International News
(Khmer) ថ្លែងមុនពេលធ្វើដំណើរទៅកាន់ Liverpool លោក Erik ten Hag បាននិយាយអំពី Casemiro ថា៖« “ខ្ញុំគិតថា នៅពេលអ្នកទៅជ្រើសរើសបុគ្គលិក ឬកីឡាករនៅរដូវក្តៅ យើងកំពុងស្វែងរកកីឡាករដែលមានចរិតលក្ខណៈ បុគ្គលិកលក្ខណៈត្រឹមត្រូវ ហើយវាមិនត្រឹមតែជាការចុះហត្ថលេខាលើកីឡាករប៉ុណ្ណោះទេ»។
«មានកីឡាករជាច្រើននៅលើពិភពលោកដែលមានជំនាញដ៏អស្ចារ្យ មានវិធីសាស្រ្ត បច្ចេកទេស ឬពួកគេអាចរត់បានយ៉ាងលឿន ! ឧទាហរណ៍ថាដូចគាត់( Casemiro) អញ្ចឹងទៅចុះ»។
« យើងកំពុងស្វែងរកកីឡាករដែលមានចរិតលក្ខណៈ (Character) កីឡាករដែលមានបុគ្គលិកលក្ខណៈ (Personality) មានភាពជាអ្នកដឹកនាំ(Leadership) មានទំនួលខុសត្រូវ(Responsibility) មានភាពអត់ធ្មត់(resilient)។ ដូច្នេះ! នោះហើយជាប្រភេទកីឡាករដែលខ្ញុំកំពុងស្វែងរក បន្ទាប់ពីខ្ញុំបានធ្វើការវិភាគលើក្រុម»។
Casemiro បានក្លាយជាផ្នែកសំខាន់មួយរបស់ Man Utd ចាប់តាំងពីផ្ទេរពី Real Madrid កាលពីរដូវក្ដៅមុន។ កីឡាករសញ្ជាតិប្រេស៊ីលរូបនេះត្រូវបានគេរំពឹងថានឹងចាប់ផ្តើមប្រកួតជាមួយក្រុម Liverpool នៅថ្ងៃអាទិត្យនេះ។
ប្រភព៖ Man United FC
Asia News
(Khmer) គ្រូបង្វឹកក្រុមជម្រើសជាតិវៀតណាម Philippe Troussier បានកោះហៅកីឡាករចំនួន ៤១ នាក់ ដើម្បីត្រៀមការពារតំណែងជើងឯកបាល់ទាត់បុរសនៅស៊ីហ្គេមឆ្នាំ ២០២៣ ដែលធ្វើឡើងក្នុងប្រទេសកម្ពុជា។
ព្រឹត្តិការណ៍កីឡាស៊ីហ្គេមលើកទី៣២ នឹងប្រព្រឹត្តទៅនៅកម្ពុជានៅថ្ងៃទី៥-១៧ ខែឧសភា ឆ្នាំ២០២៣។ ម្ចាស់ជើងឯកវៀតណាមមួយនេះ បានកោះហៅកីឡាករវ័យក្មេងដូចជាអ្នកចាំទី Quan Van Chuan ខ្សែការពារ Vu Tien Long, Tran Xuan Thinh, Phan Tuan Tai, Luong Duy Cuong, ខ្សែបម្រើ Le Van Do, Huynh Cong Den និងខ្សែប្រយុទ្ធ Nguyen Van Tung ជាផ្នែកមួយនៃក្រុមហ្វឹកហាត់។
ការហ្វឹកហាត់កម្រិតកណ្តាលបានចាប់ផ្តើមសប្តាហ៍នេះរហូតដល់ថ្ងៃទី 7 ខែមីនា ឆ្នាំ 2023 ជាមួយនឹងការវាយតម្លៃកីឡាករ មុនពេលចាប់ផ្តើមដំណាក់កាលទីពីរដែលកំណត់សម្រាប់ថ្ងៃទី 8-12 ខែមីនា ឆ្នាំ 2023 ដោយការកាត់បន្ថយមកត្រឹម 32 នាក់។
ដំណាក់កាលទី 3 នៅថ្ងៃទី 12-17 ខែមីនា ឆ្នាំ 2023 នឹងកាត់ចេញជាកីឡាករ 24 នាក់ និងអ្នកចាំទី 3 នាក់ ជាមួយនឹងផែនការយុទ្ធសាស្ត្រស៊ីជម្រៅបន្ថែមទៀត និងមានការប្រកួតមិត្តភាពជាមួយក្រុមមកពី V.League ។
ដំណាក់កាលទី 4 និងចុងក្រោយនឹងមានរយៈពេល 12 ថ្ងៃនៅថ្ងៃទី 18-29 ខែមីនាឆ្នាំ 2023 ជាមួយនឹងក្រុមស្នូលបានបញ្ចប់ហើយជាកន្លែងដែលក្រុមនឹងធ្វើការប្រកួតមិត្តភាពនៅប្រទេសអារ៉ាប់រួម (UAE) ។
(Khmer) នៅពេលសួរអំពីសារៈសំខាន់នៃការប្រកួត Premier League ជាមួយ Liverpool នៅថ្ងៃអាទិត្យ David de Gea បាននិយាយថា៖ “វាតែងតែជាការប្រកួតដ៏ពិសេសមួយ នៅពេលយើងលេងនៅ Anfield ទល់នឹង Liverpool »។
«វាតែងតែល្អណាស់។ ប៉ុន្តែខ្ញុំគិតម្តងទៀតថា ទោះបីយើងឈ្នះ ក៏វាមានត្រឹមតែបីពិន្ទុប៉ុណ្ណោះ ដូចគ្នានឹងការប្រកួតផ្សេងទៀតដែរ។ ពិន្ទុវាមិនលើសហ្នឹងទេ! វានឹងក្លាយជាការប្រកួតដ៏ស្វិតស្វាញ»។
«ការលេងនៅ Anfield តែងតែពិបាក ប៉ុន្តែយើងមានទំនុកចិត្ត ហើយយើងនឹងយកទំនុកចិត្តនោះទៅប្រកួតបន្ទាប់ បន្តពីមួយប្រកួតទៅមួយប្រកួត ហើយយើងអាចឃើញការប្រកួតធំមួយទៀតនៅថ្ងៃអាទិត្យ»។
Man United បានយកឈ្នះ Liverpool 2-1 នៅ Old Trafford ក្នុងខែសីហាសម្រាប់ជ័យជម្នះលើកដំបូងរបស់ Erik ten Hag ។ គ្រូបង្វឹកបិសាចក្រហមបានបន្តឈ្នះ 29 ប្រកួតផ្សេងទៀតរួមទាំងការប្រកួតវគ្គផ្តាច់ព្រ័ត្រ Carabao Cup ។
(Khmer) លោក Graham Potter បានណែនាំថាសុខភាពផ្លូវចិត្តរបស់គាត់ បានរងទុក្ខចាប់តាំងពីបានចូលបម្រើការងារនៅ Chelsea ។ បន្ថែមលើនោះ Potter បានបញ្ជាក់ថា គ្រួសាររបស់គាត់បានទទួលការគំរាមកំហែងដល់ជីវិត បន្ទាប់ពីទម្រង់លេងមិនល្អរបស់ Chelsea។
អ្នកចាត់ការក្រុម Arsenal លោក Mikel Arteta បានផ្តល់ដំបូន្មានដល់លោក Potter ឱ្យថែរក្សាខ្លួនឯង ចំពេលមានសម្ពាធក្នុងការសម្តែង។ Arteta បាននិយាយថា៖«យើងទាំងអស់គ្នាដឹងពីសម្ពាធ ការទាមទារ និងភាពមិនច្បាស់លាស់ដែលឧស្សាហកម្មបាល់ទាត់នេះមាន»។
«អ្នកអាចជួបការលំបាកក្នុងការងារ និងបញ្ហាប្រឈមដែលយើងធ្វើ ជាពិសេសនៅពេលដែលអ្នកចាញ់ ប៉ុន្តែនៅពេលដែលអ្នកឈ្នះក៏ដូចគ្នាដែរ ព្រោះការងារនេះទាមទារច្រើន។ ប៉ុន្តែអ្នកមិនអាចបំផ្លាញជីវិតរបស់អ្នកដោយសារតែវាបានទេ»។
«គ្រួសាររបស់អ្នក មិត្តភ័ក្តិរបស់អ្នក មនុស្សជាទីស្រលាញ់របស់អ្នក មនុស្សដែលនៅជុំវិញអ្នក មិនសមនឹងទទួលរងផលប៉ះពាល់ជីវិតរបស់ពួកគេក្នុងផ្លូវអវិជ្ជមានបែបនេះទេ ព្រោះអ្នកមិនឈ្នះការប្រកួតបាល់ទាត់»។
Arteta បានបញ្ចប់ថា៖ «ដូច្នេះសមតុល្យនោះ ខ្ញុំគិតថាក្នុងករណីរបស់ខ្ញុំគឺសំខាន់ ប៉ុន្តែអ្នកត្រូវការជំនួយខ្លះ ដើម្បីគូររូបនោះនៅពីមុខអ្នក ព្រោះពេលខ្លះពេលអ្នកស្ថិតក្នុងទីតាំងនោះ វាមិនងាយមើលឃើញទេ»។
Potter បានជួបការលំបាកក្នុងការប្រកួតជាមួយ Chelsea ស្របពេលនេះក្រុមតោខៀវចាញ់ 10 ប្រកួតក្នុង 17 ចុងក្រោយរបស់គាត់គិតតាំងពីខែតុលាឆ្នាំមុន។ ប្រសិនបើ Potter ចង់ទទួលយកដំបូន្មានរបស់ Arteta ពិតប្រាកដ គាត់អាចសម្រេចចិត្តលាលែងពីតួនាទីរបស់គាត់ជាគ្រូបង្វឹក Chelsea ប្រសិនបើលទ្ធផលនៅតែបន្តមើលទៅមិនសមរម្យ។
National News
(Khmer) Liverpool ត្រូវប៉ះ Manchester United ក្នុងការប្រកួត Premier League ដ៏ធំបំផុតចុងសប្តាហ៍នេះ។ វាក៏ជាហ្គេមដែលលោក Jurgen Klopp មិនអាចបញ្ឈប់ការស្រមើស្រមៃចង់ឈ្នះបានដែរ។
គ្រូបង្វឹក Liverpool រូបនេះបាននិយាយនៅក្នុងសន្និសីទសារព័ត៌មានមុនការប្រកួតថា៖ «បាល់ទាត់គឺជារឿងសំខាន់បំផុតសម្រាប់ 95, 98 នាទី។ ពិភពលោកទាំងមូលនឹងមើលវា ហើយខ្ញុំនឹងមើលវា»។
Klopp និយាយថា៖«ខ្ញុំចង់ឈ្នះ ដូច្នេះខ្ញុំមិនចាំបាច់សម្លឹងមើលមុខអ្នក បន្ទាប់ពីការបរាជ័យនោះទេ ប៉ុន្តែលើសពីនេះទៅទៀត វាមានហេតុផលចំនួន 5 លានដែលខ្ញុំចង់ឈ្នះការប្រកួតនេះ»។
អ្នកចាត់ការសញ្ជាតិអាឡឺម៉ង់រូបនេះបានណែនាំថា ការលើកទឹកចិត្តមួយក្នុងចំណោមការរំពឹងជាច្រើនក្នុងការយកឈ្នះលើក្រុម Man United ក្រៅពីការប្រកួតប្រជែងរាប់ទសវត្សគឺ Liverpool នឹងកាត់បន្ថយគម្លាតបានបីពិន្ទុក្នុងចំណោមក្រុមកំពូលទាំងបួន។ លោក Klopp បាននិយាយថា៖
«យើងអាចកាត់បន្ថយវាមកត្រឹមបីពិន្ទុ»។
«វាជារឿងធម្មតា ដូចក្នុងការប្រកួតផ្សេងទៀត បើយើងឈ្នះយើងបាន៣ពិន្ទុ តែបើយើងចាញ់យើងអស់បីពិន្ទុ»។
Liverpool បានពង្រឹងទម្រង់លេងរបស់ខ្លួនក្នុងក្របខ័ណ្ឌ Premier League បន្ទាប់ពីឈ្នះ៣ប្រកួតក្នុងចំណោម៤ប្រកួតចុងក្រោយរបស់ពួកគេ។ ពួកគេក៏បានរក្សា Clean Sheet ក្នុងការប្រកួតទាំងបួននោះផងដែរ។
ប្រភព៖ Liverpool FC
(Khmer) លោក Pep Guardiola បាននិយាយអំពីភាពខ្លាំងរបស់ក្រុម Newcastle United ក្នុងអំឡុងពេលសន្និសីទសារព័ត៌មានរបស់គាត់កាលពីថ្ងៃសុក្រថា៖«ការគំរាមកំហែង (The threats) ការផ្លាស់ប្តូរ (transitions) ការលេងបាល់រៀបចំ ( set pieces) ពួកគេគឺជាក្រុមដ៏ល្អបំផុតនៅក្នុងលីក»។
លោកបានបន្ថែមថា៖« “ពួកគេមិនបានមកទីនេះយូរទេ [នៅជិតកំពូលទាំងបួន] ហើយអ្នកតែងតែគិតថាពួកគេត្រូវការពេលវេលា ប៉ុន្តែពួកគេបានធ្វើការជ្រើសរើសពិសេស កីឡាករដែលមានបទពិសោធន៍ នូវអ្វីដែលពួកគេត្រូវការ»។
«អ្នកចាត់ការម្នាក់ [Eddie Howe] ដែលមានគុណភាពដ៏ធំ។ វាអាចជាការភ្ញាក់ផ្អើលមួយ ប៉ុន្តែមិនមានទៀតទេ ហើយខ្ញុំគិតថាពួកគេនឹងបន្តឈរនៅទីនោះ»។
«ពួកគេគឺជាគូប្រជែងដ៏ស្វិតស្វាញបំផុតមួយ ដែលពួកយើងមានរហូតដល់ចុងបញ្ចប់នៃរដូវកាលនេះ។ ចិត្តគំនិត ការផ្លាស់ប្តូរ ការគំរាមកំហែង ពួកគេគឺជាក្រុមដ៏ល្អបំផុតមួយ។ នោះហើយជាមូលហេតុដែលពួកគេនៅទីនោះ»។
Arsenal បច្ចុប្បន្នកំពុងឈរនៅលើកំពូលតារាង និងមាន ៥ ពិន្ទុដាច់ពីក្រុមចំណាត់ថ្នាក់លេខ ២ របស់លោក Guardiola ដោយនៅសល់ ១៣ ប្រកួតទៀត។ United ជាប់ចំណាត់ថ្នាក់លេខ 3 ប៉ុន្តែមានការចាប់អារម្មណ៍ខ្លាំងចាប់តាំងពីចូលក្នុងឆ្នាំ ២០២៣។
Man City ធ្វើជាម្ចាស់ផ្ទះទទួល Newcastle នៅកីឡដ្ឋាន Etihad នៅថ្ងៃសៅរ៍នេះ ខណៈដែលពួកគេសម្លឹងរកការដាក់សម្ពាធលើក្រុម Arsenal ដែលប្រឈមមុខនឹង AFC Bournemouth នៅពេលក្រោយ។ ទន្ទឹមនឹងនោះ United ធ្វើដំណើរទៅ Liverpool នៅថ្ងៃអាទិត្យ។
ប្រភព៖ Metro
(Khmer) Trent Alexander-Arnold បាននិយាយថា៖ «គាត់ (Marcus Rashford)ជាកីឡាករដែលមានកីឡាករជាច្រើនផ្សេងទៀតនៅក្នុងក្លឹបជួយគាត់ ប៉ុន្តែយើងត្រូវខិតខំប្រឹងប្រែងជាក្រុម។ វាមិនមែនជារឿងមួយទល់នឹងមួយទេ»។
«ពួកគេមានកីឡាករមានគុណភាពច្រើនលើសពី Marcus Rashford ក្នុងតំបន់ប្រយុទ្ធ ហើយសម្រាប់ខ្ញុំ វាមិនត្រឹតែជាការការពារប៉ុណ្ណោះទេ វាជារឿងមួយរបស់ក្រុមទាំងមូល ហើយដរាបណាក្រុមឈ្នះនៅថ្ងៃអាទិត្យ នោះគឺជាអ្វីដែលខ្ញុំពិតជារំពឹង»។
ក្រុមបិសាចក្រហម Man United ដែលកំពុងឡើងជើងខ្លាំងនឹងត្រូវធ្វើដំណើទៅ Anfield នៅថ្ងៃអាទិត្យដើម្បីប៉ះក្រុម Liverpool ដែលកំពុងព្យាយាមយ៉ាងខ្លាំងដើម្បីឡើងលើតារាង Top 4។
ប្រសិនបើ Liverpool គ្រប់គ្រងការប្រកួតនេះ ពួកគេនឹងមានឱកាសពិតប្រាកដ ក្នុងការបញ្ចប់ក្នុងចំណាត់ថ្នាក់កំពូលទាំងបួន ខណៈដែល Man Utd សង្ឃឹមថា ការឈ្នះនឹងរក្សាសម្ពាធលើ Manchester City និង Arsenal ដែលនៅពីមុខពួកគេជាមួយនឹងការនាំមុខបីពិន្ទុ។
Rashford កំពុងរីករាយនឹងការស៊ុតបញ្ចូលទីដ៏មិនគួរឲ្យជឿក្នុងរដូវកាលនេះ ដោយការស៊ុតបញ្ចូលទី 25 គ្រាប់ គិតគ្រប់ការប្រកួតនិងបញ្ជូនបាល់៥លើកផងដែរ៕
ប្រភព៖ Pundit Arena
(Khmer) លោក Ten Hag រំពឹងថានឹងមានបរិយាកាសដ៏ក្ដៅគគុកមួយនៅ Anfield នឹងត្រូវកើតឡើង នៅពេលដែល Man United ធ្វើដំណើរទៅជួប Liverpool ។ គាត់បានប្រគល់ភារកិច្ចឱ្យកីឡាកររបស់គាត់ទៅទីនោះ ហើយប្រយុទ្ធដោយទំនុកចិត្ត។
Ten Hag បាននិយាយតាម ESPN ថា៖ «ខ្ញុំទន្ទឹងរង់ចាំវា! បរិយាកាសបែបនេះ។ វានឹងអស្ចារ្យ វានឹងមានការប្រកួតប្រជែងគ្នាខ្លាំង ប៉ុន្តែយើងចូលចិត្តបែបនោះ»។
«ខ្ញុំដឹងថាកីឡាករទាំងនេះ ក្រុមរបស់ខ្ញុំ ជំនួយការរបស់ខ្ញុំនឹងត្រៀមខ្លួនដើម្បីទៅទីនោះ ហើយប្រយុទ្ធ ហើយទៅទីនោះដោយភាពជឿជាក់។ យើងដឹងថាវានឹងពិបាក យើងដឹងថាយើងនឹងត្រូវរងទុក្ខ ហើយយើងនឹងត្រូវលះបង់ដើម្បីទទួលបានលទ្ធផលល្អ»។
«ខ្ញុំគិតថាក្រុមរបស់យើង មានចិត្តគំនិតរបស់យើងជាទូទៅល្អណាស់។ ខ្ញុំគិតថា យើងក៏មានអ្នកដឹកនាំលើទីលានជាច្រើនដែលកំណត់ចិត្តគំនិត អ្នកណាត្រូវកំណត់ស្តង់ដារ អ្នកណាគ្រប់គ្រងស្ដង់ដារ អ្នកណាអ្នកកែសម្រួលនៅពេលចាំបាច់។ ខ្ញុំគិតថាយើងសប្បាយចិត្តជាមួយនឹងដំណើរការនេះ ប៉ុន្តែវាតែងតែអាចប្រសើរជាងមុនហើយនោះត្រូវតែជាវិធីសាស្រ្ត»។
អ្នកចាត់ការរូបនេះបានបន្ថែមថា៖ «យើងត្រូវតែលេង និងធ្វើឱ្យវាជាការប្រកួតរបស់យើង។ ពិតណាស់ យើងដឹងថាបរិយាកាសនឹងមិនអាចជួយយើងបានទេ ហើយអ្នកត្រូវតែដោះស្រាយបញ្ហានោះ»។
លើផ្លូវផ្សេងព្រេងក្នុង premier League នេះ United បានរងបរាជ័យ ម្ដងនិងឈ្នះម្ដង លើក្រុមខ្លាំង Man City និង Arsenal ។ ការទទួលជ័យជម្នះលើក្រុម Liverpool នៅថ្ងៃអាទិត្យនឹងធ្វើឱ្យបិសាចក្រហមស្ថិតក្នុងទីតាំងដើម្បីទាញយកអត្ថប្រយោជន៍និងគម្លាតពិន្ទុរបស់ក្រុម Arsenal ឬ City ។ប៉ុន្តែបើ Man Utd បរាជ័យ នឹងជំរុញឱ្យក្រុមរបស់លោក Jurgen Klopp មានឱកាសក្នុងការប្រកួតជម្រុះសម្រាប់ក្របខ័ណ្ឌ Champions League ។
ប្រភព៖ ESPN
(Khmer) Mason Greenwood ធ្លាប់បានចោទប្រកាន់ពីបទរំលោភសេពសន្ថវៈ និងប្រើអំពើហិង្សារលើដៃគូស្នេហាតប៉ុន្តែ ពេលនេះរឿងក្ដីនេះត្រូវបានទម្លាក់ជាផ្លូវការកាលពីខែមុន។ ទោះជាយ៉ាងណាក៏ដោយចាប់តាំងពីកីឡាករវ័យ 21 ឆ្នាំមិនត្រូវបានប្រកាសថាគ្មានកំហុស Manchester United មានបញ្ហាដ៏ធំមួយ។
ការស៊ើបអង្កេតផ្ទៃក្នុងកំពុងបន្ត ហើយបិសាចក្រហមអាចណែនាំខ្សែប្រយុទ្ធឱ្យត្រលប់ទៅក្រុមវិញ ដែលជាផ្នែកនៃ ‘ការត្រលប់ទៅបាល់ទាត់ជាដំណាក់កាលៗ’ ។ ទោះជាយ៉ាងណាក៏ដោយ ក្លឹបមិនទាន់មានការសម្រេចចិត្តណាមួយនៅឡើយទេ ហើយ ‘ការចែកផ្លូវគ្នា’ ក៏អាចធ្វើទៅបានដែរ។
ប្រសិនបើ Greenwood ស្នាក់នៅ បិសាចក្រហមទំនងជាពិចារណាភាពពេញចិត្តពី «អារម្មណ៍របស់ក្រុមអ្នកគាំទ្រ អ្នកឧបត្ថម្ភ និងក្រុមឈុតនារី’ ។ គាត់នឹងត្រូវបានលើកទឹកចិត្តឱ្យ ‘ទទួលទម្រង់នៃការប្រឹក្សា ឬការព្យាបាល មុនពេលការស្តារនីតិសម្បទាកាន់តែទូលំទូលាយ»។
ចេញមុខសំភាសន៍តាមទូរទស្សន៍ក៏ត្រូវបានគេគិតថា ជាអ្វីមួយដែលអាចផ្តល់ឱ្យយុវជនឆ្ពោះទៅមុខ នូវឱកាសមួយដើម្បីប្រាប់ពីព្រឹត្តិការណ៍របស់គាត់ដែលបានចាប់ផ្តើមនៅក្នុងខែមករាឆ្នាំមុន។ ក្នុងករណីណាក៏ដោយ ដំណើរការនឹងទៅជា “បណ្តើរៗ” ហើយអាចចំណាយពេលយូរ។
ប្រសិនបើ Man United សម្រេចចិត្តនាំយក Greenwood មកវិញនោះ ពួកគេអាចដាក់បញ្ចូលគាត់ជា “យុវជនដែលបានធ្វើខុស ហើយមានវិប្បដិសារីចំពោះទង្វើរបស់គាត់” ខណៈពេលដែលអ្វីទាំងនេះជាវិធីតែមួយគត់អាចជួយស្តារឡើងវិញនូវកីឡាករដែលបាននៅក្លឹបតាំងពីអាយុ 6 ឆ្នាំ។
ប្រភព៖ The Athletic
