International News
(Khmer) ក្រុមបិសាចក្រហម Manchester United មានការភ្ញាក់ផ្អើលយ៉ាងខ្លាំងចំពោះព័ត៌មាននៃការវះកាត់ក្រលៀនរបស់ Anthony Martial ដែលតម្រូវឱ្យគាត់អវត្តមានយ៉ាងហោចណាស់ 10 សប្តាហ៍។
ដោយសារកំណត់ត្រារបួសមិនល្អរបស់គាត់ Martial ត្រូវបានគេរំពឹងថានឹងចំណាយពេលយូរជាងនេះដើម្បីជាសះស្បើយពេញលេញ។ គាត់បានបង្ហាញខ្លួនតែ 13 ប្រកួតក្នុង Premier League នៅរដូវកាលនេះ ដែលភាគច្រើនប្ដូរចូលក្នុងនាមជាកីឡាករបម្រុង។
ម្យ៉ាងទៀត វាហាក់ដូចជា Martial អាចនឹងមិនលេងឱ្យ Man United ម្ដងទៀតរហូតដល់កុងត្រារបស់គាត់ផុតកំណត់នៅរដូវក្ដៅនេះ។ ដោយពិចារណាថាគាត់រកបាន £250,000 ក្នុងមួយសប្តាហ៍ នោះគាត់គឺជាកីឡាករដែលស៊ីប្រាក់ខែច្រើនហើយមិនបានលេងទៀងទាត់។
ប៉ុន្តែហេតុអ្វីបានជាបិសាចក្រហមមិនបញ្ចប់កិច្ចសន្យារបស់ Martial ដូចដែលពួកគេបានធ្វើជាមួយ Cristiano Ronaldo? យើងបានឃើញសំណួរទាំងនេះមួយចំនួន ពីអ្នកគាំទ្រនៅលើប្រព័ន្ធផ្សព្វផ្សាយសង្គម ក៏ដូចជាសារព័ត៏មាននានា។ ដើម្បីជម្រះវា ភាគីទាំងពីរ (ក្នុងករណីនេះ Man United និង Martial) ចាំបាច់ត្រូវយល់ព្រមបញ្ចប់កិច្ចសន្យារបស់គាត់។
ជាអកុសល ភ្នាក់ងាររបស់គាត់បានបញ្ជាក់ថា Martial នឹងមិនទៅណាទេក្នុងខែនេះ ហើយនឹងផុតកុងត្រារបស់គាត់នៅ Old Trafford ។ ក្នុងករណីរបស់ Ronaldo វិញ តារាឆ្នើមសញ្ជាតិព័រទុយហ្គាល់រូបនេះផ្ទាល់ចង់ចាកចេញដោយខ្លួនឯង។ ដូច្នេះលុះត្រាតែ Martial និងជំរុំរបស់គាត់មានឆន្ទៈចង់ចាក់ចេញ ទើប Man United អាចគិតគូបាន។
(Khmer) អតីតខ្សែប្រយុទ្ធប្រេស៊ីល Ronaldo បានដាក់ឈ្មោះកីឡាករ៨រូប ដែលគាត់គិតថាជាកីឡាករល្អបំផុតគ្រប់ពេល។ នេះបើយោងតាមការចេញផ្សាយរបស់Daily Mail កាលពីថ្ងៃអង្គារទី ២៣មករា ២០២៤។
និយាយត្រឡប់ទៅឆ្នាំ 2022ជាមួយកាសែតអង់គ្លេស The Guardian វីរបុរសប្រេស៊ីលដែលស៊ុតបញ្ចូលទីបាន៣៥២គ្រាប់ ក្នុងការបង្ហាញវត្តមាន៥១៨ ប្រកួតក្នុងអាជីពបាល់ទាត់របស់គាត់ និងធ្លាប់ឈ្នះពានរង្វាន់ Ballon d’Or ចំនួនពីរផងដែរនោះ បានដាក់ឈ្មោះកីឡាករល្អបំផុតគ្រប់ពេល ៨នាក់។ ទោះយ៉ាងណាក៏ដោយ គាត់មិនបានដាក់ឈ្មោះកីឡាករ Cristiano Ronaldo ដែលកំពុងល្បីនាពេលបច្ចុប្បន្នចូលក្នុងបញ្ជីរបស់គាត់ទេ។
គាត់បាននិយាយថា ខ្ញុំគិតថាមានក្រុមពិសេសៗខ្លាំងណាស់ ដែលក្នុងនោះមានដូចជា៖ Diego Maradona ,Pele, Johan Cruyff, Franz Beckenbauer, , Marco Van Basten, Ronaldinho និងរូបគាត់ផ្ទាល់ផងដែរ។
Ronaldoបន្តថា ខ្ញុំបញ្ចូលឈ្មោះខ្លួនឯង ដើម្បីឱ្យអ្នកគាំទ្រនិយាយអំពីវា អនុញ្ញាតឱ្យពួកគេជជែកដេញដោលគ្នា ប៉ុន្តែអ្នកមិនអាចចាត់ថ្នាក់ពួកគេ និងមិនអាចប្រៀបធៀបជំនាន់បានទេ។
ខណៈដែលរាប់ឈ្មោះខ្លួនឯងថាជាកីឡាករល្អបំផុតគ្រប់ពេលបែរជាកីឡាករសញ្ជាតិប្រេស៊ីលបដិសេធខ្សែប្រយុទ្ធ Cristiano Ronaldo តែជ្រើសរើសយកគូប្រជែងដ៏យូរអង្វែងរបស់ខ្លួនគឺកីឡាករ Lionel Messi ទោះបីជាខ្សែប្រយុទ្ធព័រទុយហ្គាល់ស៊ុតបញ្ចូលទីបាន ៨៩១ គ្រាប់ក្នុងអាជីពនិងបន្តបង្ហាញទម្រង់លេងនៅតែល្អក្នុងវ័យ៣៨ ឆ្នាំ។
ទន្ទឹមនឹងនេះដែរនៅក្នុងបញ្ជីរបស់ Ronaldo រួមមានកីឡាករជាច្រើនដែលគាត់មិនបានលេងជាមួយផង។ វីរបុរស Diego Maradona, Pele, Johan Cruyff, Franz Beckenbauer សុទ្ធតែជាកីឡាករឆ្នើមសម័យមុន ។ ម្យ៉ាងវិញទៀត Ronaldo បានលេងជាមួយ Ronaldinho ទាំងនៅMilan និងសម្រាប់ក្រុមជម្រើសជាតិប្រេស៊ីល។ តារាទាំងពីរមានសារៈសំខាន់ក្នុងការជួយជំរុញ ក្រុមជម្រើសជាតិប្រេស៊ីល (Selecao) ពេញមួយដើមទសវត្សរ៍ឆ្នាំ 2000 ។ នេះរួមបញ្ចូលទាំងការឈ្នះ World Cup រួមគ្នាក្នុងឆ្នាំ ២០០២។
Ronaldo Nazario វ័យ ៤៧ឆ្នាំដែលធ្លាប់លេងឲ្យក្លឹបដូចជា Barcelona, Inter Milan, Real Madrid និង Milan បានទទួលភាពជោគជ័យក្នុងអាជីពបាល់ទាត់របស់គាត់ក្នុងចន្លោះឆ្នាំ១៩៩៣ ដល់ ២០១១ ខណៈដែលគាត់ក៏បានស៊ុតបញ្ចូលទីបាន ៦២គ្រាប់ក្នុងការបង្ហាញវត្តមាន ៩៨ ប្រកួតសម្រាប់ក្រុមជម្រើសជាតិប្រេស៊ីល។
អតីតខ្សែប្រយុទ្ធរូបនេះគឺជាកីឡាករបាល់ទាត់ដ៏ល្បីល្បាញបំផុតក្នុងជំនាន់របស់គាត់ ហើយចាប់តាំងពីពេលនោះមកបានព្យាយាមចាប់ដៃគូធ្វើជាម្ចាស់បាល់ទាត់ក្លឹប Valladolid ក្នុងប្រទេសអេស្ប៉ាញ និងក្លឹបកុមារភាព Cruzeiroរបស់គាត់៕
(Khmer) ទ្រព្យសម្បត្តិរបស់កីឡាករបាល់ទាត់ ដែលមានជាងគេបំផុតនៅលើពិភពលោកគឺច្រើនជាង 16ដង ខណៈដែលច្រើនជាង Ronaldo និង Messi រួមបញ្ចូលគ្នា។
Lionel Messi និង Cristiano Ronaldo គឺជាកំពូលតារាបាល់ទាត់ឆ្នើមទាំងពីររូបលើពិភពលោកដែលមានទ្រព្យសម្បត្តិមហាសាល ប៉ុន្តែកីឡាករម្នាក់ដែលមានឈ្មោះថា Faiq Bolkiah លេងអោយក្លឹបបាល់ទាត់ថៃRatchaburi FC ឈរតំណែងកំពូលតារាងជាកីឡាករដែលមានទ្រព្យសម្បត្តិច្រើនជាងគេលើលោកពោលគឺច្រើនជាងទ្រព្យសម្បត្តិសរុបរបស់ Ronaldo និង Messi១៦ដង ។
Lionel Messi និង Cristiano Ronaldo មានទ្រព្យសម្បត្តិសរុបជាង១ពាន់លានដុល្លារ
ខណៈដែល Faiq Bolkiah អតីតកីឡាករក្លឹបយុវជនLeicester និងChelsea និងមិនដែលបានឡើងមកលេងជាមួយឈុតធំសូម្បីតែម្តង មានទ្រព្យសម្បត្តិសរុបប្រហែលជាង២២ពាន់លានដុល្លារ។
វីរបុរសទាំងពីរបានឆ្លងផុតពីបន្ទាត់កីឡាបាល់ទាត់ និងបង្កើតបានភាពល្បីល្បាញជាច្រើន ទោះបីជាពួកគេទាំងពីរបានចាកចេញពីអឺរ៉ុបទៅប្រកួតនៅ Inter Miami សហរដ្ឋអាមេរិក និង Al-Nassr ប្រទេសអារ៉ាប់ប៊ីសាអ៊ូឌីតរៀងៗខ្លួនក៏ដោយ។ Messiវ័យ៣៧ ឆ្នាំមានទ្រព្យសម្បត្តិប្រហែល ជាង៥៩៨ លានដុល្លារខណៈទ្រព្យសម្បត្តិ Ronaldo ត្រូវបានគេជឿថាមានប្រហែលជាង៦៣៥លានដុល្លារ។
កីឡាករវ័យ២៥ឆ្នាំដែលកើតនៅរដ្ឋ Los Angeles គឺជាក្មួយប្រុសរបស់ស្តេចស៊ុលតង់នៃប្រទេសប្រ៊ុយណេនិងជាអ្នកស្នងមរតកជាច្រើនដែលមានទ្រព្យសម្បត្តិជាង ២៥៤ពាន់លានដុល្លារ។
ទ្រព្យសម្បត្តិផ្ទាល់ខ្លួនរបស់គាត់ត្រូវបានគេជឿថាមានប្រហែលជាង២២ពាន់លានដុល្លារ ដែលស្មើនឹងទ្រព្យសម្បត្តិសរុបរបស់ Messi និង Ronaldo ប្រហែល១៦ដង។ មិនអាក្រក់ទេសម្រាប់កីឡាករដែលមិនបានបង្ហាញខ្លួនឱ្យក្រុមឈុតធំរបស់ Leicester ឬ Chelsea សូម្បីតែ១ប្រកួតចន្លោះឆ្នាំ២០១៤ និង២០២០ ។
Bolkiah បច្ចុប្បន្នលេងនៅប្រទេសថៃសម្រាប់ក្លឹប Ratchaburi FC ។ គាត់កំពុងរីករាយនឹងរដូវកាលដែលមានផលិតភាពនៅអាស៊ីអាគ្នេយ៍ ដោយបានចូលរួមចំណែករកបាបពីរគ្រាប់ក្នុងការបង្ហាញខ្លួនដប់លើក៕
(Khmer) យោងតាមប្រភពព័ត៌មាន Daily Mail ចេញផ្សាយបានឲ្យដឹងថា អ្នកគាំទ្របាល់ទាត់ជនជាតិចិនមួយចំនួនបានសម្រុកចូលទៅក្នុងសណ្ឋាគារដែលកីឡាកររបស់ក្លឹប Al-Nassr ស្នាក់នៅដើម្បីសម្តែងការខកចិត្តរបស់ពួកគេចំពោះការអសមត្ថភាពរបស់ Ronaldo ក្នុងការចូលរួមប្រកួតមិត្តភាព ។អ្នកគាំទ្រនៅខាងក្រៅសណ្ឋាគារស្រែកហៅ Ronaldo ម្តងហើយម្តងទៀតអោយចេញមកជួបពួកគេ។
Ronaldo គឺជាកំពូលតារាបាល់ទាត់មួយរូបដែលទាក់ទាញក្នុងដំណើរប្រកួតទេសចរ(មិត្តភាព) ដែលអ្នកគាំទ្របាល់ទាត់ចិនទទ្ទឹងរង់ចាំឱកាសដ៏កម្រដើម្បីបានឃើញកីឡាករូបនេះ។ ទោះជាយ៉ាងណាក៏ដោយ Ronaldo បានរងរបួសសាច់ដុំក្នុងអំឡុងពេលហ្វឹកហាត់ដែលធ្វើឱ្យគាត់មិនអាចចូលរួមប្រកួតបានធ្វើអោយក្លឹបAl-Nassr សម្រេចចិត្តពន្យារពេល។
ក្លឹបAl-Nassr ដែលមានតារាបាល់ទាត់ឆ្នើមRonaldo បានហ្វឹកហាត់នៅទីក្រុង Shenzhen មុនការប្រកួតជាមួយក្លឹបបាល់ទាត់ចិន Shanghai នៅថ្ងៃពុធទី ២៤ មុននឹងប្រកួតមិត្តភាពមួយផ្សេងទៀតជាមួយ Zhejiang នៅថ្ងៃទី២៨ ខែមករា។
ដើម្បីរំសាយកំហឹងរបស់អ្នកគាំទ្រ Cristiano Ronaldo បានចេញមុខសុំទោសដោយនិយាយថា៖ ដូចដែលអ្នកដឹងហើយក្នុងបាល់ទាត់មានរឿងមួយចំនួនដែលអ្នកមិនអាចគ្រប់គ្រងបាន។ ខ្ញុំបានលេងបាល់ទាត់២២ ឆ្នាំ ហើយខ្ញុំជាកីឡាករដែលមិនសូវរងរបួសច្រើនទេ។ ខ្ញុំពិតជាសោកស្តាយណាស់ព្រោះ Al Nassr និងខ្លួនខ្ញុំផ្ទាល់មកប្រទេសចិនដើម្បីនាំយកភាពរីករាយមកទីនេះ។ ខ្ញុំធ្លាប់មកប្រទេសចិនកាលពីឆ្នាំ២០០៣-០៤ ដូច្នេះខ្ញុំមានអារម្មណ៍ថាទីនេះវាហាក់ដូចជាផ្ទះទីពីររបស់ខ្ញុំ។
កីឡាករសញ្ជាតិព័រទុយហ្គាល់បានបន្តថា ខ្ញុំមានអារម្មណ៍ថាខ្ញុំតែងតែជាមនុស្សពិសេសនៅទីនេះ។ ខ្ញុំមានអារម្មណ៍ក្រៀមក្រំ។ ខ្ញុំដឹងថាអ្នកទាំងអស់គ្នាក៏សោកសៅដែរ ជាពិសេសមនុស្សដែលស្រលាញ់ Cristiano ប៉ុន្តែយើងត្រូវមើលរឿងនេះតាមរបៀបដ៏ល្អ។ យើងមិនបានលុបចោលការប្រកួតនោះទេ ហើយយើងនឹងត្រលប់មកទីនេះវិញ។ បញ្ហានេះអ្នករៀបចំកម្មវិធីអាចនឹងកំណត់កាលបរិច្ឆេទថ្មីៗនាពេលឆាប់ៗខាងមុខនេះ។
ជាអកុសល ខ្ញុំមានបញ្ហាខ្លះ ប៉ុន្តែនេះជាផ្នែកមួយនៃបាល់ទាត់ និងជីវិតរបស់ខ្ញុំ។ ខ្ញុំនៅទីនេះ ខ្ញុំនៅជាមួយអ្នកគាំទ្រ ខ្ញុំនៅជាមួយប្រជាជនចិន ហើយយើងនឹងបន្តនៅទីនេះ។
National News
(Khmer) កីឡាករបាល់ទះឥណ្ឌូណេស៊ី Luvi Febrian Nugraha បានទទួលស្គាល់ថាគាត់ជួបការលំបាកពេលលេងក្នុងលីគបាល់ទះកម្ពុជា។ បច្ចុប្បន្ន Luvi កំពុងប្រកបអាជីពនៅលីគបាល់ទះកម្ពុជាដោយលេងឱ្យក្លិបបាល់ទះបញ្ជាការដ្ឋានអង្គរក្ស។
មិនមែនមាន Luvi តែម្នាក់ឯងទេ ដែលបានលេងបញ្ជាការដ្ឋានអង្គរក្ស កីឡាករបាល់ទះឥណ្ឌូនេស៊ីបីនាក់ទៀតគឺ I Gede Wira Yudha, Dio Zulfikri និង Doni Haryono ក៏លេងនោះទីនោះដែរ។
Luvi មានការត្អូញត្អែរអំពីលីគបាល់ទះកម្ពុជា ត្រូវបានគេដឹងតាមរយៈការធ្វីតនៅលើគណនី Twitter (X) របស់គាត់។ នៅក្នុង tweet នោះអ្នកគ្រប់គ្រងគណនីឈ្មោះឈ្មោះ Minji បានសួរ Luvi តាមរយៈមុខងារ “Ask me Question” នៅលើ Instagram Story របស់គាត់។
Minji បានសួរអំពីការប្រៀបធៀបភាពលំបាកក្នុងការលេងបាល់ទះនៅកម្ពុជា និងឥណ្ឌូនេស៊ី។ ឆ្លើយតបនឹងសំណួរនេះ Luvi បានសារភាពថាគាត់កំពុងជួបប្រទះការលំបាក ពីព្រោះគ្មានមិត្តរួមការងាររបស់គាត់អាចនិយាយភាសាអង់គ្លេសបានទេ។ «គ្មាននរណាម្នាក់អាចនិយាយភាសាអង់គ្លេសបានទេ។ ទោះជាយ៉ាងណា នេះហាក់ដូចជាមិនមែនជាបញ្ហាសំខាន់សម្រាប់ Luvi ទេ។
បច្ចុប្បន្ន បញ្ជាការដ្ឋានអង្គរក្សស្ថិតក្នុងចំណាត់ថ្នាក់លេខ២ ក្នុងតារាងចំណាត់ថ្នាក់លីគបាល់ទះកម្ពុជា ខណៈសប្ដាហ៍នេះពួកគេនឹងត្រូវជួបក្រុមចំណាត់ថ្នាក់លេខ១ វិសាខា។
(Khmer) ទីផ្សារដោះដូរកីឡាកររដូវរងា (Winter Window )ឆ្នាំ 2024 នឹងបិទជាផ្លូវការនៅនៅថ្ងៃទី 31 ខែមករា។
Manchester United ធ្វើបានល្អណាស់ក្នុងការលុបបំបាត់ការជាប់គាំងនានា ពិសេសឱ្យកីឡាករវ័យក្មេងចាកចេញទៅលេងក្នុងកុងត្រាខ្ចីជើង ហើយកីឡាករឈុតធំដែលមិនបានលេងញឹកញាប់ក៏ឱ្យចាកចេញដែរ ប៉ុន្តែបិសាចក្រហមមិនទាន់ចុះហត្ថលេខាលើកីឡាករថ្មីនៅឡើយទេ។
យោងតាម ESPN FC ក្រុមបិសាចក្រហម Man United បើកចំហចំពោះគំនិតនៃការបន្ថែមកីឡាករទៅក្នុងក្រុមនៅក្នុងខែមករានេះប្រសិនបើមានឱកាស។
ទោះយ៉ាងណាក៏ដោយ គោលបំណងសំខាន់នៃទីផ្សារដោះដូរកីឡាករខែមករារបស់ Man Utd គឺដើម្បី ‘បន្ធូរបន្ថយកង្វល់ផ្នែកហិរញ្ញវត្ថុ’ មុនពេលកាន់កន្រ្តកចូលទីផ្សារដោះដូរកីឡាករក្នុងរដូវក្តៅ។
(Khmer) បើយើងងាកត្រលប់ទៅឆ្នាំ 2021 Tottenham មានឱកាសនាំយក Erik ten Hag មកធ្វើជាអ្នកចាត់ការ បន្ទាប់ពីការចាកចេញរបស់ Jose Mourinho ប៉ុន្តែពួកគេបានជ្រើសរើសលោក Nuno Espirito Santo ជំនួសវិញ ដោយសារតែការបារម្ភអំពីសមត្ថភាពទំនាក់ទំនងរបស់គ្រូបង្វឹកសញ្ជាតិហូឡង់។
ឥឡូវនេះ ក្តីបារម្ភស្រដៀងគ្នាកំពុងលេចឡើងនៅ Man United ។ សារព័ត៍មាន The Athletic អះអាងថា កីឡាករមួយចំនួនរបស់ Man Utd ចាប់ផ្ដើមចោទជាសំណួរ ពិសេសការធ្វើដដែលៗរបស់លោក Ten Hag ដែលពិតជាគួរឱ្យធុញទ្រាន់។
របាយការណ៍បន្ថែមថា រចនាប័ទ្មបង្រៀនដដែលៗរបស់ Ten Hag កើតចេញពីវិធីសាស្រ្តដ៏ហ្មត់ចត់របស់គាត់ ក្នុងគោលបំណងធានាឱ្យកីឡាករទាំងអស់យល់យ៉ាងពេញលេញនូវចំណុចសំខាន់ៗជាយុទ្ធសាស្ត្ររបស់គាត់។
ទោះជាយ៉ាងណាក៏ដោយ ឥទ្ធិពលនៃវិធីសាស្រ្តទាំងនេះ ហាក់ដូចជាមានការមិនពេញចិត្តពីកីឡាករមួយចំនួនរបស់ United ជាពិសេសអំឡុងពេលហ្វឹកហាត់រយៈពេលវែង ដែលហ្វឹកហាត់ដដែលអាចឈានដល់មួយម៉ោង ហើយជាលទ្ធផលកីឡាករដែលមិនសូវចេះភាសាអង់គ្លេស និងយកភាសាអង់គ្លេសជាភាសាទំនាក់ទំនងទី២ បាត់បង់ការផ្តោតអារម្មណ៍។
នេះមិនមែនជាស្ថានភាពចម្លែកសម្រាប់ Ten Hag ទេ។ គ្រូបង្វឹកសញ្ជាតិហូឡង់រូបនេះ ធ្លាប់ប្រឈមមុខនឹងបញ្ហាស្រដៀងគ្នានេះទាក់ទងនឹងការទំនាក់ទំនង និងទម្រង់លេងរបស់គាត់នៅ Ajax ប៉ុន្តែអាចទទួលបានការគាំទ្រពីអ្នកគាំទ្ រជាមួយនឹងលទ្ធផលជោគជ័យជាច្រើន និងការពានរង្វាន់ជាច្រើន។
(Khmer) លោកOmar Berrada ដែលទទួលបានជោគជ័យយ៉ាងខ្លាំងជាមួយក្លឹបMan City ត្រូវបានក្លឹបManchester Utd បញ្ចុះបញ្ចូលមកដឹកនាំក្នុងឋានៈជានាយកប្រតិបត្តិ(CEO) ដើម្បីជួយស្រោចស្រង់ក្លឹបឡើងវិញ។ក្នុងកាលៈទេសៈទទួលថ្មបាក់បែបនេះតើលោកត្រូវធ្វើអ្វីខ្លះ?យោងតាមកាសែតអង់គ្លេសThe Mirror លោកត្រូវធ្វើកិច្ចការចម្បងចំនួន៤ដូចខាងក្រោម៖
១-ត្រូវលក់ឬបញ្ចេញកីឡាករគ្មានប្រយោជន៍
បិសាចក្រហមManchester United ត្រូវតែកម្ចាត់កីឡាករដែលលែងសូវមានប្រយោជន៍មួយចំនួន។ ពួកគេបានធ្វើកិច្ចការនេះរួចហើយ ដោយបញ្ចេញកីឡាករJadon Sanchoទៅ Dortmund និង Donny van de Beekទៅ Frankfurt ។ Frankfurt មានជម្រើសក្នុងការចុះហត្ថលេខា Van de Beek ជាអចិន្ត្រៃយ៍នៅរដូវក្តៅនេះ។
កីឡាករAnthony Martial និង Raphael Varane ត្រូវផុតកុងត្រាក្នុងខែមិថុនា ប៉ុន្តែ United អាចនឹងបន្តការបន្តរយៈពេល ១២ ខែ។ ទោះបីជា Martial មានអាយុត្រឹមតែ ២៨និង Varane ៣០ឆ្នាំ ក៏ដោយ វាដល់ពេលវេលាមួយដែលបិសាចក្រហម អនុញ្ញាតឱ្យពួកគេទាំងពីរចាកចេញពីទីនេះ។
ដូចគ្នាដែរCasemiro មកពី Real Madrid ចូលរួមជាមួយ Man Utd ក្នុងកិច្ចព្រមព្រៀងជិត៨៩០លានដុល្លារ ក៏គួរតែត្រូវបានផ្លាស់ប្តូរផងដែរ។
២-ចរចាកិច្ចសន្យាជាមួយលោកTen Hagឡើងវិញ
ប្រសិនបើលោក Ten Hag នៅតែជាគ្រូបង្វឹក កិច្ចសន្យារបស់គាត់នឹងត្រូវកែប្រែចំណុចខ្លះពីព្រោះនៅក្នុងកិច្ចសន្យាបច្ចុប្បន្នលោកមានអំណាចវេតូ( ជំទាស់)ក្នុងការផ្ទេរកីឡាករ ។
ម្យ៉ាងទៀតដូចដែលយើងទាំងអស់គ្នាបានឃើញហើយថាលោក Ten Hag មិនមែនជាប្រតិបត្តិករដ៏ល្អបំផុតនៅក្នុងទីផ្សារផ្ទេរកីឡាករនោះទេ។
ជាឧទាហរណ៍Antony មើលទៅដូចជាមិនមែនកីឡាករដែលមានតម្លៃជាង១០០លានដុល្លារនោះទេ ខណៈកិច្ចសន្យាខ្ចីជើងរបស់ Wout Weghorst នៅតែធ្វើឱ្យអ្នកគាំទ្រជាច្រើនមានការងឿងឆ្ងល់។ ហើយកីឡាករចាំទីOnana ជាអ្នកធ្វើឱ្យប្រសើរឡើងជាង David de Gea ដែរឬទេ? ទេ គឺជាចម្លើយខ្លី។លោកTen Hag បានពឹងផ្អែកលើចំណេះដឹងរបស់គាត់អំពីទីផ្សារនៅប្រទេសហូឡង់ ហើយយុទ្ធសាស្ត្រនោះមិនដំណើរការទេ។
៣-ទិញកីឡាករអោយបានត្រឹមត្រូវ
និយាយអំពីការផ្ទេរកីឡាករនាយកប្រតិបត្តិថ្មីលោក Berrada បានដើរតួយ៉ាងធំធេងក្នុងការជួយឲ្យក្លឹបMan City ទទួលបានជោគជ័យ ។ គាត់ត្រូវបានគេកោតសរសើរចំពោះការបញ្ចុះបញ្ចូល Erling Haaland ដែលបានស៊ុតបញ្ចូលទី ៧១ គ្រាប់ក្នុង ៧៥ប្រកួតសម្រាប់ City ឱ្យបដិសេធក្លឹប Real Madrid និង Barcelona ហើយចុះហត្ថលេខាសម្រាប់ពួកគេនៅខែកក្កដា ឆ្នាំ ២០២២ ។
ជំនាញការផ្ទេរកីឡាករនឹងមានតម្លៃមិនអាចកាត់ថ្លៃបានសម្រាប់ United នៅរដូវក្តៅនេះ។ Berrada បានដើរតួយ៉ាងសំខាន់នៅក្នុងអាជីវកម្មផ្ទេររបស់ City ចាប់តាំងពីគាត់ត្រូវបានដំឡើងឋានៈជាប្រធានផ្នែកប្រតិបត្តិការបាល់ទាត់ក្នុងឆ្នាំ ២០១៦ ដើម្បីធ្វើការយ៉ាងជិតស្និទ្ធជាមួយនាយកកីឡាបាល់ទាត់ លោកTxiki Begiristain ។
ក្នុងរយៈពេលប្រាំបីឆ្នាំចុងក្រោយនេះ City បានចុះហត្ថលេខាលើកីឡាករកំពូលៗជាច្រើនពីបរទេសដូចជា Ruben Dias, Jeremy Doku, Rodri, Bernardo Silva, Julian Alvarez, Manuel Akanji, Josko Gvardiol និង Ederson ។ ក្លឹបធំៗនៅ Premier League ផ្សេងទៀតចាប់អារម្មណ៍លើតារាទាំងនោះ ប៉ុន្តែ Berrada បានទាក់ទាញពួកគេឱ្យមក City ។ នាយកប្រតិបត្តិថ្មីរបស់ United ត្រូវតែមានការបញ្ចុះបញ្ចូលនៅ Old Trafford ។
៤-វិនិយោគហេដ្ឋារចនាសម្ព័ន្ធ
ទោះបីជាការកសាងក្រុមជោគជ័យមានសារៈសំខាន់ក៏ដោយ ប៉ុន្តែអ្នកគាំទ្ររបស់ United ប្រាថ្នាចង់ឱ្យក្លឹបរបស់ពួកគេមានពហុកីឡដ្ឋានកំពូលថ្មីមួយក្នុងប្រទេសអង់គ្លេសម្តងទៀត។ កាលពី ២ទសវត្សរ៍មុន Old Trafford គឺជាពហុកីឡដ្ឋានដ៏ល្អបំផុតនៅក្នុងប្រទេសប៉ុន្តែ កីឡដ្ឋាន Emirates, Wembley, Etihad, Anfield និង Tottenham Hotspur Stadium សុទ្ធតែត្រូវបានគេចាត់ទុកថាជាកីឡដ្ឋានដ៏អស្ចារ្យនាពេលនេះ៕
(Khmer) លឹបបាល់ទាត់Udinese បានហាមអ្នកគាំទ្រម្នាក់អស់មួយជីវិតមិនអោយជាប់ពាក់ព័ន្ធជាមួយវិស័យបាល់ទាត់ពីបទរើសអើងជាតិសាសន៍ទៅលើអ្នកចាំទី Mike Maignan របស់ក្លឹប Milan។
បុរសដែលត្រូវបានហាមឃាត់នេះ ត្រូវបានរកឃើញដោយបុគ្គលិក និងប៉ូលីសតាមរយៈកាមេរ៉ាសុវត្ថិភាព ហើយក្លឹប Udinese បាននិយាយថា ពួកគេកំពុងធ្វើការដើម្បីកំណត់អត្តសញ្ញាណជនល្មើសបន្ថែមទៀត។ពួកគេបានបន្ថែមថា ការហាមនេះមានប្រសិទ្ធភាពភ្លាមៗចាប់ពីពេលនេះតទៅ។
នៅក្នុងសេចក្តីថ្លែងការណ៍របស់ក្លឹបបានឲ្យដឹងថា “យើងជឿថាវិធានការខ្លាំងបែបនេះគឺចាំបាច់ដើម្បីផ្ញើសារច្បាស់លាស់ថាការរើសអើងជាតិសាសន៍មិនមាននៅក្នុងបាល់ទាត់ ឬសង្គមទេ។
“យើងសូមអរគុណអាជ្ញាធរសម្រាប់កិច្ចសហប្រតិបត្តិការរបស់ពួកគេ ហើយយើងនឹងរួមគ្នាបន្តធ្វើការដោយមិននឿយហត់ដើម្បីកំណត់អត្តសញ្ញាណ និងពិន័យបុគ្គលផ្សេងទៀតដែលបានចូលរួមក្នុងឧបទ្ទវហេតុនេះហើយដែលធ្វើឱ្យខូចដល់ក្រមសីលធម៌កីឡារបស់ក្លឹប តំបន់ ទីក្រុង Udine និង អ្នកគាំទ្រដែលតែងតែជាគំរូ។
យើងចង់ធានាថាកីឡដ្ឋានរបស់យើងគឺជាកន្លែងមួយដែលមនុស្សគ្រប់គ្នាមិនគិតពីជាតិសាសន៍ ប្រវត្តិ វប្បធម៌ និងភាសារបស់ពួកគេហើយអាចរីករាយនឹងការប្រកួតដ៏ស្រស់ស្អាតដោយមិនភ័យខ្លាចការរើសអើង។
ការលេងត្រូវបានផ្អាកមួយរយៈពេលខ្លីក្នុងការប្រកួត Serie A កាលពីថ្ងៃទី 20 ខែមករា ខណៈដែល Maignan និងមិត្តរួមក្រុមរបស់គាត់បានចាកចេញពីទីលានប្រកួត បន្ទាប់ពីបានជូនដំណឹងដល់អាជ្ញាកណ្តាលអំពីការរំលោភបំពាន។
ពួកគេបានបន្ថែមថា ការហាមប្រាមនេះមានប្រសិទ្ធភាពភ្លាមៗ។ ក្លឹបបាននិយាយនៅក្នុងសេចក្តីថ្លែងការណ៍មួយថា “យើងជឿថាវិធានការខ្លាំងបែបនេះគឺចាំបាច់ដើម្បីផ្ញើសារច្បាស់លាស់ថាការរើសអើងជាតិសាសន៍មិនមានកន្លែងនៅក្នុងបាល់ទាត់ ឬសង្គមទេ”។
