(Khmer) នៅល្ងាចថ្ងៃសៅរ៍មួយថ្ងៃមុនការប្រកួត World Cup មនុស្សពាក់កណ្តាលនៃពិភពលោកទៅងហើយកំពុងនិយាយអំពី Cristiano Ronaldo និង Leo Messi ។

អ្វី​ដែល​បាន​កើត​ឡើង​គឺ Louis Vuitton បាន​បង្ហោះ​រូបភាព​ផ្សព្វផ្សាយ​របស់​អ្នក​ទាំង​ពីរ​លេង​ហ្គេម​អុក។ រូបតំណាងបាល់ទាត់ទាំងពីរក៏បានចែករំលែករូបភាពនៅលើទំព័រ Instagram ផ្ទាល់ខ្លួនរបស់ពួកគេផងដែរ ហើយវាប្រមូលបានជិត 50 លាន Like តក្នុងរយៈពេលតិចជាង 24 ម៉ោងបញ្ចូលគ្នា។

អ្នក​គាំទ្រ​ហាក់​មាន​អារម្មណ៍​ត្រេកអរ​ចំពោះ​គំនិត​ដែល Messi និង Ronaldo បាន​ជួប​ផ្ទាល់​សម្រាប់​ការ​ថត។ ទោះជាយ៉ាងណាក៏ដោយ ពួកគេត្រូវតែរំសាយអារម្មណ៍រំភើបរបស់ពួកគេនៅថ្ងៃបន្ទាប់ នៅពេលដែលក្រុមហ៊ុន Louis Vuitton បានចេញផ្សាយវីដេអូពីក្រៅឆាកនៃ”បង្កើតរូបភាពនេះ” ។

ដូច​វីដេអូ​នៅ​ពី​ក្រោយ​ឆាក​បាន​បង្ហាញ Ronaldo និង Messi បាន​ថត​ដោយ​ឡែក​ពី​គ្នា និង​នៅ​ទីតាំង​ផ្សេង​គ្នា។ រូបថតរបស់ពួកគេត្រូវបានកែសម្រួលរួមគ្នានៅ​ពេលក្រោយ។ យ៉ាង​ណា​ក៏​ដោយ យុទ្ធនាការ​ផ្សព្វផ្សាយ​រួម​របស់​គូ​ប្រជែងក្នុងបាល់ទាត់​ពេញ​មួយ​ជីវិតរបស់អ្ន​ក​ទាំង​ពីរ​គឺ​ជា​អ្វី​ដែល​មិន​ធ្លាប់​មាន​ពី​មុន​មក ហើយវានៅ​តែ​ជា​អំណោយ​ដល់​ពិភព​បាល់ទាត់។

ប្រភព៖ Sport Bible

(Khmer) Anthony Martial ជាកីឡាករម្នាក់ក្នុងជម្រើសខ្សែប្រយុទ្ធបី ដែលត្រូវបានពិចារណាដើម្បីជំនួស Karim Benzema ក្នុងក្រុមជម្រើសជាតិបារាំងបន្ទាប់ពីរបួស។

Benzema បានក្លាយជាតារាបាល់ទាត់ពិភពលោកចុងក្រោយគេដែលត្រូវបានដកចេញពីប្រទេសកាតាឆ្នាំ 2022 កាលពីយប់ថ្ងៃសៅរ៍ បន្ទាប់ពីបានរងរបួសភ្លៅក្នុងវគ្គហ្វឹកហាត់ដំបូងរបស់គាត់ជាមួយក្រុម Les Blues ។ ម្ចាស់​ជ័យលាភី Ballon d’Or ឆ្នាំ 2022 កំពុងប្រឈមមុខនឹងការអវត្តមានយ៉ាងតិចបីសប្តាហ៍ជាមួយនឹងយុទ្ធនាការ World Cup របស់គាត់ត្រូវបានបញ្ចប់ជាផ្លូវការ។

Didier Deschamps មានពេលរហូតដល់យប់ថ្ងៃច័ន្ទដើ ម្បីនាំយកមកជំនួសកីឡាករ 26 នាក់របស់គាត់ជាមួយនឹងតារា Man United ក្នុងចំណោមបញ្ជីបេក្ខភាព។ របាយការណ៍របស់ L’Equipe មានអ្នករត់ជួរមុខចំនួន 3 នាក់ដែលនឹងចូលមកជាមួយ Wissam Ben Yedder និង Moussa Diaby រួមជាមួយ Martial ​។

របាយការណ៍នេះបង្ហាញថា Yedder ប្រធានក្រុម Monaco អាចទទួលបានអត្ថប្រយោជន៍មួយ ខណៈដែលគាត់កំពុងនៅ Doha រួចហើយក្នុងវិស្សមកាលជា​មួយ​គ្រួសាររបស់គាត់។ កីឡាករវ័យ 32 ឆ្នាំរូបនេះបានឈ្នះ 19 ប្រកួតសម្រាប់ប្រទេសរបស់គាត់ និងស៊ុតបញ្ចូលទីបាន 10 គ្រាប់ក្នុងការបង្ហាញខ្លួន 21 លើកសម្រាប់ក្រុមរបស់គាត់នៅរដូវកាលនេះ។

តារាឆ្នើមរបស់ Bayer Leverkusen កីឡាករ Diaby ក៏មានទម្រង់លេងល្អផងដែរក្នុងរដូវកាលនេះ ដោយស៊ុតបញ្ចូលទីបាន 8 ដងក្នុងតួនាទីដ៏ធំទូលាយរបស់គាត់សម្រាប់ក្រុមលីគអាឡឺម៉ង់។ ទន្ទឹមនឹងនោះ Martial បានបង្ហាញខ្លួន 30 លើកសម្រាប់ប្រទេសបារាំង ចាប់តាំងពីការបង្ហាញខ្លួនជាអន្តរជាតិដំបូងរបស់គាត់ក្នុងឆ្នាំ 2015 ប៉ុន្តែមិនមាន​វត្តមាននៅក្នុងក្រុមនៅឆ្នាំ 2018 នៅពេលដែលក្រុមរបស់​លោក Deschamps បានឈ្នះការប្រកួតបាល់ទាត់ពិភពលោកនៅប្រទេសរុស្ស៊ី។

កីឡាករវ័យ 26 ឆ្នាំរូបនេះមិនបានតំណាងឱ្យប្រទេសរបស់គាត់ចាប់តាំងពីខែតុលា ឆ្នាំ 2021 ប៉ុន្តែបានបង្ហាញទម្រង់លេងដ៏ល្អសម្រាប់ក្រុម United ក្នុងរដូវកាលនេះ ទោះបីជានៅក្នុងយុទ្ធនាការដែលត្រូវបានរារាំងដោយរបួសក៏ដោយ។

Martial ត្រូវបានកំណត់ត្រឹមតែការបង្ហាញខ្លួនដំបូងចំនួន 3 ដងប៉ុណ្ណោះក្នុងរដូវកាលនេះ ដោយបានស៊ុតបញ្ចូលទីបាន 4 គ្រាប់ក្រោម​ការ​ដឹកនាំ លោក Erik ten Hag បានដាក់ឈ្មោះគាត់ថា ជាខ្សែប្រយុទ្ធជម្រើសដំបូងរបស់គាត់។

(Khmer) គ្រូបង្វឹកជម្រើសជាតិព័រទុយហ្គាល់លោក Fernando Santos បានទទូចថា Cristiano Ronaldo មិនហ៊ានធានាក្នុងការចាប់ផ្តើម១១នាក់គ្រប់ការប្រកួតទាំងអស់សម្រាប់ក្រុមជម្រើសជាតិនៅ World Cup ឆ្នាំ 2022 នោះទេ។

ដូចដែលបានរាយការណ៍ដោយ The Sun លោក Santos ត្រូវបានសួរថាតើគាត់មានអារម្មណ៍ថាត្រូវបានបង្ខំចិត្តឱ្យលេង Cristiano ដែរឬទេ។ គាត់​បាន​ឆ្លើយ​តប​ថា៖ «បង្ខំ? នេះ​មិន​មែន​ជា​ការ​បង្ខំ​ខ្ញុំ​ទេ។ នេះ​មិន​មែន​ជា​ការ​តម្រូវឱ្យធ្វើ​បែបនេះ​ទេ គ្មាន​នរណា​បង្ខំ​ឲ្យ​ធ្វើ​អ្វី​នៅ​ទី​នេះ​ទេ»។

“សំណួរអាចសួរខ្ញុំបាន ដោយផ្អែកលើអ្វីដែល Cristiano Ronaldo បានធ្វើ [ប៉ុន្មានសប្តាហ៍ថ្មីៗនេះនៅលើទីលាន] តើគាត់គួរតែចាប់ផ្តើមទេ? អ្វីៗនៅទីនេះ។”

Ronaldo បានវាយលុកលើ​ទំព័រមុខក្នុងចំណងជើងកាសែតធុំៗ ក្នុងសប្តាហ៍នេះជុំវិញបទសម្ភាសន៍ដ៏ផ្ទុះរបស់គាត់ជាមួយ Piers Morgan នៅលើ TalkTV ។ កីឡាករវ័យ 37 ឆ្នាំរូបនេះបានព្យាយាមខ្លាំង​ និង​ពិបាកក្នុងរដូវកាលនេះនៅ Manchester United ដោយស៊ុតបញ្ចូលទីបានតែ 3 ដងប៉ុណ្ណោះក្នុងការបង្ហាញខ្លួន 16 ដងក្នុងការប្រកួតទាំងអស់។

គាត់បានខកខានការប្រកួតមិត្តភាពមុនការប្រកួតរបស់ព័រទុហ្គាល់លើប្រទេសនីហ្សេរីយ៉ាកាលពីថ្ងៃព្រហស្បតិ៍ដោយសារជំងឺ។ ពួកគេចាប់ផ្តើមយុទ្ធនាការរបស់ពួកគេនៅថ្ងៃទី 24 ខែវិច្ឆិកាជាមួយហ្គាណា។

ប្រភព៖ The Sun

(Khmer) Manchester United នឹងសន្សំប្រាក់ប្រហែល 13,500,000 ផោនតាមរយៈការបញ្ចប់កិច្ចសន្យារបស់ Cristiano Ronaldo ។ បើ​ធ្វើការប្រៀបធៀប នេះគឺស្ទើរតែស្មើនឹងប្រាក់ឈ្នួលប្រចាំឆ្នាំរបស់ Bruno Fernandes ២ឆ្នាំរួមបញ្ចូលគ្នា (£13,720,000)។

Ronaldo រកបាន £480,577 ក្នុងមួយសប្តាហ៍នៅ United នេះបើយោងតាម Capology ។ កិច្ចសន្យាបច្ចុប្បន្នរបស់គាត់នៅសល់តិចជាង 8 ខែជាមួយបិសាចក្រហម។ ក្លឹប​ត្រូវ​បាន​គេ​និយាយ​ថា​នឹង​ខិត​ខំ​ដើម្បី​បញ្ចប់​កិច្ច​សន្យា​របស់​កីឡាករ​ព័រទុយហ្គាល់​ឱ្យ​បាន​ឆាប់​តាម​ដែល​អាច​ធ្វើ​ទៅ​បាន។

ប្រធានក្លិប ក៏ដូចជាបុគ្គលិក និងកីឡាករមួយចំនួន ត្រូវបានគេនិយាយថា មានការខកចិត្តយ៉ាងខ្លាំងចំពោះការចោទប្រកាន់មួយចំនួនដែល Ronaldo បានធ្វើនៅក្នុងបទសម្ភាសន៍ជាមួយ Piers Morgan ។

ប្រភព៖ Tribuna.com; Capology

(Khmer) ជាមួយនឹងការប្រកួត World Cup កាន់តែជិតមកដល់ Goal.com បានធ្វើការទស្សន៍ទាយមួយចំនួន ដោយផ្អែកលើក្រុមជម្រើសជាតិ និងការបង្ហាញនាពេលថ្មីៗនេះ។ នេះគឺជាក្រុមកំពូល 5 របស់ដែល​ពួកគេ​បាន​ព្យាករណ៍

1. ប្រេស៊ីល
Neymar, Vinicius Junior, Rodrygo, Raphinha និង Gabriel Jesus គឺជាប្រព័ន្ធប្រយុទ្ធដ៏​មុត​ស្រួច​របស់​លោក Tite ត្រូវជ្រើសរើសពីប្រទេសកាតា។

ខ្សែ​ប្រយុទ្ធ​ល្អទាំងនេះ ​គឺ​ជា​មូលហេតុ​ចម្បង​ដែលក្រុមសាំបា ជាក្រុម​មានៅភាគរយខ្ពស់​​ក្នុង​ការ​លើក​ពាន។ ពួកគេក៏មានខ្សែការពារដែលមានបទពិសោធន៍ជាច្រើនដូចជា Thiago Silva និង Dani Alves នៅតំបន់ការពារ ក៏ដូចជាអ្នកចាំទីល្អបំផុតពីររូបរបស់ Premier League គឺ Alisson និង Ederson ។ វាពិបាកណាស់ក្នុងការម់លរំលងពួកគេ។

2. អាហ្សង់ទីន
Lionel Messi & មិត្តរួម​ក្រុម នឹងសប្បាយចិត្តយ៉ាងខ្លាំងជាមួយនឹងរបៀបដែលពួក​គេបានចាប់ឆ្នោតក្នុងពូល ខណៈដែលពួកគេនឹងត្រូវជួបជាមួយម៉ិកស៊ិក ប៉ូឡូញ និងអារ៉ាប៊ីសាអូឌីត។ Messi ត្រលប់មកវិញនូវទម្រង់លេងល្អសម្រាប់ក្លឹប និងប្រទេស ខណៈដែលលោក Scaloni បានជំរុញការរួបរួម និងស្មារតីនៅក្នុងក្រុមរបស់គាត់ ដែលមានសក្តានុពលក្នុងការដឹកនាំពួកគេគ្រប់មធ្យោបាយ។

3. ប្រទេសអាល្លឺម៉ង់
ក្រុមដែល​មាន​កីឡាករ​មក​ពីក្របខ័ណ្ឌ Bundesliga ភាគច្រើន ទទួលបានចំណាត់ថ្នាក់កំពូលទាំង 3 ខណៈដែល Musiala កំពុងរីកដុះដាលទៅជាកីឡាករវ័យក្មេងដែលមានទេពកោសល្យល្អបំផុតនៅក្នុងបាល់ទាត់អឺរ៉ុប ខណៈដែលពួកគេមានកីឡាករមានបទពិសោធន៍ច្រើនក្នុងទម្រង់ជា Thomas Muller, Manuel Neuer, Ilkay Gundogan និង Joshua Kimmich ។

4. អេស្ប៉ាញ
ទោះបីជាមានសំណួរថាតើពួកគេមានប្រព័ន្ធប្រយុទ្ធដែលអាចទាញយកអត្ថប្រយោជន៍ពីទេពកោសល្យច្នៃប្រឌិតរបស់ពួកគេចេញពីខ្សែបម្រើដែល​មាន​ស្រាប់​ឬទេ ក៏ដោយក៏ក្រុមគោជល់អេស្ប៉ាញដែលធ្លាប់​ធ្វើ​បាន​ល្អក្នុងពាន Nations League របស់ពួកគេស្ថិត​ក្នុងការកសាងឡើងទៅកាន់ World Cup ។ ក្រុម​របស់​លោក Luis Enrique មាន​គុណភាព និង​កម្លាំងសមរម្យ​នឹង​ទៅ​ប្រទេស​កាតា​ឆ្នាំ 2022។

5. ប្រទេសបារាំង
រហូតមកដល់ពេលនេះ វាមិនមែនជាឆ្នាំជោគជ័យសម្រាប់ក្រុមម្ចាស់ជើងឯកនោះទេ ដោយសារបារាំងបានឈ្នះតែមួយប្រកួតក្នុងចំណោមការប្រកួត Nations League ចំនួនប្រាំមួយរបស់ពួកគេ ហើយបានគេចផុតពីការកាត់ចេញពីការប្រកួតវគ្គជម្រុះ។ ពួក​គេ​ត្រូវ​បាន​ក្រុម​ដាណឺម៉ាក​វាយ​ឈ្នះ​ចំនួន​ពីរ​លើក ដែល​ពួក​គេ​នឹង​ជួប​គ្នា​ម្ដង​ទៀត​ក្នុង​វគ្គ​ចែក​ពូល​ក្នុង​ប្រទេស​កាតា។

លើសពីនេះ Paul Pogba, N’Golo Kante និង Christopher Nkunku ទាំងអស់ត្រូវបានអវត្តមានដោយសារបញ្ហារបួស ហើយមានសំណួរដ៏ធំមួយអំពីសុខភាពរបស់ Karim Benzema ផងដែរ។ យោងតាមគេហទំព័រ Goal.com ម្ចាស់ជើងឯក World Cup 2018 នឹងមិនឡើងដល់វគ្គពាក់កណ្តាលផ្តាច់ព្រ័ត្រនៅប្រទេសកាតាទេ។

❓តើអ្នកគិតថានរណានឹងលើកពានក្នុងខែធ្នូ?

ប្រភព៖ Goal.com

(Khmer) Football Insider ដែលបានដកស្រង់ប្រភពព័ត៏មានពី Emirates បាននិយាយថា Arsenal ប្រាប់អ្នកឧបត្ថម្ភក្លឹបថា Bukayo Saka គ្រោងនឹងចុះហត្ថលេខាលើកិច្ចព្រមព្រៀងថ្មីមួយ បន្ទាប់ពីការប្រកួតបាល់ទាត់ពិភពលោក។

Saka បានចរចាជាមួយ Arsenal អស់ជាច្រើនខែមកហើយ ដោយកិច្ចសន្យាបច្ចុប្បន្នរបស់គាត់នឹងផុតកំណត់នៅរដូវក្តៅឆ្នាំ 2023 ។ ក្រុមកាំភ្លើងធំមានជម្រើសក្នុងការបន្តកុងត្រារបស់គាត់រហូតដល់ឆ្នាំ 2024 ប៉ុន្តែដោយសារការបំពេញការងារដ៏អស្ចារ្យរបស់គាត់ក្នុងរដូវកាលនេះ ប្រធានក្លឹបចង់ធានាថា គាត់នឹងចុះហត្ថលេខាលើកិច្ចសន្យាថ្មីឆាប់ៗនេះ។

កីឡាករសញ្ជាតិអង់គ្លេសវ័យ 21 ឆ្នាំ ត្រូវបានគេរាយការណ៍ថានឹងរកបាន 200,000 ផោនក្នុងមួយសប្តាហ៍ នៅពេលដែលគាត់កាន់ប៊ិកស៊ីញ៉េក្រដាសលើកិច្ចព្រមព្រៀងចុងក្រោយបង្អស់។ របាយការណ៍បន្ថែមថាកិច្ចសន្យារយៈពេលប្រាំឆ្នាំគឺនៅលើតុជាស្រេចសម្រាប់ Saka ដោយ​រង់ចាំតែគាត់​យល់​ព្រមសម្រក់ទឹក​ខ្មៅតែប៉ុណ្ណោះ ដែលនេះមានន័យថាតម្លៃសរុបនៃកិច្ចព្រមព្រៀងនឹងមានប្រហែល 52 លានផោន។

ប្រភព៖ Football Inside