(Khmer) មានការ​រំជើបរំជួល​ខ្លាំង​បន្ទាប់​ពី Toni Kroos បាន​ប្រកាស​ថា​គាត់​នឹង​ចាក​ចេញ​ពីអាជីព​បាល់ទាត់​ក្រោយ​លេង​នៅ Real Madrid អស់រយ់ពេល១០ កន្លងឆ្នាំ​មក។

ប្រធានក្លិបលោក Florentino Perez ឥឡូវនេះបានបង្ហាញមតិទាក់ទងទៅនឹងការ​ចូលនិវត្តន៍​របស់ខ្សែបម្រើអាល្លឺម៉ង់រូបនេះផងដែរ។

លោក Florentino បាននិយាយនៅក្នុងសេចក្តីថ្លែងការណ៍មួយថា៖« Toni Kroos គឺជាកីឡាករដ៏អស្ចារ្យបំផុតម្នាក់ក្នុងប្រវត្តិសាស្ត្ររបស់ Real Madrid ហើយក្លិបនេះគឺជាផ្ទះរបស់គាត់ជានិច្ច»។

ពេល​ចូលនិវត្តន៍ពីបាល់ទាត់ Kroos អាច​នឹង​ប្រឡូកក្នុងបីភពគ្រូបង្វឹក។ ទីមួយ ខ្សែបម្រើសញ្ជាតិអាឡឺម៉ង់នឹងត្រូវរៀនវគ្គគ្រូបង្វឹក​ដើម្បីទទួលបាន អាជ្ញាប័ណ្ណគ្រូបង្វឹករបស់គាត់។

Real Madrid មាន​ខ្សែ​បម្រើមកជំនួស Kroos ជាស្រេច​បាត់​ទៅហើយ។ កីឡាករដូចជា Eduardo Camavinga, Aurelien Tchouameni និង Fede Valverde សុទ្ធតែជាជម្រើសល្អ ហើយច្បាស់ណាស់ ពួកគេ​នឹងរ៉ាប់រងតំណែងបម្រើកណ្ដាល​នេះ​បាន​យ៉ាង​ល្អ៕

(Khmer) ថ្លែងមុនការប្រកួតពានរង្វាន់ Premier League ទល់នឹង Man City លោក David Moyes បាននិយាយថា៖« វាពិបាកក្នុងការយកឈ្នះ Man City នៅពេលណាក៏ដោយ ជាពិសេសនៅពេលដែលពួកគេដឹងថា ពួកគេត្រូវតែឈ្នះការប្រកួតមួយដើម្បីទទួលបានជើងឯក»។

«នោះធ្វើឱ្យយើងស្ថិតនៅក្រោមសម្ពាធដោយសារតែអ្វីដែល Manchester City អាចធ្វើបាន ប៉ុន្តែវាក៏ធ្វើឱ្យពួកគេស្ថិតនៅក្រោមសម្ពាធបន្តិចផងដែរ»។

«បាល់ទាត់គឺជាហ្គេមចម្លែកមួយ ហើយអ្នកមិនដឹងថាពេលណាដែលអ្នកនឹងត្រូវឈ្នះការប្រកួតនោះទេ។ យើងត្រូវព្យាយាមចាប់យកឱកាសទាំងនោះនៅពេលពួកគេមកដល់»។

«យើងផ្តោតទាំងស្រុងលើខ្លួនឯង។ យើងមិនមែនលេងដើម្បីធ្វើឱ្យ Manchester City ចាញ់ Premier League ឬ Arsenal ដើម្បីឈ្នះលីគនោះទេ យើងកំពុងលេងឱ្យ West Ham ហើយយើងកំពុងព្យាយាមឈ្នះការប្រកួតសម្រាប់អ្នកគាំទ្ររបស់យើង។ »

Arsenal ត្រូវ​ការឱ្យ West Ham យកឈ្នះ Man City នៅ​ថ្ងៃ​អាទិត្យនេះ ​ដើម្បី​រក្សា​ឱកាស​ឈ្នះ​ពាន​លីគ។ ក្រុមកាំភ្លើងធំខ្លួនឯងក៏ត្រូវទទួលភ្ញៀវ Evertonផងដែរ ។

(Khmer) Raphael Varane នឹងចាកចេញពី Manchester United នៅចុងបញ្ចប់នៃរដូវកាលនេះ ហើយក្នុងនាមជាកីឡាករគ្មានតម្លៃខ្លួន (Free Agent)។

កីឡាករសញ្ជាតិបារាំងរូបនេះនឹងបញ្ចប់ការស្នាក់នៅរយៈពេល 3 ឆ្នាំនៅ Old Trafford ដោយជ្រើសរើសចាកចេញពីក្លិបដោយមិនគិតថ្លៃផ្ទេរ។ សេចក្តីថ្លែងការណ៍ផ្លូវការពីបិសាចក្រហមសរសេរថា៖ «អ្នកទាំងអស់គ្នានៅ United អរគុណ Rapha សម្រាប់សេវាកម្មរបស់គាត់ ហើយសូមជូនពរគាត់ឱ្យមានសុខភាពល្អសម្រាប់អនាគត»។

ខ្សែការពារកណ្តាលវ័យ 31 ឆ្នាំរូបនេះបាននឹងកំពុងប្រឈមមុខនឹងបញ្ហារបួសជាប់រហូត និងបញ្ហាកាយសម្បទាគ្រប់រដូវកាល ដោយបង្ហាញខ្លួនក្នុងការប្រកួតចំនួន 30 នៅគ្រប់ការប្រកួតទាំងអស់។

Raphael Varane បានចចារប្រាក់ឈ្នួលបរាជ័យជាមួយ Man Utd ខណៈដែលក្លិបចង់ឱ្យប្រាក់ឈ្នួលទាបជាង កិច្ចសន្យាដែលមានស្រាប់របស់គាត់ £340,000 ក្នុងមួយសប្តាហ៍ ។

(Khmer) Wayne Rooney បានអះអាងថាកីឡាករដែលរងរបួសខ្លះរបស់ Man United អាចនឹងធ្វើពុតជារបួស។

គាត់បានប្រាប់ Sky Sports ថា៖«កីឡាករ Manchester United មួយចំនួនដែលរងរបួសគឺអាចលេងបានធម្មតា។ កីឡាករទាំងនេះត្រូវមើលខ្លួនឯង ព្រោះពេលដែលអ្នកចាត់ការរបស់អ្នកកំពុងធ្វើបទសម្ភាសន៍ និងនិយាយអំពីអាកប្បកិរិយាមិនសមរម្យក្នុងការលេងឱ្យ Manchester United នោះគឺជាការប្រមាថដ៏ធំមួយ»។

«ប្រសិនបើខ្ញុំឃើញអ្នកចាត់ការរបស់ខ្ញុំនិយាយបែបនេះ វាគ្មានផ្លូវដែលខ្ញុំអនុញ្ញាតឱ្យរឿងនេះកើតឡើងរហូតដល់ចប់រដូវកាលនោះទេ។ វាហាក់ដូចជា កីឡាករមួយចំនួនគ្រាន់តែព្យាយាមធ្វើៗ ឱ្យឈានដល់ចុងរដូវកាល។ ហើយនោះជាគំនិតផ្ទាល់ខ្លួនរបស់ខ្ញុំ»។

“នៅពេលយើងមើលពីរបួសដែលពួកគេបានប្រឈម កីឡាករខ្លះអាចលេងបាន។ កីឡាករខ្លះអាចលេងបាន 100 ភាគរយ។ អ្នកក៏បានឃើញវា ខ្ញុំក៏បានឃើញវាច្រើនឆ្នាំមកហើយ។ ខ្ញុំគ្រាន់តែគិតថាកីឡាករដែលបានរង “របួស” ពួកគេមិនបានបំពេញខ្លួនដោយការផ្តល់កិត្តិយសអ្វីឡើយ»។

បច្ចុប្បន្ននេះ Man United មានកីឡាករ១០នាក់ដំបូងដែលប្រឈមមុខនឹងបញ្ហារបួស រួមទាំងកីឡាករ Bruno Fernandes និង Marcus Rashford ផងដែរ។

Erik ten Hag សង្ឃឹមថាកីឡាករដូចជា Lisandro Martinez, Bruno Fernandes, Marcus Rashford, Mason Mount, Luke Shaw, Harry Maguire និង Raphael Varane ទាំងអស់នឹងមានភាពរឹងមាំមុនពេលការប្រកួត FA Cup វគ្គផ្តាច់ព្រ័ត្រ ប៉ុន្តែគេនៅតែត្រូវមើលថាតើវាក្លាយជាការពិតឬយ៉ាងណា។

(Khmer) Manchester United ធ្វើជាម្ចាស់ផ្ទះទទួលក្រុម Arsenal នៅកីឡដ្ឋាន Old Trafford ក្នុងការប្រកួត Premier League ភាគីទាំងពីរត្រូវការឈ្នះរៀងៗខ្លួន។

បរិបទមិនអាចខុសគ្នាជាងនេះទេ។ សម្រាប់ Arsenal ការឈ្នះមានន័យថាបោះជំហានមួយទៀតឆ្ពោះទៅរកការឈ្នះពាន Premier League។ សម្រាប់ Man United វាមានន័យថា ជាការបញ្ចប់ឆ្នាំ 2023/24 ប្រកបដោយសេចក្តីថ្លៃថ្នូរ ទោះបីជាបានធ្លាក់ទៅចំណាត់ថ្នាក់ទី 8 ក្នុងតារាងក៏ដោយ។

Arsenal បច្ចុប្បន្ន​គ្មាននរណាអាចបញ្ឈប់បាន​ទេ ដោយ​រក​បាន​១៣​គ្រាប់​ក្នុង​ការ​ប្រកួត​៤​លើក​ចុង​ក្រោយ​របស់​ពួក​គេ។ ទោះ​បី​ជា​យ៉ាង​ណា មាន​ក្តី​សង្ឃឹម​​ថា Man United នៅ​តែ​មាន​ប្រៀបជាង Arsenal។

ក្រុមកាំភ្លើងធំមានកំណត់ត្រាមិនល្អនៅ Old Trafford ។ ពួក​គេ​បាន​យក​ឈ្នះ​ក្រុម​ម្ចាស់​ផ្ទះ​តែ​មួយ​លើក​គត់​ក្នុង​ការ​ប្រកួត 16 លើក​ចុង​ក្រោយ​នៅ​ទីនេះ។

នោះ​រួម​បញ្ចូល​ទាំង​ការ​ស្មើ​ប្រាំ​ដង​និង​ចាញ់ 10ដង; Liverpool ក៏​មាន​កំណត់​ត្រា​ស្រដៀង​គ្នា​នេះ​ដែរ ហើយ​ត្រូវ​បាន​រក្សា​ក្នុង​លទ្ធផល​ស្មើ 1-1 អំឡុង​ពេល​ការ​ប៉ះ​គ្នា​កាល​ពី​ពេល​ថ្មីៗ​នេះ។

ប្រភព៖ Tribuna.com

(Khmer) លោក Erik ten Hag បានស្នើសុំកីឡាករ Manchester United ដែលរងរបួសលះបង់ខ្លួនឯង និងលេងទាំងឈឺចាប់ក្នុងការប្រកួតក្របខ័ណ្ឌ Premier League នាពេលខាងមុខជាមួយ Arsenal នេះបើយោងតាមកាសែត The Sun ។

ថ្មីៗនេះ Marcus Rashford និង Lisandro Martinez បានត្រលប់មកហ្វឹកហាត់វិញ ប៉ុន្តែ Harry Maguire, Raphael Varane, Scott McTominay, Willy Kambwala និងកីឡាករជាច្រើនទៀតនៅតែអវត្តមាន។

ដោយបានធ្លាក់ទៅចំណាត់ថ្នាក់ទី 8 ក្នុងតារាង Premier League កីឡាករត្រូវបានគេរាយការណ៍ថា នៅសល់មិនច្រើនទេក្នុងការលេងតទល់ជាមួយ Arsenal។

Man United នៅតែអាចមានឱកាសលេងពានទ្វីបអឺរ៉ុបនៅរដូវកាលក្រោយ ប្រសិនបើពួកគេឈ្នះ FA Cup ប៉ុន្តែជាការពិតណាស់ ការយកឈ្នះ Manchester City ហាក់ដូចជាមិនអាចទៅរួចនោះទេ។

សំណើរបស់ Ten Hag ដែលជំរុញឱ្យកីឡាករលេងទាំងការឈឺចាប់ ទោះជាយ៉ាងនេះក្តី ការ​លេងបែបនេះមិនសូវល្អសម្រាប់គ្រូបង្វឹកនោះទេ។ កីឡាករមួយចំនួនជឿ​ថា​​ការ​ធ្វើ​ដូច្នេះ​នឹង​ធ្វើ​ឱ្យ​ក្រុម​មាន​ហានិភ័យ​បន្ថែម​ទៀត។

(Khmer) Lisandro Martinez នឹង​ត្រឡប់មកវិញសម្រាប់ការប្រកួតវគ្គផ្តាច់ព្រ័ត្រ FA Cup នៅ Wembley នេះបើយោងតាមកាសែត Daily Mail ។

ខ្សែការពារកណ្តាលអាហ្សង់ទីនដែលទើបតែបង្ហាញខ្លួនបាន 11 ដងក្នុងរដូវកាលនេះ ចង់លេងតទល់ជាមួយ Manchester City ។ Jonny Evans បច្ចុប្បន្នគឺជាខ្សែការពារកណ្តាលតែម្នាក់គត់ដែល​អាច​ដាក់ឱ្យលេង​បាន Erik ten Hag ដូច្នេះវត្តមានរបស់ Martinez នឹងត្រូវបានស្វាគមន៍បំផុត។

Manchester United អាចសង្គ្រោះខ្លួនឯងយុទ្ធនាការឆ្នាំ 2023/24 ដ៏មហន្តរាយដោយការផ្តួល Man City លើក​ពាន FA Cup នៅចុងខែនេះ ហើយជ័យជម្នះក៏អាចជួយយឺតយោងការងាររបស់​លោក Ten Hag ឱ្យនៅដឹកនាំបន្តផងដែរ។

(Khmer) កីឡាករ Dinh Thanh Trung ដែលជាម្ចាស់ពានរង្វាន់បាល់មាសវៀតណាមឆ្នាំ 2017 និងកីឡាករ 4 នាក់ទៀតដែលលេងនៅក្លិបក្នុងក្របខ័ណ្ឌ  V. League ដូចជា៖ Hong Linh Ha Tinh (របស់ក្លិប Hong Linh Ha Tinh FC) ត្រូវបានឃុំខ្លួនពាក់ព័ន្ធនឹងករណីប្រើប្រាស់គ្រឿងញៀននៅឯសណ្ឋាគារមួយក្នុងទីក្រុង Ha Tinh ។

Trung រួមទាំងខ្សែបម្រើ Nguyen Trung Hoc អ្នកចាំទី Duong Quang Tuan ខ្សែបម្រើ Nguyen Ngoc Thang និងខ្សែការពារ Nguyen Van Truong ត្រូវបានប៉ូលីស Ha Tinh ឃាត់ខ្លួនកាលពីថ្ងៃពុធ។

កាលពីប្រាំថ្ងៃមុន អាជ្ញាធរបានត្រួតពិនិត្យសណ្ឋាគារមួយក្នុងទីក្រុង Ha Tinh ហើយបានរកឃើញមនុស្សមួយក្រុមចំនួន 10 នាក់ រួមទាំងកីឡាករបាល់ទាត់បានប្រើប្រាស់សារធាតុហាមឃាត់ផងដែរ។ អ្នកទាំងអស់​ត្រូវ​បាន​ឃុំ​ខ្លួន​ប្រឈម​នឹង​ការ​ចោទ​ប្រកាន់​ពី​បទ​រៀប​ចំ​ការ​ប្រើ​ប្រាស់​គ្រឿង​ញៀន។

ប្រភព​មួយ​បាន​និយាយ​ថា​៖ «​ករណី​នេះ​ត្រូវ​បាន​អាជ្ញាធរ​តាម​ដាន​ជា​យូរ​មក​ហើយ ខណៈ VnExpress បាន​ទាក់ទង​ទៅ​កីឡាករ​មួយ​ចំនួន ប៉ុន្តែ​មិន​មាន​ការ​ឆ្លើយ​តប​ទេ។

នៅថ្ងៃពុធ Hong Linh Ha Tinh FC នឹងប្រកួតជុំទី 17 នៃ V-League 2023-2024 ទល់នឹង Binh Dinh FC។ កីឡាករ​ទាំង​បួន​ដែល​ត្រូវ​បាន​ឃុំ​ខ្លួន​នោះ​មិន​មាន​ក្នុង​បញ្ជី​ចុះ​ឈ្មោះ​សម្រាប់​ការ​ប្រកួត​នោះ​ទេ។ Trung ដែល​ជា​ខ្សែ​បម្រើ​វ័យ 36 ឆ្នាំ​ក៏​បាន​ឈ្នះ​ពាន V. League ដូចគ្នា​ជាមួយ​នឹងក្លិប Quang Nam FC។ Nguyen Ngoc Thang គឺជាខ្សែការពារវ័យក្មេងដ៏មានទេពកោសល្យរបស់ U23 វៀតណាម ដែលទើបតែបានលេង U23 Asian Cup នៅប្រទេសកាតា។ Nguyen Trung Hoc ជាខ្សែបម្រើសំខាន់របស់ ក្លិប Hong Linh Ha Tinh FC  ជាច្រើនឆ្នាំ ហើយធ្លាប់បានធ្វើជាប្រធានក្រុមជាច្រើនដងផងដែរ។

Hong Linh Ha Tinh FC បច្ចុប្បន្នកំពុងឈរនៅលេខ 8 ក្នុង V. League បន្ទាប់ពីជុំទី 16 ដែលមាន 20 ពិន្ទុ។