(Khmer) នៅព្រឹកថ្ងៃពុធ ទី១៣ ខែមីនា សហព័ន្ធកីឡាបាល់ទាត់កម្ពុជា រៀបចំមហាសន្និបាតបូកសរុបលទ្ធផលការងារ ឆ្នាំ២០២៣ និងលើកទិសដៅការងារ ឆ្នាំ២០២៤ របស់លើកទី១៨ ឆ្នាំ២០២៤ នៅសណ្ឋាគារ ហៃយ៉ាត់ រឺជិនស៊ី រាជធានីភ្នំពេញ ក្រោមវត្តមាន ឯកឧត្តម ខៀវ សាម៉េត អនុប្រធានសហព័ន្ធកីឡាបាល់ទាត់កម្ពុជា និងជាតំណាងដ៏ខ្ពង់ខ្ពស់ឯកឧត្តម នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានសហព័ន្ធបាល់ទាត់កម្ពុជា។

ក្នុងអង្គពិធីសន្និបាត លើកទី១៨ ខាងលើក៏មានការភាគីជាច្រើនចូលរួមជាសក្ខីភាព មានដូចជា​៖
– ឯកឧត្តម សាមឺឌី ស៊ីវឌ្ឍនា រដ្ឋលេខាធិការ និងជាតំណាងដ៏ខ្ពង់ខ្ពស់ ឯកឧត្តមបណ្ឌិត សភាចារ្យ ហង់ ជួន ណារ៉ុន ឧបនាយករដ្ឋមន្ត្រី រដ្ឋមន្ត្រី ក្រសួងក្រសួងអប់រំ យុវជន និងកីឡា
– ឯកឧត្តម តែម ម៉ឺន តំណាងគណៈកម្មាធិការជាតិអូឡាំពិកកម្ពុជា
– លោកស្រី Siti Zuraina Abdullah (ស៊ីទិ ស្សរៃណា អាប់ដុលឡា តំណាងសហព័ន្ធកីឡាបាល់ ទាត់អាស៊ី (AFC)
– លោក Winston Lee (វីនស្តុន លី) អគ្គលេខាធិការសមាគមបាល់ទាត់អាស៊ាន (AFF)។

ចំពោះសមិទ្ធផលការងារ ឆ្នាំ២០២៣ ដែលស្តែងចេញពីគោលដៅអាទិភាពសកម្មភាពការងាររបស់ សហព័ន្ធកីឡាបាល់ទាត់រួមមាន៖
– ការអភិវឌ្ឍហេដ្ឋារចនាសម្ព័ន្ធ ការអភិវឌ្ឍបាល់ទាត់ថ្នាល និងយុវជន
– ការរៀបចំការប្រកួតថ្នាក់ជាតិ និងចូលរួមការប្រកួតអន្តរជាតិ ការអភិវឌ្ឍក្រុមបាល់ទាត់ក្រុមជម្រើសជាតិគ្រប់កម្រិត
– ការអភិវឌ្ឍធនធានមនុស្សមានដូចៗជា អាជ្ញាកណ្តាល មន្ត្រីបច្ចេកទេស រដ្ឋបាល ពេទ្យ ការអភិវឌ្ឍបាល់ទាត់ក្នុងសាល ការអភិវឌ្ឍបាល់ទាត់នារី ការទទួលធ្វើជាម្ចាស់ផ្ទះរៀបចំការប្រកួត អន្តរជាតិ ទាំងផ្លូវការ និងមិត្តភាព។

ក្រៅពីនេះ សហព័ន្ធកីឡាបាល់ទាត់កម្ពុជា ក៏បានកំណត់ដាក់ចេញនូវយុទ្ធសាស្ត្រជាគោលដៅ និងកម្មវិធីសកម្មភាពជាក់ស្តែងចំនួនទាំង១២ចំណុចជាអាទិ៍មាន៖

១) ការអភិវឌ្ឍផ្នែករដ្ឋបាល និងការគ្រប់គ្រង

២) ការអភិវឌ្ឍហេដ្ឋារចនាសម្ព័ន្ធ

៣) ការអភិវឌ្ឍ ការរៀបចំការប្រកួតថ្នាក់ជាតិ និងអន្តរជាតិ

៤) ការអភិវឌ្ឍសមាគមទាំង ២៥ រាជធានី-ខេត្ត

៥) ការអភិវឌ្ឍក្លិប

៦) ការអភិវឌ្ឍក្រុមជម្រើសជាតិ (បុរស និងនារី)

៧) ការអភិវឌ្ឍបាល់ទាត់ថ្នាល និងយុវជន

៨) ការអភិវឌ្ឍការបណ្តុះបណ្តាលគ្រូបង្វឹក (បុរស និងនារី)

៩) ការអភិវឌ្ឍអាជ្ញាកណ្តាល (បុរស និងនារី)

១០) ការអភិវឌ្ឍបាល់ទាត់ក្នុងសាល និងឆ្នេរខ្សាច់

១១) ការអភិវឌ្ឍវេជ្ជសាស្រ្តកីឡា

១២) ទំនាក់ទំនងពាណិជ្ជកម្ម និងអ្នកគាំទ្រ។

សរុបសេចក្តីមក ដើម្បីឲ្យក្រុមបាល់ទាត់ជម្រើសជាតិនៃប្រទេសមួយខ្លាំង លុះត្រាតែចំណុច អាទិភាពទាំង១២ ដែលបានរៀបចំខាងលើនេះ ត្រូវបានអភិវឌ្ឍន៍ឲ្យល្អប្រសើរទាំងបរិមាណ និងគុណភាពព្រមគ្នា។

(Khmer) Erik ten Hag អាចស្ថិតក្នុងហានីភ័យធ្ងន់ធ្ងរក្នុងការបាត់បង់ការគាំទ្រពីកីឡាករទាំងអស់ក្នុងបន្ទប់សំលៀកបំពាក់របស់ Manchester United ។

កីឡាករ​មួយចំនួនដែល​គាំទ្រ​អ្នក​ចាត់​ការសញ្ជាតិ​ហូឡង់ក៏​មាន​ការ​មិន​ពេញ​ចិត្ត​ផងដែរ ចំពោះ​ការ​ហ្វឹកហាត់​ដ៏​ខ្លាំង​របស់​គាត់ ដែលធ្វើឱ្យពួកគេគ្មានថ្ងៃសម្រាក។។

យោងតាមកាសែត Daily Mail តារាជួរមុខនៅ Old Trafford មួយចំនួនបានរកឃើញថា វិធីសាស្រ្តរបស់ Ten Hag ដែលដាក់ឱ្យអនុវត្តដោយលោក Mitchell van der Gaag មានភាពតឹងតែងពេក។

កីឡាករក៏មិនសប្បាយចិត្តដែរនៅពេលដែល Ten Hag មិនឱ្យពួកគេឱ្យឈប់សម្រាកមួយថ្ងៃបន្ថែម បន្ទាប់ពីការឈ្នះ Luton Town កាលពីខែមុន បើទោះបីជា Man United មិនមានការប្រកួតពាក់កណ្តាលសប្តាហ៍ក៏ដោយ។

(Khmer) Brighton នឹងត្រូវជួបក្រុម AS Roma ក្នុងការប្រកួតពានរង្វាន់ UEFA Europa League ជុំទី 16 ដែលការប្រកួតជើងទីមួយនឹងធ្វើឡើងនៅថ្ងៃព្រហស្បតិ៍ (7 មីនា)នេះ។

ទោះជាយ៉ាងណាក៏ដោយ នៅមុនការប្រកួត អ្នកគាំទ្រ Brighton ពីរនាក់ត្រូវបានគេចាក់ក្នុងទីក្រុងរ៉ូមនៅយប់មុនការប្រកួត បន្ទាប់ពីធ្វើដំណើរទៅកាន់ទីក្រុងដើម្បីមើលក្រុមរបស់ពួកគេលេង។

យោងតាមសារព័ត៌មាន Sky Sports ជនជាតិអង់គ្លេសពីរនាក់ដែលមានអាយុ 20 ឆ្នាំត្រូវបានវាយប្រហារភ្លាមៗបន្ទាប់ពីពាក់កណ្តាលអធ្រាត្រ ខណៈបុរសពាក់ម៉ាស់ប្រាំមួយទៅ ប្រាំពីរនាក់បានឡោមព័ទ្ធពួកគេនៅ Via Cavour ជិត Colosseum ។

ក្រៅ​ពី​ត្រូវ​បាន​គេ​ចាក់​ហើយ កាបូប​លុយ និង​ទូរស័ព្ទ​របស់​អ្នក​គាំទ្រ​ទាំង​ពីរ​ក៏​ត្រូវ​បាន​គេ​លួច​នៅ​ក្រោយ​ការ​វាយ​ប្រហារ​នេះ​ដែរ។

អ្នកគាំទ្រអាយុ ២៧ ឆ្នាំម្នាក់ បានរងរបួសដោយត្រូវស្នាមចាក់ចំនួន ៣ កន្លែងនៅជើងម្ខាង ហើយអ្នកគាំទ្រវ័យក្មេងនោះបានទទួលស្នាមចាក់ចំនួន ២ កន្លែង – អ្នកទាំងពីរកំពុងសម្រាកព្យាបាលនៅមន្ទីរពេទ្យនៅពេលនេះ។

ប៉ូលីសបានបញ្ជាក់ថានឹងកំពុងតាមរកអ្នកវាយប្រហារ ហើយថែមទាំងបានសន្យាថានឹងដាក់ពង្រាយមន្ត្រីចំនួន 100 នាក់ ដើម្បីបញ្ចៀសភាពតានតឹងអំឡុងពេលការប្រកួត Europa League ។

(Khmer) វីដេអូជំនួយការអាជ្ញាកណ្ដាល (VAR) ត្រូវបានប្រើប្រាស់សាកល្បងផ្លូវការនៅវគ្គផ្តាច់ព្រ័ត្រ Elite Pro Academy (EPA) U-20 League 1 2023/2024 ក្នុងកីឡដ្ឋាន Manahan, Solo, នៅល្ងាចថ្ងៃព្រហស្បតិ៍នេះ។

មានកាមេរ៉ា១០គ្រឿងដាក់ឱ្យប្រើក្នុងការអនុវត្ត VAR ក្នុងការប្រកួតរវាងក្រុម Persita Tangerang U-20 ទល់នឹង Persis Solo U-20។

ប្រធាន PSSI លោក Erick Thohir បានស្វាគមន៍ការសាកល្បងក្នុងវគ្គផ្តាច់ព្រ័ត្រ EPA ដែលជាការប្រកួតយុវជន  នៅក្នុងព្រឹត្តិការណ៍មួយដែលត្រូវបានគេរំពឹងថា នឹងក្លាយជាមូលដ្ឋានគ្រឹះមួយសម្រាប់ការកសាងក្រុមជម្រើសជាតិឥណ្ឌូនេស៊ីប្រកបដោយនិរន្តរភាព។ លោក  Erick ចង់ឱ្យការសាកល្បងនេះ ផ្តល់នូវបទពិសោធន៍ជាច្រើនសម្រាប់គ្រប់ធាតុផ្សំទាំងអស់ដែលចូលរួមក្នុងការប្រកួត។

«ដូចដែលយើងដឹងហើយថា VAR គឺជាស្តង់ដារមួយសម្រាប់ការប្រកួតបាល់ទាត់អាជីពដ៏ល្អ។ ប្រសិនបើឥឡូវនេះវាអាចត្រូវបានសាកល្បងនៅក្នុងការប្រកួត សូម្បីតែសម្រាប់យុវជនក៏ដោយ នេះបង្ហាញថាយើងបានចាប់ផ្តើមឆ្ពោះទៅរកការកែលម្អស្តង់ដារនៃការប្រកួតឱ្យកាន់តែប្រសើរឡើង»។

«ខ្ញុំសង្ឃឹមថាវា ចាប់ផ្តើមជាមួយកីឡាករ “មន្ត្រី ជាពិសេសមន្ត្រីប្រកួត អាជ្ញាកណ្តាល អាចរៀនបានច្រើនពីឱកាសដ៏ល្អនេះ ដើម្បីអោយបាល់ទាត់របស់យើងកាន់តែមានអាជីព និងស្អាតស្អំ»។

ការសាកល្បង VAR នេះ គឺជាក្រុមដំបូង ហើយគ្រោងនឹងបន្តរហូតដល់ខែមេសា ក្នុងការប្រកួតសរុប 13-16 ប្រកួត។PSSI រួមជាមួយ PT LIB ក៏បានចាត់តាំងអាជ្ញាកណ្តាល VAR ល្អបំផុតដែលបានទទួលការបណ្តុះបណ្តាលសម្រាប់​រយៈពេលប្រាំមួយខែចុងក្រោយនេះ។

មុនពេលវាត្រូវបានអនុវត្តជាផ្លូវការនៅក្នុង Liga 1 2023-2024 ការសាកល្បងនេះគឺចាំបាច់ដើម្បីពង្រឹងការត្រៀមខ្លួនក្នុងការប្រើប្រាស់ VAR ។

លោកបានបន្ថែមថា៖«ដោយសារតែដូច្នេះ ខ្ញុំស្នើឱ្យអាជ្ញាកណ្តាលដែលកំពុងបំពេញកាតព្វកិច្ច និងមានឱកាសសាក​ល្បង VAR អនុវត្តចំណេះដឹងក្នុងការបណ្តុះបណ្តាលតាមដែលអាចធ្វើទៅបាន។ លើសពីនេះ ក្នុងអំឡុងពេលសាក​ល្បង​នេះ FIFA នឹងអនុវត្តការវាយតម្លៃសម្រាប់ VAR ជំហានទី ១” ។

ក្នុង​ឱកាស​នេះ អ្នក​តំណាង​របស់ Hawk-Eye និង FIFA ក៏​មាន​វត្តមាន​ផង​ដែរ។ លោក Lewis Watterson របស់ Hawk-Eye បានសារភាពថាការរៀបចំសម្រាប់ការអនុវត្ត VAR បានដំណើរការយ៉ាងល្អ។ លោក Lewis Watterson បាននិយាយថា “អ្វីៗដំណើរការបានល្អ៕

(Khmer) លោក Carlo Ancelotti អាចប្រឈមមុខនឹងការជាប់ពន្ធនាគាររយៈពេល 4 ឆ្នាំ បន្ទាប់ពីត្រូវបានចោទប្រកាន់ពីបទឆបោកប្រាក់ជាង 854,000 ផោន (1 លានអឺរ៉ូ) ដោយព្រះរាជអាជ្ញានៅទីក្រុងម៉ាឌ្រីដ អំឡុងពេលដែលគាត់ទទួលបន្ទុកដឹកនាំ Real ជាលើកដំបូង។

អ្នកចាត់ការជនជាតិអ៊ីតាលីត្រូវបានគេនិយាយថាមិនបានបង់ពន្ធជាចាំបាច់ ក្នុងអំឡុងពេលគាត់ដឹកនាំក្លិប Real Madrid ចន្លោះឆ្នាំ 2013 និង 2015 ទោះបីជាគាត់បានចុះឈ្មោះជាអ្នករស់នៅក្នុងប្រទេសអេស្ប៉ាញសម្រាប់គោលបំណងបង់ពន្ធធម្មតាក៏ដោយ។

Ancelotti ត្រូវបានគេចោទប្រកាន់ថា បានប្រកាសប្រាក់ចំណូលរបស់គាត់ពីប្រាក់ឈ្នួលនៅ Real Madrid ប៉ុន្តែមួយករណីទៀតត្រូវ​បានគេអះអាងថា គាត់បានលុបបញ្ជីប្រាក់ដែលរកបានពីសិទ្ធិរូបភាពរបស់គាត់ ជំនួសមកវិញនូវការផ្ទេរប្រាក់ទៅឱ្យអង្គភាពមួយដែលមានឈ្មោះថា Vapia Limited ។

អតីតគ្រូបង្វឹក Chelsea និង AC Milan រូប​នេះ ត្រូវបានចោទប្រកាន់ពីបទឧក្រិដ្ឋកម្មចំនួនពីរប្រឆាំងនឹងរតនាគារសាធារណៈរបស់ប្រទេសអេស្ប៉ាញ ដោយមន្ត្រីព្រះរាជអាជ្ញា នៅទីក្រុងម៉ាឌ្រីដ ហើ​បើ​តាម​រយៈ Marca គាត់​នឹងត្រូវផ្តន្ទាទោសដាក់ពន្ធនាគាររយៈពេល 4 ឆ្នាំ 9 ខែ ប្រសិនបើ Ancelotti ត្រូវបានរកឃើញថាមានពិរុទ្ធភាព។

(Khmer) វីរបុរស​បារាំងលោក Frank Leboeuf បានប្រាប់ឲ្យ Cristiano Ronaldo”បិទមាត់” បន្ទាប់ពីគាត់បានចេញការអត្ថាធិប្បាយ ដ៏ចម្រូងចម្រាស អំពីលីគបាល់ទាត់អារ៉ាប៊ីសាអ៊ូឌីត Saudi Pro League ។

កាលពីខែមករា Ronaldo បានអះអាងថា៖« លីគអារ៉ាប៊ីសាអូឌីតមិនអាក្រក់ជាងបាល់ទាត់បារាំង Ligue 1 ទេ។ Saudi Pro League មានការប្រកួតប្រជែងជាង Ligue 1 ។ ខ្ញុំអាចនិយាយបានថាបន្ទាប់ពីចំណាយពេលនៅទីនោះមួយឆ្នាំយើងប្រសើរជាងលីគបារាំងរួចទៅហើយ»។

ការ​លើក​ឡើង​បែបនេះ​ ធ្វើឱ្យមនុស្សជាច្រើនមិនសប្បាយចិត្ត រួម​ទាំងលោក Leboeuf អតីត​ខ្សែ​ការពារ​សញ្ជាតិ​បារាំង និង Chelsea ផង​ដែរ។ លោក Leboeuf បាននិយាយថា៖« វាពិតជារំខានខ្ញុំនៅពេលដែលខ្ញុំលឺ Cristiano Ronaldo និយាយថា Saudi Pro League ល្អជាង Ligue 1» ។

«ហេតុអ្វីបានជា Ronaldo សុខចិត្តអត្ថាធិប្បាយអំពី Ligue 1 ហើយមិននិយាយលីគព័រទុយហ្គាល់ផង?»

វាមិនមែនជារឿងចៃដន្យនេះគឺដោយសារតែ Lionel Messi ធ្លាប់លេងនៅ Ligue 1។ Ronaldo មិនសប្បាយចិត្តទេពេលមានលឺឈ្មោះឬវត្តមានរបស់ Messi។ ដោយសារតែរឿង Messi នេះហើយដែលធ្វើឱ្យ Ronaldo ជាប់បម្រាមមួយប្រកួត និងពិន័យជាលុយជុំវិញធ្វើកាយវិកាអាសអាភាស ទៅអ្នកគាំទ្រគូប្រជែងកាលពីសប្តាហ៍មុនដោយសារតែអ្នកគាំទ្រក្លឹប​ Al-Shabab ស្រែកឈ្មោះ Messi ចំអកអោយ Ronaldo។

លោក Leboeuf បានបន្តថា៖« ខ្ញុំមានការគោរពជាច្រើនចំពោះគាត់ ក្នុងនាមជាកីឡាករ ប៉ុន្តែសូមបិទមាត់។ វាមិនយុត្តិធម៌សម្រាប់ Ligue 1»។

Leboeuf ក៏បានបញ្ជាក់ផងដែរថា Ronaldo មិនគួរលេងឱ្យព័រទុយហ្គាល់ក្នុងព្រឹត្តិការណ៍ Euro ខាងមុខនៅប្រទេស​អាល្លឺម៉ង់នោះទេ។

«សម្រាប់ខ្ញុំ ព័រទុយហ្គាល់ពិតជាគូប្រជែងមួយសម្រាប់ការប្រកួតជើងឯកអ៊ឺរ៉ុបរដូវក្តៅនេះ។ ខ្ញុំគិតថាពួកគេអាចឈ្នះអឺរ៉ូ ប៉ុន្តែប្រសិនបើ Cristiano Ronaldo មិនលេង»។

(Khmer) យោងតាមប្រភពពីគេហទំព័រ Tribuna.com ចេញផ្សាយកាលពីថ្ងៃអង្គារទី​៥ មីនា ២០២៤ បានឱ្យដឹងថាក្លិប Bayern បានចាប់ផ្តើមចរចាជាមួយលោក Xabi Alonso ដែលកំពុងដឹកនាំក្លិប Leverkusen ដើម្បីមកស្នងតំណែងលោក Thomas Tuchel នៅចុងបញ្ចប់នៃរដូវកាលនេះ។

ការពិភាក្សាដំបូងបានផ្តល់នូវសញ្ញាវិជ្ជមានសម្រាប់ម្ចាស់ជើងឯកអាល្លឺម៉ង់ Bundesliga និងគ្រូបង្វឹកសញ្ជាតិអេស្ប៉ាញ​។

ប្រភពដដែលបានបានបន្ថែមថា Bayern នឹងត្រូវចំណាយចន្លោះពី ១៩ ទៅ ២៥លានដុល្លារសម្រាប់សំណងទៅឱ្យ​Leverksusen ខណៈគ្រូបង្វឹកវ័យ៤២ឆ្នាំនៅសល់កុងត្រាជាមួយ​ Leverkusen រហូតដល់២០២៦។

ព័ត៌មាននេះ​ត្រូវបានគេចាត់ទុកថាជាព្យុះកំណាចមួយ​សម្រាប់ Liverpool ខណៈ​ដែល Alonso ត្រូវ​បាន​គេ​មើលឃើញ​​ថា​ជា​បេក្ខភាព​ដ៏សក្តិសមបំផុត​ក្នុង​ការ​ចូល​កាន់​តំណែង​ពីជំនួស​លោក Jurgen Klopp ដែល​ប្រកាសចាកចេញ​នៅ​រដូវក្តៅដែរ។

Alonso អតីតខ្សែបម្រើ Liverpool ដែលបានលេង ២១០ដងឱ្យហង្សក្រហមចន្លោះឆ្នាំ ២០០៤ ដល់ ២០០៩ស៊ុតបញ្ចូលទីបាន ១៩គ្រាប់ និងលើកពាន Champions League និង FA Cup ។

(Khmer) អាជ្ញាកណ្តាលស្ត្រីដែលវិវត្តន៍ខ្លួនពីតារាបង្ហាញម៉ូដម្នាក់បាននិយាយថា ទោះបីមានការបញ្ចេញមតិបែបអវិជ្ជ មានរើសអើងពីសំណាក់អ្នកគាំទ្រ រាល់ពេលដែលនាងដឹកនាំការប្រកួតបែបណាក៏ដោយក៏ មិនធ្វើឱ្យនាងបោះបង់ក្តីស្រឡាញ់បាល់ទាត់ឡើយ។

Mariangela Presicce អាយុ២០ ឆ្នាំបានឈ្នះកម្មវិធីប្រកួតសម្រស់ និងចូលរួមក្នុងកម្មវិធីបង្ហាញម៉ូដជាច្រើននៅក្នុងប្រទេសកំណើតរបស់នាង។ នាង​ក៏​មាន​ចំណង់​ចំណូល​ចិត្ត​ក្នុង​វិស័យ​បាល់ទាត់ និង​ជា​អាជ្ញាកណ្តាល​ដែល​មាន​សមត្ថភាព​ផង​ដែរ។

កាលពីមុន! នាងបានបង្ហាញខ្លួននៅក្នុងឈុតផ្លូវការរបស់នាងនៅឯកម្មវិធីបង្ហាញម៉ូដមួយ ហើយបានដកកាតក្រហមដើម្បីជានិមិត្តរូបនៃការបណ្តេញភាពភាពរើសអើង និងប្រមាទមកលើបាល់ទាត់។ Mariangela ដែលមកពីតំបន់ Nardo ជិតទីក្រុង Lecce ប្រទេសអ៊ីតាលី គឺតំណាងស្រីម្នាក់ក្នុងចំណោមអាជ្ញាកណ្តាលស្ត្រីមួយចំនួនដែលធ្វើការនៅក្នុងតំបន់នោះ។

នាង​បាន​និយាយ​អំពី​ការ​បំពាន​ដែល​នាង​ជួប​ប្រទះ​ពី​អ្នក​គាំទ្រ​នៅ​កន្លែង​ឈរទស្សនា។ តារា​ម៉ូដែល​ដែល​ទទួល​មរតក​នូវ​ក្ដី​ស្រឡាញ់​ចំពោះ​ការ​ប្រកួត​ពី​ឪពុក​របស់​នាង​ដែល​ជា​គ្រូ​បង្វឹក​រូប​នេះ​បាន​និយាយ​ថា៖ «ការ​ប្រមាថ​ត្រូវ​បាន​គេ​បោះសម្ដៅ​មក​លើ​ខ្ញុំ»។

«ពួកគេប្រាប់ខ្ញុំឱ្យទៅផ្ទះធ្វើម្ហូប ទៅដាំស្លទៅ! ប៉ុន្តែខ្ញុំឆ្ពោះទៅមុខប្រឆាំងនឹងការរើសអើងបែបនេះ។ ខ្ញុំបានធ្វើជាអាជ្ញាកណ្តាលអស់រយៈពេលប្រាំឆ្នាំមកហើយ។ នៅលើទីលានប្រកួត ខ្ញុំលឺអ្វីៗគ្រប់យ៉ាង និងច្រើនទៀត ប៉ុន្តែខ្ញុំនឹងមិនបោះបង់ឡើយ»។

ឆ្លើយតប​នៅនឹងអ្នករិះគន់នាងបានជ្រើសរើសយកការបិទត្រចៀករបស់នាង ប៉ុន្តែមិនមែនបិទបេះដូងទេ។ នាងបង្ហាញពីកម្លាំង និងចំណង់ចំណូលចិត្តដែលចាំបាច់ដើម្បីប្រយុទ្ធប្រឆាំងនឹងការរើសអើង និងលើកទឹកចិត្តស្ត្រីកាន់តែច្រើនឱ្យបន្តក្តីសុបិនរបស់ពួកគេនៅពេលប្រឈមមុខនឹងភាពមិនអនុគ្រោះ៕

(Khmer) លោក Pep Guardiola បានប្រៀបធៀប Phil Foden ទៅនឹង Lionel Messi ខណៈដែលតារា Manchester City បន្តកែលម្អហ្គេមរបស់គាត់កាន់​តែល្អទៅៗ ពិសេស​ពេល​ស៊ុត​២​គ្រាប់​ឱ្យ Man City យក​ឈ្នះ Manchester United ៣ទល់១។

ដកស្រង់ដោយសារព័ត៌មាន Daily Mail លោក Guardiola បាននិយាយថា៖ “កីឡាករល្អ អ្នកអាចលេងបានល្អ ប៉ុន្តែអ្នកត្រូវតែឈ្នះការប្រកួត។ ខ្ញុំបានជួបកីឡាករល្បី កំពូលៗបំផុតមិនធ្លាប់មានដូចជា Messi ។ គាត់ល្អហើយ អាចឈ្នះការប្រកួតទៀត។ អញ្ចឹងហើយ ខ្ញុំមិនចង់ប្រៀបធៀបទេ ព្រោះ Phil គឺ មិនមែនស្ថិតក្នុងកម្រិត Leo ទេ ប៉ុន្តែគាត់កំពុងឈ្នះការប្រកួត។»

«គ្មាន​ផ្លូវ​ទេ? អ្នក​មិន​អាច​ប្រៀប​ធៀប​នរណា​ម្នាក់​ទៅ Messi ដែល​គាត់​នៅ​ក្នុង​ពិភព​លោក​របស់​គាត់​បាន​ទេ ប៉ុន្តែ​ការ​ឮការ​សរសើរ​ពី​អ្នក​ចាត់​ការ​គឺ​ពិត​ជា​ស្រស់​ស្អាត»។

ទម្រង់លេងរបស់ Foden អំឡុងពេលទទួលជ័យជម្នះ 3-1 លើក្រុម Manchester United កាលពីថ្ងៃអាទិត្យ បានធ្វើឱ្យគាត់ទទួលបានការសរសើរយ៉ាងច្រើន មិនត្រឹមតែពីគ្រូបង្វឹករបស់គាត់ប៉ុណ្ណោះទេ។ ជាមួយនឹងរាល់ការប្រកួត Foden ចាប់ផ្តើមមានឥទ្ធិពលលើទម្រង់លេងរបស់ Man City កាន់តែខ្លាំង។

ក្នុង​ការ​ប្រកួត​៦​លើក​ចុង​ក្រោយ Foden ស៊ុត​បញ្ចូល​ទី​បាន​៦​គ្រាប់​ដែល​លេង​ពេញ​៩០​នាទី​ក្នុង​មួយ​ប្រកួត។ វាមិនមែនជារឿងភ្ញាក់ផ្អើលនោះទេ គាត់ត្រូវបានគេប្រៀបធៀបជាមួយនឹងវីរបុរសបាល់ទាត់។