាល់ទាត់ ពេលខ្លះរឿងមិនគួរឱ្យជឿវាកើតឡើង។ ខ្ញុំសុំសូមទោសជំនួសក្រុមទាំងមូល»៕
ខ្សែបម្រើ Jorginho របស់ក្រុមជម្រើសជាតិអ៊ីតាលី បានសម្រេក់ទឹកភ្នែក កាលពីយប់មិញក្រោយមិនអាចជួយក្រុមឡើងទៅលេងក្នុងព្រឹត្តិការណ៍ World Cup 2022។
Jorginho បានរៀបរាប់ទាំងទឹកភ្នែកថា៖«វាពិតជាពិបាកក្នុងការពន្យល់ពីអ្វីដែលបានកើតឡើង។ វាឈឺខ្លាំងណាស់។ ខ្ញុំនឹងនិយាយដោយស្មោះត្រង់ ខ្ញុំនៅតែមិនគួរឱ្យជឿ។ យើង តែង តែ គ្រប់ គ្រង ការ ប្រកួត និង បង្កើត ឱកាស ជា ច្រើន ប៉ុន្តែ យើងមិនអាចបញ្ចប់ទីបាន»៕
ប្រភព៖Metro
CPL បានរៀបចំការចុះត្រួតពិនិត្យស្មៅនៅកីឡដ្ឋាន ព្រីនស៍ នាថ្ងៃទី២៤ ខែមីនា ឆ្នាំ២០២២ វេលាម៉ោង ៩ៈ០០នាទីព្រឹកនេះ ដោយ មានការចូលរួម របស់លោក Shoji Ikeda ដែលជាអ្នកជំនាញលើការថែទាំស្មៅ អញ្ចើញមកពីប្រទេសជប៉ុន ។
នាយកប្រតិបត្តិរបស់ CPL លោក Satoshi Saito បានអោយដឹងដែរថា លោក Shoji Ikeda គាត់បានធ្វើទីលានស្មៅសម្រាប់ពហុកីឡដ្ឋានជាតិ Tokyo Olympics 2020 និងមជ្ឈមណ្ឌលហ្វឹកហ្វឺនជាតិ JFA និងកីឡដ្ឋាន J.League ជាច្រើនផ្សេងទៀត។
គាត់ក៏ជាសមាជិកផ្តល់ការប្រឹក្សាដែលមានភាពជោគជ័យថ្មីៗជាច្រើននៅ Singapore Sports Hub ។ មនុស្សម្នានិយាយថា គាត់ជាបុរសស្មៅដ៏ល្អបំផុតក្នុងប្រទេសជប៉ុនដែលមានអាយុ ៧០ ឆ្នាំ៕
ប្រភព៖ CPL
ព័ត៌មានកីឡាអន្តរជាតិ
Rio Ferdinand បានបដិសេធរបាយការណ៍ដែលមិនច្បាស់លាស់ដែលថាគាត់បានដាក់ខ្លួនគាត់ឱ្យធ្វើជាជំនួយការអ្នកចាត់ការថ្មីរបស់ Manchester United ។
បិសាចក្រហមកំពុងតែខិតកាន់តែកៀកក្នុងការបញ្ជាក់ពីការតែងតាំងអ្នកចាត់ការទូទៅរបស់ Ajax លោក Erik ten Hag ដើម្បីជំនួសតំណែងគ្រូបង្វឹកបណ្តោះអាសន្នបច្ចុប្បន្នលោក Ralf Rangnick បន្ទាប់ពីសម្ភាសន៍កីឡាករហូឡង់សម្រាប់ការងារនេះ។ ក្លឹបក៏កំពុងស្វែងរកការនាំយកអតីតកីឡាករម្នាក់ មកធ្វើជាជំនួយការអ្នកគ្រប់គ្រងរបស់ Hag នៅរដូវកាលក្រោយ នេះបើយោងតាម Stretty News ។
បណ្តាញប្លុករបស់ Manchester United បានរាយការណ៍ថាឋានានុក្រមរបស់បិសាចក្រហមចង់ឱ្យអតីតកីឡាកររក្សាភាពសុខដុមរមនានៅក្នុងបន្ទប់ស្លៀកពាក់ក្រោមការដឹកនាំរបស់គ្រូបង្វឹកបរទេសថ្មី។ Rio Ferdinand និង Robin van Persie គឺជាបេក្ខភាពពីររូបដែលដាក់ឈ្មោះទៅមុខសម្រាប់មុខតំណែងដែលកំពុងនៅទំនេរ។
ទោះបីជាយ៉ាងណាក៏ដោយ វាត្រូវបានគេរាយការណ៍ផងដែរថា ថ្នាក់ដឹកនាំរបស់ Man Utd មិនត្រូវបានគេបញ្ចុះបញ្ចូលមើលលើលទ្ធភាពរបស់អតីកីឡាករទាំងពីរនាក់នេះទេ។ Ferdinand បច្ចុប្បន្នធ្វើការជាអ្នកវិភាគទូរទស្សន៍បានបដិសេធពាក្យចចាមអារ៉ាមនេះយ៉ាងឆាប់រហ័ស ខណៈដែលគាត់បានបង្ហោះលើ Twitter។
អតីតកីឡាករជម្រើសជាតិអង់គ្លេសបាននិយាយជាភាសាងង់គ្លេសថា៖ ‘Who’s feeding you this sh*t! Put myself forward yanoooooo.’ B8 Sport សុំរក្សាសិទ្ធិមិនបកប្រែ)។
ចាប់តាំងពីចូលនិវត្តន៍ក្នុងឆ្នាំ 2019 Van Persie បានទទួលបទពិសោធន៍ជាគ្រូបង្វឹកនៅក្នុងប្រព័ន្ធសាលាយុវជនថ្នាលរបស់ Feyenoord ខណៈពេលដែលគាត់ក៏បានកាន់តំណែងគ្រូជំនួយផ្នែកប្រយុទ្ធក្នុងក្រុមឈុតធំផងដែរ។
Ferdinand បានបង្ហាញខ្លួននៅ Premier League ច្រើនជាង 500 ដងសម្រាប់ United បានសម្រេចចិត្តដកខ្លួនចេញពីកន្លែងហ្វឹកហាត់ ដើម្បីធ្វើការជាអ្នកវិភាគ និងចាប់ផ្តើមបង្កើតកម្មវិធី Potcast Vibe ផ្ទាល់ខ្លួនរបស់គាត់។ គេរំពឹងទុកថាប្រសិនបើ United យក Erik ten Hag នោះគាត់នឹងចង់នាំជំនួយការបច្ចុប្បន្នរបស់គាត់ លោក Mitchell van der Gaag មក Old Trafford ។
ខ្សែបម្រើ គួច ដានី របស់ក្លិបណាហ្គាវើលដ៍ បានរៀបរាប់ពីស្ទីលលេងរបស់ក្រុមទាំងមូលនៅក្នុងរដូវកាលនេះ។
ណាហ្គាវើលដ៍ ចាប់ផ្តើមរដូវកាលបានល្អ តាមរយៈលទ្ធផល ឈ្នះ២ និង ចាញ់១ មាន ៦ពិន្ទុ និង បច្ចុប្បន្នឈរនៅលេខរៀងទី២ តាមពីក្រោយក្រុមកំពូលតារាង ព្រះខ័នរាជស្វាយរៀង ចំនួន៣ពិន្ទុ។
ថ្លែងប្រាប់ The Morning ដានី បាននិយាយថា៖«ខ្ញុំពេញចិត្តជាមួយនឹងក្រុម ព្រោះយើងមានស្មារតីក្រុមល្អ ហើយ យើងតែងតែលើកទឹកចិត្តគ្នាទៅវិញទៅមក។ យើងកំពុងព្យាយាមលេងសម្រុកឱ្យបានច្រើនតាមដែលអាចធ្វើទៅបាន។ យើងការពារជាក្រុម ហើយ យើងសម្រុកជាក្រុមផងដែរ ព្រោះយើងអាចយល់ច្បាស់ពីកលល្បិចរបស់គ្រូបង្វឹកដែលចង់ឱ្យយើងរក្សាការគ្រប់គ្រងបាល់ឲ្យបានច្រើន»៕
យោងតាមកាសែត The Times រដ្ឋាភិបាលចក្រភពអង់គ្លេសបានអនុញ្ញាតឱ្យលោក Roman Abramovich បញ្ចូលទឹកប្រាក់ចំនួន៣០ លានផោនទៅក្នុងក្លឹប Chelsea ដើម្បីរក្សាក្លឹបឱ្យនៅស្ថិតស្ថេរ។
ការសម្រេចនេះកើតឡើង បើទោះជាមានការដាក់ទណ្ឌកម្មលើមហាសេដ្ឋីរុស្ស៊ីដោយរដ្ឋាភិបាលអង់គ្លេសក៏ដោយ។ Chelsea ត្រូវបានដកហូតប្រាក់ចំណូលភាគច្រើនរបស់ពួកគេ ខណៈដែលពួកគេធ្វើការក្រោមអាជ្ញាប័ណ្ណមានកំហិត។
ឥឡូវនេះរដ្ឋាភិបាលបានអនុញ្ញាតឱ្យពួកគេលក់សំបុត្រចូលទស្សនាការប្រកួត FA Cup និង Champions League ប៉ុន្តែប្រាក់ចំណូល(ដើមទុកនៅដដែលហើយប្រាក់ចំណេញដកចេញ)នឹងទៅដល់ជនរងគ្រោះនៃសង្គ្រាមនៅអ៊ុយក្រែន មិនមែនទៅក្លឹបខ្លួនឯងនោះទេ។
ក្រុមតោខៀវរកឃើញថាពួកគេស្ថិតក្នុងស្ថានភាពហិរញ្ញវត្ថុមិនស្ថិតស្ថេរ ខណៈដែលដំណើរការលក់កំពុងអូសបន្លាយពេលវេលាកាន់តែវែង៕
Manchester United បានប្រកាសជាផ្លូវការលើការចុះហត្ថលេខាទិញបាន Toby Collyer វ័យ១៨ឆ្នាំពីក្លិប Brighton។ ខ្សែបម្រើការពាររូបនេះបានចុះហត្ថលេខាលើកិច្ចសន្យារយៈពេល៣ឆ្នាំកន្លះនៅ Old Trafford ។ ប៉ុន្មានចំណុចខាងក្រោមនេះជាអ្វីដែលអ្នកត្រូវដឹងអំពីយុវជនរូបនេះ៖
ការរំពឹងទុកក្នុងអំឡុងពេលរបស់គាត់នៅសាលាយុវជនថ្នាលរបស់ Brighton កីឡាករ Collyer ត្រូវបានគេពិពណ៌នាថាជា “ខ្សែបម្រើអង់គ្លេសល្អបំផុត” ក្នុងចំណោមកីឡាករដែលកើតក្នុងឆ្នាំ 2004។ កីឡាករវ័យក្មេងដែលចាប់អារម្មណ៍ពីគ្រូបង្វឹករបស់ Man United ឥឡូវនេះនឹងបន្តការអភិវឌ្ឍន៍របស់គាត់នៅ Old Trafford ។
ទម្រង់លេង ស្ទីលនៃការលេងរបស់ Collyer ត្រូវបានពិពណ៌នាថាជាអ្វីដែលអ្នកចង់បានពីខ្សែបម្រើការពារ៖ កីឡាករដែលគ្រប់គ្រងការប្រកួតជ្រៅពីខាងមុខក្នុងតំបន់ការពារឡើងទៅលើ ហើយមិនខ្លាចការឆ្កឹះយកបាល់ពេលរបូតឱ្យគូប្រកួត។ យ៉ាងណាក៏ដោយ កីឡាករវ័យ១៨ឆ្នាំក៏មានសមត្ថភាពលេងនៅតំបន់ការពារកណ្តាលដែរ។
BRIGHTON, ENGLAND – JANUARY 15: Toby Collyer of Brighton and Hove Albion is tackled by Kion Etete of Tottenham Hotspur during the Premier League 2 match between Brighton and Hove Albion U23 and Tottenham Hotspur U23 at AMEX Elite Performance Centre on January 15, 2021 in Brighton, England. (Photo by Bryn Lennon/Getty Images)
ស្ថិតិ Collyer ធ្លាប់ជាផ្នែកមួយនៃក្រុមយុវជនរបស់អង់គ្លេសជាច្រើនដង សូម្បីធ្វើជាប្រធានក្រុម Three Lions’s អាយុក្រោម 16 ឆ្នាំ និងអាយុក្រោម 17 ឆ្នាំក៏ធ្លាប់ដែរ។ កាលពីរដូវកាលមុន គាត់បានបង្ហាញខ្លួនចំនួន ២៥ ដងសម្រាប់ក្រុម Brighton អាយុក្រោម 18 ឆ្នាំ និងអាយុក្រោម 23 ឆ្នាំ ដោយលេងបានជាង 2,000 នាទី។
ការប្រកួតប្រជែងសក្តានុពល
Man United ត្រូវតែឆ្លងកាត់ការចាយលុយដើម្បីទទួលបានហត្ថលេខារបស់ Collyer ដោយផ្តល់ឱ្យគាត់នូវការសាកល្បងមួយនៅខែកុម្ភៈ បន្ទាប់ពីលេចលឺថា Chelsea ចាប់អារម្មណ៍លើកីឡាករវ័យ 18 ឆ្នាំរូបនេះផងដែរ។
ទទួលបានការសរសើរ លោក Mark Beard ដែលជាអតីតអ្នកណែនាំរបស់ Collyer បានប្រាប់ Sussex Live ថា៖ “គាត់ពិតជារីករាយក្នុងការបង្វឹក។ គាត់មិនចំណាយពេលលើការថែទាំ បញ្ហារបួស…។ អ្វីដែលខ្ញុំនិយាយនោះគឺគាត់នៅជាមួយខ្ញុំ តែខ្ញុំមិនដឹងទេថានោះទីនោះគាត់យ៉ាងម៉េច។ គាត់បន្តការងាររបស់គាត់ជាខ្សែបម្រើម្នាក់។ គាត់តែងតែងលេងអស់ៗជាប្រចាំ យ៉ាងហោចណាស់នៅក្នុងការបង្ហាញ 8/10 ភាគរយដែរ”។
“គាត់មានស្ថិតិរត់ល្អបំផុត រត់ 13 គីឡូម៉ែត្រក្នុងមួយប្រកួត។ គាត់ពិតជាមិនគួរឱ្យជឿ គាត់បន្តធ្វើការងាររបស់គាត់។ អ្នកចង់បានកីឡាករ១១ នាក់ក្នុងក្រុមនេះតែគាត់ដឹងពីអ្វីដែលអ្នកនឹងទៅ។ គាត់ចូលហ្វឹកហាត់ គាត់ប្រឹងប្រែង គាត់ចង់កែលម្អ គាត់ឆ្លាត គាត់ជាក្មេងល្អគ្រប់ផ្នែក»។
ប្រភព៖ Mirror | Manchester Evening News | Sussex
ខ្សែបម្រើ Paul Pogba របស់ក្រុម Manchester United បានសារភាពថា គេចង់លេងជាមួយ Kylian Mbappe ក្នុងក្រុមតែមួយនារដូវកាលក្រោយ។
ការលើកឡើងបែបនេះអាចជាតម្រុយមួយដែល Pogba ទំនងជានឹងចាកចេញពី Man Utd បន្ទាប់ពីរូបគេនឹងអស់កិច្ចសន្យាជាមួយក្រុមក្រោយបញ្ចប់រដូវកាលនេះ។ ងាកមកកាន់ Mbappe វិញ គឺ ដូចគ្នារូបគេអាចចាកចេញបានដោយគ្មានតម្លៃក្រោយបញ្ចប់រដូវកាលនេះបន្ទាប់ពីកុងត្រារបស់គេជាមួយ Paris Saint Germain បានអស់សុពលភាព។
FILE PHOTO: Soccer Football – Champions League – Round of 16 Second Leg – Manchester United v Atletico Madrid – Old Trafford, Manchester, Britain – March 15, 2022 Manchester United’s Paul Pogba reacts REUTERS/Phil Noble/File Photo
ក្នុងកិច្ចសម្ភាសជាមួយ Pogba ដែលអ្នកកាសែតបានចោតជាសំណួរ ថា តើគេអាចក្លាយជាមិត្តរួមក្រុមរបស់ Mbappe ឬយ៉ាងណានារដូវកាលក្រោយ រូបគេបាននិយាយថា«ហេតុអ្វីបានជាមិនអាច? វាតែងតែជារឿងល្អក្នុងការលេងជាមួយមិត្តរួមក្រុមរបស់អ្នកទាំងនៅជម្រើសជាតិបារាំង និង ក្លិបរបស់អ្នក»៕
